|
فيحـــان !!
السلام عليكم ورحمة الله وبركاته
بكل صراحة كنت ابحث عن عذر يبرر لكم غيابي .. ولكن هي الظروف ( وقلة الحيله ) وارجوا من الله ان تسبلوا لي العذر على غيابي كانت واحده .. وهاهي القصيدة الثانية في هذا المنتدى الرائع والجميل بادارته واعضائه التي تحاكي جزءً من واقعي .. http://www.n9wn9.com/fahm/fy7an.jpg قصيدة خرجت في حينه 000 عندما فقدت طير ( لنا ) يسمى ( فيحان ) بعد عدة مواسم من الصحبه والصداقة لمدة دامت لسنوات كثيره فقدته ولم يكن امامي بعد ايماني بالقدر الا حروفي وها انا انثرها بين يديكم [rams]http://www.n9wn9.com/fahm/fy7an.rm[/rams] الأربعاء جيته وانا شايلٍ هم .......................بي ضيقةٍ بالوصف حاير وبحلان نشدتهم طيب عسى الحال يلتم .......................قالوا على حاله تزايد بنقصان !! الاربعاء تاريخ تسعه تكلم .......................اذن علي الظهر قدام ( فيحان ) بالارض جيته طايحٍ ما تهمهم .......................مرفوع راسه طايحٍ حيل تعبان والله لولا الذنب لا اصيح والطم .......................من منظر شفته وانا خاطري شان يا ابو سلامه شفت انا اليوم مظلم ......................والحزن في وجهك على روحته بان طيرٍ عزيزٍ غاليٍ كاملٍ تم ......................حرٍ وفاء وافي رفيعٍ ولا هان بكفه تخالط ريش صيده مع الدم ......................راكد لحوقٍ صاملٍ حيل شفقان الفرخ طيرك كلنا لك وتسلم .....................يفداك ويفدا خاطرك كل شقران الله مدبر خلقه اليوم واعلم ....................والله مصرف دورة الكون و أزمان وسلامتكم 000 |
والله لولا الذنب لا اصيح والطم
.......................من منظر شفته وانا خاطري شان الله يجبر خاطرك بفراقه ويعوضك خير منه صح لسانك يابعد حيي انت |
بيض الله وجهك يا غالي على القصيده الجزله
وصح لسانك مليوون و لايكفوون و الله |
طيرٍ عزيزٍ غاليٍ كاملٍ تم
......................حرٍ وفاء وافي رفيعٍ ولا هان بكفه تخالط ريش صيده مع الدم ......................راكد لحوقٍ صاملٍ حيل شفقان راعي الشعلا صح لسانك اخوي على الابيات الحزينه جل تقديري لك ,,, ملاكي الحنون |
صح لسانك اخوي راع الشعلا
ربي يعينك على فراقه يقولون حب الطير اشد من حب الولد ماعرف صحيح او مبالغه صح لسانك ماقصرت والله |
الله الله
ابدعت راعي الشعلا واجدت الحضووور يارااائع تشرفت با التواجد بهذا العطر الف صح لسانك ودام نبضك الجميل وربي يصبرك على فراق فيحـــان اخووووك بن عجلان |
قصيده مميزه ورائعه بمعانيها
معاني جميله واختيار شعري مميّز الله يعوض عليك ويجيب لك الي احسن منه لو ان صاحب الطير ياتعلق بطيره مايكون له عوض راع الشعلا اتمنى لك التوفيق .. |
لله دررررررك راعي الشعلا
صح لساانك مدد بلا عدد ولاهنت ربي يعوضك باخير منه لو انه صعب يتعوض بالنسبه لك احترامي وتقديري ابو فيصل |
الفرخ طيرك كلنا لك وتسلم
يفداك ويفدا خاطرك كل شفقان الله مدبر خلقه اليوم واعلم والله مصرف دورة الكون و أزمان الله عليك ياراع الشعلا عسى ماتفقد غالي والعوض عند ربك يالسنافي صح لسانك |
روعه
ياراع الشعلا بيض الله وجهك يا غالي على القصيده وخيره بغيره لاتحزن على شي فات |
عاش راسك ياراع الشعلاء
لاهنت يابعد حيي وصح لسانك ملايييييييييييييييين والطير خوته تجيب العافيه .. تقديري لك |
صح لسانك
اهلاً بالغايب في زمانه والحاضر في قلوبنا مشاعر فياضه .. من شاعر رائع. كلمات قوية.. لفيحان يستاهل ويعوضك بالي ابرك منه كتبت فأبدعت.. راع الشعلا صــــــــــــــح لسانكد |
جزله جزله يابعد راسي
