[ ديوآن الشـآعر / عيادة الجهيلي ]
 

صبـآحكم ورد
مسائكم ياسمين
،
يسعدني ويشرفني بــ أن أُقـدّم
ديوآن شآعرنـا القدير
( المتميز )
عيادة الجهيلي

http://gulf-up.com/do.php?img=221392

متابعه ممتعه يّ أحبه ..،

مصــالح الدنيـا .!
 

مصـالح الدنياء

[poem=font="simplified arabic,7,white,bold,normal" bkcolor="green" bkimage="" border="double,10,green" type=2 line=0 align=center use=ex num="0,black""]
اللي حكَى بالناس لاتجلس معه=يجيك يومٍ ويحكي بك يالرفيق
ياصاحبي عن مثل هذا في سعه=حتَى ولوضاقت يولّي لوتضيق
جهات الأرض اللي نعسّه أربعة=والأربعة كلٍ لها باب وطريق
ومن يقطعك هالوقت لا لاتقطعه=تفيق خلق الله بعَد مدّه تفيق
واللي مايقنع وش تبي به تقنعه=بكرا يعَرْف الصّح لاشب الحريق
الوقت لاطاعك على المهلة طعِه=الوقت مايَعْرِف عريف وْلافريق
ومصالح الدنيا مهي عيب اتبعه=العيب والله بيعتك لاغْلَى صديق
[/poem]

حــائـل .!
 

حـــــــائـل

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
حائل عروس الشمال وقبلة الضايق.=اللي من الحزن يشكي همّه وحاله
حائل يجيها الحزين ويبتسم رايق.=من طيب اهلها هل الوقفات والقاله
حائل منارة كرم يوم الكرم عايق.=يوم البخل يوجع اللي يصرف رياله
حائل من الله خلقها علمها فايق.=على جميع المناطق والفخر شاله
حائل لها الغيم لامنّه نزل لايق.=يشبه نزول الأبو لاقبّل عياله
حائل عليها الجبل من حرصه يهايق.=يبي يظف العروس بهيبة ضلاله
حايل بها القلب ينْبض هايم وتايق.=حايل لها المجد يخضع قبل يرقَى له[/poem]

حـشــم ونس .!
 

حشـــــــم ونس

[poem=font="simplified arabic,7,white,bold,normal" bkcolor="darkred" bkimage="" border="double,10,darkred" type=2 line=0 align=center use=ex num="0,black""]
ضاقت عَلي البارحة آخر الليل.=ومن قبلها ضاقت وضاقت وضاقت
لكن سمي المجد وجه الرجاجيل.=من شفت وجهه كل الاوضاع راقت
ضحك وقال ابشر بعزّك عن الميل.=انا عضيدك يوم الأحزان واقت
مطنوخ في وقت السعة والبهاذيل.=ومْن السطر يمناه للطيب ساقت
حشم ونس لادرهم الهرش وشعيل.=يبين يوم ان المواعيد باقت
في ساعةٍ لوّح بها الهم والويل.=على ظهر هقواتنا لاتلاقت
يورّدك عقب الضماء منبع النيل.=اللي عليه آمال الأوجاع فاقت
هذا ولد عمي مثل سيفنا عصيل.=إليا ادْبرت وظروف الأيام عاقت
كل العلوم الطيّبة له مداهيل.=وكل العلوم الطيّبة فيه لاقت
هذا ولد عمي إليا قيل ماقيل.=هذا الذي روحه للامجاد تاقت
[/poem]

يـوم العـــــلم .!
 

يـوم العـــــلم

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
علم بْلادي يرفرف فوق قمّة طويق.=وطويق يفخر بدار المجْد واهل الوطن
هذا علمنا بظله يستجير الصديق.=اللي ظروفه على حسرة حدوده سطن
عليه توحيدنا يامن به اللي يضيق.=ويضيق منهو بْحِقْده في علوه فطن
تطرب له الارض والتاريخ يبقى عريق.=على ظهور الخيول اللي بْعَجّه وِطن
رفْرِف وحنا معك مهما يكون الطريق.=بقيادة اللي عطى ماقال مَرِّه عطن
محمد ابن الملك بامْر الملك مايعيق.=الا عن اللي نهى لو المنايا خطن
شوره براسه اذا صاح اللواء للفريق.=ولاهو بحاجه مشوره دون عرض الوطن
[/poem]

مــوطن المجــــــد .!
 

مـوطن المـجد

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
عيدك مبارك ياوطنّا بالانجاز=اللي يشرّف من كتبك وقرابك
ياموطني لوكنت بالحيل معتاز=ماابيع طيفك لوذبحني سرابك
ماجيت لك ياموطن المجد باعجاز=لكن تنفست الهواء في هضابك
اموت بك ماهو على النفط والغاز=لاوالله إلا لجل حفنة ترابك
ياموطني لو تنكسر صرت عكّاز=يرفع شموخك عن مواقع خرابك
جيتك ملبّي لك قبل لااسمع العاز=روحي فدا حدودك وساحة رحابك
حبك ماهوتمثيل واشعار والغاز=حبك على صدق الشعور احتفَى بك
دايم معي في عالم الكون تجتاز=كل العوايق في خريطة سنابك
مااهديت لك دمي بقربة وبرواز=اهديت لك عمري ولايصك بابك
عسَى غلاي اللي تشبّعت بك حاز=على رضاك ان كان يسمح جنابك
أما انا يكفيني الشوف بك فاز=دوك النظر وتشوف كيف اهتنَى بك[/poem]

مــرووور الشــــهر .!
 

مـرور الشــــــهر

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
مايوجع الصاحب اللي يطعنِك بالظهَر=إلا رحيلك بدون تلدّ لامر فيه
الناس ماعاد فيها مثل الأول قهر=تعوّدت شوف وجه المنتهي والسفيه
وتبلّد احساسنا واللي بصوته جهر=ماعاد لاكبرت الأوضاع نسأل عليه
ياالله تعين السنة على مرور الشهر=وتسوق رزق اليتيم اللي فقد والديه
شفنا بكينا الصديق الصادق اللي طهر=بالساعة اللي تلاشَى به حضور النزيه
نمشي والأيام تمشي والعوض بالسهر=وابن المنافق ينافق مثل ماكان ابيه
الخير واجد ولكن من يسوق المهر=على بنات السحاب اللي تَعَشْق الجنيه
حنا بوجهك يامِجْري فوق الأرض النهر=انك تعز الضعيف اللي رفع لك يديه[/poem]

هــاجوووس بقعــاء .!
 

هــاجوس بقعــاء

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
عزاه من قلبٍ به الهم مغتز=غزة هل العوجاء لبيرق مْعزّي
هاجوس بقعاء بالمواجع تلعوز=شَد ونِزل بين الضماير ولزّي
لز ولزا في داخل الجوف واهتز=هزة جماهير النصر بالملزّي
فكري له سنينٍ قديمة فلا فز=كن الشقاء في داخله مستعزي
ياحّوْل ياروحٍ بها الضيم يحجز=كل ما نوَى يقفي ترده بْكزّي
أسباب من بُعده يحز الحشاء حز=عامين بعروق الجهيلي يحزّي
حز الفؤاد وداخل الصدر ركّز=تركيز منهو للمخاطر يفزّي
شبلٍ خذا كل الشهادات واعتز=من عقب ماجرّب حياة التلزّي
وياحمس وقتي حمس بنٍ على قز=بيدين منهو بالثواني ينزّي
مطلوب دم وكل ما هوّنت نز=ومن عالمه قبل البلاغ مْتوزّي
لو مر من فوقه غلط طاير الوز=أسبط ولاقادر بعينه يخزّي
حسبي على العادات والجاه والعز=فيه افتخر لو الفخر بي يعَزي[/poem]

لحظــات الارمــــاش .!
 

لحظـات الارمــاش

[poem=font="simplified arabic,7,white,bold,normal" bkcolor="darkblue" bkimage="" border="double,10,darkblue" type=2 line=0 align=center use=ex num="0,black""]
الليل والفنجال والنار والجاش=وبرد الخلا من عقب دفوة فراشي
وحزني وهمي وأنسكاري والانعاش=والجرح ينزف لكن الغبن شاشي
تجمّعن فيني مثل جمع الاوباش=اللي لهم عند الخسيسين واشي
يااحبابي الغالين يا اصحابي الكاش=ياللي تعرفون الثقال النواشي
مرّت سعاد وباعوا السوم ببلاش=أهل البيوت اللي وراها العْشاشي
صحراي قفرا والحقيقة بعد ماش=والكوكب الدّري لحقه العفاشي
واللي مهو راشي لقيناه مرتاش=والمعظلة حتى بسوق المواشي
ونقول يا عمّاش ويقول عمّاش=مالي دخل لاصار يمشي معاشي
وتغيب شمسي بين لحظات الارماش=وآقف وأقول اني مع الشمس ماشي
واتوه لوني عارفٍ كل مطراش=غصبٍ علي مابه جدال ونقاشي
باب الخلود وهيبة الذيب لاهاش= تمِر في فكري واعَسْف ارتباشي[/poem]

حمـووول الوقت .!
 

حمـووول الـوقت

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
الناس فيها شيء لكن وش الشي=الله ولاغيره عن الناس عالم
تشوف ذكر الميت في منطق الحي=لو مايَعَرْفِه لكن الرد والم
تطلع بنا الأوهام مع بزغة الضي=وتنزل ويصبح راعي الحق ظالم
دنياك ياابن آدم توهّج بها الغي=بالواقع تشوفه بعد وانت حالم
وقطع الرحم بين القريبين والخي=واللي يبي يصْلِح فلا هو بسالم
ضيقة حمول الوقت عن شيلها عي=لاصرت منت موكّلٍ بالمعالم
ولاتشرح الأسباب لوتنكوي كي=اشرح لمنهو بك إذا ضقت عالم
[/poem]

صـفحة النشــرة .!
 

صفحـة النشــرة

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
ياشاهي البرد لونك مابقَى خاثر=هانت عليك السنين وصفحة النشرة
مابين صمت الصديق وحظي العاثر=لقيت طهر القلوب بشلّة الدشرة
الحزن أمسى بنا بالحيل متكاثر= واحيان يصبح بنا عشرة على عشرة
الأرض فيها الورق طاير ومتناثر=والناس ترسم من النعمة على البشرة
ياقلب خلك على الأحلام يالداثر=ماتذكر الجوع يوم نقلّط الخشرة
أدري بأنك قوي عزوم يالواثر=لكن هموم الليالي فيك منتشرة
وش يعني إن قيل لاصحاب الفكر باثر=أصحاب الألباب ماهي منك منحشرة [/poem]

لـوعــات الايــام .!
 

لوعــات الايــام

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
ياصاحبي جيتن تشكّى من الضيق=ماتدري إن الضيق كله بصدري
ماتشوفني أمسي بروس الشواهيق=واصبح وصكّات الزمن ذيك حدري
الريق يابس مابقَى شي بالريق=وبدري على لوعات الأيام بدري
تكْسِر حضوري في عيون المطاليق=اللي تعزّن حيل وتْعَرْف قدري
أما العفون أهل الرخاء والمشاريق=كلٍ بهم لاقرّب الليل يدري
بالكذب تلقاهم على قمّة طويق=وبالصدق مامرّوا على ظل جدري
طلّعت نفسي دون نجمة وتوثيق=وطْعِنْت في ظهْري ولاشيف غدري
[/poem]

عـلاج الخفوووق .!
 

عــلاج الخفوووق

[poem=font="simplified arabic,7,white,bold,normal" bkcolor="black" bkimage="" border="double,9,black" type=2 line=0 align=center use=ex num="0,black""]
على بالك انك يوم ترحل تروح بعيد=ابي اموت من شانك وأبي أنتظر وصلك
خلقني عظيم الشأن لرضاه والتوحيد=مهو لجل أطارد واحدٍ يالغلا مثلك
تولعت بك صادق ولكن لقيت البيد=علاج الخفوق اللي كسرته نعم لَجْلِك
بودّعك توديع الفقارى ليوم العيد=وداع الكريم اللي عَطَى كل مايملك
انا مابغيتك مصلحة ياجميل الجيد=انا ابيك لا ناديتني وانثنت رجلك
حسافة على وقتٍ قضيته معك تحديد=يوم انك تصيح تقول لاغبت انا من لك
لي الله ولا غيره بسجدة يشيل الحيد=عن ضلوع صدري يوم الاشواق تنزل لك[/poem]

الضــلع المتين .!
 

الضــلع المتين

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
البارحه مريت مامرّوا عليه الراحلين=ودعيت والدعوه بتيسير الولي لامن نوَى
من بعدها علّقت انا احلامي على الضلع المتين=من هيبته مافيه لا جني ولا ذيبٍ عَوَى
اللي تحملني سنين وكان باقي لي سنين=انا بوجهه لا يحطمني نبي نبقى سوَى
كم ليلةٍ ضاق الخفوق من الموادع والحنين=ونصيت مرقابه عقب حوف الهبايب والهوَا
وجلست والتفكير وداني رياض الصالحين=وانا قبل ارقى معي شعري وهاجوسي غوَى
تمرنا بعض الليالي ياعسى ربك يعين=ظروف نكسرها ونوب ظروف ملعونة ثوَى
يعجبني اللي يكتم اسراره عن الشهم الأمين=ويقول للراوي اذا أخطأ ،خطأ مالك لوَا
[/poem]

معــايد القريتين .!
 

معــايد القريتين

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
يااصحابي اللي تمروني على نيتين=الله يثبّت خطاكم في كسر عزمكم
ويعطيكم العافيه مع خوّة المنتهين=حتى يكون الشقاء موسوم مع وسمكم
توي عرفت الصحيح اللي عليه اليقين=بانت على الضلع الاقصى طهبلت رسمكم
ماني مْتَحَسّف عليكم لا ورب السنين=ولا قاله الله اكون بيوم انا خصمكم
الا على طاري اللي عايد القريتين=هو همكم او بعد للحين ماهمكم
يجيكم العلم بكرا والعرب راحلين=ويبين وش قسمنا ونْعَرْف وش قسمكم
البيد ومشابط السمراء وحَصْو البِطِين=اخير لي من حديثٍ مِعْتِلِيه اسمكم
[/poem]

توحـيـد الافعـــال .!
 

تـوحيد الافعــال

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
البارحه صكّت من الجال للجال=توتري يَفْـرِض عَلَي انتمائي
حتى عَرَفْت اني سبب ضيقة البال=خط الرطوبه ياوطن إستوائي
آسف على توزيع صَمْتِي للاحوال=والصمت أمْنِي في عيون الوقائي
لاتشتكي مردود توحيد الأفعال=توحيدها مَرْكَز مناف النسائي
أرُوْح والهَقْوه على شوفة ارجال=وارْجِع على خيبة بلوغ انتقائي
الجرح يَنْزِف والستر مايبي شال=يبغَى الدليل اللي شراه الروائي
لومال ضِلْع طْويق راسي فلا مال=موتي ولاذلة مْوَاصَل بقائي
واليوم لو صَكّت من الجال للجال=ان السبب ماكنت اشوف ارتقائي[/poem]

مـوت المطـانيـخ .!
 

مــوت المطانيخ

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
آه تيماء عقب فرقاك فيها ضيق بال=والحزن خيّم عليها عقب شيخ الزحول

آه ياغبني على من يشيلون الثقال=وآه ياثقل المعاناة بانْصاف الحلول

وآه من فرقى هل المجد هامات الجبال=وآه من موت المطانيخ ورْجال الفعول

وآه من جرح الاجابه على هم السوال=واه من ليلٍ بهمّه على الفرحه يحول

وآه من طيف التلاقي على فكر الخيال=مانْعَرْف شلون نبدا ولا ندري شْنِقول

وآه من كثر الحسايف مع اوقات الزوال=لاتوشّحها غياب الذي قال ويطول

يابو فيصل آه فَقدك كِسَر صبر الرجال=وانهمر دمع الصناديد في اصدق نزول[/poem]

نـديم الــوجـع .!
 

نـديم الوجــع

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
لا تشتكي لي رعاك الله=يبكي من الغبن حرماني

انا نديم الوجع والآه=والهم ساكن بوجداني

من ضيقتي قلت ياويلاه=وياشيب عيني من احزاني

لولا نسيم الهواء ودْعاه=في خايعٍ والمساء داني

لااموت من حسرةٍ تنخاه=بقعاء علي يوم تنصاني

ولولا سحابٍ لحقت اقصاه=يوم الهواجيس تنخاني

لا اوَدِّع الروح مع بلواه=حياك ياعمري الفاني

عمري كسيته بمال وجاه=وانا من العمر وش جاني[/poem]

هــاجس الضــيق .!
 

هــــاجس الضيق

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
البارحه ماعاد للرجم داعي=علمٍ لفاني فَتَّق الصدر تَفْتيق

ماني بواعي لكن الحزْن واعي=ياويل حالي من عَبَث هاجس الضيق

خيبة أمل سَمَّى عليها اندفاعي=وانهارت احلامي على قمة طويق

خلاص ياشَتَّى السبل والمساعي=يَحُّول ياصبر الرجال المطاليق

أجي على الدفع القوي الرباعي=وارْجع على ان الحظ مابه توافيق

حتى الطريق اللي مروره أفاعي=أشْفَق عليه اليا حَضَن يابس الريق

أخاف تَشْمَت به عيون السباعي=ويضيع دربٍ ماوطوه العشاشيق[/poem]

انتظار المراااســيل .!
 

إنتظـار المراااسـيل

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
سود العيون اللي هدبهن مظاليل=مَرَّن علي البارحه في منامي
قالن نَخَبْرِك تسهر الحزن والليل=قلت البلا عَيَّت تشيلن عْظامي
انا من الحرمان شفت البهاذيل=أروح ظامي وارجع بْوَقت ظامي
الناس تكسب من بَعَضْهَا محاصيل=وانا كسبت من الظروف احترامي
لو كنت مَاامْلِك غير نظرة من سهيل=قدَّمتها للضيف قبل الحرامي
( شوقي لْسَاعَات اللقاء والمواصيل)=شوق الحَبِيب اللي يناجي غرامي
أشكي على صَبْر انتظار المراسيل=لوكان صبري يشتكي من مقامي ![/poem]

العــز والصــيت .!
 

الـعز و الصـيت

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
المرجله والطيب والعز والصيت=تجمّعَن بسعود مجد وزعامه

طيبه ماهو قَطه ولاجاه تصويت=طيبه جْبِلّه من ضمير الكرامه

ياقف ووقفاته ورى نهر تكريت=يوم ان ولد اللاش يبغَى السلامه

ودك مثل شرواه يكتب على البيت=هنا الشموخ اللي عليك احترامه

عز الرفيق مْشَتَّت الفكر تشتيت=وعون البعيد اللي عليه الملامه

ريف الضعيف اللي حْقروه السرابيت=اللي ردي القوم بالهرج ضامه

ياليت مثله عشرة اشخاص ياليت=من الشمال لنجد لاقْصَى تهامه

حتى يكون الفعل ثورة دناميت=ينهي وجود مْصَدّرين الرخامه

اسمه يِشَرّف حي ويِكَرّم الميت=ويرفع مقام اهل الوفاء من مقامه

صنديد لو ان الزمن به عناتيت=ضرغام لو الليل أسْدل ظلامه

مْثَبِّتٍ نهجه على الجود تثبيت=ودمه مشى بعروق جسمه شهامه

يكفيك لامنك وقَفْت وتَنَخِّيت=مايطري الا سعود وسعود هامه

هامه اليامن الخطر صار توقيت=يوم ان ولْد اللاش ترقل عظامه

هيجنت والا في سموّه تغنّيت=صيته مْخَلّد لين يوم القيامه[/poem]

أســــــــعد صبـاح .!
 

أســـعد صـباح

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
هلا ياحلا واسعد صباحٍ لقيتك فيه=هلا بالحلا والزين والملح والقَبْله

هلا بالمقام اللي نْغَنّي على طاريه=هلا بالميول اللي تِثَنَّى بلا طبله

هلا كثر ماقالوا حكومة مصر يابيه=هلا كثر ما الاشواق لاَجْوَاك منْهبله

تعالي وغيرك لو يجيني انا مابيه=انا ابيك أكثر من غلا عنتر لعبله

احبك واموت بضحكتك آآآه يالبيه=يالبيه لو كبدي من الهم مندبله

عيونك خدودك رقتك ياعذابي ايه=انا وين اروح وعاشق الخيل بِصْطَبْله

علي الحرام انك لحالك بليا ليه=ومنهي تبي تاقف معك ياحلا خبله[/poem]

عــلوووم المرجـلة

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
الطيِّب اللي يِقَدِّرْنَا بليا وصاه=اللي مع الكل طيِّب والعرب شاهده
ياقف مع اللي نَعَرْفه دون تكفى وجاه=واللي بعد مانَعَرْفه بالخفى ساعده
ياعل عمره طويل وينبسط بالحياه=مثل انبساط الصغير اللي لقى والده
هذاك ابو سيف عنوان الوفاء محتواه=عِرْق الوفاء في يمينه لا رفع ساعده
حَشَم حَشَم والله انا مالحقنا جزاه=لايابعد من نخيته وَقْفِتِه بارده
والا حشم فزعة اللي مانصاه ونصاه=ابوه قبله علوم المرجله وارده
عمي شفق ياعسى الفردوس تروي ضماه=ياالله عسى منزله بالجنه الخالده
واللي مايمدح ولد عمه على مابناه=عزالله ان الحَسَد عن مدحته راوده [/poem]

ننحر الهقـوة

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
نسأل عليكم وعنكم وين ماكنتوا=لوكان حنا بخير وما لنا حاجه

نِصْبِح على ذِكْرِكُم ونقول لاهنتوا=بالطاري الزين لو بحلوقنا زاجه

واذا حضرنا بمجلس فيه مابنتوا=اللي تعرّض لكم ناصف له علاجه

واللي خلقنا وبه ياحبابنا امنتوا=مانقطع الوصل في بثه ولا ابراجه

وان زانت ايامكم قلنا لكم زنتوا=بعيوننا والحسود يدل مخراجه

وان شانت احوالكم والله فلا شنتوا=بافعالنا ننحر الهقوه لمحتاجه

كم واحدٍ بالشهر هذاك كفنتوا=وكم واحدٍ بالشهر هذا طفى سراجه[/poem]

قصيدة بالأخ/ فهد محمد عايد السلماني(ابوفيصل)

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
سلامي على اللي يفتخربه جديد الجاش=سلامي كثر مابين نجران والعِدْوَه

احب الذي لاحل طاريه قالوا عاش=خوي النشامى مكرم الضيف لي قدْوَه

زعيم المراجل والمراجل خذاها كاش=ماهو بالفلاش وصفحة عْكاظ والندْوَه

فهد والفهد معروف لاصار وضعك ماش=مالوم العرب لو سيرة المجد خلدْوَه

ابو فيصل اللي سيرته مثل لون الشاش=تخِيْب العفون اللي مواريه قلدْوَه

حميد السجايا والسجايا تبي تعتاش=على وَقْفتك يوم إن الابطال رددْوَه

ياليت الكرم عدوا على شان ولد اللاش=اذا جالس المطنوخ ينقل له العدْوَه[/poem]

الســاحل الغربي

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
مستعير الرّنْج رجِّع للبناخي رنجه=لا توهق نفسك اللي فقرها للصاجه

عارفين الوضع من حائل لساحل طنجه=وعارفين الفرق مابين العسل والزاجه

لو تبيع ترنج مشِّينا وقلنا ترنجه=باعها وقت اللزوم اللي عليه الحاجه

لكن الموضوع داخل بالبحر واسفنجه=واقتصاد المصنع اللي صمم الزلاجه

وانتصار الياس وتخديره وقوة بنجه=وانهزام اهل الامل وقت المرض وعْلاجه

صاحبك بالساحل الغربي تواجد لنجه=رغم ان الشاطي الغربي يثير ازعاجه

هَز غصن الشوق وطاح من الغصون اورنجه=بحوض مخرجنا الكبير اللي نجح باخْراجه[/poem]

مــع الســــــلامة

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
مع السلامه والسلامه معك خير=والحمد لَلَّه رافِقَتْك السلامه

انا ماني مُلْكَكْ ولا مُلْك للغير=لو انت من روسٍ تقط العمامه

شجاع ادري لكن احيان خنزير=واصل ولكن ناقِصَتْك الكرامه

تهدي وتعطي جمة البير للبير=ماهي علينا ضحكتك للغمامه

البارحه مرت علينا الاعاصير=لولا ذرى ربي علينا ملامه

طاحت وجيه مدورين المعاذير=واهتز عرش السالفه يادُلَامه

خسارة الواقع قِدَر يامقادير=ونور الأمل غطّى علينا ظلامه

بعد الغياب وقبل وقت التباشير=تراصفوا شبرين للاستقامه[/poem]

طفل يرســـم

[poem=font="simplified arabic,7,white,bold,normal" bkcolor="black" bkimage="" border="double,9,black" type=2 line=0 align=center use=ex num="0,black""]
جبل وادي ونَخْله والحمامة في سماه تْحُوم=طفل يرسم خياله من خيال الحب والطيبه
عَشَق لون الربيع بْدَاخله ما زار عِشْقِه لوم=ولكنه كَرَه خُبْث الوجيه اللي تْغَنِّي به
معه كراسته ما غاب عنها من غلاها يوم=يطالع رسمته في عالم الوحده وتغريبه
تَعَمَّد ما رسم في رسمته فوق الجبال غْيوم=يخاف الغيم يِقْفِي والزمان الشين يِقْفِي به
وتَعَمَّد ما رسم للشمس موقع ياشقاء المحروم=يخاف إن المواقع تَرْبط الواقع مع الغيبه
بَعَد فتره طويله لَوَّن الأسْوَد وحط نْجوم=لأن الليل بِعْيونه سَهَر فكره وتعذيبه
مِسَحْ ذيك الحمامة من خياله قبل وقت النوم=يخاف إنَّه إتْوَقِّع في عذاب الشك والريبه[/poem]

همه ومســـباحه

[poem=font="simplified arabic,7,white,bold,normal" bkcolor="black" bkimage="" border="double,9,black" type=2 line=0 align=center use=ex num="0,black""]
يِضِيق الشايب اللي في زوايا غرفته مقهور=يموت الفين مرّه مادَرَىَ به غير مسباحه
يِوَسِّع ضيقته مَوْعِد خذاه لْشُوفَة الدكتور=عَسَى يَلْقَى أحد من صحْبِته يَكْشِف عن جْرَاحه
يبي منهم عَتَبْ يَكْفِيه عن وقتٍ عيونه عُور=يبي ذيك الوجيه اللي مِضَت لو يَرْجِع صْيَاحه
تَلَفَّت مالقاهم والأمل خانه بْضِيم وجُور=رِجَع بِهْمُومه اللي من عذابه مالقت راحه
مِشـَى وقت الضحَى في عَتْمَة عيونه وحزْن النور=بكَى لَـنَّ الزوايا تَحْجِر الشايب مع اشبآحه
دخل رغْم التعب في غرفته والعالم المهجور=وقف لحظة تأمل مع هبوب الصيف ورْياحه
جلس في غرفته ضايق ومن ضيقه وقف مكْسُور=يدَوِّرْ في زوايا غرفته هَمِّه ومسباحه[/poem]

كف الشــــــمري

[poem=font="simplified arabic,7,white,bold,normal" bkcolor="black" bkimage="" border="double,9,black" type=2 line=0 align=center use=ex num="0,black""]
إيه شمر واسْألوا عنها المنايا=إسْألوا برزان عن حوض المنيه
إيه شمر بالغضب كِلَّه طنايا=ماتشوف الموت يَقْبَلْهم هديه
لعنبو حي الدهايا يالدهايا=الجنازه لَقّبه بِسْمِه سِمِيّه
إيه شمر تِعْتِلي كل المزايا=إن بَغِيتَه طِيْب والا بالحَمِيّه
إيه شمر لاَعَطَتْ مال العطايا =غير كف الشمري والنار حيه
دولةٍ تِنْصَى وتَنْصَاها القضايا=فوق سطح اليابسه والجاذبيه
إيه شمر بالكرم بِيْض النوايا=طَبْع في شمر وهي بالجاهليه
إيه شمر لااعْتَلو فوق المطايا=تِمْسِي الدنيا وتِصْبِح شمريه
يافهد وقِّف معي كن الحنايا=وَسْطِه الجربان والفارس بْنَيّه
يافهد رَبْعَك مْفَكِّكْت السرايا=سِرْبِةٍ ياطير شلوى زوبعيه
أبو خُوذَه ركن من ركن الهدايا=كيف ماتعطي من اعضائك عطيه
والله إنَهْ تِفْتِخِر فيك السجايا=مثل ماتَفْخَر بحايل حاتميه[/poem]

وقفة الأطــلاااال

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
عَلَى الصَّامِت جِهَازَك ياحَبِيْبِي والعِذِرْ مقبول=ولكن بَسْألَك كيف المِشَاعِر لاافْطَرَت صامت
تِعِبْت مْن انْتِظَارِك وانْتِظَرْتِك والجروح تْقُول=تنام عْيُون غِيرَك في عْيُونَك كل ماقامت
سِهِرْتِك يامساحات القصيد بْعَرْضَهَا والطول=وحَلَمْت بْجَيِّتَك وعْيُوني الثِّنْتِين مانامت
عَلَى ذِكْر القصيد اسْطَبْلِك المَمْنُوع فيه خْيُول=وْعَلَى طاري مِسَاحَاتي طْيُورَك ليه ماحامت
أنا واقِعْ وْلَكِّن الخيال اللي معي مجهول=يِضِيع مْن الصَّبِر ثِلْث الغياب وْنَفْسِنَا شامت
تصورتك نَعَشْ وانا عليه من الحِزِنْ محمول=أعَزِّي دمع عيني كل مانَفْسِي عَلَي لامت
أدَوِّر في حلولك حل يِنْقِذْني من المعقول=عَسَى الله لايِخَيِّب وقْفَة الأطلال لادامت[/poem]

مرقــاب الطويلة

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
الغياب اللي حداني عنك ياراع الجديله=شيمةٍ عَيّت تِغِيْب البارحه ياشوق عني
شوفِتِك اصعب من ظْروف الحياة المستحيله=واسْهل من اللي يشوف الحلم مع ليت التمني
دَوِّرِي لي مع بدايات السنه والا رحيله=الوداع اللي يِخَيِّب هقوتي في حِسْن ظني
ارحلي مثل السحاب اللي مع البارق اخيله=رحلةٍ مابه وقوف ولا مشاريه وتَأَني
ابْعِدي بِعْد المكارم عن مساحات الفشيله=واقْرِبي قِرْب العفاف بْخَلْوِتِك وقت التجني
وان رسمتيني على الأطلال قولي ياجميله=انه اصدق من توفاه الامل قبل التبني
ولا تحطين العزاء في راس مرقاب الطويله=خايفٍ مشاعرك تٍشْرك بْصدْري وتْغَبِني[/poem]

الغــزااال

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
الغزال اللي لقيته في حواري مكه=من لقيته يابوخالد صِرْت انا مَكَّاوي
والله إنه بالمحبه تَكْ قلبي تَكّه=آه ياقلبي من عيونه كواه الكاوي
والشفايف به ميول الغطرسه والشِكّه=لونها بُنِّي على حِنْطِي على كيكاوي
إن مشت فْخُوذَهَا مع بَعْضَهَا مِنْصَكّه=كنها وقفة لواء بالمجلس العَكَّاوي
العرق من جِسْمَهَا يُوخَذ دواء للحِكّه=والنظر فيها يِوَظِّف رغبة التَكَّاوي
بطنها راحت سخاء من جُودَها مِنْفَكّه=والصدر جود الحنان بْفَزْعَة التركاوي
كل ماقالوا حُكُم صَنِّيت أنا باالإكه=لَجْل أخَسِّرْها واقوم لْشُوفَة المَكَّاوي[/poem]

عيد العمودي(ابوفيصل)

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
يقولون عيد انسان تاجر وعنده مال=وانا اقول عيد الطِيْب والمرجله كلَّه
علي الحرام انه كفو حي ذاك الفال=أبو فيصل اللي يربط العلم ويحلَّه
طليق الحجاج وفخر شمر ووجه رْجال=سَعَد من غزاه الفقر ياناس واحتلّه
اذا قال قال ويثبت القول بالافعال=مهو قول منهو لا توهق لحق ظلّه
جميع العرب تجار لكن عبيد ريال=بعضهم مااقول الكل أدخل عن الزلّه
ولكن ابو فيصل طنيخة عرب ياعيال=مزاياه ماتحصى مع المعضله لله
ياليت البطاقه ينكتب به من الاحوال=هذا الطَيِّب اللي يفخر الطِيْب بِسْجِلّه
انااشهد بأنه عز ومْعَرَّب ومدهال=فْعُوله مهي تطبيل لا والله جْبِلّه
تميل الظروف وعيد واقف سطر مامال=كأنه يقول الوضع خَلّه عَلَي خَلّه[/poem]

مســـافات الألم

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
ياجرح قلبي من هواجيس الايام=اللي توصِّلْني طريق البلاوي
أنام واصْحَى واسهر ايام ماانام=وارْجِع وانام ولاسِهِرْت الرجاوي
واقوم من ضيمٍ طوَى كل الاحلام=واسْرِي وانا شارِح جميع الفتاوي
أرْحَل على الذكرى واغَنِّي للاوهام=هايم ويَتْبَعْني ثمانين غاوي
الحِزْن يدعيني وانا اقول قدام=أقطع مسافات الألم والهقاوي
واقْلِط على نَظْرَة عذابي من العام=وقول سَمِّي بالقَهَر والنخاوي
تَنَكِّسَت في داخلي كل الاعلام=لوكنت انا لِمْصَافَح الوقت قاوي[/poem]

تضــاريس الزمن

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
سافرت لك وافراح الايام ياشوق=فيني من سنين الطفوله تبرّت
كم ليلةٍ من حزن الاشواق مخنوق=وكم ساعةٍ فيني من الضيق مرّت
صابر وصبري مالجَى عند مخلوق=لو ان عيني من قسَى الوقت قرّت
تعبت وحْلولي من العوق للعوق=حاولت اوَخِّرْها ولكن تذرّت
كنت اتأمل كل مطرود ملحوق=أمثالنا أحيان مايوم سرّت
اضحك واعاتب ضيقة الصدر بالذوق=لو انها بِجْروح قلبي تجرّت
صحيح بالقمّه و ألد النظر فوق=لكن تضاريس الزمن بي تعرّت[/poem]

ســيف الجهيلي

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
الصديق اللي مع المصلحه ماهو صديق=ذاك مَايِحْسَب يابوزيد ضِمْن الاصدقاء
الصديق اللي الْيَا ضقت من ضيقك يضيق=كل رجمٍ لارقيته معك شد وْرِقَاء
ذاك لو همك عَلاَ واعْتَلَى هامة طْوِيق=نَزِّلِه فوق المناكب وشاله واتقاء
لَجْل يعطيك المساحه عن احوال الطريق=القوي يَبْقَى وْلله ياعم البِقَاء
وانت ياسيف الجهيلي على الوَرْد الرحيق =زي ماقالوا هَلَ العِرْف بك طِيْب ونِقَاء
تِجْتِمِع فيك الخِصَال الحميده يالرفيق=مثل جَمْعَة أم لاطفالها لَحْظَة لِقَاء
عِضْتِنِي عن خُبْث الايام والجَرْح العتيق=والوجيه اللي بها الحِقْد يَحَّول امْحَقاء
يابعد ناسٍ من الزُّور عَيَّت لاتفيق=مَاوَرَى صحْبَة هَلَ القِيل ياكود الشِّقَاء[/poem]

نبـل الأخــلااااق

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
ملّيـْت فرقآك واتْعـَبـْنِي حضُور الغِياب =ملّيـْت نفْسِي بدُونك يَاغيـَآب الحضُور
أنت المطر في نزوله وارْتِفاع الضباب =ياتـَمـْتـَمَة طفل مابين البُكَى والغرور
اَرْحَل بِذِكْرَاك لاشفت الفضاء والسحاب=واطِيب من جَرْح سِرْبِك فوق خط العبور
كان الفصول اربعه خَامِسْهُم الإكتئاب =رِيحْ النِفَل فيه طآغي من وجود الزهور
اسْتـَسـْمِحَك يَاخَطَايَا نَجْد بَعْد العتاب =واعْتَب عَلَى ريشتك قبل اقتحام السّطُور
أسْتأذِنك في دخول الأوديه والهِضَاب =مَنَاخِك المُعْتَدِل أجْرُه لأهل القبور
يَانُبْل الاخْلَاق يَاقِمَّة سِمُو الرحاب=يَارِحْلة المُشْتَرِي لاَضَاع فيه العثور
يَاذِكْرَيَات العَذَاب اللي بْصَدْر الكتاب=يَافِهْرِس الانتظار وْخوف يوم النشور[/poem]

ســـنارة الشـــوووق

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
مافيه داعي تْشُوف الجرح وتْخِيطِه=صَدِّك وسود الليالي هن سبب جرحي
تعال خَلْ الحَذَرْ تَسْعَى له الحيطه=يانور عيني عطيتك عمري وصَرْحي
تخطيط قلبي كِتَب اسمك بْتَخْطِيطِه=ياكيف أبَشْرَحْ وانا من وَهَّقَن شَرْحي
سنارة الشوق محسوبه على خيطه=ياصبر هَمِّي على موضوعي وطرحي
أهدي لك الحب واقْدَعْ من محاطيطه=واذوق غَبْنِي على هامان يافرحي
تحديث آلي على تحديث تنشيطه=حتى الأمل في عيوني يحتجز ترحي
يموت بعض الألم في قيد تربيطه=أجمل شعوري جمال الشعر في جرحي[/poem]

بنت المهـــاة

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
وَاهَنِي اللي شَلَعْ والكوره الأرضِيّه =إرْتِفَع عَنْهَا يِدَاعِب بالسماء جِنْحَانَه
مَاتِقَيَّد في نظام الحَالَه الأمْنِيّه=وْلاَاعْتَرَف بِحْدُودِه اللي حَطِّمَت وِجْدَانه
أشْقَرٍ ماله عَلَى صِيْد الحَبَاري نِيّه=صيدته بنت المَهَاة القَاصِر المليانه
نَادْرٍ صِنْفِه ماهو عايش عَلَى المَحْمِيّه=عِيْشِتِة فوق السحاب وْتَحْت مَجْد اركانه
مايحوم الا على رِيعٍ فياضه حيّه=مايجيه ابن الملوك وْهِيْمَنَة سلطانه
وآهَنِيِّه والا انا لو زانت النفسيّه=ضِحْكِتِي تِخْلَق لْغِيرِي لعنبوا شيطانه
آه لو حاتَم وزير الثروة الماليّه=كان قَسَّمْهَا عَلَى العَالَم بْذَبْح حْصَانِه[/poem]