|
ارحمى شخص ٍ تولع فيك شارى
////////////////////// شاري ٍ حبك ولا عيا يبيع ااااااااه لو تدرى اذا للحب طارى ////////////////// طيعنى وارحم حبيبك لايضيع لي |
استحيت ورحت بالخطوه وراي
يوم شفته من بعيد يكلمك والله ان لولا العقل توه معاي كنت اعرف اعلمه واعلمك |
يابنت إنتي على بالك أباخذ من بنات الشات أجل مجنون أنا يابنت أشيل العقل بيديّه ترى أكبر شي يربطني معك جوال أبو شاشات وهاتف ينقل أشواقي على نبرات سلكية وترى كل العلوم اللي عطيتك بالهوى كذبات وحتى دمعتي يوم الفراق الصعب كذبية هذاك اليوم ماهلت عيوني لجلك الدمعات لأن الدمع ماينثر بقصة حب وهمية |
ألا يـــا حـظــي الـعـاثـر تــعــدل وخـل الــروح للخـافـق تـعـودي تــبــدل كــــل مـافـيـنــي تــبـــدل وصـار الحـزن للخافـق يقـودي ألا يــا طـيـر يــا طـايــر تـمـهـل بترحل ليه عـن خـارج حـدودي بكيت اللي عليّ بالشـوف يبخـل حبيـبٍ خـان حبـي مـع عهـودي ألا يـا زيـن ليـه ماعـدت تـسـأل عن اللي صارت أحزانه تزودي حبيـبـي زهــرة سنيـنـي بـتـذبـل وانا يا زيـن قـد باحـت سـدودي ألا يـــا عـــاذلٍ بـالـحــب هــلــل تحقـق لـك مــرادك يالحـسـودي ألا يـــا حــظــي الـعـاثــر تــــدل عسى هالـروح للخافـق تعـودي |
الله واكبر أثر الأيام دواره
وشلون الأحباب ماتسأل عن حبايبها ماهي طبايعك تنسى الخل واخباره هذي الطبايع جديده من وين جايبها؟ ترى القطاعه..اثم..والوصل كفاره كفر عن ذنوبك اللي كنت مذنبها ! |
لاصرت بايعني اشوفك على خير مع السلامه دام مابه سلامه قلت انتهينا قلت لك خير ياطير ماني باول شخص يخسر غرامه محذرك من قبلها الف تحذير لاعفتني بيعيف قلبي هيامه ماني بميت لا ولا احتاج تبرير صح الله لسانك ووفر كلامه بسمعك حبكه وفكره وتصوير وافهم عدل يامدعي بالفهامه وجه الشعر ابيض ويحتاج تغيير ودي تزين هالقصيده علامه ماضيك الاسود باذكره دون تقصير كذا يكون بخد هالشعر شامه يصدق معي تعبير ويخون تعبير ياضيعة الشاعر بوقت انسجامه يمكن خطا ادونك بالشعر مير لو ما احترمتك للغرام احترامه ماكان حبك غير بس طعنتك غير علمتني معنى الندم والندامه ماجاك مني اي زله وتقصير كل ماخطيت اعاتبك ببتسامه حسبي على الذكرى اذا هبت اعصير ماعاد تنفع شرهتي والملامه البال ضامي وقتها والحزن بير خسرتك وهمي كسبت اهتمامه والليل فازعلك كذا جاني امغير ضلمتني واكثر ضلمني ضلامه لا اقبل علي اوحيت صوت المسايير وفزيت كل ضيف(ن) نقوم بمقامه واليا عزم هاللي ضيقه وتفكير قلي بربك كيف اقدر انامه مافيه داعي للعتب والمعاذير الغدر خال الجرح واطيب عمامه اما يجيب الله مطر تالي وخير والا السلامه ماش مامن سلامه |
يعني اعطيك الثقه وتردها بلوي الذراع؟!
ياااخي ماشاء الله عليك ابدعت في رد الجميل النفس ضاقت حييييل،، |
صح نبضك وقلبك وسلامتك من الضيقه. راقية دائما يا شادن ماني بميت لا ولا احتاج تبرير صح الله لسانك ووفر كلامه |
لاصرت فى وادي تنابح كلابه جر العوى ياقلب وقل وش على الذيب |
ماكل رجالن يسمي على الذيب والذيب ذيب ويبعدنه ظواري الذيب ذيب ومرقبه بالمراقيب ولياهجد ردوه ثم جاك ساري |
ليت ماهى تلمس الجرح بصوابه دامنى مقفى وهى بشره بلتنى الرجل يسكت والى شر ابتلابه ومنك صعبه بس يالله موجعتنى لي |
ياطول نهار الرياض ويا ثقل دمه من يوم قلبي فقدله واحد غالي من غابوا عني ونفسي شايله همه إلين ضاقت من أسبابه سعة بالي |
أهل دمع فوق الاوجان مسفوح = = = على الذى ما هو بـ للغدر ناوي
انا ادرى انه مثلي اليوم مطروح = = = لاشك ما يقوى و لاني بقاوي شااااادن ،، |
رحت اسولف للجبال الصم عن قصة رحيله ،،،،،،،،،،،،،مـاتركت متونها الا ينحت الدمع بصخرها مـاتـقبلت الـفراق ولالـيدي فـيه حـيلة ،،،،،،،،،،،،،،آه لـوان الـظروف الـمقبلة تـكشف قدرها لـويعرف الشخص منا وش مع الغيب بيجيله ،،،،،،،،،،،كـان جـنبنا المشاكل مـن قبل يوقع ضررها مـاهقيت الـليله الـلي جـابت الفرقا طويلة ،،،،،،،،لين صارت ليلة امس بعيني اطول من شهرها |
الضيقة اللي دايمٍ تالي عصير .. .. وش حيلتي وأردها لا تجيني لا طال ظل العود حزة عشى الطير .. .. كنها على سجن الحديد تحديني يضيق صدري كل ما جات وأسير .. .. ولايخفف سوج رجلي حنيني لا حولنا مشراف ولا اقدر اطير .. .. يالله قسمة خير لا تبتليني وعقارب الساعة توقف عن السير .. .. ولا كن في الدوحة سواتي حزيني والعبره اللي تاصل الحلق وتحير .. .. يا قربها لو قيل لي يا عويني حبه بصدري سالفة سر في بير .. .. وكن الفواد يقول هذا زبيني أشفق على علمٍ يجي منه من غير .. .. لا يسمع اللي سولفوا به ونيني يا كثرهم غيرهم ولكن خبر خير .. .. ما غير شوفه في الوجود يهنيني رايي كذا يا عاشقين الغنادير .. .. ماله على وجه البسيطه وزيني العام أجيهم من حساب المسايير .. .. واليوم حال عداي وينه وويني خطاي تعليق الأمل في المدابير .. .. الين راح وشفت حقري بعيني صبرٍ جميل وخابر إنه مقادير .. .. والله على تخفيف حزني عويني ذي حالتي لين اتغبا الشمس واصير .. .. معطى سراحي عقب مانا سجيني واذا امتلى جوف الشجر بالعصافير .. .. طلبت من رب العباد يهديني يعتقني المذن عقب ضيقة عصير .. .. اللي على سجن الفراق اتحديني |
بنيتك صرح شامخ فى فؤادي وانت هديته
/////////////////// رسمتك حب ياغالى واشوف اسلوبكم عادي |
وشلون ابصبر كان شفتك مع الغير و انا الذي عليك من نفسي آغار |
لا خاب ظنك بالرفيق الموالي
مالك مشاريه على نايد الناس |
صبرٍ جميل وخابر إنه مقادير .. .. والله على تخفيف حزني عويني |
لابوه لا بـو سنيـن الحـب مـن ساسـه ماختـرت احبـه وهـو مختـار و اذانـي هـذا كـلامـي وذا حـبـري و قرطـاسـه برهـان واضــح ولاهــو زلــة لسـانـي |
يا نهر لو ذقت همي ما جريت
......يا شجر لو عشت ما عشته تموت ،، ودي انسى بس والله ما قويت ....كيف ابسلا وللحزن فيني بيوت؟,,, رحت ادوّر ما يخفف.. ما لقيت .....غير جلسة عند جالك والسكوت،، |
احذر رفيقك يالسنافى تناساه
ترى الجفا عقب الوفا عندنا عيب |
يا هم ياللي في خفى خافقي طلت ،،،،،،،،،،،،،،، ارحــل تــرى خافقي قرب رحيله يا هم جاني ما كفاني وحصـلت ،،،،،،،،،،،،،،جسمي قضا وعظام جسمي نحيله لو حملوا سملى مثل ما تحملت ،،،،،،،،،،،،،، صاحت لأجا من جور حمل تشيله |
من امس قلبي خفقته ماهي بخير من يوم غابت عن سمايه بروقك يومين وهمومي بقلبي طوابير وانت الوله عيا يبلل عروقك كانه بخل حول علي الفواتير وكانه ثقل .. يلين الله خفوقك |
مـا لـلـمـشــاعـــر داخــل الــقـلــب كــتـمـااان عــجــزت أقــاااوم بـــوحــهــا يــعــتــريــنـي فــي بــحــر حــبــك تـااه قـلـبـي و غـرقـااان هــاتــــي مـجــاديـــف الـنـجـاة أسـعـفـيـنــي مــثــلـي بــدرب الــحــب ضـايــع و عـمــيـااان مــدّي كــفــوف الــحـب يــمـّــك خــذيــنــــي مـنـظــااام مـن لـيـل الـتـجــافـي و بــردااااان أبـــي الـدفـا أبـــي الــوفــااا دثــريــنــــي |
لا تشتكي من جور الأيام للناس وأدفن همومك في ثرى الصمت كله أسرار عمرك خلها تحت الأنفاس لاصار هراج القفا فاطن له هذاك يفرح لا لمس جرح الإحساس وهذا مناه إلا لقى فيك عله |
يكلمني عن [جروحه] وأنا من سبته [مجروح]..
