|
كيف تخطبين لاخيك .؟؟؟
السلام عليكم ورحمة الله وبركاته الى كل غالي وغاليه في بعد حيي اطرح بينكم هذا الموضوع لاخذ رأيكم فيه وماشدني لكتابة هذا الموضوع صديقاتي بالعمل كانت احداهن تبحث لاخيها عن زوجة منذ فترة وردت عليها اخرى ( يا شيخة ريحي بالك وخليه يختار بنفسه ) طبعا قالت لها : (كيف يختار ايش عرفه بالحريم ؟؟؟؟) قالت : بصراحة حنا مانخطب لاخواني نخليه هو يتعرف ويقول انا احب وحدة بالبيت الفلاني رحو تعرفو على اهلها واخطوبها !!! لماذاااااااا ...؟؟؟ تقولك عشان مايقول هذا اختياركم .. هو اللي جابها وكان هذا راي اغلبية الموجودات معي وكل اخوانهن تزوجو عن حب وبدأن يسردن القصص مارأيكم اعزائي في مثل هذا الموضوع بكل صراحة للفتاة هل تريدين اخيك يخطب ويختار عن حب ؟؟ او تعترضين على ذلك ؟؟ وهل انت ترغبين في الزواج عن حب ؟؟ للشاب هل ترغب بالارتباط في شريكة حياتك عن حب ؟؟ ام تتبع العادات والتقاليد ؟؟ انا بصراحة ماحطوني اخواني بهالمواقف وكانت خطبتهم على حسب الدين والشرع والعادات نختار بالمشاورة وهو يراها النظرة الشرعية وتتم الخطبة .. في انتظاركم احبتي |
للشاب
هل ترغب بالارتباط في شريكة حياتك عن حب ؟؟ ام تتبع العادات والتقاليد ؟؟ على اني ارتبطت ف شريكة حياتي وانتها الامر ولله الحمد ولكن والله لم اراها الا ليلة الدخله وانا ارفض وبشده مسئلة الحب ولكن الاعجاب مطلوب ولا يمنع ان اعجب في بنت على حسن سمعتها من الناس واسعى الى خطبتها الف شكر اختنا على هذا الطرح وانتي جبتيه في وقته ههههه العطله قربت |
أمشي بجنازه ولاأمشي بجوازه :)
يختاروا هو أو أي أحد من أهلي ماليش دعوه :) بس في حال سألني كيف شكل فلانه خاطري أخطبها عادي أوصفه له بس لاني شايفه هالشيء بعيني أما طبعه وودينه والذي منه مستحيل أتدخل :) أما بالنسبه لي راحت علينا :) . يعطيك العافيه بيني وبينك سالفة صديقاتك قويه كيف يتعرف ع بنت بمجتمع محافظ مثل مجتمعنا :( وصباحكِ راحة بال |
تسلمين أختي وحبيبتي
نجلاء بيني وبينك ياليت أعيش الجو اللي يجي أخوي ويقول أخطبي لي أو يقوله للوالده عائلتنا الكريمه تعيش بروتوكولات الآسره الرسميه :h56: اللي بتقول مانتزوج من برا العاااااائله البنت تتزوج من عائلتها من عيال عمها أو من أقارب أمها والولد نفس الشيئ ماتبحث برا العااااائله تحبين أو ماتحبين :heart44: ماااالك الا ولد عمك أو ولد خاااااالك وتحبينه غصب عن أبو جدك :m20asmilies-com: بعدين من شاان شو ؟؟؟؟؟؟ من شان مايخش علينا دخلاء مايقدرون وضعك :h57: ومن شان هييييييييك مريحين أنفسنا وعارفين مصيرنا يعني ما أبحث لزوجة لأخوي وكلام صديقااااتك ماأعجبني مره لآن العلاقه قبل الزواج لا أأمن فيها بتااااتآ ومثل ماقال أخوي ظل السحاااااب أعجب في العائله نعم أو أعجب في اخلاق البنت مايمنع هذا أبدآ نجلاء حبيبتي شاكره لك طرحك الجميييييل |
