|
قضينآ يعني ..
بسرعه .. ~ حتىآ مآيميدني آدخل .. عالعمووم الف الف شششكـر لآختيـآآر ~ |
طيب لي بااااااك شويات بس |
يالله أختيرت سيف شمر بجيب الاسئلة واجيكم ركض |
ثانياً نبداء بلـــ أسئلة: 1_ايش رده فعلك يوم عرفت ان المواجهه معي ؟؟ 2- كـ شآب , ما هو تخطيطك لـ مستقبلك ؟ 3- وش نوع سيآرتك ؟ ورقم اللوحة مميز ولآ لآ ؟ http://www.shbt-hail.net/up/uploads/...2744026631.gif 4- أوصف لنـا سيف شمر بـ سطر .. 5- تحب الكورة ؟ وش النآدي الي تشجعه؟ |
اولاً تفضل فنجان القهوة
يسلمووووو بس الفنجال يمسكونه باليمين الله يهديك موب باليسار >> مسوي نفسه دقيق ^^ ثانياً نبداء بلـــ أسئلة: 1_ايش رده فعلك يوم عرفت ان المواجهه معي ؟؟ طبعا استانست واشكرك ع اختياري 2- كـ شآب , ما هو تخطيطك لـ مستقبلك تخطيطى التخرج من الجامعة ع خير هذا اللي افكر فيه الحين 3- وش نوع سيآرتك ؟ ورقم اللوحة مميز ولآ لآ ؟ http://www.shbt-hail.net/up/uploads/...2744026631.gif سيارتي هيليكس 2010 لا مو مميز مررره 4- أوصف لنـا سيف شمر بـ سطر .. من الجميل ان الواحد يكون عارف نفسه اكثر من الاخرين حتى يقدر يطور نفسه ويتخطئ صعوبات الحياة >> يحب يتفلسف انا اوصف نفسي في < الواثق في زمن الاحباط > ^^ 5- تحب الكورة ؟ وش النآدي الي تشجعه؟ اوووووووووه اموووووووت ع شيء اسمه كوووورة واكيد انا هلالي واللي يأكد لك الشاطئ !!!!! واكيد عرفتي قصدي ~ |
اجل استلمي خيتووووو
1- ماهي حكمتك في الحياة؟! 2- ماهي نوع المجازفه التي تعتبرينها الاصعب لديك ؟! 3-ماهي الكتب التي تحبين ان تقرئيها؟! 4-ماهو طموحك في المستقبل ؟! 5-بالنسبه لك وش اصعب شيء بالدنيا ؟! |
اول شي اسفة ع التأخير وهذي اجوبتي
- ماهي حكمتك في الحياة؟! حب لا أخيك ما تحب لنفسك 2- ماهي نوع المجازفه التي تعتبرينها الاصعب لديك ؟! لا يوجد عندي مجازافات قبل ان اخطو خطوة ادرسها جيداً 3-ماهي الكتب التي تحبين ان تقرئيها؟! لا انا لا احب القراءة 4-ماهو طموحك في المستقبل ؟! اكمل دراستي 5-بالنسبه لك وش اصعب شيء بالدنيا ؟! اصعب شي في الحياة الفراق |
استلم الاسئلة الخفيفة لقب اشتهرت به لدى اصدقاءك ؟ آذا وصلك مسج على الخاص من يجي في بالك مرسل لك!؟ كم نسبة حبك للشعر ؟ افضل قسم هنا وتحبة ليش ؟ لو كان المنتدى ملكك وش التغيرات اللي بتسويها ؟ ايش الاشياء الي تنرفزك ؟ اكره صفه بالانسان بنسبه لك ؟ طيب اكثر انسان ترتاح له بالمنتدى ؟ اشرايك باخلاااق البزارين الحين مزعجين او لا ؟ انت من انوع الي ما يرتاح لاحد بسررعه ؟ اي قصيده او بيت شعر تلاقي نفسك فيه ؟ مووقــف تمنيت ان الارض تنشق وتبلعك ؟ وش الاهم الكرامه ولا الحب وليه ؟ حكمتك في الحياة ؟ موقف احرجك كثير ؟ وش رايك بهالبيت"جـــفــا ، يـجـمــع مــعــزتــنـا .. ولا عــشـــق يــذل اثــنــيــن" بيت تهديـه لاحد فبـآلك ؟! وش شعـورك الحيـن ؟ ماهو مطعمك المفضل ؟ وجبتك المفضله فيه ؟ لمن تهدي هالبيت : بعض الجروح ان جت من اغراب عادي الجرح موت الجرح لاجا من أحبــاب ,, حاجه في حياتك تتمنى ان الزمن يرجع للخلف لتغيرها ؟ صفه ينادوك فيها من هم حولك ؟ صفه تكرهها فيك ؟ وهل تتمنى ان تتخلص منها ؟ صفه تكرهـ الناس ان ينادوكـ فيها ؟ في حياة كل منا نقطه ضعف ماهي نقطه ضعفك ؟ من من الناس يحتل المساحه الاكبر من قلبك ؟ |
يرحم امــك ياهمووسه وش ها الاسئله شكلي يبي لي يومين عشان اجاوب عليهم وشروط الموضوع بس يومين وتنتهي المواجهه يعني بتنتهي المواجهه وانا ماجاوبت نصهم
اجل بختصر وبقول ( من حسن اسلام المرء ترك مالا يعنيه ) خخخخخخخخخخخخخخخ امزح وربي امزح لاتصدقين بجاوب عليهم ان شاء الله لي باااك بأذن الله >>> ينووود |
استلم الاسئلة الخفيفة لقب اشتهرت به لدى اصدقاءك؟ الله مافي لقب محدد منهم من يقول لي العنيد ومنهم من يقول بدر اللامي >> كثير يشبهونه على بدر اللامي خخخخخ مع اني ماشوف اني اشبه له آذا وصلك مسج على الخاص من يجي في بالك مرسل لك!؟ مافي احد معين كم نسبةحبك للشعر ؟ 100% امووت اصلا على الشعر ولي بعض الخربشات لكن ما احب احد يطلع عليها افضل قسم هنا وتحبة ليش ؟ كل الاقسام والله احبهم لو كان المنتدى ملكك وشالتغيرات اللي بتسويها ؟ اممم لو لي كان انزل جود من المراقبه كل موضوع لي تقول مكرر وانا قبل انزل الموضوع اشوف مكرر او لا وماشوف انه مكرر وتطلع لي هي وتقول مكرر مدري من وين تنخشهم خخخخخخخ امزح امزح >> مجرد مداعبه ياجووود ^^ والله المنتدى كذا رائع واكثر من رائع ومايحتاج تغيرات ايش الاشياء الي تنرفزك ؟ اللي ينرفزني الانسان البارد على قولتنا (باااايه) اكره صفه بالانسانبنسبه لك ؟ النفاق والتصنع اللي يجيك شخص كنه طيوب وحبوب ويحب الخير للناس وهو من تحت لتحت طيب اكثر انسان ترتاح له بالمنتدى ؟ والله كثار منهم عقاب النهار احس احساس وله فقده والله وكبرياء شمر وركوون وتكفيني الذكرى و......... الخ اشرايك باخلاااقالبزارين الحين مزعجين او لا ؟ اووووم الازعاج عاد احنا عندنا بنت عمرها 6 سنوات بس عن 10 بزران لا ومايعجبها العجب انت من انوع الي ما يرتاح لاحد بسررعه؟ لالا انا ماحب احكم على الشخص من اول مره فيه ناس اول مايشوفون الشخص قالوا هذا شايف نفسه وحتى ضحكه ماضحك معنا وهو ياحرام يمكن يمر بظروف فا صعبه احكم ع احد واقول ما ارتاح له وانا ماعرفته للحين ! اي قصيده او بيت شعر تلاقي نفسك فيه ؟ لي الفخر دامي من احفاد طي حاتم كريم القوم يوم المجاعه مووقــف تمنيت ان الارض تنشقوتبلعك ؟ لالا اعوذ بالله مامريت بموقف لهالدرجه وش الاهم الكرامه ولا الحب وليه ؟ اكيد طبعا الكرامه ولييييييش ؟! انا اقولك لان الانسان اذا فقد كرامته فقد كل شيء واصبح لايساوي أي شيء ويفقد ثقته بنفسه واكيد الكرامه هي اللي تعز الحبيب عند حبيبه ! حكمتك في الحياة؟ (ماتضيق الدنيا وعند الله فرج) موقف احرجك كثير ؟ والله ما اذكر وش رايك بهالبيت"جـــفــا ، يـجـمــعمــعــزتــنـا .. ولا عــشـــق يــذل اثــنــيــن" بالصميم !! بيت تهديـه لاحد فبـآلك؟! ايه بس مابقول منو وش شعـورك الحيـن ؟ الحمدلله حاس براحه نفسيه عجيبه ماهو مطعمك المفضل ؟ انا ماحب اكل في المطاعم كثير فا مافي مطعم محدد بس حبيت مطعم مناحي ( فايز المالكي ) في الرياض وجبتك المفضله فيه؟ الكبسه طبعا >> ويموت بعد ع الايدام مع الارز الابيض لمن تهدي هالبيت : بعض الجروح ان جت من اغراب عادي الجرح موت الجرحلاجا من أحبــاب ,, اهديه لشخص مسجله معنا في المنتدى ! ومدري ليش تغير علي ويشهد الله علي ماضريته بأي شيء ولاتغيرت عليه ومدري ليش يحاول يضرني ! وربي هالشخص على كثر ماكنت اعزه حيل سبحان الله نسيته والله وانتي ذكرتيني فيه ياهمووسه وانا طبعي اللي يطيح من عيني انساه وربي والله يستر عليه حاجه في حياتك تتمنى ان الزمن يرجع للخلف لتغيرها والله عادي مافي شيء مضايقني واتمنى اغيره صفه ينادوك فيها من هم حولك ؟ الاغلبيه ينادوني ببو عبدالرحمن صفه تكرهها فيك ؟ وهل تتمنى ان تتخلصمنها ؟ يمكن الطيبه لاني طيب مع كل احد وفي زمنا هذا ماتنفع فيه الطيبه وخاصه مع بعض اشخاص ودك تعلمهم الادب وتدوس عليهم بس والله قلبي مايطاوعني ولا طبعا ما اتمنى اني اتخلص منها صفه تكرهـ الناس ان ينادوكـ فيها ؟ مافي والله في حياة كل منا نقطه ضعفماهي نقطه ضعفك ؟ نقطه ضعفي الدمعه التي اكون انا سببها وتنزل قدام عيوني او دمعه انسان يحمل الكثير من الهموم من من الناس يحتل المساحه الاكبر من قلبك؟ الوالد والوالد طبعا ومن ثم حبيبه القلب وساكنه بحايل وبقلبي وماتعرفينها ولاتقولين وش اسمها ماراح اقوول ! |
اجل استلمي خيتوووو اسئله خفيفه مثل اسئلتك
1- ماذا هو مقصد همس القوافي في الحياة ؟؟ 2- ماهو سبب اختيارك لي في المواجهه؟؟ 3-ماهي اصعب ذكرى في قلب همس القوافي؟ 4-ماهو الامتحان الاصعب لديك في الحياة ؟؟ 5- موقف طريف مر بك ؟؟ 6- من انتي بالنسبه لنفسك؟؟ 7- تجربه تتمنين تكررها؟؟ 8-ماذا تعني لك البدايه ككلمه ومعنى ؟؟ 9- في نظرك ماهي النهايه ؟؟ وهل ممكن نصنعها بأيدينا؟ 10-ماهو اجمل بيت شعري مر عليك؟؟ 11- في ماذا تقضين وقت فراغك؟؟ 12-ماهو اكثر شيء يثير غضبك ؟؟ 13- حلم تمنيتي تحقيقه؟؟ 14-ما رايك بالشخص المخادع وكيف تنصحينه؟ 15- مالفرق بين المجامله والتشجيع برأيك؟؟ 16-صفه تحبينها في نفسك ؟؟ 17-همسه عتب ولمن توجهينها؟؟ 18- ما اكثر سؤال احرجك في اسئلتي؟؟ 19-ماهو اكثر شيء يدخل السرور الى قلبك؟؟ 20-كلمه تودين ان توصلينها لشخص عزيز عليك؟ اذكريها؟ 21- ماذا تعني لكي الطفوله؟؟ 22-كلمه شكر لمن توجهينها؟؟ 23-مارايك بالوفاء؟؟ 24- هل استفدتي من المنتدى؟ وماذا يعني لك؟ 25- ماهو المثل او البيت الذي ترددينه دائما؟؟ 26- ماهي مقومات الحياة السعيده بنظرك؟؟ 27-من هم الاعضاء الذين تحرص همس القوافي على قراءة مواضيعهم؟؟ 28-هل فعل الخير وسيله لكسب حب الاخرين ام انه صفه ثابته في الشخص بغض النظر على نتائجها؟ 29- لو طلب منك ترشيح افضل عضو في المنتدى من ترشحين؟؟ 30-ماذا تحبين من الدنيا ؟؟ |
- ماذا هو مقصد همس القوافي في الحياة ؟؟