يسولف لي عن [أحبابه] واسولف عنه [لحاله].. أحس في [دمعة] عيونه..وتطلع من بكاه [الروح].. وإذا يفرح[مع غيري] بكى قلبي وهناله... |
كويتني ياغلاي بالصد وش فيك والعذر في صدك ظروف الليالي |
اللى ابي من حظرتك بس دقايق
انك تشوف الجرح لحظت غيابك لي |
حظي وحظك بالشقى صار ينشـــــــــاف حنا رداة الـــــحظ ذقـــــــــــــــــــنا نكدها |
كل ماطقيت فى ارضن وتد
من رداة الحظ تطلع لى صفاه |
أصبر علي همك وساير لياليك منت الوحيد اللي شكي هم دنياه |
شكواى باللى لاعطى غير منان
/////////////////// يعطى برايه مايشاور وزيره |
أنا ماجيتك أشكيلك ولا أبكي على صدرك ولا أدور عن أحلامي في قلب ميت شعوره |
لولاي أعرف الموت حق وتصبرت
إن كان طحت من القهر والظليمه ماتت وانا يافيصل من يومها صرت اهد حـزني في كل ليله واقيمه يافيصل ماهو بس انا اللي تأثرت جدار غرفتها تساقط هشيمه سريرها.. مذياعها..وإن تبصرت كل هالدنيا بموت امي يتيمه ((..................)) |
تعبنا نرسم البسمه ولو فينا حزن وهموم
ونضحك ضحكة التزييف ونكتم همنا فينا شكينا الهم والحرمان لكن القدر مقسوم نصيح ,نحترق ,نتعب ,ولكن وش بايادينا صبرنا والشقا واضح ,ترى بوجهنا مرسوم وهالدنيا من اللوعات نستنا اسامينا |
البارحه سريتها من عنا الضيق وأشكي على كل المشارية همي حملن نقلته كنه النير وطويق والحظ طايح مالتفت دوم يمي امنول أكشت في زبارة صعافيق واليا نقصني شيء اخذته من أمي وأدج وأسهر في ليال العواشيق واقطف من ورود الغلا واستشمي |
هم يحسبون المسأله كلها سلك
إذا انقطع تقطع معاه المسألك مادروا إني بالاحساس أبادلك مو شرط أشوفك وأسألك كيف حالك! أحس بك لو كنت ماني مقابلك وتحس بي لوكنت ماني قبالك تدري وش اللي بس يقطع تواصلك الموت بس الموت.. يقطع وصالك! |
مايذبح الرجال كود انه يشوف
اخس خلق الله يجلس مكانه |
الا يا مل قلب كل ما جا الليل جاه خلاج يلوج ويجتلد بالصدر والعربان ممسيني انا متحير ما ادري عن المدخال والمخراج الا وعمس رايي ما لقيت اللي يقديني الا يا مجيب دعوة من تصافق فوقه الامواج انا بحماك يا والي الخلايق لا تخليني الا يا وجد روحي وجد من خلوه بالمسهاج كسير الساق بنحور المعادين المغليني الى من دك هاجوسي ولو اني على ديباج ولو جا لي جميع البيض غيره ما تسليني الا وهني مخلوق يفرج ضيقته لا داج الى منه دخل بالسوق غاد له ميادين ترى بعض العرب عمله بروحه مثل عمل سراج يضوي للعرب والنار في جوف المسيكيني المغفور له الملك فيصل بن عبدالعزيز |
| الساعة الآن 01:06 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010