|
مع إني المفروض أكون [ محآيده ] ..!! لكن ضروري أتخذ جآنب في هـ النقآش ..!! أنا [ مع ] شآدن و إيثآر و مجموعه من البنآت .. المآل مو كل شيء !!!! الزوآج مو تبآدل مصآلح و [ صفقة تجآرية ] .. هو صفقة إلتقآء أروآح و [ تفآهمـِ و عشرة ] ..!!! الزوآج علآقة دآخلية أكثر منها مآدية أو مصآلح !! و إذا بـ تزوج أبي أتزوج رجـــل مو منظر لـ الكشخه و الترزز !!!!!!!! و الرجآل ما تعيبها جيوبها أبدا ً ..! إذا كآن رآتبه [ 1500 ] و انا عآرفه قبل الزوآج .. ليش ما أوآفق ما عندي أي مآنع .. و { إذا أتآكمـِ من ترضون دينه و خلقه فـ زوجوه } !!! أنا معآكمـِ عقليا ً و منطقيا ً 1500 [ ما تحكـْ فيها سنكـْ ] .. زي ما نقول بـ العآمي .. لكن ليش أضيع مصروف وأستأجر بـ شقه ؟؟ فيه [ بيت أبوه ] أو [ بيت أبوي ] يلمنا لـ حد ما نوقف على رجلينا .. و الحيآة الزوجية كل ما كآن فيها مغآمره و تضحيه و كفآح .. كل ما قويت [ العلآقة بين الزوجين ] أكثر و أكثر .. كل ما تفآهموا و عرفوا أفكآر بعض .. كل ما سآعدتهمـِ يبنون أسر ..! أنا ما أتكلمـِ من خيآل أو جآنب عآطفي .. أنا أتكلمـِ من وجهة نظري .. و من [ منطق ] معتقده فيه و مصدقه به !!!! و فيه بنآت كثييييير مثلي أنا و شآدن و إيثآر و غيرنا .. الزوآج تفآهمـِ و سعآده و قنآعة أكثر منه مظآهر و فشخره .. و 1500 تسد ضروريآتنا و أظن تكفي !! لي عوده .. فـ النقآش [ يحتسب بـ النقآط ] :):) و شكر مبجل لـ روحكـْ يا [ هيآمـِ ] :) |
بأآأأآأك
:) ابعلق على بعض نقاط اختي روووح اسمحيلي حنا نبي نشوف الموضوع من جميع الجوانب ... لنفرض اني عشت مع هذا الرجل ببيت اهله وانا قبلت فيه من البدايه براتبه القليل با الحياة يصادفنا الوان واصناف من الناس خصوصا اهل الزوج انا اعرف وحده رضت بواحد فقير وعشات معه ببيت اهله تقديرا لظروفه لكنها شافت الويل من اهله بها الحاله هل من الممكن انه يستاجر لها شقه وظروفه الماديه صعبه او انها تقبل ان تعيش معهم وهي تبتسم وتغني يا ليل يا عين ... اما البنت هذي الحين هي بدرب وهو بدرب وبينهم ولدين من اللي تضرر الحين >>>> الاطفال مو بس نفكر با الجانب المادي لاننسى ان المراءه من حقها ان يكون لها مملكة خاصه مهما كان !! ... فعلا ماقلنا شي نرضى بدينه وخلقة نزوجه لكن لايعني انه مافيه مهر !!! هل هذي نظره ماديه اذا الشرع فرض على الرجل دفع المهر لما يريد الزواج لكي تحدد اذا كان فعلا قد المسئوليه او لا !!! وليس المنظزر منظور مادي |
لا مااتزوج منه
معليش مااقدر أعيش بمستوى معيشه اقل من مستوى معيشتي مع اهلي 1500 ايش تجيب؟؟؟ ماتجيب فستان الحين هذي الدنيا ( المال والبنون زينة الحياه الدنيا ) |
عودة اخيره والله اكثر المصاريف ماله داااعي ابد بل إسراف لا الملبس ولا المسكن ولا وسائل الاتصال0الله يرحم الحال0
لاكن انتم يالنساء صارت الامور بيديكن 0هات العصاء ياولد الي بعدي بمحطه مع الكتف هع امزح ومشكورة اختي على الطرح الجميل |
صحيح ما تقآرن أبدا ً .. لكن إنتي بـ تتزوجين رجل مو بنكـْ متنقل .. هذي فكرتي بس .. صحيح الفلوس [ مهمه ] .. و [ ضرورة ] قبل تكون زينه !! لكن مو لـ هالدرجة .. [ 1500 ] توفر الأسآسيات ما دمنا نستغني عن الكمآليات .. صحيح أنا ما أقول رآح تكون [ حيآتنا مثآلية ] .. لـ أني رآح أكذب على نفسي و عليكمـِ .. أكيد رآح تكون فيها مشآكل و منآوشات و شد و جذب .. لكن رآح تكون قلوبنا على بعض أكثر من غيرنا .. لـ أننا متزوجين عن [ قنآعه بـ الشخص ] .. مو بـ رصيده بـ البنكـْ .. أدري بـ تقولون ما تهمنا و ما هو سبب زوآجنا أبدا ً !! لكن هو بـ يفكر كذا .. أو أي شخص بـ يفكر إنكـْ متزوجته عشآن هـ الكمـِ ألف بـ البنكـْ .. [ أنا ] مو هذي نظرتي أبدا ً .. [ الزوآج حرية شخصية و قنآعه ] .. و أنا ما أفرض وجهة نظري .. أنا أوضح فقط ليش أنا أفكر بـ هـ الطريقة .. أنا [ ما أتهمـِ أحد ] بـ المآدية و لا السطحية .. هذي وقآحه و ما أسمح لـ نفسي فيها أبدا ً يا [ غآليات ] .. و كل وآحد يقرر إيش اللي ينآسبه .. لكن أنا أشوف الـ 1500 .. ما تأثر ذآكـْ التأثير الجذري على علآقتي مع زوجي .. أو حتى سبب إني [ أرفض ] أرتبط فيه أسآسا ً .. أتمنى وضحت فكرتي .. و انا [ ما أهآجمـِ أو أدآفع ] عن أي جآنب .. انا فقط اوضح جوآنب اللبس و وجهآت النظر .. و أعتذر إن لمـِ أكن قد وفقت في إيصآل الفكرة :) |
لحظه والله لو استطيع لا اقول لكل وحده منكن يامن لا ترضين بالقليل الحقي باهلك كما قال ابراهيم عليه السلام لزوجة ابنه اسما عيل والقصه معروفه
والتي لا ترضى بالقليل لا يمكن ترضى بالملايين اقول الي عنده جده اسالها كيف عاشو وتشوف العجب لمن جاهم الجوع لم يهربن من بيوتهن بالكانوا نساء صالحات راضين بما قسم الله وعاشوا اقول تذكرو بيت النبوه وما ذا قالت ام المومنين عندما سالها ابن اختها ثلثة شهور لم توقد النار في بيت الرسول عليه السلام فقال وما ذا تاكلون يا اماه فقالت الاسودان التمر والماء اقول كيف الحال انا مويد للي تتزوج بمن تحب لان الحب الصح هو الي يبني السعاده والتفاهم |
الواحد اذا ماعنده دخل زين وقدرة على انه يستقر ويريح عياله بالمستقبل
ليش ينضرب على دماغه ويتزوج ؟؟؟ |
النقاش محتد مع اختلاف وجهات النظر لكن احنا نتكلم من باب الحياة اللي نعيشها بهالوقت مو من ناحية الرضى والسعادة صحيح راح اعيش مرتاحة مع زوج انا مقتنعه فيه لكن الاقتناع مايفيد بوقت زي وقتنا بيقولوا البنات حسن التصرف والتدبير طيب انا الان ومن حياتي الواقعية وحسن تدبيري وصرفي مو قادرة بعض الاحيان آمشي اموري فكيف بحياتي الزوجية وعندي اطفالي الواحد يفكر بعقل ولو الكلام صحيح كان الان مانشوف شباب ماتزوجوا بسبب قلة الرواتب والماديات مشاء الله البنات هالوقت طلباتهم تعجيزية واكيد منهم اخوانكم او بعض شباب المنتدى .. الحياة الزوجية ماهي عشرة يوم ويومين والرجال او البنت ماتزوجوا علشان كل واحد يعيش لحاله ومتفرقين هو ببيت اهله وانا ببيت اهلي على كذا خلاص ماراح نلقى شباب ماتزوجوا ولابنات عوانس انا مو مادية ولا تهمني المظاهر ولا لازم البس ماركة او جوالي كذا لكن لازم افكر بجدية وعقل بعيد عن العاطفة والمظاهر علشان اعيش حياتي كل وحدة فيكم اللحين ترجع وتشوف اخوها او حتى ابوها بتلقى احيانا انهم بنص الشهر مامعهم شيء وينتظروا الراتب الجاي او اخوها يتسلف او يدخل جمعيات كلمة اخيرة للي تقول انها ترضى بهالشيء ولفتى الاسلام الحياة الزوجية ماهي حقل تجارب ايوه اقدر اعيش معه براتبه القليل او ما اقدر ولا احنا بزمن الرسول والصحابة وانت فتى الاسلام تقدر تقول انك تستطيع تحمل تكاليف الزواج هالايام او بدون قرض او مساعدة اكيد لا اذن لازم تفكروا بعقل وجدية وتعرفوا انه فيه عشرة واطفال بالمستقبل ومجتمعنا مليان قصص زوج مو قادر يوفر لبيته اللقمة والبعض نلقى لهم اعلان طلب مساعدة وماعندهم حتى بيت عايشين بغرفة يادوب تكفيهم .. |
حياك الله اختي زهره طيب واللي عايشين بهذا الزمن بمقدار هذا الراتب وعايشين حياه سعيده الى ابعد حد وربي طارح البركه بحياتهم؟؟ وانا اعرفهم شخصيا وبنفس الوقت اللي عايشين بمرتبات عاااليه وبنهاية الشهر ما يلحقون على شي ؟؟ اشوف ان الفرق بين هالحالتين هو حسن التصرف والتدبير وبنفس الوقت اعقب على كلام اختي استاذن سكونك ان اللي ترضى بهذا الزوج مو معناته انها تعيش مع اهلها حياه اقل من العيشه معاه بالعكس يا قمر؟ والله اني اعرف بنات حياتهم المادية في بيوت اهاليهم فوق المتوسط و متزوجين رجال ما عندهم دخل شهري غير ليموزين يكد عليه وسبحان الله السعاده والراحه ما تفارقهم الله لا يضرهم والبساطه في بيوتهم الى ابعد حد وما يعرفون للهم والكدر طريق وتبقى وجهات نظر لكل شخص |
والله النقاش جميل وشدني عشان ارد
بغض النظر عن كل مانوقش .. وجهة نظري انا اقبل ونص.. لاني ماراح اطالع لجيب الرجل راح اطالع لشخصه اذا هو رجل وكفء ولكن الظروف حدته يعني مجبور.. ياخوان بعض الرجال يجيك راتبه 8000 ولكن يكون بخيل ولانص راتبه مثلا من ربا بالله عليكم مافيه حتى مقارنه بعض الشباب الله يهديم ياخذون قروض ربويه وهذا الحاصل اغلبهم كذا ؟؟ والله لوعلي اقبل اهم شي حلال حتى المهر لوعشر الاف مو ياخذ قرض ربوي ونتنكد والبنت ماتقاس بفلوس ابدا انا اقول اقبل لكن بعد ماعرف واتاكد من اللي بيتقدم لي وهل يستاهل اضحي عشانه لاني بالنهايه اكسب رجل يرفع قدري والرزق على منشي السحاب على ربي الرزق ..والفلوس ماتبقا ودوام الحال من المحال.. يعني خلو الرزق على الرازق وتوكلو على الله الواحد المفروض مايشيل هم وش ياكل بكره يشيل هم هو صرف فلوسه وين .. |
اقتباس:
اقتباس:
بعلق واتمنى تتقبلها بروح رياضيه انت تقول اللي ماترضى بالقليل لا يمكن ترضى بالملايين ارضى اذا كل احتياجاتي متوفره ارضى لو ماينقصني شي هذا لو يقدر يوفر لي كل شي بالف والخمسميه ولا تقارن بين زمان وبين الحين زمان الريال يجيب لك شي زمان مافيه غلاء مافيه زي الحين وبعدين الحب مايأكلك عيش ***** ممكنتقولي عني ماديه لكن هذا الواقع خليكم وااااااقعين شوي 1500 ماتجيب اغراض الثلاجه كيف بيسدد فواتير كهربا وتلفون ومويه كيف بيصلح سيارته لو خربت ؟ لو تعبت مرته يقدر يسوي لها شي بالف والخمسميه ؟؟ لو بيسافر لو بيقدم هدايا لأمه او ابوه اي احد 1500ماتفتح بييييييييييييييييييييييييت |
استاذن اهلين اختي لا عادي لك الحق تقولي الي يدور في خاطرك عادي بس اقول صح المال والبنون زينة الحياة الدنيا والباقيات الصالحات المال لا نختلف على انه ضروري بس فكري اختي ان المال ما عمره يكون السبب الرئيسي في بناء الحب والتفاهم والعيش براحه نفسيه
موضوعنا هل تقبلين برجل دخله 1500 هذا الرجل مستقيم على الدين خلوق حنون فيه جميع صفات الرجوله بس دخله 1500 واخر مليون دير سكير مجرم لادين لا خلق من ترضين منهما اجيبيني مع اني عارف مسبقا اجابتك هنا الاختيار ليش اخترتي ابو 1500 الان رضيتي هذا الي نسال عنه ليش ولماذا يعني قبلتي صح ابو 1500 شاكر لك وارجو ان تقبلي بروح رياضيه |
اقتباس:
اقتباس:
أخوي انا معك آنوا راح آختار ابو 1500 لكن احنا الواحد لازم يفكر احنا مانتكلم عن الحب ولا السعادة اللي راح اعيشها معها وفيه مثل يقول ( لادخل الفقر من الباب هرب الحب من الشباك) وكلامي عن تجربة تقدر تقول لي انت وكل اللي رضوا وقالوا نرضى فيه 1500 ريال ايش تسوي في زمنا هذا اذا الوحدة فيكن يوم تنزل للسوق تبي لها المبلغ الفلاني وكل وحدة عندها جهاز كمبيوتر وجوال وهي في بيت ابوها كيف في بيت زوجها الحياة في بيت ابوك غير في بيت زوجك 1500 ماراح تعبي لك ثلاجة ولا توفر لك ابسط احتياجات البيت حتى القطاع الصحي صار يوم عن يوم يتحول للعلاج بفلوس ولو لقيت الحكومي بتلقى الادوية مو كلها متوفرة لابد ماتشتري غير السيارة واجار الشقة ياناس فكروا بعقل الحياة مو لعبة وربي ولا وحدة راح تقدر تعيش حتى وان رضت بالاول وعاشت مع زوجها بالراتب راح يجيهم اطفال وتزيد احتياجاتهم وقتها بتفكر الف مرة لكن بعد فوات الاوان .. ولو كلامكم صحيح ارجع واقول ليش العانسات كثير في مجتمعنا ليش الشباب او اغلبهم يتزوج من الخارج او يظل بدون زواج لين يتعدى ال 40 سنة ؟ |
أخوي انا معك آنوا راح آختار ابو 1500 لكن احنا الواحد لازم يفكر
خلاص هذا الي نبي هل تقبلي ام لا اشكرك |
اقتباس:
اقتباس:
هذا اللي تبيه لو كان الموضوع هل اختار ابو 1500 او صاحب الملايين السكران لكن موضوعنا هل اتزوج من راتبه 1500 ام لا مهما تناقشنا الكل سيقول ارضى لكني ارد واقول مصير الزمن يذكرك بكلامي ولو ربي جمعنا بنشوف صدقوني الدنيا والزواج مو لعبة .. فتى الاسلام اتحداك اخوي انك لو راتبك 1500 ريال تلقى وحدة ترضى او مابقوا شبابنا بدون زواج واشتكوا من المهور |
| الساعة الآن 01:20 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010