اقتباس:
كلام سليم حنا قبل كنا مانشوف العريس الا ليلة الزواج بس صار فيه شوي تفاهم وبدأو يخلونه يشوفها بالملكة وممكن يكلمها بعد الملكة شاكرو لك روووعه مرورك |
اقتباس:
حلووو حتى انا كان رأيي في زواجات اخواني كذا وخلي الراي الاول والاخير له بالنسبة لصديقاتي اول ماجيت كنت استغرب حقيقة ً لكن والله وبدون مبالغة مو واحدة ولا اثنين اللي عاجبهم هالرأي وواقعا يحدث في عيالتهم وحياتهم ماشاء الله مستمرة الله يتمم لهم شاكرة لك روووعه مرورك |
اقتباس:
سواء يحب او مايحب استحاله استحاله استحاله اوقف في طريقه وفي طريقة سعادته :) يسعدهـ رب الكوووون شُكري ي انيقه : : |
لأختصر لك الأمور , هناك حديثَ لا يستحضرنيَ الأن ولكن مفهوم انه إذا جينا نطرق الأبواب فلنطرقها من الأمام .. وحتى القران الكريم ذكر اننا لا ندخل بيوت حتى نستأذنها لوجود المحارم بها , فما بالك بأنني اتنقى في بحر الشبكة العنكبوتية او الاسواق او الاماكن العامة بشكل عـام , هذه الفكرة مرفوضة في مُجتمعنا تماماَ ربما تُطبق ولكن بنسبة 2% إن لم تكن 1% . الحلال بينَ والحرام بينَ , متى ما حبيت تخطب اسئل عن العائلة بالأول وليعرفنَ طبع امُ البنت كذلك حتى لا تقع في متاهات ومتاعب في المستقبل , والحمد لله الدين الإسلامي واضح وصريح كما انه اوجب علينا الإستئذان في دخول بيوت غير بيوتنا اوجب علينا ايضاَ او اتاح لنا النظرة الشرعية اللي هي حق للمتزوجينَ ! شُكراَ لطرحككَ القيم |
اقتباس:
مشكورة عزيزتي احنا كنا كذا لازم من العيلة وعلى السنين الاخيرة تغير الوضع الحمدلله وكان اول وحدة طلعت برى القبيلة تماما انا واخوي :104: بس تصدقين يا زين عيال العم :heart44: شاكرة لك روووعه مرورك ورأيك وبالنسبة لصديقاتي مقتنعين تماما وشي عادي بالنسبة لهم لكم ودي |
اقتباس:
مشكووورة يا عسل على روووعه هالمرور لك ارق تحيه |
اممممم بالنسبه لأخواني انا وماما نروح و نخطب لهم وبعدين يشوفوها الشوفه الشرعيه وبعدين ملكه وبعدين زيارات بينهم واتصالات وهيك يعني اما حوب وهيك لا بنوب بنوب ممنوع دا الشي لانو حراااااااام .. ، عوآفي على دا الطرح ياقموره الله يسعدك حياتو ولايحرمنا منك ، |
احم نفس كلام اختي وتم بعيد ..