ماتفقد غالي ابشر بالعوض وانا اخو الطنايا صح لسانك عافاك والشر ماجاك |
راعي الشعلا
صح لسانك كلام اكثر من رائع شكرا لك |
روعه
ياراع الشعلا |
الف شكر على مروركم وصحة ابدنكم
ولا هنتم بنت القصيد الف شكر على الملاحظه لا هنتي الوافي انت كلك عوض لاهنت ودمت يالغالي |
[align=center]الشااااااااااعر
رااااااعي الشعلا شاااااااااااااعرنا القدير تليت قلبي ياخووووك من معاليقه الله يعووووضك ويسلى خااااطرك ادري انه فرقا الطير لصاااار ووواااافي صعب ومر لكن ماقول الى الله يعوووضك بغيره والى يعقله لك ويرده وان شاء الله ماتفقد غالي طال عمرك . وصح الله لساااااانك واعتلى شااااانك على الجزله يالقرم مشاعر واااحاسيس طربنا معها رغم الحزن الذي بها الله يبيض وجهك ولاهنت يابعدي وترى الغيبه مره ثانيه مانسمح فيها طال عمرك ترى ان طالبينك ولاتحرمنا وانا اخووووك من الجوهر المكنون لك مني الغلا ودمت لنا ياشاعرنا ودااااااام نبضك اخووووك سرحان [/align] |
صح صح صح
لسانك يالذيب بيض الله وجهك يا غالي على القصيده وبعدين احسن شوي يوم مات ارتح شوي صدق لو اجيك الحين اكيد مشيب من هالطيور الف مليار صح لسانك |
صح لسانك عافاك
عسى الله يعوضك بخير منه ياجدي |
ياهلا والله راع الشعلا
صح لسانك ياغالي اخوي الغالي ابدعت وتفننت وصلت وجلت واطربت ولم تدع للكلام اي مجال قصيده سيغت بحروف من الماس وأنامل عذبه سلمت يابعدي وربي يعوضه عليك الطير فيحان والعوض عندي والبقا براسك < < تذكر الي يقول انا طيرك ههههههههه اخوك الساري |
صح الله لسانك راعي الشعلا
على هالقصيده الرائعه شمعه |
الله يلبسك العافيه راع الشعلا
ويعوضك بابرك منه صح لسانك يالسنافي |
راعي الشعلا
لاهنت يابعد راسي الف الف صح بدنك قصيدة جزله ،، الله يعوضك بالخير بارك الله فيك تقبل تحياتي اخووووك وضاح المنصوري |
راعي الشعلا
سلمت يمناك و صح الله لسانك اخوي على هالقصيده وربي يعوضك باخير منه انشالله لك مني كل الاحترام و التقدير اختك وردة العين |
طيرٍ عزيزٍ غاليٍ كاملٍ تم
......................حرٍ وفاء وافي رفيعٍ ولا هان بكفه تخالط ريش صيده مع الدم ......................راكد لحوقٍ صاملٍ حيل شفقان صـــــــــــــــــــح لــــــــــــــســـــــــــانـــــــــــــــــك كفو والله الذيب وبيض الله وجهك عز الله قصيده جزله يابعد حيي انت والله كلك حلاء وطراء |
صح لسانك ويفدااااااااااك الطير ********لاوالله الطيور كلها ياالسنافي
|
[align=center]راعي الشعلا
راقي الاحساس وسيد المحابر ابدعت ياسيد الابداع بحروف حب حانيه صادقه فلله درك لقد اشتقت كثيراً لقلمك وها أنا هنا لا أود الرحيل من صفحتك ساترك لك هنا اجمل شعور احسست به ؛ ؛ طاب لنا رحيق قلمك .. تقبل مروري.. بقايا حلم..[/align] |
راع الشعلا تسلم روحك يالغالي على احاسيسك
الرائعه والجميله000 تأخرت قليلا ولكن وصلت بالوقت المناسب00 تحياتي لك الراوي0 |
صح لساااااانك ولاهنــــــــــــــــت
نورت بحضورك وازدتنا نور بقصيدتـــــــــــــــك الله يعوضك اخير منه تقبل تحياتي ------------------------------------------------------ ولي تعليق على ماقالت (بنت البدو) يقولون حب الطير اشد من حب الولد (هذا الكلام غير صحيح ومجامله كبيره) واعتقد ان كل واحد يعرف مكانة الأبناءءءءء ومايحتاج نشرح وانا تخرت بالرد عشان انتظر رد اخوي راعي الشعلا بس الظاهر انه مشغول ،،،،،،،،،،،،،،،،،،،،،،،، سبحان الله وبحمده وسبحان الله العظيـــــــــــــــم |
| الساعة الآن 12:23 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010