![]() |
ياجماعه لاتواخذوني انا مافهمت
الطريقه للمشاركه انا احط ابيات من عندي على القافيه الي ابيها او اني امشي على قافيه يضعها الي قبلي اذا كان ممكن توضيح ترونا ديزل يبطي وهو ماصخن ههههه الله يوفقكم جميع |
الله يحييك اخوي محمد
الابيات تضعها باخر حرفين من البيت الاخير للي قبلك اي تبدء ابياتك باخر حرفين من اخر بيت للي قبلك ... مثال هذي ابيات لشاعرنا عقاب النهار نيتى بارحل ولا اااااااااخلى ادله 000000 فى مكانى حتى من بعدى تشوفه واكتشفت ادموع عينى يوم اهله 0000000بصمة ٍ تبقى تبى مسحة كفوفه لاحظ اخر حرفين ( الفاء و الهاء ) وهذي ابياتي بدءتها بالحرفين الاخيره لابيات عقاب النهار - الفاء والهاء فهمتني كيف العب الســــــــامـريه وهذا المكان تجمعت فيه الاحباب الله لا يجيب الفراق وطواريــــه عسى الليالي ما تباعد لنا اقراب اتمنى تكون وضحت الصوره لك ... تحيتي |
اقتباس:
لي عوده |
ابيك تناديني وانا اقول لبيك
...لبيك ياااقلبي ااتنادي عليه ولو صب لي الفنجال انا ماتقهويت .....الا معك وعيونك تناضر لياه |
أأأه من ليل التعاسه والتجافى
00000000وانتظار الموت ولحظات التمنى اقسم ان صديت فلا ناظر خلافى 0000000 كانك اللى بالهوى من صد عني سقت لك حبي بكاس ٍ جاك صافى 00000 والتمستك خوف وجاك الخوف مني |
نيتي بيتها بجرم اختطافي
.... خلها تسجني جيوشك بظني كلها كذبة تصافيني وتصفي .... وان صدقت بحبها ما جاوبتني |
نسرى بالظلما وغيرى جا عوافى
000000 مطبق ٍ بالصوت فى ريع المغنى ياعسي مابه صخونه او خلافي 00000000مسابق ٍ للخيل والخيل اهذبنى |
يمه تدرين متى احس بالـمـــوت ___لا شفتلي محتاج ولا اقدر اعطيه كن الاوادم غاديه كنها حـــوت ___تاكل بعضها ولا تشوف الخطيه |
ياهيه روح ياااهيه ليه
...روحي غدت لعبت اخر زمانك وان ما بغيت اترد روحي عليه ...لالا تعذبها .وعطها حنانك |
نكتب حروف الطيب لمصدر الطيب
................... بالمنتدى الّي شامخ ٍ بارتفاعه تقصر حروفي بمدح أهل المواجيب ................... وشموخها من عزكم ياجماعه |
عهد(ن) علي لحفظ العهد ياهيه مــاني من الي يخـــلفــون العهــودي لــو الزمــان يجور احفظ الوصيـه ما غيره احــدٍ ساكن في فؤادي |
ديره سكنها داعج العين ظلما
00000 حراسها يابنت حدب الضلوعى الله واكبر كان صرتى كما الما 000000 تروين بستان ٍ مكانه يروعي |
عيدٍ ما اشوفك فيه ماهو بعيد العيد شوفة سيد الناس يا ناس يالله عسى في دارك اليومه سعيد يالله طلبتك وانته اكرم من الناس |
اساس شخصك كن مانتى من الناس
0000000 واستغفر الله من جنون الشياطين ياجـــــــــوهر الياقوت يالدر والماس 000000000كنك ملاك وكل خلقه من الطين |
كتبت اجمل حروف الشعر على بابك 0
واليوم لجل عينك قمت الحنها 0 ولو العيون لا بكت جابت عيون 0 والله لأبكي لين اشاهد عيونك 0 |
نكسر مجاديف الغلا لحظة الشوق
0000000 ونمسح دموع العين ونقول كذبه واللى ابى من ناعم الخد والذوق 00000000000 يحطنى بالعين ويخاف ربه |
ديمومة ٍ حارت على مكمن فؤادى
0000000 بكتن لحظات وهانتنى سنين ادرى ان النار ترث للسمادي 00000 بس نار القلب جمره من حنين |
السلام عليكم
صباح الخير على الجميع يا حول ياللي مداومين ههههههههههههههه ينتابني احساس واحساسي يصيب الله يخلي اثنينكم يالقواصيد قلوب و خضرا وانا مالي نصيب بس القوانيص تعرف محزم الصيد احذف سوالف هالبشر والمعازيب وخل اللذي بينك وبينه معاويد حكي العرب اول وهالحين ياذيب الحب عمى بس الشوارب مجاويد |
يدى بقصه كان خلى يعافه
00000000 يومي على عهد المحبه بديته ادرى هرجت وكان هرجى لقافه 0000000 برحل وخله صاحبى وسط بيته |
همس القوافي تكتب لك على بيض الورق اليوم موال
وكان لك في بحور الشعر عنوان تدلين اجابتها 0 يافلانه شربت انا الشعر من كف رجال ليا وقف غنت على يدينه همس القوافي بوسط ساحتها 0 |
صح لسانك يا نهار
تهبا يمين تفرقك عن حبيبك بس الستر حب البشر للنقيدة خل السوالف بينكم من نصيبك خوفك من الحساد يقعون بيده لا سولفت خله شوي وتجيبك لجل الحسود يقول ابشر فقيدة ويبعد عن دروبك وينسى معيبك حب المرة بس الشوارب جويده .. |
شل الحل بغيابك حياتس الله
|
صح كلك يا نايف
ولاهنت وربي دهورنى العاذل وحب التحيز --------- والعنصريه فى زمان التطور دامه على غيره بحبه تميز 0000 وشبه على ياخوك طبعه تهور خروج من قلبه مع الختم أفيز 0000 دامه يبي الراحه على ماتصور |
طار النوم يا عقاب ههههههههه
ورد الهوا في مثل عمري تجاوز بس انت وشلون الهوى لاعبن فيك قلي ترا قلبي عليّه تكاوز نصه يقول الا ونصه ينافيك واويل حالي كانني بالمفاوز عقب الخليلة ما ابي هي تكفيك امي تقول صغير وتوك تجاوز استانس بدنياك ونصيبك يجيك .. |
استانس بدنياك ونصيبك يجيك
الله الله وربي عن الف بيت هالبيت اسلم وعسى ماييطير النوم تونااااااا يكفى احبه والبلا والمكاود 000000 خل هنا بالقلب بانت حراويه يروح يرحل ثم يمى يعاود 000000 الهاجس اللى كل ماحل طاريه تدري تشوم النفس ونوب ٍ اراود 000000اموت ولاغيري بقلبه سكن فيه |
يهديني الخاطر جزيل من حروف
وارفض عددها ارفضه ما ابيها يا عقاب انا اشوفه على مدة الشوف قصدي تعرفه زين يا عقابن وفيها تكتب دواوينك لها ناسي الخوف بس القوانيص تتهافت عليها |
تصبح على خير
|
هذى هى الدنيا شقى طعن بسيوف
000000والمنتصر فيها من الحرب خسران اللى بلانى بالغلا عينه اتشوف 00000 مغرم وفى قلبى من الهم نيران اما يجينى صفحة اكتاب مكشوف 00000 والا يخلينى على الهم ندمان وان كان به عاذل وحاسد وملهوف 000000 انا لى الله دامى اوفيت يافلان واسف تاخرت لانى طلعت غصب بشغل تلاقى خير يالغالى |
ان قلت مجنونٍ فانا صدق مجنون
.....جننتني بالحب واتعبت حالي وان قلت ملعون ابوالحب ملعون ....من بعدكم ضاااايق اليو م بالي وان قلت يااخلي عليه ا تمون ......قالتو علامك زيااد .ن.باالهبااالي |
ابداع لامتناهي ... راق لي الموضوع والمشاركات ..
سلمتم وعساكم ع القوة .. وددت المشاركة لكني استحييت ... تقديري واحترامي للجميع... |
ليا جيت بالمسرح حضورك ترى غير ......مــا فيه من يـشبهك ولا فيه زيك والله لك في القلب حشـمه وتــقديـر ......وما فيه مجلس مر من دون طـاريك |
هلا غاليتي انفاس الرحيل ننتظر مشاركاتك معنا ولديك القدره على ذلك والتي بالتأكيد ستكون رااائعه ونحن معك يالغلااا .. ودي وتحيتي ,, |
ههههههه
عقاب قلبك خضر يالبناخي صح لسانك واعذرن تراني نمت وعجزت اكمل معك والا اللي معك ما يمل ابد صح لسانك ولا تهون خواتنا على النية وقوت |
اقتباس:
الله محييك ونورتى الموضوع بتواجدك ومثل ما قالت على النيه لازم تشاركين واحترامى لك وتقديرى |
اقتباس:
ومعذور ونوم العوافى واتشرف وربي بتواجدك ومشاركتك وكلامك وسام لى لاهنت |
يكفى بأنى يوم اناظر محياك
00000000000 كن القمر والشمس براحة يدينى يفز قلبى كل ماجيب طرياك 0000000000000وانسي غرابيل ازمان بسنينى |
اكتفي اليوم ببقايا صورة محياك
ويبقي شذي طيبك على الناس طايب0 الطيب هو فعلك ويكفيني من الدنيا حضورك وماتهمني كل دنياي لوكنت عن قلبها غايب 0 |
نبـدء سـوا لكن كيف الــطريقـــه
...... في ذا الزمن يا كثر توديع الاحباب والله في صدري جروح عميقـه ...... من كثرها ما عاد افكر فالاسباب |
ابوووك يالشعر متمركي هنا
كنه يقول صبوا لي الشاهي..:) هي..:) |
نور ابوك للجنه
تسرفت بمرورك ومتابعتك شرف لنا وللجميع والفنجال علينا وابرك الساعات تشريفك هنا واتمنى مشاركتك |
الساعة الآن 02:05 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010