صح لسانك
واعجبنى مطلع الموال وربي
طيب طيب
استلمى



بعض الحكى لو حكيته ماله الداعي
كثر الرسايل تراها تتعب الساعي
والكوع ماحبه اللى يلوى اذراعي





هذى الحقيقه حقوق الطبع محفوظه



عرفت اللى تقولينه وكلن شاف مزيونه
يصفق له على زينه وشعره عقب تاتى به

بقول اللى سكن قلبى وبسبابك بيقرونه
اعاف اللى ذكرتيها ولو كلن مدح طيبه

اســــــــتلم




ياهيه لا تحسبن ان الناس نيام
الناس تراقب على الشاشات هيام
وترى الرسايل تحطم كل الارقام
تبي الحقيقه حقوق الطبع محفوظه


مدام انك عرفته ليه ماتسحبه بقرونه
وتحارب دون ما يطلع تحفظ القدر والهيبه


وانا ما همني لو قالت العربان مجنونه
ولا يغريني من صفق ولا يهمن تراحيبه

ماكل من فتح اعيونه ترى صاحي
ولاينفع الصوت للى بالخلا صاحي
وفى هالزمن من حكي بالصدق مو صاحي

هذى الحقيقه حقوق الطبع محفوظه




وانا وش لى من السلطه احاكم وادخل اسجونه
وابرهن واثبت المخطى واحكمه من اساليبه

قصر حكيي مع حكيك وطال الليل من دونه
نشوف ونقصر الحروه وبعض الهرج لى مصيبه

ماهي بها لون والله يابعد حالي
دامه كذا والله ان الناس ماتبالي
لابد نقف سوى فالمنزل العالي

تبي الحقيقه حقوق الطبع محفوظه


انا ما اقول حاكم بس وش ذا الي يسوونه
لابد نحارب المخطي قبل يطلع محاريبه

وبعض الحكي لك فيه اجر لو هم ما يسمعونه
ومثلك ما يهاب الضلع لو انه عوى ذيبه



ملاحظه | تعطلت خاصية الرسائل لدي ؟؟؟.

الصحوه اللى تقولى للعرب اجمع
بالحق دايم نقوله والاذن تسمع
وش فايدة ضيم وحزن وعيننا تدمع

هذى الحقيقه حقوق الطبع محفوظه


استريحى يالقوافى دام كثرت بى غبونه
مايفيد الجرح لادمى كود من عاود طبيبه


ان وقفنا او جلسنا يذبح الليل بسكونه
وابشرى بالسعد وانتى بنت عمى مو غريبه

صح لسانك | عقاب النهار



المشكله في القضيه دوم نطرحها
مافيه حل ٍغير انّا نحللــها
وهي واضحه خوف مانبي نفسرها

تبي الحقيقه حقوق الطبع محفوظه



انت ما شفته على الشاشه يفتشله خبونه
واكثر العربان لا شافه يقول انه نصيبه


ليت كل الناس تفزع لين تعميله عيونه
صف واحد ما يهمن من نواجه في شعيبه

صح لسانك ملايين

المسأله بالهوا والنقل لى امباشر
والهرج بثه مباشر وينه الناشر
مايستوى بالمجالس عاقل وداشر

تبى
الحقيقه
حقوق الطبع محفوظه


كل ثور ٍ لاحرث يبدى حرثه فى قرونه
والجموح اش لى تفيد لو تكاثر لى حليبه


ليتهم اسنان مشط رايهم مايحرفونه
والسؤال اللى على الحق كلن لك يجيبه

صح لسآآآنك ملاااايين | شاعرنا الرآآئع .. عقــــاب النهـــار ..


كــــفــو والله ابداااع لاينتهي ولد العم ...ومدرسه نتعلم منها ...

.. تشرفت بالمحاوره معك واعتز وافتخر بذلك ..

اتقان وجمال وابدااع وتميز ...


دمت للابداع عنــــــــــوان .. ودمت بهذا العطـــــــــاء ..


لك من الشكر جلّه ومن التقدير اعظمه ..


حفظك الرحمن ..

والشكر كل الشكر لكل من كان هنا وتابعنآآآ ..


لكم من التقدير والامتنآآآن اعظمه ...


وبكل الخير دمتم .......

كفوك الطيب وربي يبيض وجهك
وانا من تلاميذك بلا قصور بالبقيه هنا
وتشرفت بالمحاوره معك واتمنى انى خفيف الضل معك بنت العم ولم اثقل عليك
ولنا لقاء باذن الله تعالى قريب
وصح لسانك مدد بلا عدد ورايتك بيضا


احترامى لك وتقديرى ولجميع من ساهم باطلاله هنا وانار المتصفح بتواجده ووضع بصمه هنا