|
لغز( على جمس قديم)((حله صاحبه الشجاع))
طبعا النتيجه 2-2 بين الشباب والشابات وراح يبدى الشوط الخامس اللي جانا لغزه بجمس يسوقه منذر [poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"] منذر لفانا فوق جمسن قديمــــي=زيتـــه يخـــر وضايعاتن طياســـه شاريه منذر من كراج القصيمي=يمشي ويطفي لين شيب براسه ينشد عن اللي له ثلاثة حريمي=وغصبن زواجه ماخذاهن وناسه من عقب ماهو بالمراجل هميمي=عقب الزواج الشين شفنا عماسه وحـده مع انه تطعنـه بالصميمــي=طـاعه ويـشري له نوادر لبـاسه[/poem] نتمنى لكم التوفيق والسداد يالعزوه اما منذر علمي به راح المعارض يبي يبيع الجمس وساموه بعنــز جرباء وثلاث تــــنــك صقـعي اللي يعينه |
اما منذر علمي به راح المعارض يبي يبيع الجمس وساموه بعنــز جرباء
ههههههههههههههههههههههههههههههه مسكين منذر مع اني ما افهم في الالغااز بس بحاول ابحث عن الحل يعطيك العافيه فواز الغسلان |
صايره مباراة هنا يعني
كتبته وبجيب حله وانا بنت ابوي لو ادور ادنيا كلها هههههه مشكور فواز عسى الله يونسك بعافيه |
حمامة السلام: حاولي تجربين الالغاز لعلك تصيرين ضمن الفريق00 اميرة الخيال: اي والله طلبتك لعلك تحلينه قبل عشوق وطقته00 اسألي حتى الشيبان والعجز يساعدونك لعل وعسى وانتي بنت ابوك000 |
مشكور
مايجي مثلا المركاب ؟ |
شكرا اخوي فواز
مع ان ما افهم بالالغاز وخاصه الغازك صعبه وايد بس نحاول الحل له علاقه بالخيمه ههههههههههه الله يستر لا تضحك علي وعلى حلي |
ماهو المركاب ولا الخيمه ياشباب00
وبعدين الالغاز والله سهله انا اسويها وانا قاعد وشفتوا اللي راحن كلهن سهلات00 |
صح لسانك يافواز
يابعد حيي ماقصرت مبدع وين مارحت الله يسلمك ويعافيك الرمعه عندي ماهو القلم والاصابع ؟. |
هلا يالغسلان ولغزك انا مهدية السرعه ماني مطسسه بس عندي رمعه اشارة المرور
|
ياعلك تسلم فواز الغسلان
بقولك حل عساه هو الصميل ومعاليقه ولا تضحكون علي هذا عرفي |
العزوه مالك لوا يالعزوه شدو حيلكم شوي00 حورية حايل لاتتطسسين الا انتي متأكده من الفرامل تريه نوب يمرش اخاف تلصقين باشارة المرور اللي رمعتي مالك لوا يالغلا000 ام نواف ياويلي لو امسك الصميل وفيه لبن معزى كان اصحح اللي تبون0 مالك لوا يالغلا 000 يالله تروا منذر اذا باع الجمس والله يحل اللغز بس بسرعه قبله حلوه مدامه بلشان بهالقرنبع000 |
>> إلى الحين عاصب(ن) راسه
والله فكرت فكرت بس ماحولك احد الظاهر لو القصيده بإسمي تسان حليته ابرووح اجيب المخطر واجيك |
منذر لفانا فوق جمسن قديمي
زيته يخر وضايعاتن طياسه http://tbn0.google.com/images?q=tbn:...Image(111).jpg ركبت طيااااااااااس هههههههههههههههههه صح لسانك ياغالينا فواز ربي يونسك بالعافيه ياالمبدددددع بكل مكان لغزك وصلني وانا منذر ** وانا اروغ واقول ماعرفه ثلاث حريم يتزوجهن رجاااااااال بداوم وارجع له يافواز جلست افكر ربع ساعه للحين ماااش |
يالله بلشنا بالشغل من جديد 0 والله صورة جمسك حلو غيرت رايي فيه الان000 وينكم ياعرب يالله اشتغلوا00 |
ياهلا بالحبيب فواز
والله ودي اسالك بس هل هو له دخل بسياسه او مثله او شي غيره |
اقتباس:
والله انك الذيب تراك حوله مانت بعيد يالعزوه فكر قبل يخطفنه منك السحالي00 |
لبيه يالغسلان جيتك مطسسه بس ما فتك
والسالفه سالفة شاعر كبير بحجم الغسلان ولغز صعب حيل وانا مثل اخوي عشوق عصبتن راسي من كثر التفكير وبعدين راع ان فيه بنوتات وحوريات يعني خل لغزك الجائي قريب من البحر والمحيطات ههههههههههههههههههههههههههههه قربه يا شاعرنا لمح شوي ما لك لوا هو له دخل بالاسلحه |
