لغـز (( المـؤيـه))((حلته ياي لاتصارخ))
 

فيه واحد عسكري اثناء احتفال المملكه العربيه السعوديه بمرور مائة عام

المسمى (( المؤيه )) يوم مسك خفاره وضاق صدره فات من عنده الضابط فقال

للضابط ماهي مشكله هذي خلصت وانتهت لكن المشكله اذا انتم كل مؤيه تبون

تعملون بنا كذا؟ والا الا افصل واخلي العسكريه كلها00 خايف من المؤيه اللي تجي

يحسب روحه يبي يمكنها الثور000


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
اول دبل كبدي حـنـيش الخباره=واليوم زادوا عندنا خمس حنشـان
وكل السحالي لابـده بالجـحاره=مابه مهــاشــه طـالـمـا فـيه ديـبان
صارن يخافن تالي الليل غاره=يـقـودها داب وسـفـيـهـن وجــيـعان
ويثور في بيت السحالي غباره=خبلن عطاه الله مع الحرب نـيـبـان
ياويش بـنـتـن للعـزيزات شاره=امـيـنـتــن ولو غـيرها بالعهد خان
لو سـقـت له مالك وكل التجاره=تلـقـاه محـفـوظـن معـاها كما كان
نوبن يجيها من غثى البال جاره=ومع طيبها مربوطتن كل الاحيان
عشرين سحليه جمال وشطاره=يخـيـفـهن دابن مع الصبح فسقان؟؟؟[/poem]

ياويش بنتن للعزيزات شاره
امينتن ولو غيرها بالعهد خان
لو سقت له مالك وكل التجاره
تلقاه محفوظن معاها كما كان
نوبن يجيها من غثى البال جاره
ومع طيبها مربوطتن كل الاحيان
عشرين سحليه جمال وشطاره
يخيفهن دابن مع الصبح فسقان؟؟؟

رمعه سريعه
العباءه ؟

هلا وغلا اخوي سلمان العلي ومرحبا فيك في الميدان ياحميدان00

مالك لوا يالعزوه00

وبعدين ابي انفعك بفائده مهمه عندنا بالقسم وهي اذا جاك لغز هنا انتظر لين يجي

منذر او عشوق (احفظ اساميهم) وشف رمعتهم ثم اعكسها تراك تصيد الحل0

لانهم مثل الضب اذا خرعته بالبوري اذا جحره يمين اول مايفوع يسار00

هههههههههههههههههههههههههههههه
يفوع يسار والجحر يمين يعني
هههههههههه

ابو فهد شرايك
بالي يحطون فيه الزبد اول ناسي اسمه
لاكنه يحفظ الزبد

كح كح

ماهي البدلة العسكريه

وشلونك يابو فهد

شلون الوغدان :h64:

عسى رمعتي طيبة

تك ..تك

ابو فهد انا اقول يمكن الرتبه الي يحطونه العسكر والضباط على الكتف
معليش شرحت ههههههههه ما اعرف وش يقولون لها ؟
ان شاء الله صح

هلا وغلا بالهدبدب مبطين ماهارشناك000


هذا اسمه اللي يحفظون به الزبده000

وبالاسبانيه اسمه ماعون الزبد 000 مالك لوا يالعزوه00


تحياتي العطره الراوي00

هلا وغلا عشوق حبيبي وينك مبطي عنا000


تقول عسى رمعتي طيبه؟؟؟ رمعتك مايرمعه دليقان اللي كوى

(000) بالقوايل ولاهي حوله ولا هي جنب القائم ياعشوق00


وبعدين انا اقول انها تحفظ الشي حقك 0 والبدله وش تحفظ؟؟


كان تحفظ عرق دغادغك؟؟؟ وجع

هلا وغلا بقائدة سرب السحالي القاصف حورية حائل0


والسائقه اللي ياما جلغفت ذلول راع الشعلا على ددسنه بخب الرضم00

مالك لوا يالعزوه حاولي لان التماسيح تقدموا عليكن واجد

عندهم راع راع الشعلا وكل يوم قايل نزل اللغز تراني فغصته00

منه الي جلغف الشعلا منه ؟
الشعلاويه ما احد يقدر له لا حوريه ولا كوريه:)
وبعدين لغزك هذا ياخي عجزت ارمع له اي رمعه

لكن ماهي الحافظه يعني ( الترمس او الصلاعه <<سمعت هندي يقوله
او مثل ما تقلون زمزميه)
< ينخى السحالي وينهن غدي المزيون يبرح عن الغز

ماهي الترمس ياشعلاوي00

هذا يقول مربوطه0 انت عمرك شفت واحد يقهويك من ترمس

وهو رابطه بحبل بالجدار لاتطير؟؟؟

وشو مثله اللي محلولات ومافكينا رباطهن؟؟


الخزنه حلوه بس ماهي مربوطه يالخبيل00

هههههههههههههههههههههههه
البقشه
ياملا الجنه ياجدتي
زين زوله وهي مصعده والبقشه على راسه

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
راع الشعلا قام يتذكر زمانه=يبكي على اللي فـوقها دوم بـقـشـه
فواز قرب طيحته في جنانه=منكم عسى راسك تجيه الف فـقـشـه
وانا اتـــذكــر جــدتـي في مكانه=وخضابها بكــفــوفـها خوش نقشه[/poem]

السلام يابو فهد
ممممممممممممكن يكون اللغز
الصرافة؟؟
أو البوك حق الفلوس؟؟
.
.
.
.
.
.
نـــورالدنيـــا

:m1asmilies-com:


الصرافه ماتحفظ الفلوس0 ماتشوفينهم كل صبح يكبون بها

من خياش الدراهم وبالليل مابها شين0 ساحبينهن عيون قريش00

والبوك نفس الشي مايحفظ الفلوس حتى لو هو مع عفن مقنط مصيرهن يطلعن0

وهذي فيها وصف يدل انها ثابته ماتتحرك انتبهي00

[align=center] الله واكبر طرى لي طاري وهيضن للقصيد استلموا00[/align]

[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

ياحمود راح الغـــلا ياحـمـود =غاب الرجـاء وابـتـدى الـيـاسـي
ياحـمـود حـظـي قـلـيـل الفود =وش به قـصـر بـي عـن الـنـاسي
وعـوايــده بالهـــوى مـقـــرود=دايــم يـحــدن عـلــى الـقــاســي
اللي تـجـشـم طـريق الـكــود =ويـضرب بنا اخـمـاس واسـداسي
امس الضحى صاحبي موجود =والـيــوم كــنـــه بـمـكــنــاســي
مــن غاب وغـبـونـنـا فـي زود=وغـابـت مـعـه كـل الاونـاســي[/poem]

والله انه صعب..!!

ماهي الدلــــّــــــــة :071: ؟؟؟؟؟؟؟؟؟؟؟؟؟؟؟؟؟

هلا وغلا اخوي بدر ومثلك ماتفوت عليه00

لاني اقول انها مربوطه اكثر الوقت والدله ماينطبق عليها هالوصف وهو الربط0

وتراه هو بيت القصيد كلمة الربط00

لا ابو فهد شلونك؟
شوي شوي لاتصارخ علي ترا اصيح الحين
هههههههههههههههه
ممممممممممممممممممممممممم؟؟
=====>>جاري التفكير:h42:
.
.
.
.
.
.
.
نـــورالدنيـــا

تصيحين؟؟ ياجماعة الربع وش نوح هالقسم كل من دخل

به صار فوضوي هاه؟؟؟ كلها من منذر عساه للددسن اللي تصدمه0

ليه يانور الدنيا من مصارخ عليك مممممممممممهههههههههههه

علميني واوريك به000


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
القـسـم هــذا مابـقـى به صـوامـيـل=وانا مع الـشـلـه مـن ايام بايـز
حتى وصل مع لابسات الخــلاخـيـل=ياويل حالي من دموعـن نـقـايز
ياويل شـعـلول الخـبـاثه من الويــل=شره وصل مع لابسات الـبـلايز
اما رماني في صـفـوف الـمهابـيـل=والا رميته في صفـوف الجـنايز[/poem]

صح لسانك يابو فهد
بس لو (تعلمن) لاحظ====>>تعلمن ههه
لوتعلمن وش الحل والله ماأعلم أحد............
ترا راع الشعلا هلحين يفغصه وحنا نتراعى(ماشاءالله عليه)
شوري تعلمن ههه
ألا إذا هو من عدة السيارة ترا ماندري عنها
مثلا: ستبنة=====>>مربوطة
عفريتة=====>>مربوطة
أو طفاية حريق==== أيضا مربوطة؟؟
.
.
.
.
.
نـــورالدنيـــأ

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ياويل حــالي نـورنا جـابــت الـعــيـــد=يفطن علينا فاغـص اللغـز تـفـغـيـص
صيدي غزالك قبل من يفغص الصيد=اللي يطــاردهن بروس الـبـراخــيـص
اهل الـنـيــاق الجــافــلات الشـواريد=يـفـغـص ولايطــلب سماح وتراخـيص
الله يـفــكـن مـن عـيــون الحــواسـيد=مـن شاف زيـنـي قام يومي تقل نـيـص[/poem]

ههههههههههههههههههههههههههه
حلوة سالفة النيص
طيب ممكن يكون اللغز ((ساعة اليد))
طبعا مربوطة بيد الأنسان دايما
بس ماأخبر شيء يحفظ الفلوس
مثل ماقلت لوهن عند عفن مقنط مصيرهن يطلعن ههههه
ألا إذا هو معنوي من أمور الدين مثلا(صيام-صدقة-زكاة)؟؟
.
.
.
.
.
.
نـــورالدنيـــا

