![]() |
لك علي النيه
وللكل من ساهموا بالمشاركه الود والتقدير واعتذر لو كان غير مركب صح اللغز بجهدي وماكل مجهد امصيب |
يابعد تسبدي انت الحقيقه للغز مليان الف شكر لك يالامير
مستحيله ماتلاحضين انه هابه لك من عضوه لمشرفه وهالحين تحلين اقوى للغز لا تصيرين تبين تموتين ههههههههه ترى الددسن اذا جت تخبط تبدا تسرعه |
كللللللللللللللللللللللللللللللللللوش مايجيبه الا نسوانه
مطعون وخر مناك لا تحتك مافيه جايزه |
مطعون غدر
الامير انت وكلامك فخر لي صح بدنك مستحيله صح لسانك علي الحل لكم عبق الورد |
اترك عبق الورد او الود لك
لاتصرف جايزتي يلا والله لا انشب بحلقك هههههههههههه وبعدين شنوحك منقهر اني حليتوه دهنا بمكبتنا ههههههههههههه احسن من يحله واحد بعيد تسافر عشان تشريله >>>>>>>>>> ذهين ههههههه |
لغز قوي
والحل يستاهل الجائزه يعطيكم العافيه |
اخوي صاحب اللغز <<<< متعيجز يقرأ اسمه
بكل امانه لغز رائع بكل ماتحمله من معنى ويستاهل من حله الجائزة ولو انا ماكنك يوم انك تقربه سان جايبه بس غميضه بعيد عن النت وانا الان اكتب الرد عن طريق الجوال ودي وتقديري لهذا المنتدى الرائع ولجميع من فيه |
اخي صاحب اللغز الاخوه هنا راجعو الاجابات ونضرو كيف من الي كتب اول ورقه بالكتاب
وصدقني لايهمني الجائزه كما تهمني المصداقيه هنا فلماذا نتجاهل الاجابه الصحيحه بهذا الشكل انا قلت اول ورقه بالكتاب او الفهرس ولك ان تراجع الاجابات انت وجميع زوار بعد حيي وبهذا الاسلوب سوف يفقد المنتدى مصداقيته بنضري وبنضر الجميع وأطلب من الاخ القائم على هذا المنتدى الاخ العزيز الساري ان يراجع بنفسه الاجابات ويحكم من هو الي حل اللغز اعيد وأكرر لاتهم الجائزه قدر مايهم المصداقيه هنا مقدمة الكتاب هي اول ورقه ولم اقل غلاف الكتاب لان هناك (الغلاف) (وأول ورقه وهي المقدمه ) (والفهرس) وأنا من هنا اطلب كل من : الساري ...... عقاب النهار ...... اللجاوي ......... الاخت على النيه ....... مطعون غدر ان يحكمو بما يرضي ضمائرهم بمن ذكر الحل اول ولهم ان يراجعو الاجابات ويقولو الحق وقسما بالله ان الجائزه ليس هي المقصود ولكن ارى الخطأ بين وواضح وأسكت هذا الخطأ بنفسه انا في الانتضار لحكم من اخترتهم وللجميع تحياتي |
اقتباس:
خلينا نتكلم بعيد عن المصداقيه في المنتدى والجايزه الي انا قلت عندي جالكسي ماابيه من البدايه ولكن عندما تطرح لغز او سؤال بعيد عن المنتدى والمصداقيه وجاوب اثنين واحد قالك اول ورقه بالكتاب بينما الثاني قالك المقدمه الاجابه مين تختار كلهم تعطيهم نفس الدرجه عشره من عشره ولا واحد ينقص منه على الاقل لو نص ..!! مثال ثاني لو كنت تبي مكان ومشتك من معرفتك بالطريق وسالت من اصحابك اثنين قالك واحد اضنه شمال او نيتي انه شمال والثاني قالك طريق الشمال المكان الفلاني تقطع مسافه عشان واحد قالك نيتي شمال ولا تبحث اكثر عن المكان عشان احد يااكد لك انوه شمال ..؟؟ ماذكرت اسمي من ضمن الي يحكمون مع انو انا صاحبة الحل بس ماني لايمتك يمكن انك تعتقد اني من الناس الي ماتحكم العقل ولا الضمير او يمكن انك تعتقد ان الكلام معي مايجدي ولكن كلمه بقوله لك لا ارحلي بسكات ولا واحد بالمنتدى ولا وحده يصدر منه هالحركه انه تحط ف بلاه شخص له الجايزه قبل الحل |
اقتباس:
