{ديوان الشاعر:عايد الشمري ابومطلق {(شمري صابر)}
 

ابيات اضعها وكلي امل ان تحضى بشي من رضاكم الغالي
[poem=font="simplified arabic,7,white,bold,normal" bkcolor="darkblue" bkimage="" border="double,10,darkblue" type=2 line=0 align=center use=ex num="0,black""]
يابوسعود إن كان تنشد عن الحال. = صارت حياتي يارفيقي ممله
من كثر مابالصدر من ضيقة البال. = يظهر علي في بعض الاوقات خله
مما على قلبي من الهم يجتال. = مخطور عقلي يبتعد عن محله
لو شفتن اضحك والبس شماغ وعقال. = قلبي عليل وعلة القلب عله
احيان تلقاني مع الناس رجال. = عذب المشاعر بين مذهب ومله
واحيان اكون اقرب على وصف تمثال. = يتعب ضميري واترك الهرج كله
لازلت اعاني واريش العين لازال. = مابه رحم والقلب عيا يمله
ياقبلة الله ياحلو حبة الخال. = على ثمر خدٍ كما ورد فله
يذوب قلبي ياتبسم هوا البال. = فديت انا الضحكه على مبسمٍ له
وان طالعت بالعين ياراحم الحال. = يصيبني من زايد الشوق ذله
رغم اني اشكي من سواياه غربال. = مضمون قلبي صار مستسلمٍ له
صبري على فرقاه ياصاحبي طال. = طالت معاناتي عسى الله يحلـــه
هذي حياتي كان تنشد عن الحال. = صارت حياتي يارفيقي ممله[/poem]

ابومطلق الشمري
ودمتـــــــــــــــــــــــــــم بألف خيـــــــــــــــــــــــــــــــــــــــر

سمعاً وطاعة
 

احبتي الغالين قصيده تتكلم بوضوح عن فحواها راجيا ان تنال شي من اعجاب ذائقتكم الراقيه //////////

[poem=font="microsoft sans serif,6,indigo,normal,normal" bkcolor="silver" bkimage="" border="none,4," type=1 line=1 align=center use=ex num="0,black""]
الاكسجين بضامري صار به قل. = والضغط في قلبي يزيد ارتفاعه
جفة عروق القلب والحال تنحل. = والهم اشوفه كل ساعه وساعه
قل الرجا والياس في مهجتي حل. = والهم اتاجر به لقلبي بضاعه
عزيل من مثلي بعمره تبهذل. = مابي على كثرة همومي مناعه
يامن علي سيطرت ياصاحبي قل. = هو فيك من عطف الحنان استطاعه
عيشتني بالحزن والهم والذل. = خليتني حقل تجارب قطاعه
مليت والمرسول من حاجتي مل. = سديت باب الواسطه والشفاعه
مافادني فيك الرجا والتوسل. = وانا بعد تصعب علي القناعه
كان انت يامصدر ضياعي مصمل. = جازم على قتلي بعنف وبشاعه
اسمح لي بلحضات صمت وتأمل. = خدر عروق القلب قبل انقطاعه
دام انت قادر ماتمنيت تفعل. = احسن قتل نفس تقرر ضياعه
ارجوك لو بآخر حياتي تجمل. = واقبل شتات الروح عندك وداعه
من واجب المملوك غصب يتحمل. = حكم الهوى يحتاج سمعا وطاعه
[/poem]

ابومطلق الشمري
وسلالالالالالالالالالالالالالالالالامة ارواحكككككككككككككككككككككم

نتايج الفرقا
 

احبتي قصيده تتكلم عن فحواها اضعها علها ترتقي للحد الأدنى لذائقتكم الراقيه ::::

[poem=font="microsoft sans serif,6,darkred,normal,normal" bkcolor="skyblue" bkimage="" border="none,4," type=1 line=1 align=center use=ex num="0,black""]
نتايج الفرقا غرابيل وهموم. = والشوق يترك بالضماير علامه
سهران يقلق راحتي قلة النوم. = واليل يزعجني بشدة ظلامه
مرة ثلاث اسنين غير امس واليوم. = وانا اتصبر ياحياة الندامه
عرضت نفسي للبهاذيل واللوم. = اسمع واخفي علتي بابتسامه
تأقلمة روحي على كل مقسوم. = بالغت صرفي من رصيد الشهامه
ياما مضى لي فيك وانا افرق السوم. = واعاملك باسلوب لطف وكرامه
ابدي لك اسباب الغلا دايم الدوم. = واصبر على قلبي وزايد هيامه
واليوم احس ان الأمل فيك معدوم. = بديت افكر بالعذول وكلامه
سر اكتئاب النفس يابنت معلوم. = دايم طريقه ينتهي بالملامه
مادام راع الحب محروم محروم. = وان قلت مبلي صار مامن سلامه
ابانسحب عن قصة الحب مهزوم. = واقرأ لابن لعبون وابو دلامه
[/poem]
ابومطلق الشمري
وسلالالالالالالالالالالالالالالالامة ارواححححححححححححححححححكم

العنصـرية
 

احبتي الكرام ابيات تشرح عن مضمونها وله حكايه لايتسع اللاب توب لذكرها عسى ان ترتقي لذائقتكم الراقيه /


[poem=font="microsoft sans serif,6,royalblue,normal,normal" bkcolor="white" bkimage="" border="none,4," type=0 line=0 align=center use=ex num="0,black""]
الله اكبر ضاق بي معنى التقدم والتحضر = من يساعدني على تفسير مفهوم القضيه
صابني من كثر مااسمع معانات وتخدر = ماني قادر اشرح الموضوع باسلوب البريه
ان تعذرنا عن الزلات قالوا لاتعذر = وان طلبنا الحق يااخوان قالوا عنجهيه
وان تأترنا بحب الزين قالوا لاتأثر = وان عشقنا ديرة الاجواد قالوا عنصريه
وان تكاتفنا على العادات قالوا لاتأخر = الكرم عاده قديمه في حياة الاغلبيه
وان لبسنا البشت رغبه اتهمونا بالتأمر = وان شكينا للمحافظ طالبك بالمعنويه
وان سلكنا منهج العرفان باسلوب التشكر = قالوا منافق ولا تصلح ولا عندك حميه
وان تعوذنا من الشيطان واخفينا التذمر = قالوا انك ماتحملت الامور العاطفيه
وان صدف مسكين غازل خفرة شافه تمخطر = هيئه المعروف تجلد والخوي يلحق خويه
وان خطبنا من حسينات البهيه ماتصور= من شروط اهل العروسه غاليا مهر البنيه
وان تطرقنا لموضوع الدراهم لاتذكر = راتب المسكين مايكفي ملابس داخليه
وان سألنا عن بنات الشام قالوا لاتنكر = الخليجيات واجد خل عندك وطنيه
ضاع مدلول السعاده بين عيب وبين منكر = مجتمعنا علته يامسندي ماهي خفيه
وارجوا اني ماتسببت لمشاعركم تعكر = اعذروني واسمحولي مقصدي حل القضيه
[/poem]
ابومطلق الشمري
وسلامةةةةةةة ارواحكمممممممممم

المال وماأدراك مالمال
 

ابيات عن واقع حيات هذا الزمان كفانا الله شره
[poem=font=",6,green,bold,normal" bkcolor="burlywood" bkimage="" border="none,4," type=2 line=0 align=center use=ex num="0,black""]
الله يبدل عسر الايام بااللين. = يافارج الشدات تفرج لحالي
انت الغني وحنا لفضلك مساكين. = ياواليا فضلك على كل والي
ياما سحبت الدلو مليان بالطين. = بأمرك عساي اسحب قراح زلالي
ماينفع الانسان كثرالمحبين. = لوكان عند الناس بالحيل غالي
ياصار مايملك رصيدك ملايين. = حتى الحليله خاطره عنك سالي
تلقا الاهل ماهم عن الحال دارين. = تدخل وتطلع مادرى عنك والي
وتكثر عذاريبك بشتى الميادين. = وتفقد غلا حتى الرفيق الموالي
وان كان لك شف بحب المزايين. = يصبح فؤادك من هوى الترف خالي
مالك مجال تحاكي دويعج العين. = وان شفت زوله قلت ياهملالي
هذي حقيقة وضع الايام هالحين. = المال حدد صاحبين المعالي[/poem]

ابومطلق الشمري
وسلامة ارواحكـــــــــــــــــــــــــــــــــــــم

الهــ...ــاجس
 

ابيات على الطاير ارجوا ان ترتقي لذائقتكم الموقره مع رجائي العذر والسموحه عن التقصير عن عدم الدخول على اكثر المواضيع في منتدياتكم الغاليه ذالك لأن متصفحي نائي ( يعني ريفي بدون جيل ) واثقل مما تتخيلون مما لايتيح لي الدخول بالمواضيع والمشاركه لضيق الوقت لدي والله يحفضكم
[poem=font="arial,6,indigo,bold,italic" bkcolor="burlywood" bkimage="" border="none,4," type=0 line=0 align=center use=ex num="0,black""]
ياهاجسي دامك معي فانت مجبور = لازم تعيش الوضع حلوه ومره
ون كان ودك تبتعد مانت معذور = خذني معك بس القمر لا تمــــره
تساعدوا في غزوه الفين دكتور = وناسا تعمر فوق سطحه مقره
هم يقصدونه علم وادراك وشعور = وحنا نمثل به خدودن وغره
ندري تضاريسه لنا تعكس النور = والشمس ماسيطر على الكون حره
لاشك انا ياهاجسي عشت مقهور = اغوص ولا وفقت بالغوص دره
تدور بي دنياي وادور وادور = مواهبي تحطمة الف مره
واليوم انا في عقدي الخامس شهور = راح العمر ماصادفتني مسره
امشي اوضاعي على كل ميسور = والحمد لله صحتي مستقره
لاجتني الفرصه ولا صرت مشهور = وارجع واقول العلم لله دره[/poem]
ابومطلق الشمري
والله يحفظكم ويرعاكم

ملعون ابوالوحدة
 

المتصفح الغالي
ابيات شعريه فرضتها علي وحدتي القاتله حبيت ان اضعها ليكون للشاعر متنفس يعكس احساسه راجيا عدم المؤاخذه منكم عافاكم الله من كل هم
[poem=font=",6,orange,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
في وحدتي لقيت عن بعض الاجناس. = مرتاح عن هرج النميمه لحالي
مالي مع اهل الكذب والحسد مجلاس. = يرفض يطابق مجتمعهم خيالي
طبيعتي من فضل ربي على ســــاس. = كون سجاياها عزيز الجلالي
البن عندي له على النار محمـــاس. = اصوغ كيفي واشربه من دلالي
وافرح اذا سير علي طيب الســاس. = يقلط واهلي به عزيز وغالي
عندي على نط المراقيب مرمـــاس. = اتعب ولو ماهو كثير حلالي
يشوق نفسي من سنا المجد مقباس. = لو باعدت مصغاي سود اليالي
اطرد سبب رزق تقفاه لـــــولاس. = اسعى وعلى الله مخرجي واتكالي
هو ملتجى من يشكي الضيم والباس. = بأمره يكون ادراك مجد ومعالي
الوذ به يادك بالنفس وســـــــواس. = واشكي على الله ماشكت منه حالي[/poem]
ابومطلق الشمري
وسلامة ارواحكم والعذروالسموحه

أنا والدكتور
 

[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
شكيت للدكتور كثر الهواجيس. = وهموم قلب غابر الوقت حسه
قال انت مبطي عندك الظغط ماقيس. = عطني يدك نبضات قلبك نجسه
فال العمر قلت البلا والعواكيس. = راحة سنين العمر خسه بخسه
قال انت تاجر قلت حنا مفاليس. = انا وربعي كسبنا ماندسه
قال انت شاعر قلت عندي كراريس. = كتبت لام كلثوم محروم لسه
قال انت مطرب قلت ياوالله الهيس. = من شاف وجهي ماتهقوى بحسه
قال انت شريطي قلت مااملك التيس. = شبك المطايا مامشت فيه بسه
قال انت بدوي قلت حنا سناعيس. = مافيه شبر بالوطى مانعسه
قال انت حلل دم وهات المقاييس. = قلت العفو دمي صعيب ممسه
انا بديرة مبعدين المراميس. = كلن ثنى للجود مافيه هسه
شمر هل الطولات وابلعن بليس. = كم واحد من فعلهم غاب حسه[/poem]

وســــلامة ارواحكم
ابومطلق الشمري

دنيا الشــقاء
 

[align=center][poem=font="arial,6,deeppink,bold,italic" bkcolor="burlywood" bkimage="" border="none,4," type=0 line=0 align=center use=ex num="0,black""]
ليت الفكر عن طاري الوجد يرتاح. = والعقل ياخذ عن شقاالنفس راحه
سود الليالي ماسعت لي بالاصلاح. = تبينت لي بالعنى والوقاحه
صحيح مايوجد على الكون مرتاح. = دنيا الشقا مابه للأنسان راحه
خطرن على سد المعاليق ينباح. = لولاي احكم القلب طنب صياحه
راح الشباب ولا تمتعت بأفراح. = تملصة دنياي ماشفت راحه
يسهم علي همي كما طير ملواح. = اوما له الصقار واطلق جناحه
يكرب عضوده ياسمع صاحبه صاح. = ويزود شره ياتتابع صياحه
عكر مزاجي عن محاصيل الارباح. = دلوي عجز حبله يوصل قراحه
كني غريقن مارست فيه الالواح. = في غبة ماينسمع به صياحه
مستسلمن لاسلوب قباض الارواح. = عمره صغير ولا يعرف السباحه[/poem]

ابومطلق الشمري
واعذروني اذا الابيات متشائمه مع احترامي لذائقتكم[/align]

فوايد التدخين
 

الاخوه والاخوات الاعزاء اول مشاركه اخترت لها هذا العنوان لتكون اشبه بالنصيحه لكل مدخن عسى الله الكريم ان يعصمني ويعصم كل مدخن انه سميع الدعاء قولوا آمين
قيل وليس بالأكيد ان فوايد التدخين كالتالي :
1- يقال ان المدخن لايصيبه داء الهرف او (الخرف) لنه والله اعلم لايبلغ ذالك العمر
2- يقال ان بيت المدخن لايسرق والسبب هو انه يسعل او (يكح ) وهو نائم مما يجعل الحرامي يضنه صاحي فيرجع من حيث اتى
3- يقال ان المدخن يشتري الخبز ولا يأكل منه الا القليل فتجد بيته ممتلأ بالخبز اليابس
4- اما انا فأقول :
[poem=font="arial,6,red,bold,italic" bkcolor="skyblue" bkimage="" border="none,4," type=0 line=0 align=center use=ex num="0,black""]
ابديت مما يحتوي خاطر ضاق. = تحصيل حاصل مابقى من شتاتي
رغم اختلاف القابليه والاذواق. = هو فيكم الي مايسوي سواتي
احيان عندي حب واحساس واخلاق.= واقدر على تحديد معضم صفاتي
اطرب واغني واذكر الله واشتاق. = واصيح يادنياي هاتي وهاتي
واحيان احس النار تحرقني احراق. = اسجد ولاادري وش قريت بصلاتي
ينتابني احساس تحطيم الاعماق. = عقلي وفكري وانتمائي وذاتي
حسبي على الي زين التبغ باوراق. = اشريه وادفع قيمته من حياتي[/poem]

ابومطلق الشمري
وسلامتكم جميعا والقادم اروع ان شاء الله

الله يصبّر خفوقٍ شلته نوره .
 

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
والله من ليلةٍ مرت على المحتار=لاعادها الله يابوجراح من صوره
من شوفتي للملامح هزني تذكار=الله يصبّر خفوقٍ شلته نوره
مرت سنين العمر من دونها معبار=علمي بها قبل عشر سنين مقهوره
واصبحت ابي من يطمّني وش الاخبار=عسى حياته مع الأيام مسروره
راع الهوَى في حياته دايمٍ دوّار=أكثر نواياه عند الناس مثبوره
ياجوّنا لو خذيت ايام وانت غبار=لابد مانسمع إن القاع ممطوره
مادامنا نتّجه لله باستغفار=خطيّة الذّنْب عند الله مغفوره
روفي بنا ياتجاربنا مع الأقدار=دام المذاخر بطيب النفس معموره
واللي قضَى كل عمره بالوفاء صبار=لازال مغمور والهقوات مغموره
مامن حلا ياتعثّر تالي المشوار=عسَى شوير المحبّه يصدق بشوره[/poem]

ســــــلالالام وتحية
ابومطلق الشمري

كم نسبة اللي صدق ياصقر بالميّة؟
 

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
طوّلت في غيبتك وابطيت بالتيّه.=والعادة اللي يطوّل بالسفر يأتي
كم نسبة اللي صدق ياصقر بالميّه.=واهديك مالا تصوّر من تحياتي
معادن الناس ماهي عنك مخفيّه.=واكثر مهماتهم ماهي مهماتي
وش فيك ماتلتفت ياصادق النيّه.=والا ماهو معجبَك ماضي سجلاتي
أكثر تفاصيل بوح الفكر مخفيّه.=من منطلق حاجة المقهور في ذاتي
هارون همّه تكون الأرض محميّه.=يبذل جهود الوفاء لليوم والآتي
والبرمكي يضمر السيّه على السيّه.=ماضيه واضح وجزءٍ من ملماتي
معظم تجارب كثير الناس وهميّه.=ملعوبهم زات مايركب على زاتي
مفهومهم للولع حاجات شخصيّه.=عاداتهم لاتمثّل صلْب عاداتي
رسالتي ياسليل المجد سلميّه.=من منطلق حاجة المقهور في ذاتي[/poem]

سلالالالام وتحـية
ابومطلق الشمري

ثبّت رموش العين .
 

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
غض النظر ياصاحبي واترجاك.=ثبّت رموش العين لاتلتفت لي
ياما تحمّلت الأسَى من سواياك.=لاعاد يومٍ صار به شوفتك لي
القلب ينزف من زماني بليّاك.=وشلون اقاوم كان هي سلهمت لي
ارفق على شخصٍ من الناس يهواك.=والا ترَى يامنيتي عزّتك لي
ماتدري إن القلب يفرح بطرياك.=علّقت روحي من سبب نظرتك لي
ساعة وصل من غاية الشوق برضاك.=تسوَى حياةٍ قبل عِرْفك غدت لي
ياليت اعالج علّة النفس بدواك.=نبع العسل بشْفاك يوم اضحكَت لي
الله يحقق مطلبي من عطاياك.=هذا إذا سود الليالي صفت لي
تعيس من لا حاش حظّه بْلاماك.=واكبر سعادة بالوطن هَمْسِتَك لي[/poem]

ســلالالالام وتحـية
ابومطلق الشـمري

الرقـم مشــغووول.
 

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
كم مرةٍ دقيت والرقم مشغول.=واحترت احسْب اني عن الرقم غادي
ازهم علَي لاصرت فاضي على طول. =خل الوصل مابيننا شي عادي
اختر وانا بختار من طيّب القول.=اجعل لطيف البوح زادك وزادي
واللي مهو معقول يصير معقول.=لنّي ابشرح لك خفايا فوادي
إلْطف بحالي يادواء كل معلول.=تراه ضيّق بي من البعد حادي
ياحّول ياقلبي من الولف يحّول.=ابطيت اجاهد به وطوّل جْهادي
راح العمر واللي تمنّيت مجهول.=يازاد بي شوقي تزايد عنادي
حياتنا مابين محْبَط ومخذول.=غادي وكم غيري من الناس غادي
الحول يقضي ونْتواعد على الحول.=والوقت يمضي ماحصل لي مْرادي
تداخل المقبول والغير مقبول.=يارب من من لطفك وعدلك منادي[/poem]

ســلالالالام وتحـية
ابومطلق الشــمري

يامدوّر الزود .
 

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
الزود عند الله يامدوّر الزود=عالم خفَى مكنون ظنٍ تظنّه
تطوي بنا الأيام والعمر محدود=زود الليالي عمرنا ينقصنّه
زاد الشقاء بالناس والخير موجود=ليت النفوس الغافله يشكرنّه
لك الثناء والحمد ياخير معبود=لمن تشاء تعطي ومن غير منّه
الصبر والإحساس والعفو والجود=وهايبٍ من حاشهن يسعدنّه
مهما يكون الرزق يالعبد محدود=يبقَى الشكر لله واجب وسنّه
خل الرجاء في مالك الملك ممدود=ناجه بشيٍ بالضماير تكنّه
واستغفر القدوس والعالم رقود=تسعد بروحٍ واثقة مطمئنّه
واحرص ترى للي تسوّيه مردود=مادام روحك فالجسد مستكنّه
الدين واضح وانت بالذات محسود=يالله عسى المأوَى نعيمٍ وجنّه[/poem]

ســـــــــلااااام وتحية

ابومطلق الشــمري

انور يعلل خاطره بالمشاوير .
 

أنور يعلل خاطره بالمشاوير

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
أنور يعلل خاطره بالمشاوير=لاضاق صدره بالوطن راح برّا
مستانسٍ مابين طنجة وغادير=لرويتبه تال الشهر ماتحرّا
حنا تلولفنا ظروف المقادير=من شرقي الخطة الى غرْب سرّا
صرنا نْخفّف من كثير المشاوير=وعلى زمانٍ فات بس نْتطرّا
حصيلنا تقضي عليه الفواتير=وام العيال خويطْره ما يسرّا
واركابنا خلفات والا معاشير=ماللدبش حول المدينة مقرّا
صارت مفاليهن غراش وقوارير=مْخلّفات اهل المكاشيت برّا
ماللطبيعة عندنا أي تقدير=كلٍ يطيع النفس فيما تْورّا
مذاهبٍ صفرا مع الوقت تغيير=والشكوى لله ويش عاد انتحرّا
المشتكَى لله ياسْنيّة الخير=محَل وتكّاكٍ وبردٍ وحرّا
الذيخ ينبح والجحش يتبع العير=والديك يعاعي والدجاجة تحرّا[/poem]

سلالالالالام وتحية

ابومطلق الشمري

شــرق الابراااج .
 

شـرق الابراااج

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
غربي مطار دْبي في شرق الأبراج.=البارحة راسي تكدّر مزاجه
ياكبر همٍ في كنين الحشاء لاج.=وياعبرةٍ بالصدر طال اندراجه
ملعون ابوساعات وايام الازعاج.=لابو حياة المهزلة والسماجه
الى متى والعمر نقضيه باحْراج.=لاقلت ياحظي تعقّد احجاجه
ماحد رفيقٍ لك إذا صرت محتاج.=قَل الذي تنصاه لاحْتجت حاجه
غير الشيوخ اللي بهم عز وابهاج.=ملاذ من شح الزمن بانبهاجه
شيوخٍ خذوا في مفخر المرجلة تاج.=حازوا على عز الكرامة وتاجه
محيط جزلين الوفاء دونه أمواج.=والا تخفض رغبتي بالمواجه
ياالله عن ضيقات الأيام مخراج.=ياملتجَى من ضاع مطلب خراجه
ميراج والا منت يالصوت ميراج.=ماباقي من حاجاتنا غير حاجه
وجدي على عزبة لها جدار وسياج.=يجمع مطايانا ذراه وسياجه
في ديرة شيوخٍ بهم عز وابهاج.=ملاذ من شح الزمن بانبهاجه[/poem]

ســلالالالام وتحية
ابومطلق الشمري

حمل المعاناة .
 

حمل المعاناة

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
الله يعين المقيم بمنطقة حايل.=متقاعد ولاتهيا يسدد ديونه
صِنّف على انه مزارع قاصرٍ طايل.=والمزرعة مبطيٍ للبنك مرهونه
ولاهو خَلي من بقايا حبّه الزايل.=له عشقةٍ حالت الأقدار من دونه
مستاحشٍ من مسار حْظيظه المايل.=يمشي مع الناس بس يدهدر عيونه
راح العمر ياجناب الوقت متمايل.=خناجر الضيق للمحروم مسنونه
ياما صبرنا على الله ينشد السايل.=والا تجيه النتايج شبه مضمونه
تنافسي ياحوايجنا مع الشايل.=يمكن يجي فرصةٍ همّك يشيلونه
حمل المعاناة من ضيم الدهر هايل.=والطيب شرهة وفاء للي يعرفونه
مع السلامة ياحضرة خالد الدايل.=يوم الحراسة تعز اللي يعزونه
من خاطري قلتها والقايل القايل.=اللي لحكمه جميع الخلق مرهونه[/poem]

ســـلالالالام وتحيـــة

ابومطلق الشـــمري

محاصـيل الافـــلااااس .
 

محاصيل الافـلااااس

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
اعوذ برب الناس من كل وسواس.=ومن شر ماترسي عليه الرواسي
يالله دخيلك عن محاصيل الإفلاس.=وعن مبتدا مشوار درب المآسي
توّي عرفت ابوك وش فيه يادباس.=واللي مثل شرواك ماهوب ناسي
لوهي على بعض العلاقات لاباس.=مير البلا يابار بي عظم راسي
ليت الرجاء يقضي على منبع الياس.=ويبين مردوده على قو باسي
بعض التجارب علمتني مع الناس.=أحيان أكون بْردّة الفعل قاسي
عيّا يوالف خاطري بعض الاوناس.=حاولت بس الناس ماهم بناسي
اسقتني الوحدة قراطيع الاتعاس.=الله عليم بْنكبتي وانتكاسي
صابر ولو يلتاس بي ألف لولاس.=ألبس ولبسي مايطابق مقاسي
والله لاحوس الوضع وانا ابوحواس.=بس انتظر وضعي يصير مْتواسي[/poem]

ســلالالالام وتحية
ابومطلق الشـمري

جرح المـودّة .
 

جرح المـودّة

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
ماهمني قشطتك ياراعي الدكان.=وفّر لي التتن تكفا واترك الباقي
سلوَى حياة المولّع مزّة الدخان.=ياصار لعيون خلّه حيل مشتاقي
ياشيب قلبي على جرح المودة بان.=بس اتململ واجمّع باقي اوراقي
كلّمني الزين يشكي حالته طفشان.=يقول لاصرت عندي خاطري راقي
حطّم مزاجي وانا لمشاهده شفقان.=واعوقي اللي لرغبات البشر عاقي
قررت أبمشي ان كان الله كتب لي شان.=شوفة عيون ام شامة تبهج اعماقي
ابتماكن مادام إنه عَلَي ولهان.=قبل يخف اشتياقه وتضعف اشواقي
ماتنهضم ياعشيري حالة الحرمان.=طبع الحشف والنشف للروح ما لاقي
حان السفر والمواجه ياعشيري حان.=قلبي لفرقاك يالمجمول ماطاقي
ياشاري المزرعة والجيب والحشوان.=إلى متّى والمشقّى دايمٍ شاقي[/poem]


ســلالالالام وتحــية

ابومطلق الشـمري

طـبع الايــام .
 

طبـع الايــام

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
ماعلى الدنيا من الناس من سالي.=كل روحٍ تشتكي هم ضيقتها
ياخسارة طبع الأيام من تالي.=تشعل صدور المخاليق شدّتها
ياطوالي سجّة النفْس في بالي.=مااصعب الفرقَى ومااصعب حكايتها
ليتني من هاجسي ياعرب خالي.=عقب تجريح العيون ومودّتها
كل ماتطري عَلَي ضحكة الغالي.=واعذاب القلب من زين بسمتها
عذّبتني واثّر الشوق في حالي.=مهجتي راحت هوا من محبّتها
يوم انا واياه في غربتي سالي.=نبحث أسباب العلاقة وقصّتها
ماخدمني عندها رقم جوّالي.=دور الأيام الجميلة تناستها
رددي ياحسرة القلب موّالي.=يمكن الاحزان تنزاح حدّتها
اشهد إن الولف للروح قتّالي.=والمفارق أقشر أسباب علّتها[/poem]

ســلالالالام وتحــية

ابومطلق الشـمري

شــرايد الفكر .
 

شــرايد الفكر

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
ياضيقةٍ في ضمير النفس مخفيّه.=تعوّد القلب همّه وأصبحت عادي
كنّه على بعض خلق الله حتميّه.=عساه ماجور من تعذيبه فوادي
شرايد الفكر بالسجّات مبليّه.=غادي وادوّر ذهيبٍ مبطيٍ غادي
صبري على كيّةٍ من بعْدها كيّه.=خلّتني افهم شعور الناس ببلادي
ياللي خذت مهجتك بالحب نشميّه.=عليك بالصبر لين الوضع ينقادي
في لذّة الشوق لحظاتٍ غراميّه.=ياغمّضت عين حسّادك وحسّادي
عالج هوا النفس من خلّك بحنيّه.=واسمح هواء خاطره في كل مارادي
عشنا حياة الوفاء طيبه وعفويّه.=من يفهم الجود يفهم طبع الاجوادي
حاجاتنا من عظيم الشأن مقضيّه.=محيي هشيم النبات بْمجنب الوادي
ياحاجةٍ عن جميع الخلق مكميّه.=وكّلت فيها الكريم الواحد الهادي[/poem]

ســلالالالام وتحــية

ابومطلق الشـمري

العيـووون الشــقاويّه .
 

العيووون الشـقاويّه

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
قال طوّل المشوار ياناشدٍ عنّي.=والفوايد عند الاصحاب مخفيّه
ماخطر بالبال يافلان وش كنّي.=اثر بعض الناس بالناس مبليّه
ياسوالفنا هالايام يوم انّي.=فاهمٍ وضع الغلاء عند راعيّه
فلسفة بعض العرب بالحكي فنّي.=يتقن اللهجة باساليب فنيّه
ياشرح لك عن مباديه وش تعني.=يمشي أسلوبه على صافي النيّه
يالطيف الروح لاتبتعد عنّي.=خفف احزان العيون الشقاويّه
مابقَى لي غير شوفتْك تبهجني.=ضيّقوا صدري عيال الحراميّه[/poem]

ســـــلالالالام وتحيـة
ابومطلق الشــمري

مساحات الآفــاق .
 

مسـاحـات الآفــاق

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]

عذلت نفسي عن هواء كل مشتاق.=مالي بدستور الهوا والمحبه

اسرح بفكري في مساحات الآفاق.=ماجت به الدنيا ظروفي غدت به

واجادل ايامي بسجات وارهاق.=مرالسنين الماضية ذقت غبه

راحت حياتي كلها بِعْد وفراق.=مامر يومٍ خاطري ماتعب به

واليوم مالي من غثا البال منطاق.=همٍ تمكّن من ضميري لعب به

سيطر على نفسي من الحزن عملاق.=حتَى طبيب النفس ما فاد طبّه

[/poem]

سلالالالالام وتحية
ابومطلق الشمري