لعل الناس نوما كلهم اقدر اقربه لك مايدرون000 ايه حول اللي قلتي يالعزوه والله ان الحل دابلن كبدك يمينك ويسارك بس فكري شوي00 واذا جيتي لاتجين مطسسه علشان ماتجشميننا تري منذر دبدوب اخاف انه ينفضخ المسكين 00 هدي السرعه خليك على جمس منذر يالله يمشي00 |
يالغسلان جيتك بجمس منذر بس انتبه لا اتجشمك انت تراني عليميه بالسواقه
هههههههههههههههههههههههههههههههه جتك الرمعه بس لا تضحك علي هي الشوكه اخت الملعقه شف يالغسلان لمح لي شوي مطول ما في احد يمنا الحين |
عقب ماهو بالمراجل هميمي
عقب الزواج الشين شفنا عماسه وحده مع انه تطعنه بالصميمي طاعه ويشري له نوادر لباسه اخوي فواز ياعلك للعافيه على الغازك الحلوه الصعبه شوي ماهي حرب الخليج |
بنت البدو مافهمت قصدك بالضبط لانه مجمل 00 حددي علشان نحكم 00 احم الراوي000 |
يالغسلان وش فيك مطسس ما نتبهت على رمعتي هاه صح علي
|
اشوف رمعتك بعيده حورية حايل00 افطني لخويتك تحاشمن جميع والله راح تحلنه0 رمعاتها اقرب من رمعاتك0 |
تسلم فواز على هالا غاز الحلوه
لكن ماهو صدام الله يرحمه وحروبه الثلاث |
مالك لوا وانت حوله ماانت بعيد يالغالي00
تحلفز يمين او يسار |
تسلم اخوي فواز على الغازك
هي دوله واذا دوله اكيد امريكا هاللي ذابحه العالم |
توجهاتك بشكل عام للحل ممتازه اخت سهر00
وفكري زين عزيزتي00 |
اخوي فواز ياليت يكون الحل صحيح عشان نتعادل مع التماسيح
اسرائيل او ايران |
مالك لوا 0
وتعادلتوا 3-3 سجلت التعادل قايدة الخيل |
والله انه صدع راسي من التفكير بهالالغاز
ما هن الحريم الدوله الامويه والعباسيه والعثمانيه والعثمانيه هي الي تطعنه بالصميمي بحكم انهم ما هم عرب ويكون الغز التاريخ الا سلامي يمكن |
هلا براع الشعلا
وش صار على شقران مالقيت غيره او تبيني ادور لك العوض هههههههههههههههههههه انت تحل الغاز بس صداعك من شقران ادري خلك مثلي حاط جنبي كرتون بنادول وكل لغز بقصديره هههههههههههههههههه يارب يكون صح تكفون لايفوزون السحالي |
هلا منذر الغالي ههههههههه
واللة اني عجزت اليوم الضحى مفرع بالدوام وافرك الراس وامعط الشوشه ويقلون وشبك اقول كله من ابو فهد هههههههههههه |
يارب يعافيه ابو فهد وربي يونسه بالعافيه
واياك يالغالي راعي الشعلا تدري اني مانام من هم شقران للحين واحيانا اشوفه بالمنام شقران واقول ابي ادور راعي الشعلا اعلمه شفته بحبران ياخي بس ياقمت يامار هو حلم وارجع انام واقول الله يعوضك |
[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
لاياحلولاة شقراني=لاياملا صفقة الذيبي هارب عن الربع زعلاني=يبي عنود الرعابيبي لو جبت له بنت غزلاني=ماراح فوق المراقيبي[/poem] |
السلام عليكم
عندي رمعه بس خاف يقبسبي مثل مايقبس بعض الناس ههههههه ماهن حريم فاتن الرشيدي والثالثه هياء الحربيه اللي بقصيدته يقول الرشيدي والرشيدي فاتن .... الطيب كانه بنساء يضيع ترا هذا فهمي ترن انسان خواف من النوع اللي على طول يصقط رجولوه |
اقتباس:
اللي تسقط رجوله هذا دليل انه رجل 0 انا ماصرت الذيب الاشهب لين صارت رجولي تسقط بسرعه وترتعد من الشجاعه مالك لوا يالغالي000 |
ابو فهد
ماهو( الخليج العربي) |
لايارع الشعلا اشوفك لهست 000 حليت القناصيع الاولات اللي انا حاطهن لمنذر وربعه الوذوذ وجيت تداحم عند حقات سام6 ؟؟؟؟ اذا حليته سوها بشليلي يارع الشعلا وانا بانتظارك والله لااشيب براسك وانا الذيب الاشهب بس ماهو دايم00 |
هههههههههههههههههههه
صعب شوي قرب قرب شوي فواز |
اقتباس:
مااقوى اقرب علشان مايستفيد هاللي كل يوم جاي راكبن هالشعلا عساه للجرب ويفغص لغوزي ثم يروح للنفود يهيجن مبسوط00 خله ينعمس بهاللغز لين يعاطس من غباره00 |
| الساعة الآن 09:20 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010