|
لغـز((مزيون الطنايا))((بلعه الحنيش))
[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
انا الفارس ومزيون الطنايا=ومن يقعد على دربي كـلـيـتـه فعولي تـفـعــل فـعـول وبلايا=ومنذر في رصاصاتي رمـيـتـه عربنا سـمـتـن زين الحـلايا=هـنـي اللي بشرع الله خـذيـتـه ابي رجلن شـهـيـرن بالبرايا=يخوض حروبها لو مادعـيـتـه سـيـوفـه نـارها بـيـن الحنايا=وجـاراته تـفـكـه لـو وطــيــته شجاعن واردن حوض المنايا=ويزبن حرمتن بجوار بـيـتـه[/poem] |
صح لسانك
ماهو النحل ؟ |
اقتباس:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"] يايجــنــن يابــعــد روحي انا=الجواب بلغزنا ماهـو نحـل يالغلا حاول على درب العنا=تر مقامك عندنا يشبه زحل وذبحة مليقيف هي دار الهنا=ليت لو ياتــيـه عواد البحل[/poem] |
ابو فهد
صح السانك لي رجعة |
ماهو السافي بالنفود
؟؟؟ يعافيك ويسلمك ابو فهد على هالالغاز |
صح صح صح لسانك ذيبااااان
ابو فهد انا اعرفه بس بشوف من يحله كح |
اقتباس:
الاخ العزيز راعي النفود0000 مالك لوا يالعزوه00 والله مدامك راع نفود انت اللي راح تحله00 |
اقتباس:
منيذروه يعني تعرف الحل هاه وجع00 والله لو تموت مااغششك يالبطول ياابا الرغفان00 |
ابا الرغفان انت الي كل يوم وانت عند لك بيت شعر بالنفود
سلامو عليكم ماعينتو لكم بعارين اليوم عشان بس يقولون اقلط افطر وضرررررب من هالمصالي وترجع تنام اددددري انا |
اقتباس:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"] عقب ضرب حوريه دماغك على الساطور=توجهــت صـوبي يامنـيـذر بـلا بـرهــان ظلمـتـن مع الرغـفـان وش فيـك ياجعرور=مع اني احب الصبح كبسه على رغفان لك الله يلو نلـقـاك وسـط الخـلا مـصـفــور=دعستك على الموتر ولو تطلبن عطشان[/poem] |
هههههههههههههههههههه
صارت حرب وضرب جاري التفكير ابو فهد |
اقتباس:
يالغالي انت ماتعرفهم زين هذولا000 مايجون الا بالعين الحمراء ابد 00 واذا تساهلت لهم ذبحوك000 |
ولا هو النيص يابوفهد ؟؟
|
سلام علييييييييييكم
انا اعرف الحل لكن جيت ابسلم عليييييييييييييييك وتخبر حنى يالشجعان نرد آخر الناس اذا أيسوا من الحل ولا وش قولتك يابن غسلان |
اقتباس:
هلا وغلا عشوق قلبي وتسلم يالعزوه مدامك تبي تسلم0 ايه لاتستعجل بالحل خلهم ياخذون فرصه00 عشوق ماتدري بالداب اللي بغى ياكل اذاني ؟ شفه بشعبيات نزلته يالعزوه؟؟ والله اني مااحسب اني هالسرع ركضي اثاريني طياره لاخفت0 عشوق راع الهدبدب يقول النيص؟؟ اويطيه ياخي هو وراع الشعلا دايم رمعاتهم دواب مخيفه000 |
لامة تالي الليل قبل النومه
ماهو الملقاط اخبرك ابو فهد انت دايم مخشوش وويبيلك كوية اعقوب |
اقتباس:
الملقاط والله يكوي عصعصك يالشعلاوي00 فكر بالبر حقك ياحلو00 |
هههههههههههههههههههههههههههههههه
يا حليلك يا بو فهد انت ومنيذر والله تقطعون من الضحك اوما سالفه الرغفان تضحك ههههههههههههههههههههههههه انا عندي رمعه اقول يمكن انها الشمس ..؟ |
اقتباس:
هلا وغلا حوريه000 مالك لوا عزوتي00 وانا اقول ياويش رجلن يعني مذكر ولو قلت ياويش بنت او خفره كان يعني انها مؤنث00 وانا لغزي جوابه مذكر والشمس مؤنث انتبهي للنقطه هذي تريها مهمه واذا قال راعي اللغز ياويش رجل اعرفي ان الجواب مذكر مثل: [poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"] ياويش رجلن عـنــدنا دوم جــايع=ياكل جميع الوقت ياشــين عمله ان جاع يبكي داخل البيت ضايع=ويجزع ولايصبر على ثقــل حمله يحــط توقــيــعــه ولـد ذوق رايع=وهو بدلته دايم من العيش طــمله اربع حروف اسمه مع الحرب شايع=وتالي حروفه يالغلا اسم نمله[/poem] شايفه هذا تدريب للجميع00 هذا الحل (( منيذر )) يحب الاكل0 وتوقيعه صورة اللاعب المزيون00 واسمه اربع حروف يشتهر بالحرب وهو ( النذير ) واسم النمله ( الذر ) وهو اخر حرفين ذال ورا وش رايك بالتمثيل 00 ياقردي منه00 |
هههههههههههههههههههه
عز الله انك جبته يابو فهد .. توصيف وتدريب ماعليه كلام الذر مصيبه يابو فهد >> ياويلك من منذر خخخخخخ ابي تدريب باللي يضيع بين الذكر والمؤنث :) |
اقتباس:
هلا عشوق ومدامك اعجبتك التدريبات اللغزيه راح انزل تدريب كل يوم وطبعا على منيذر كلها000 |
[align=center]ممكـــــــــــن
يكوووون الخيـــــــــــــل..[/align] |
اقتباس:
الخيل مؤنث وهو مذكر يالعزوه000 وبعدين من هي البنت اللي تلوذ بها وتفكها من الموت؟؟ صعب ينطبق عليها000 |
[align=center]اقصـــد الفـــــــرس..
انثـى الخيـــــــــــــل ممكــــــــــن ولا؟؟[/align] |
اقتباس:
هلا وغلا ومالك لوا يالعزوه00 تصدقين ياقايدة الخيل لو نشدنا منذر او عشوق عن انثى الحصان كان مايدري قبل لاتقولينها انتي؟؟ بس فاتت علي00 |
[align=center]الـــــــــــذيــــــــــــــب
ولا؟؟[/align] |
الله الله يامزيون الطنايا
صح لسانك ماهو الداب ؟؟؟ |
اقتباس:
هلا وغلا قايدة الخيل000 ومالك لوا يالعزوه000 حاولي مره اخرى عزوتي لعلك تصيبينه لانك شكلك ناويته00 |
اقتباس:
اجوديه عزيزتي هلا وغلا 000 ومالك لوا يالعزوه وانتي قريبه من الجواب لاتبعدين 000 حلوه كشخة هالتوقيع الجديد اجوديه000 |
شكرا استاذي فواز
يعرض روحه :) طيب ماهو الضب ؟؟؟ وهل هو حيوان ؟؟؟ |
اقتباس:
ماهو الضب يااجوديه ولد عمه000 اذا تعرفينه00 |
هاه ولد عمه لكن عم عم او تبي
تضيعنا ما دري عنك ابو فهد هههههههههههههههه ولد عمه وش ولدعم الضب هاه والله اني ما دري ما به الا( الرول) لكن مادري تقل ما ني مقتنع يمكن( القنفذ) اوفق <<يسولف مع روحه ويكتب:147: <<هلوس من الغاز ابو فهد:m1asmilies-com: |
يمكن القنفذ
بسم الله منك ياراعي الشعلا خمشته من قدامي |
ههههههههههههههههههه
اجوديه لا تستعجيلين الى ما يرد المزيون خلانا كنا نمشي بالبر وبليل ديبان وضبان وقنافذ <<< وهو يكتب الحل له مقامز |
اقتباس:
(( الورل)) فعلا الورل ياراع الشعلا عساك للورل اللي يدخل بطانيتك وانت نايم مصلوخ0 الورل فيه شجره صغيره دايم يحط جحره عندها واذا تقاتل مع الثعبان ولدغه الثعبان راح بسرعه وياكل من ورق هالشجره ومايؤثر فيه السم0 وكذا لين يذبح الداب00 ولو تشيل الشجره عنه يموت بسرعه من لدغة الداب00 يارجال وش اسوي بهالسلطه على لغوزي؟؟؟ |
| الساعة الآن 06:22 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010