الجائزه بدايه انا قلت اذا وضحت تنتهي الجائزه لان الرمعات بعيده كل البعد عن الحل ولو بجلس مية سنه اقسم ماتجيبونه لانه حاجه بعيده عن مدار افكار الاعضاء ورحت ووضحت واحرقت لغز من شان تتأكدوا ان له حل وليس للتعجيز والا احد يطرح لغز ويحط جائزه عليه ويقول دوروا بالكتاب تتوقع الي هذه الدرجه اظن ماحد راح يحله بالعكس كنت ابي ينحل اللغز أما عن المصداقيه وطلبك للساري وعلي النيه وعقاب واللجاوي ماظنه وانا اخوك توصل لدرجة انه اكون غير صادق ومنك انت تحديد لانك ذو كلمه وصاحب حق قويه بحقي جزاك الله خير انت قلت تحديد الشهاده او الورقه الاولي بالكتاب او الفهرس اولا الورقه الاولي ماتعني اي شي لانه كل كتاب فيه ورقه اولي من الطبيعي ماحد بيحط عليها لغز والمقدمه هي كتابه زي المواضيع ولكن لااحد يلقي لها اهتمام ولو راجعت بردودي قلت فيه واحد وصلها بس ماجابه وانا راضي بحكم من طلبت الراي منهم ولكن لم اكن متوقع ان تشك بمصداقيتي من اجل لغز راس ماله لغز ووضع للتسليه والتنافس |
مستحليه
لو علمت بأن اللغز يطعن في مصداقيتي قسم برب العزه والجلاله ماحطيته ولاجبته وكنت اعلم بأنه انتي او غيرك من اراد حله فهو لحل اللغز ليس للجائزه بس توصل انه تطلب اعضاء للطعن فيما كتبت او تمنيت يحله احد معين ومن رفع سبع بلا عمد فلا طري علي بالي والا بامكاني ارسل رساله واعلم من اريد وانهي الجائزه بسلام وبدون وجع راس وتوضيح او اطلب من عقاب بنفسه يحله انا من يعتذر هنا عن طرح اي لغز مره اخري وللمعلوميه اللغز لعقاب النهار بس حط له مقدمه وهو من طلب مني ان اضعه بين ايديكم حتي لا تملون من كثر الغازه وخليته مايشارك بسب انه حله وهو والله من الغازه وابعد عن اللغز والحل لروحكم عبق الورد مع اعتذار من عقاب ومنكم بعدم طرح اي لغز مره اخري |
اقتباس:
هذي معلومه للجميع يعني شايب المنتدى بس لاتنادوني يالشايب وبالنسبه للجلكسي والله لونه عندي مانجهه ولا اعرفله لاهو ولا غيره وبالنسبه للالف والله انه مغري هههههههه احمد الله بخير ونعمه ولا همتني الماده بس انا من الاشخاص الي طافت الغازهم فوق المئتين لغز ولدي درايه باللغاز منذ القدم وأعتقد اجابتي اول ورقه اقصد بها المقدمه ولو انا وضعت اللغز وجت اجابه كما اجبت لقت له صح لسانك وعدم ذكر اسمك ليس والله العضيم سوى اني امون على من ذكرتهم فقط لاغير عل العموم حصل خير |
اقتباس:
ولو كنت اعلم بأن ماكتبت يزعلك لما كتبته وهذي حبه على خشمك وعلى جبينك الا تاخذ بخاطرك شي اســـــــــــــــــــــف اخي العزيز |
محمد اديهم
اعتقد اللغز حليته انت ولكن بدون توضيح واضح وحصل خير موفقين |
ارحلي
يارجل لاتهور والله انك عصبي انت فاهم غلط ادري انك مانت حاط ف بالك من يحله وبعدين لاتعصب انا والشاعر محمد ايديهم نتناقش ماوصلت لزعل وانت ماتبي تقول الغاز كفانا شرك متوحش ههههههه |
اقتباس:
تحياتي للاخ محمد اديهم شاعر ولاهي غريبه عليك |
الشاعر محمد اديهم
الله يحفظك ويطول بعمرك توك شباب افا عليك وانا يشرفني اني احظى بنقاش مع شاعر كبير مثلك ولكن الناس تختلف ومثل ماقلت انك لك باع باللغاز لكن انا مالي خبره وبزعمي كود اجيب الحل الي ف بالي العذر والسموحه منك |
محمد اديهم
