عقاب الربع



العيـد لـو ماهـو عـلـى الطـيـب جـايـر


مــاكـــان بــكّـــى فـالـلـيــال الـمـنـاعـيــر


قالوا ش صاير قلت وش ماهوصاير


عسـاه خيـر وقلـت لا ماهـو ب خـيـر


طـــلال مـــات وكــــان مــوتــه مـغـايــر


مـوتــه كـمــا مــــوت الجدودالـمـغـاويـر


اقـــســـم قـــســـم بالله والـــــــدم فـــايــــر


يبـكـي علـيـه الهـيـل والـجـود والطـيـر


ويـتـيـم مـيّــت جـــوع ضـايــع وحــايــر


والشـعـر والجنسـيـن رجـــال وغـنـاديـر


الــلــي يـقّـظــن بـالــعــروس الـظـفـايــر


كاحن على الشعـر المخضّـب زوابيـر


والمرجـلـه والطـيـب وبـيــض الـسـرايـر


والــطــايــلــه والارمــــلــــه والــبــواكــيـــر


انـتــه فـقـيــدة مـجـتـمـع كــــان طــايــر


فرحه ب عيد وصار صبحه اعاصير


مـو بـس شـمـر تبـكـي بـصـوت ثـايـر


قـبــايــلٍ تـبـكــيــك يـــابـــوَ الـمـعـاسـيــر


يـلـعـن ابـــو جـــد الـقَـنَــص والـجـزايــر


علـى ابــو جــد الـهَـدَد واشـقـر الطـيـر


ياعيـد ماانـت ب عيـد مـابـك بشـايـر


انتـه وعـيـد وشـيـن ومهـيـن وصْغْـيـر


مـوتـك خـسـاره مـوتـك اكـبـر خـسـايـر


ولـولا السخـط ل اقـول والله مايصيـر


واقـــول مـوتــك مــــن كــبــار الـكـبـايـر


لـكــن مـاهــي بـالـيـد لــفــو الـمـقـاديـر


بـجنـان عـدن تشـوف فيـهـا البشـايـر


تـلـقـى اثـــر يـديـنـك الـبـيــض يـامـيــر

فيصل اللويش



مـــاكـــل مــــــن روّح يــســمــى فــقــيــده

أم نـــــواف


ابـــو نــــواف راح ووش بـقـالــي


مـن رمـوز الشجاعـة والرجـولـه


ابــــو نـــــواف تــفـــداه الـعـيـالــي


لو بكيفي مـاداج المـوت حولـه


ابـــــو نـــــواف يـانــجــم يـــلالـــي


يـــارمـــز لـلـبـسـالــه والـبــطــولــه


ابـــــو نـــــواف يــارمـــزٍ غــدالـــي


وغدالي هـرج كنـت انـوي اقولـه


لاقــــال بـقـولـتـه درب الـعــدالــي


كـريــم مـفــرّغ لـضـيـفـه عــدولــه


وسيـع الصـدر نفسـه بالعـلالـي


تعشـق الطـيـب وللعلـيـا تخـولـه


ابــــو نــــواف حــــلاّل الـحـبـالــي


مشـاكـل ماتـجـي غـيـر بحلـولـه


يـفـزّ بـسـاع لاشـــاف الخـمـالـي


يسـامـح مخـمـل مثَـقِّـل حـمـولـه


ابــــو نــــواف اشـبـاهــه قــلالـــي


عـديـم الـنـدّ شــدّ الـمـوت زولـــه


فواصل نجم فوق الـراس عالـي


بـنـاهــا وبـايـنــات بــــه عـمـولــه


صـبـرلـلـصــبــر دروب طــــوالــــي


قليـلٍ مــن صـبـر صـبـره بطـولـه


بـيــاض نفـتـتـح بــــه كـالـزلالــي


مـقــال الفـاصـلـه يـزهــى بـقـولـه


كـم حقـوقٍ كتـب لأجلـه مقـالـي


ومـــقـــالاتٍ كـتـبــهــا مـانــقــولــه


جِــري بالـحـق حـــلاّل المـحـالـي


حــلاحــيــلٍ يــحــلّـــه مـانــحــولــه


ياليتـي مـتّ قبـل اسمـع مقالـي


مـقــالٍ قِــيــل جـرّحـنــي بـمـقـولـه


جـرالــي شـــي مـاعـمــره جــرالــي


لــــو الـرجـلـيــن دلّــنـــه جــرولـــه


وطـرالــي شـــي لـيـتـه مـاطـرالـي


طـرالــي شـيــخٍ اجـــداده طـرولــه


عـســى دار الـجـزايــر لـلـخَـلاَلـي


وعـسـى الجلـفـه لـدمـار يـطـولـه


عسى مابأرض جلفتهم عدالـي


وعسـى مــن راح يـمّـه ماينـولـه


عـسـى مــن يـاردونــه للخـبـالـي


وعسـى تعـدم إذا السبّـه خبولـه


عـسـى طـيـنٍ شـــرب دمٍ لـغـالـي


يتصـلّـب لـيـن مانـاسـي لجـولـه


وعسى نفسٍ رمت زين الفعالي


لسهام الغدر تنشبّ به وتغولـه


ابـــو نـــواف مـايـعـوّض بـمـالـي


ولافـات الفـوت ماتفيـد المقـولـه


الا يالله يـامــحــصــي الـلــيــالــي


يامحصـي النجـم ثبـاتـه وافـولـه


تــبـــرِّد قــبـــر وهّـــــاب الـجــزالــي


وتـثـيـبـه قــــد وقـفـاتــه وفـعـولــه


عـيـونٍ ترتـجـي شـبـل الـرجـالـي


وِلِــــده نــــواف غــــذّاه الـرجــولــه


أيــا نــواف خَـلــف مـــن غـدالــي


طـلالـك راح إغــد لـمـن غـدولــه


أصـيـح أنـخـاك نــواف الطـلالـي


أبــــوك الــيــوم مــمــدودٍ بـطـولــه


خِـذ الرايـه علـيـك الحـمـل تـالـي


عـلـيــك الـعـيـنـإزم لــمــا زمــولــه


بـكــوه عـيــال عــمّــه والـخـوالــي


صفقـو الكفّيـن شبـاب وكهـولـه


صفقت الكـف يـوم العلـم جالـي


وقـفـت بتوهـتـي كـنّــي مهـبـولـه


أعـــزّي شـمّــر شـيــوخ ومـعـالـي


شبـاب وشيـب نـسـوان وبعـولـه


أعــــــزّي كــــــل ورعٍ بـالــزمــالــي


وبنـات الغـيـد واربــاب الطفـولـه


أعــزّي كــل مــن شـــبّ الـدلالــي


طـنـايــا وكــــل ركّــابـــة خـيــولــه


أعــــزّي كـــــل حـيّـيـنــه وحــالـــي


تـــعــــزّي مـيِّـتـيــنــه والــحَــمــولــه


جبـال تصيـح وصياحـه خيـالـي


وقصـر بـرزان يبكـي مـن بكولـه

طلال العبدالله الرشيد ( العطيـب )


يعـنـي مـــا كـفــوك مـلـيـون شـهـيـد


تأخـذيـن أغــلا الحبـايـب يالـجـزايـر


مـــا لقـيـتـي غـيــر أطـيــب الـرشـيـد


لو ماأخاف الله لاقول الحكم جاير


الله الــلـــي كــاتـــب وحــنـــا عــبــيــد


ذا قـضــا رب الـمـسـاجـد والـمـنـايـر


الـزمـن لــو طــال مثـلـه مـــا يـجـيـد


فـقـد أبــو نــواف هــي أم الخسـايـر


مدرسـتـنـا فـــي الـمـراجـل والقـصـيـد


طـيــب الـمـوقـف إلـــى دارت دوايـــر


لابــكـــا يـنــفــع ولا شــكـــوى تـفــيــد


مـــا بـيـدنـا شـــي لـــو الــــدم فــايــر


مــا بيـدنـا غـيـر نصـفـق إيـــد بـيــد


ومــن تكـلـم عـنـه تخنقـنـا العـبـايـر


مـا بـقـى فيـنـا عـلـى الـشـدة شـديـد


اللهب بين الضلوع وفي الضمايـر


كـيــف نـفــرح عـقـبـه بــعــام جــديــد


لا هــلا ولا مـسـهـلا بـواحــد يـنـايـر


يالله إنــك تحـسـبـه عـنــدك شـهـيـد


مــن تـوفـى غــدر فــي بــر الجـزايـر






رحمك الله يا ابو نواف واسكنك فسيح جناته
وجزاء الله الشعراء خير الجزاء .