الخطبه عندنا حسب الٲصول .. وعقبال مايجي اليوم اللي ٲخطب فيه لٲخووي الغآلي .. والله يوفق شبابنا وبناتنا ويستر عليهمم .. شكراً لطرحك الجميييل .. |
اقتباس:
شاكرة لك روووعه المرور ومشاركتنا الراي الله يعطيك العافية تقديري لك |
اقتباس:
يسلمووو يا عسل على هالمرور الرائع الله يعطيك العافية تقديري لك |
اقتباس:
الله يعطيك العافية على روووعه المرور شاكرة لك تقديري لك |
مسآء الخيير بالنسبه لي لم ولن أجرب أن أخطب لأحد من أخواني لأني آخر العنقود وأخواني جميعهم متزوجين ولله الحمد وزواجهم تم عن طريق أخذ رأي أمي وخواتي والخطبه والزواج لدينا تتم حسب التقآليد ومن العائله .. وبمجتمعنا لا وجود للحب أو اعتراف به حتى لو وقع الشاب بالحب سواء بشكبه عنكبوتيه او أي طريق آخر تجدين نادرا جدا ان ينتهي بالزواج لأن الغآيه معرووفه .. وحين يريد الزواج سيختاره عن طريق الاهل والعادات والتقاليد نجلاء طرح رآئع شكراً بحجم السمآء غآليتي ,,, |
طبعاً قبل كل شئ يهمنا البنت العاقله المتدينه وبالنسبه لي اخويا كان مكلفين ابحث له عن زوجه بحكم انو مغترب ويبغى ياخدها معاه وكنت ابحث له من الاقارب او من الاصحاب بحكم معرفتنا لهم اكثر والله يبسطني اني اخطب له اما انو هو يعتمد على نفسه مستحيل هالشغله خاصة بالحريم وهما يدبروا ويبحثو والحب بعد الزواج ان كتب له ربي الخير موضوع جميل نجوله يعطيك العافيه ياحبيبه |
اقتباس:
هلابك والله شاكرة لك روووعه مرورك الجميل ورأيك لاحرمنا الله طلتك لك ودي |
اقتباس:
شاكرة لك روووعه مرورك يا عسل ومشاركتي في هذا الموضوع ادام الله قلمك لك ارق تحيه |
أإؤلآ شاكر لك طرحك المميز ..موضوع مهم ويحدد حيآأة اسرة كامله ... اما انا راح اطول شوي لانه يبي له تفسير .. بلنسبه للخطبه داخل المملكه تختلف عن بقية البلدان ..ربنا بارك فيها للحين فيها العقيدة اهم شي والحرام والحلال .. اما في بقية البلدان في ناس كذا وناس غير ناس ع الشرع وناس ع الشرف والعفه وناس المال وناس ع الجاه .. اما عن الرسول عليه الصلاة والسلام ..حدد اذا كنت تبي تخطب فخطب ذات الدين ...وبديها ع النسب والمال والجمال ... اما عن نفسي ..اذا كانت البنت من دار فيه دين فهذي بلنسبه لي حورية لانها مراح تتعبك بحياتك راح تخرج وانت مطمن .. بس بنفس الوقت يخرج من ظهر العالم الفاسق ويخرج من ظهر الفاسق العالم ... يعني كل شخص ..حسب تربيته لشخصه .. وحسب فهمه لدينه وديناه ..وحسب اختياره يعني اذا كان يبي حب ..لازم يضحي بحياته ويعيش بشك اغلب الوقت لان الحب ..سواء علاقه او تعرف خارجي ..راح يولد عنده امور الشك بانها تعرف غيره قبله .. والي يبي دين محتمل تكون مو جميله ومالها طبع حلو .. والي يبي نسب يمكن تتكبر عليه وتهينه بعدين .. كل شي جآآئز بس هنا الحل بسيط .. انه يتوجه لربه ويطلب منه ان يزوجه بنت حسب الموصفات الي يبيها ... اما موضوع ان اخلي اختي تخطب لي .. ياعمي مو هي الي راح تزوجها انا الي راح ازوجها يعني لازم اعرف اختياري وش هو مو اختيار غيري .. بس في حالات يكون الرجل يعرف هذي العائله ويطرح الامر على اهله .. ويبدون يعملون زيارات لجل يعرفون طبعها ويجسون نبضها .. والله اعلم .. ماابي الاطاله لان الموضوع فيه كثير امور وكثير افرع متشابكه ههههههههههه الله يوفق الجميع .... ودي لكم ... |
| الساعة الآن 02:30 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir