|
اول مره ادخل هالموضوع ولازم ارد عليه
مافهمت الموضوع زين لكن بسوي اللي فهمت بشرح اخر ابيات اختي على النيه ( ابيات كتبها الشاعر من ضيق في الصدر حاول اللجو للشعر للتعبير عن مادار في نفسه وعن جرحه القاسي في حياته) اتمنى اني وفقت بالشرح |
يالله بكتب ابيات وبشوف من يشرحها
طبعا الابيات من كلماتي تكثر سكاكين الجمل كان هو طاح ************وتصبح حياته والممات متساوي يالله دخيلك بارق الحزن لي لاح ************والضيق له ذيب ٍ له ايام عاوي به تصبح عيوني مع الصبح لاباح ************وعليه تمسي لاقبل الليل طاوي حاولت اسلي خاطري ظحك ومزاح ************واساير ايامي بكثر الهقاوي مير البلا حرب ٍ بلا درع وسلاح ************ماتنفعك كثر الحيل والعزاوي لاصبحت واحد قدمك الفين ذباح ************قلي وش انت بوسط الالفين ناوي اما يقولو ميت ٍ بالقبر راح *************وإلا جبان وهذي اقسا البلاوي |
اقتباس:
حياك الله \ شاعرنآ محمد الفريدي . تعـطـر المكان بهذهـ الإطـلالة العـذبة الراقيه شكرا على وجودك العذب .. وصحيح الفكره كما فهمت.. الآول يطرح الآبيات والثاني يشرح بمفهومه . وهكذا. وشرح موفق .. يعطيك الف عافيه امتناني لك ,, |
اقتباس:
الابيات هنا لها اكثر من معنى .. فقد يقصد الشاعر ويصف حال بعض الناس ومواقفهم من الاخرين .. وهو شخص له مكانته وهيبته وقدره بين الناس تجد ان الجميع حوله وقريبين منه ويتوددون اليه وقد تصل الى مجاملته لمصلحه لديهم لدى هذا الانسان .. وبمجرد ان يسقط هذا الانسان او يضعف لأي سبب كان .. يجد من كان معه بالامس ويسانده وينصره اول من يطعن فيه ويكيل له ..فهذه حقيقة بعض البشر .. وقد يقصد الشاعر هنا : ان هناك شخص له مكانه ومنزله في نفسه و لابد من الوصول اليه .. وهو يعلم بقرارة نفسه انه لن يصل اليه لوجود مايمنعه ويعيقه عن ذلك ويقف في طريق تحقيق مايريد .. لكن يصر على الوصول اليه ويستخدم كل السبل والطرق لايذخر شيئا .. لانه يفضل ان يكون شجاعا ويذكر بذلك على ان يموت جبانا .يفضل المواجهه بكل شجاعه ولو خسر وادى الى موته فذلك مايفضله ولا يوصف بالجبان وهذه اقسى وامر .. وقد تنطبق على قصص الحب .. اتمنى اني وفقت بالشرح .. وصح لسانك شاعرنا ع الابيات الراقيه .. وسلمت .. |
اطرح هذه الابيات وهي من شعري ياذا الفرح غايب لك ايـام وشهـور متـى علينـا تلتـفـت وانتسـامـح تعبت انا ازرع بالصحاري وهي بور مابـه أمـل عنـدي ولابـه ملامـح هي لعبة الأيام يكثـر بهـا الجـور اتحدنـي اقسـى ولافـيـه اسـامـح شوف الأماني واضحه داخل السـور والعمر يجري واكثر احيـان جامـح |
مشكورة ياختي وشرح ابهرني صراحه شرح جميل حيل ووظح المقصود بالقصيدة
وصح بدنك وصح لسانك على ابياتك الجميله ياذا الفرح غايب لك ايـام وشهـور متـى علينـا تلتـفـت وانتسـامـح تعبت انا ازرع بالصحاري وهي بور مابـه أمـل عنـدي ولابـه ملامـح هي لعبة الأيام يكثـر بهـا الجـور اتحدنـي اقسـى ولافـيـه اسـامـح شوف الأماني واضحه داخل السـور والعمر يجري واكثر احيـان جامـح وهذا شرحي البسيط ( ابيات عبر عنها الشاعر لحزن في صدره وانتظار للفرح البعيد ,يحكي معاناته مع الفرح كيف كان يزرع للناس الفرح ولم يحصل من يزرع له لو قليلا من هذا الفرح ويوعز ذلك للقدر والايام , ويوصف مافي داخله من اماني تنتظر الامل البعيد لكن العمر يمضي بسرعه وهذا الفرح لم ياتي ) اتمنى اني وفقت بفلسفتي بالشرح ههههههه |
صح بدنك
وشرح رائع وموفق .. سلمت.. ويعطيك الف عافيه يارب .. |
مايرد النفس عن درب السخط غير{القناعة}
و الرضا حِكمة{تشدّ العزم} بالحزن الثقيل مالنا لاثار مـوج الهـم وإشتـد إندفاعـه.! غير دعوة رب هذا الموج والخافق ذليـل.! |
بيتين رائعين
وليس لها شرح سوا انها حكمة كتبها الشاعر |
هذي من ابيات وانتظر شرحها
الحزن له سكرة ٍ والضيق له سكره ********* عايش وكني من الضيقات سكراني صحيح ماني بلا مجبر ولا مكره ********* لكن وقتي حداني صوب الاحزاني والدمع بالعين زال اليوم من وكره ********* يادمع تكفى كفاني منك ماجاني والراس من ضيقتي يخون به فكره ********* ماعاد اميز مابين فلان وفلاني لكنّ كلش على الله والوعد بكره ********* ننسى مع الوقت ضيقاتي وتنساني مادام بالقلب غالي معلنن حكره ********* يفداه قلبي وقلبي جاه مجاني الغالي اللي نعيش الوقت مع ذكره ********* اللي مع الحب عنيته وعناني حظ ٍ جلبه لخفوقي عاجز لشكره ********* مشكور ياحظ جبت الورد من داني |
وصف من الشاعر لحالته وبدءها بذكر وتوضيح ان للحزن سكره والضيق كذلك له سكره لكن يختلف كلاهما عن الاخر ..ويصف شدة حالته من الضيق بوصف دقيق .. رغم انه غير مجبر على ذلك لكن الزمن او الوقت من جعله يفضل العيش مع احزانه التي كانت سبب سعادته ..لكن امله بالله كبير وينظر بروح التفاؤل للغد والمستقبل ومع مرور الوقت سيكون الوعد بالنسيان دام ان هناك من سكن واستحكم قلبه ويعيش ع ذكراه وهو سبب سعادته .. ويختمها بشكر الحظ الذي جلبه له وعجزه عن شكره.. صح لسانك شاعرنا \ محمد الفريدي ع الابيات الرائعه ودمت بفرح .. اتمنى ان وفقت بالشرح ولو بشيء بسيط .. |
رميتك ياحطب ذكراي في برد المسافـة نـار وشفتك ياحطب تخلص وأنـا بـأول مسافاتـي رمادك في يدي شلته سؤال وشوكة استفسـار يجدد بـي حريقـة وأشتعـل تولـد بداياتـي وكملت الطريق بحلـم باكـر تنبـت الأشجـار على أرض تسميهـا احتضاراتـي حضاراتـي وباكر أضرب برجلي الصحاري تنفجـر أنهـار وأشق البحـر بعصـا مـن غصـن آهاتـي أقول مسامحك ياللي رفض يدخل معي في الغار وأقول مسامحـك ياعنكبـوت عـد خطواتـي |
شكرا لك على الشرح الجميل اختي
وشرح ابياتك ( الشاعر يطمح لنسيان الماضي وتجرد ذاكرته منه ويلوم الذاكره على الوفا لهذا الماضي الذي يريد ان ينساه بلا ذكرى ويتامل للمستقبل الجميل ويعد نفسه بكل جميل ويطلق العنان لمن كان معه فالماضي ان يذهب فهو مسموح لانه لايريد ان يعود للماضي) اتمنى اني وفقت بالشرح |
هذه من ابياتي
الحر لامن راد بالحب محبوب = مايسكن ضلوعه سوا بنت حره ولا كل من يعرض على القلب مرغوب = بعض الوجيه تعاف خيره وشره والدرب لامن ضاق به غيره دروب = ولا ننجبر بالمشي في خلف جره |
يعطيك الف عافيه ع الشرح الجميل للابيات وصح لسانك اخوي ع الابيات الرائعه .. شرح الابيات الشاعر يخبر هنا ان الرجل الحر لايقع بحب الا بحب البنت الحره الأصيله المكتمله خلقا ودينا ..فبعض البشر لا ترغبها او تقبلها النفس والقلب وتذكرت هنا قول الشاعره \ اللي يبينا عيت النفس تبيه - واللي نبيه عيا البخت لاا يجيبه .. وان ضاق به طريق او سبيل فهناك طرق وسبل واتجاهات غيره يلجأ اليها ولن يصيبه اليأس وفقدان الامل .. |
| الساعة الآن 01:36 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010