النجاح بكل شي 2- ماهو سبب اختيارك لي في المواجهه؟؟ لانك شخص محترم ومتزن بكل شي اهنيك على اخلاقك العاليه وعشان كذا اخترتك 3-ماهي اصعب ذكرى في قلب همس القوافي؟ ماراح اقول ليش تبيني ابكي عاد انا على طريف اي شي تلقى الدموع همالة 4-ماهو الامتحان الاصعب لديك في الحياة ؟؟ اممم مافية شي محدد لكن انك تكتشف بالاخير انك عاشرت اشخاص ما يستحقون العشرة والصداقة والقهر كل القهر اني مااكتشف هالشي الا بالاخير كل هذي من الثقة العمياء واحترامي لمشاعرهم 5- موقف طريف مر بك ؟؟ والله واجد كل يوم صاير لي شي اخر مرة البنات مجتمعين عندي بالحوش وانا يعني اني راعية بيت ولازم اضيفهم المهم فزعت وجبت صينية القهوة والشاي يوم اقبلت عليهم شدتني سالفة كانو يتكلمون عليها طارت عيوني بهم وانا انشقل بالفرشة وانا اطيح انا وصينيتي وربي ضحكت ضحك لا شعوري وهم ما قصرو الله يسلمهم 6- من انتي بالنسبه لنفسك؟؟ غريبة جداً 7- تجربه تتمنين تكررها؟؟ ايام الدراسة كانت ونااااسة 8-ماذا تعني لك البدايه ككلمه ومعنى ؟؟ البداية ككلمة ومعني بداية شيء صعب بداية تجربة صعبة اجهل عواقبها علي 9- في نظرك ماهي النهايه ؟؟ وهل ممكن نصنعها بأيدينا؟ النهاية صعب تحديدها لا لا يمكن ان نصنعها بأانفسنا 10-ماهو اجمل بيت شعري مر عليك؟؟ إفتح شبابيك الهوى جيتك اليوم بإحساس من زود الوله عده يطير جيتك مثل طفلن له أيام محروم عن حضن أمه أبعدته المقادير وبصراحة هالقصيدة كلة اموت عليها 11- في ماذا تقضين وقت فراغك؟؟ بالنت 12-ماهو اكثر شيء يثير غضبك ؟؟ سوء الظن والظلم والكبرة ياكرهه 13- حلم تمنيتي تحقيقه؟؟ اني اكمل دراستي 14-ما رايك بالشخص المخادع وكيف تنصحينه؟ لا احبة ابداً انصحة يرحم نفسة ويشفق عليها قبل لا يشفق على الناس لانة جالس يخدع نفسة قبل الناس 15- مالفرق بين المجامله والتشجيع برأيك؟؟ المجاملة اسلوب فاشل تجعل الاشخاص متوقفين عند بداية النقطة التي ابتدو فيها اما التشجيع هي اعطاء الاشخاص معنويات اكثر للاستمرار والاتجاة نحو التطوير 16-صفه تحبينها في نفسك ؟؟ صفة احبها بنفسي هي حسن الظن بالاخرين 17-همسه عتب ولمن توجهينها؟؟ احتفظ بها لنفسي 18- ما اكثر سؤال احرجك في اسئلتي؟؟ لا مافية احراج ابد 19-ماهو اكثر شيء يدخل السرور الى قلبك؟؟ اذا شفت اشخاص يحبون بعض من قلب وربي استانس بالحيل 20-كلمه تودين ان توصلينها لشخص عزيز عليك؟ اذكريها؟ اممم هذا عاد سؤال محرج التزم الصمت 21- ماذا تعني لكي الطفوله؟؟ كل حياتي واحلى مرحلة شفتها مع اني عانيت شوي لكن تبقى هي الافضل 22-كلمه شكر لمن توجهينها؟؟ اشكر الساري على بنائة لهذا الصرح الشامخ واشكر كل المراقبين والمشرفين والاعضاء 23-مارايك بالوفاء؟؟ اجمل شي بالوجود لكنة بداء بالتلاشي 24- هل استفدتي من المنتدى؟ وماذا يعني لك؟ اية نعم استفدت الكثير يعني لي بيتي الثاني 25- ماهو المثل او البيت الذي ترددينه دائما؟؟ مثل دايم اقولة بصراااحة "الحي يحييك والميت يزيدك غبن" 26- ماهي مقومات الحياة السعيده بنظرك؟؟ التفاهم عدم التدقيق بأخطاء الاخرين التسامح والعفوية 27-من هم الاعضاء الذين تحرص همس القوافي على قراءة مواضيعهم؟؟ الكل والله احرص على مواظيعهم 28-هل فعل الخير وسيله لكسب حب الاخرين ام انه صفه ثابته في الشخص بغض النظر على نتائجها؟ قد تكون وسيلة وقد تكون طبع متأصل في الشخص نفسة 29- لو طلب منك ترشيح افضل عضو في المنتدى من ترشحين؟؟ هايدي بلا منافس 30-ماذا تحبين من الدنيا ؟؟ ما فية شي محدد اهم شي الوناسة وسعة الصدر ياحيي منين ناخش هالاسئلة طيب شوي وبجيب لك اسئلة |
باااااااااااااااااك 1- ما هو الشيى الذي لا ترغب بوجودة عندك مع ذلك تراهه دائما ...؟؟ 2- الشيخ المفضل لديك ,, والقارى ... والاستاذ ... والاعب .. والطالب ,, المفضلون لديك 3- هل انت ممن يقرأون الكتب ام لا .. ؟؟ 4- كيف تقضي وقتك ؟؟؟ حياتك اليومية ؟؟؟ 5- هل تحققت بعض امنياتك ؟؟؟ وما هي ان امكن ؟؟ 6- اذا اردت ان تبكي الان , فعلى من تبكي؟ 7- من ستختار ليمسح دموعك ؟ 8- ماهو تقييمك لهذا المنتدى بصراحه ؟ 9- من يسكن قلبك؟ 10- هل تعتقد ان حظك سيئ؟ 11- هل هزمك حزنك في يوما من الايام؟ 12- ((مستحيل انساك)) لمن تقولها ؟ 13- (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا تقصد بها ؟ 14- (( انت كل شيء بحياتي )) لمن تقولها ؟ 15- متى اخر مره بكيت؟ 16- اي الدول تتمنى ان تزورها ؟ 17- هل انت راضي عن نفسك ؟ 18- هل انت مدمن تفكير؟ 19- من هو اكثر شخص تفكر فيه؟ 20- هل تكره شخص بشده في حياتك ؟ 21- ما هو اقتراحك الذي تتمنى ان يحدث في هذا المنتدى ولم يحدث الى الان ؟ 22- هل ملابس الشخص امامك تؤثر فيك لتأخذ عنه انطباع ؟؟ 23- ما الذي يلفت انتباهك بسرعه في الشخص لكي تعجب به ؟ 24- عاده تفعلها دائما تتمنى ان تتركها ؟ 25- ماهو اجمل اسم لولد واجمل اسم لبنت من وجهة نظرك؟ 26- ماذا تفعل اول شيء اذا ربحت مليون ؟ 27- هل انت من لديهم رغبة حب التملك واذا تملك الشيء اصابه الملل منه ؟ 28- اعتذار تريد ان تقدمه ؟لمن؟ 29- لو قالوا لك اختصر أحلامك فما ستقول؟ 30- لو قالوا لك غدا تموت فما ستفعل؟ 31- لو قالوا لك نرجع للماضي فماذا ستأخذ معاك؟ 32- لو قالوا لك نرجع لك انسان فقدته؟ 33- لو قالوا لك اختر شخصية مثالية أثرت فيك ؟ 34- لو قالوا لك نرجعك لفترة معينة ما هي الفترة؟ 35- لو قالوا لك ماذا تود أن تحلم في منامك اللية؟ 36- لو قالوا لك سنطلي غرفتك ما هو اللون الذي ستختاره؟ 37- لو قالوا لك أضف شيئا لحياتك؟ سواء شخص ، عادة، صفة...... 38- لو قالوا لك انزع شيءا من حياتك؟ سواء شخص ، عادة، صفة..... 39- من هو الشخص الذي تتمنى له كل الخير؟ 40- ما رأيك بصاحب الاسئلة؟""بدون مجامله""وعاده سيئه فيني؟ 41- ما هي وجهة نظرك عني 42-نصيحة تسديها إالي ؟؟ وبث انا قابلة بأجوبتك وماراح ازعل |
هيق>> يشاهق واللهي وش ذا كل هذي اسئله اقسم بالله لو اني مجرم ماسألوني هالكثر
لالا اكيد تمزحين ترى الحين انقرض على قولتك وانتي السبب خخخخخخ اوووووك مردووووده يالدووووبه لي باك بأذن الله |
عاشووووووووالله...همس القوافي..وسيف شمر...
|
| الساعة الآن 02:16 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010