انت شخص اكبر من انه تقول بطلع او اطلع رجل قدوه ومحل راي للجميع واللغز اللي بيزعلك الله لايبارك فيه انا قلت ماني جايب لغز يسبب خلاف ماهو من شان اني ابقي وترحل او العكس هذي السوالف للجهال وانت كبير يامحمد كبير لايفقد المنتدي شخص مثلك والسبب لغز |
:9vv:
تصدقون اول مره احد يثق فيني وفي رايي هههههه ياكحيلان يامحمد الحق حق وانا خوك انت قلت الورقه الاولى كلام حلو بس يابعد روحي اغلب الكتب تكون الورقه الاولى فيها ورقه فاضيه بيضاء والمقدمه تجي في الورقه الثانيه يعني من وجهة نضري انك ماجبت الحل يالامير وبعدين انت اكثر واحد سبح في بحر اللغاز وتدري انه فيه بعض الناس يطرح لغز ومايبي الا حل ميه في الميه ـــــــــــــــــــــــــــــــــــــــ ارحلي بسكات يوم ان اللغز ماهوب لك ليش ماقلت اللغز ماهوب لي ماهوب لازم تقول لفلان ياخي قل واحد من برا المنتدى يتحداكم وبس تراي حمق عليك بس اني احبك ليش مدري من الله ـــــــــــــــــــــــــــــــــــــــــــــ مستحيله هالحين انتي وخشك يوم انه صار عندك جلكسي ورا ماقلتي الجائزه لضعيف مطعون غدر ماتخافين الله انتي ماتدرين ان ماعندي الا ابو كشاف وغطاء البطاريه ضايع عاد بما انك تملكين جلكسي يعني ميه في الميه انك بنت نعمه ابيك تشرين لي وحيد هههههههه لو مستعمل عادي |
ليه المعرسه مامعه جلكسي اشو اني مو انا مرتك ولا تسان قاطه
معك بالكشاف هههههههههههههههههههه اقول يركدون ماحصلن لنا شين نسينا الشرط اذ طلبنا توضيح تروح علينا الجايزه عاد هو نصاب يدري اننا نبي نطلب توضيح عشان كذا خربه بالجايزه هههههههههههه شف مطعون ان الله عطانا عمر ابي اخلي خالي يقصد ابي اقوله حل لغز وهو عليه القصيده وابي احط جايزه ومن الحين ترو الي يحل النص بالنص هو مطعون ههههههه بكيفي لغزي وختام وجودي بالصفحه صح لسان شاعرنا عقاب ومن اعطى الغز الروح الجميله والمتعه اخي الغالي ارحلي بسكات والعذر والسموحه تحياتي .... |
اقتباس:
اولاً اخوي وشاعرنا القدير محمد اديهم طلب رأيي امر اعتز به كثيراً وافخربه ايضاً ورمعتك اول ورقه في الكتاب تقريبا هي الحل الصحيح لو ذكرتها بالتحديد المقدمه وأنت وضعت بين القوسين ( الفهرس ) وبعض الكتب تكون اول ورقه المقدمه وبعضها تكون الورقه الاولى عنوان الكتاب واسم المؤلف وبعضها الورقه الاولى الفهرس والبعض الاخر صفحه بيضاء وبعض الكتب لامقدمه لها ..والبعض ممن يطرح الالغاز يريد الحل نفسه يكون بالتحديد حتى ولو كان قريبا منه .. وانت ماشاء الله عليك اصبت الحل تقريبا لكن لم توضح الاسم او تذكره ..بمعنى كنت قاب قوسين او ادنى ......... ........................ ثانيا اخوي ارحلي بسكات ما اتوقع ان شاعرنا محمد بطلبه ابداء الرأي هو التشكيك بمصداقيتك هو ابداء رأي وتوضيح لا آكثر بمَِ ان الجميع شارك هنا بالحل ... ووضع جائزه فهذا شيء جميل بحد ذاته تشكر عليه وانا على يقين وثقه ان من شارك بحل اللغز لم تعنيه الجائزه بقدر مايعنيه حل اللغز والمشاركه به والوصول الى الحل الصحيح والمنافسه على ذلك..وهذه هي الغايه من وضع الالغاز للفائده والمشاركه والتنافس بحلها ... وبالنهايه هو لغز وُضع ليكون اجتماع للكل هنا لا ليكون سبب للابتعاد اوامتناع عن وضع الالغاز .. فأنتم آكبر من ذلك ... وافر الشكر والتقدير للجميع .. |
الساعة الآن 04:15 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010