نور الدنيا يالعزوه الجواب شي محسوس000

وقولي مربوط يعني مثبت مايتحرك للمعلوميه000

[align=center]الصرااااااااااااافه..[/align]

[align=center]
قايدة الخيل لاتصارخين ياي تراني اخاف000

حركات نور الدنيا0000

ممممممممممممم مالك لوا وقلت الصرافه ماتحفظ الدراهم وهي تنثرهن

للناس00 مممممم يمكن اللي تحفظ ماهن فلوس0000

مممممممممم فكري ولاتصارخين اهرب000[/align]

مممممممممممممم
ممكن يكون الحل ((الكعبة))
تراني تعبت واااااااااجد بعدين تراني جايبة طبلوني قبل يجي رمضان
ههههههههه الله لايخسر
بنحاش قبل يحوفني ((كف)) يمشي ممممممممممليوووووووون
هههههههههه
.
.
.
.
.
.
.
.
.
نـــورالدنيـــأ

[align=center]لا لا لا تقوووول دايم رمعاااااااااااتي مايحتاااااااااااااااااج


<<< ايييييييييييييييييييه عاااااااااااااااااد بالحييييييييييييييييل


ماني بعيده عن دليقااااااااااااااااااان هاه وش تقول؟؟


خخخخخخخخخ[/align]

[align=center]
مممممممممم ليش خايفه من رمضان0


السحور ازرطي خيشة رز وصميل لبن والله يجي المغرب

وهن جامدات ببطنك 000

وبعدين الكعبه يالعوبا وش تحفظ؟؟؟ او خوف رمضان ذبحك

قبل يجي000[/align]

[align=center]

قايدة الخيل يالعزوه ولو سالفة دليقان جايزتن لك هاه؟؟؟

انشدي راع الشعلا لانه ولد عمه بالضبط من جهة البناخي حمود الغسلان00[/align]

ابعدوا كلكم جيتكم ياويلكم

ابو فهد ماهي الذاكره <<<هذا والله دليقان

يالعزوه وش بلاكم بس تقمزونه يمين ويسار هاه0

يالله افغصوه حتى انا انغثيت منه والله من كثر ماتجونه وتقمزون من فوقه ياملا

القماز اللي يمسك وروككم انتم وراع الشعلا معكم00

[align=center]

خخخخخخخ القماز اللي يمسك وروككم <<< قوييييييييييييييييه ياولد


عندي رمعه عساه ماهي رمعة راعي الشعلا سابقا" خخخخخخخ


هاليومين اخوي راعي الشعلا مايحل الغاز قبل كان احسن من كذا..


الله يستر عليه قولي رمعتس وانجزي<<< طيب ممكن تكون


الحااااااااااااااااااااسبه


حطي رجلتس يابنت خخخخخخخخخخ[/align]

[align=center] هلا وغلا قايدة الخيل00


اي والله راع الشعلا من شهر وهو مستدير راسه مابعد يوم يجي هكالجيه

الغبراء ويحل ثلاث لغوز بليله وحده وعقبها صام000

هقوتي جته عين مع هالارحام هي اللي تدهور الرجل او الشعلا زارطه حبل مثل

العاده وبلشان بها عساه للجرب000

مالك لوا عزوتي وانتم راعوا للغز زين لااجيكم احط مسعد على مسعود000[/align]

مممممممممممممممممممممممم؟؟
أتوقع أن اللغز هو((الثلاجة))
مربوطة بفيش الكهرب
وتحفظ الأكل واللحوم الفواكه والحلويات ممممممممممم===>>بدت تاثيرات رمضان من هالحين ههههههههه
.
.
.
.
.
نــــورالدنيـــا

اوووووووه الراوي وقع في مأزق من نور الدنيا000

طبعا اللي يجيب لغز لازم يصير ماينطبق على اكثر من حاجه0 وانما حاجه وحده

ولغزي صحيح اقصد حاجه ثانيه لكن مااقدر اقول لك غلط لانها تحتوي على كل صفات

اللغز وكان لازم ازيد وصف ثاني يفرقه000

طبعا كنت اقصد (( بطارية السياره )) لكن كل الاوصاف تنطبق على ((الثلاجه))

لذلك اقول صـــــــــــــــــــــــح الجــــــــــــــــواب

يانور الدنيا 000 ابي ارجع الرمعات ياويلي كان احد قبل قال

الثلاجه وقلت له غلط عاد يبي يقول انت تجامل البنات دايم علينا000

عاد يشكيني على الساري وسمعت ان الساري مركب ضروس وانياب جدد بمصر

وقام بس يعض 0 اذا زعل عليك يعرشك يمار افمه مليان من كتفك00

يالله تستر ياويلي0000