كذاب من قـال المحبـه تساهيـل
السلام عليكم ورحمة الله وبركاته اعجبتني وجبتها لكم لايومي بيـوم ٍ ولا ليلـي بليـل --------ولا السّعد مقبل ولا الهـم زايـل ماغير ازم هموم واحـط واشيـل --------ولاراح منهـا هـم جالـه بدايـل تدرون يالعربان وشهي البهاذيـل --------فرقى وليف وحظ مامـن صمايـل الوصل نعمه والمفـارق غرابيـل --------ياحـظ ليتـك تعتـدل ماتمـايـل لامن بغيت اعدّلك ترجـع تميـل --------كنّك تقول اعيش وامـوت مايـل والمهرة اللي ماتعيّن مـع الخيـل --------من دونها تقصر جميع الأصايـل من دونها ضاعت عقول الحلاحيل ---------وتضاربت فيهـا سلـوم القبايـل ياشيب عيني يوم قفّت وانا اخيـل ----------دموعها وبلٍ علـى الخـد سايـل وانا اتصبّر وازهم العقل والحيـل -----------والقلب يشكي للضلـوع النحايـل اصبر مثل صبر الرجال المشاكيل ----------واخبّي جـروح الزمـن واتحايـل لن الردي والهيس وخبل الرجاجيل -----------تفرح لا وراني الزمـان الهوايـل وانا اترفع واترك القـال والقيـل ----------واجبر عزى قلبٍ على الموت آيل أشب نار الشوق وارهي المعاميل -----------واريّح اعصابـي ببـدع المثايـل ولاّ الغلا ماعاد يحتـاج تفصيـل -----------لنّـه مورينـي نجـوم القوايـل ياللي غيابك حط بالقلـب تنكيـل ----------ويلي على قربك ولانـي بطايـل لاغاب صوتك ماتفيـد المراسيـل ----------وفر على الجوال كثـر الرسايـل والله لـو تاخـذ لدمـي تحاليـل ----------تلقاك بالجينـات صايـل وجايـل حبك تعدى حب الاكـراد لأربيـل ----------الاّ تعـدى حـب شمـر لحـايـل صبيت حبك مثل صـب الفناجيـل ----------وين الجليله تشرب اشواق وايـل وانته تواعدني من اسهيل لسهيل ----------والشوق في قلبي مسوي عمايـل ليتك تبادلني الغـلا والمواصيـل -----------وترد لي بعض الوفـا والجمايـل تعبت من قولة ظروف وعراقيـل ------------وتعبت من قولة ياقـل الوسايـل يعني انا ويـاك مثـل المهابيـل ------------واشباهنـا فالوقـت هـذا قلايـل كذاب من قـال المحبـه تساهيـل ------------راحو ضحيتهـا عيـال الحمايـل للشاعر/ محمد بن رتيان اليامي تحياتي |
تدرون يالعربان وشهي البهاذيـل
--------فرقى وليف وحظ مامـن صمايـل الوصل نعمه والمفـارق غرابيـل --------ياحـظ ليتـك تعتـدل ماتمـايـل لامن بغيت اعدّلك ترجـع تميـل --------كنّك تقول اعيش وامـوت مايـل هلابك هوجاس وأهنيك على ذائقتك الرفيعة وانتقائك الرااائع صح لسانك ولسان الشاعر محمد بن رتيان ملاااايييين ولك الشكر على نقلها تحياتي لك واسمح لي بوضع اسم الشاعر مرادفاً للقصيدة للإشادة بالشاعر وعدم ضياع الحقوق لاعـــــــــدمنا وجووودك. تم التقييم |
حياك الله أبو طارق ويطولي بعمرك على مرورك
وتعليقك الزاهي وتقييمك الذي اسعدني كل الود والورد |
رائعة جدا واختيار موفق
صح لسان شاعرها ولاهان ناقلها |
شاعر ذوق وانتقاء ذوق
تسلم غالينا |
انتقاء رائع واكثر
سلمت وسلمت ذائقتك الراقيه |
ابيات جميله صح لسان الشاعر شكرا لك |
حياكم الله
ويطولي بعمركم على مروركم العزيز تحياتي لكم |
ولاّ الغلا ماعاد يحتـاج تفصيـل
-----------لنّـه مورينـي نجـوم القوايـل كان الله في عونهم قصيدة رائعة صح الله لسان قايلها تسلم هوجاس يعطيك الف عافية على نقلك المميز |
يعافيك المولى اخي متابع ولي شرف تواجدك الزاهر
|
صح لسان الشاعر
وصح نقلك لها جدا جميلة |
كل لشكر لك نسمات على مرورك الطيب
|
تسلم يدك
ي كل الذوق اختيار يتغنج جمال الراقي هوجــاس يعطيك الف عافيه اجمل تحياتي لك |
كل لشكر لك ذوق الحنان
على مرورك الطيب ياطيبة |
رائعة جدا واختيار موفق
صح لسان شاعرها ولاهان ناقلها |
الساعة الآن 09:31 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir