|
سعود الحافي العتيبي وصدقه في وصف معركة(( نطاق))
[align=center]
حدثت معركه بين الحفاة من قبيلة عتيبه وابن رشيد على موقع ماء اسمه نطاق وانتهى ذلك اليوم دون ان يظفر احد الطرفين بالنصر الكامل ولكنهم اثخنوا بعضهم فيها الى غياب الشمس0 وان كان الفخر اكثره لعتيبه لكون مكانة ابن رشيد في ذلك الوقت مكان حاكم وجيشه قوي فيه عدة قبائل تسانده00 فوصف الوقعه سعود الحافي بقصيده تعتبر نبراسا ومثالا للصدق وذكر اللي لك واللي عليك بدقه دون انحياز جائر مما نتمنى من الشعراء والكتاب والمؤرخين ان يكونوا مثله بالصدق والنزاهه00 قال الشاعر سعود اليابس من الحفاة من عتيبه:[/align] [poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"] أول كلامي طــلبـت الله وذكــره=ذكــرت ربي كــل بادي نــور يقول بن حافي بدا راس مرقب=في مرقب عالي بروس القور يرد من زين المثايل ويـنـتـقي=مثل العسل حلو بدون امرور كلامن أحلى من لبن شمخ الذرا=لاروحت من حاجرن ممطور بعد جا خيال طلعة الشمس وامطر=اثعوله من الدم الحمر شختور وبرقه من أيمان النشاما سيوفهم=ورعده من افواه السلاح يـثـور قبلي خشم(نطاق)لاطقه الحياء=شمال من العد الهماج حدور طاحوا به الفرسان منا ومنهم=وردوا هل العاده على الصابور نطحنا العداء من يوم جتنا جموعهم=على سردهم والبيرق المنشور وسقيناهم السم الذحاح وسقونا=مثل نمورن صادمت لنمور وابن لغيصم طاح منا على الثرا=ونحدهم عن مالنا بحدور ياذيب ياللي بايمن النير وايسره=كل من مداس الخيل يا معثور واشبع من الصبيان والجيش والرمك=والى ظـمـيـت اشرب من المنجور تلقا على الساقه حصانن ومهره=وتـلــقى عــيـالـن لابـسـيـن كمـور وصوت لذيبن يم حشة مليه=وخلو لغياب السباع جزور كم طاح عقب الكون من صيعريه=حناها طناها حنية الباكور من اولاد حافي لابتي ذي فعولهم=أهل ماقفن يوم اللقاء مشهور كدو علينا ثم رجعنا عليهم=واقفت بهم جرد المهار اعبور وردوا علينا وردة في عزيمه=وهج الحلال وزرفل المظهور وأحاطوا بنا قوم تهاذب خيولهم=ولجة حداويهم على المامور ورمينا العمايم واعتزينا بحافي=وثبت لهم كل أبلج منعور وطاحن جياد الخيل من ضرب لابتي=والدم الاشقر بيننا منثور وحمو جريرتنا عيالن بفعلهم=وعيا على التالين بن صمعور وافتكت اللقوة بكثر الرزايا=وكلن خذا حقه من الميسور جـنــايـز الضـفـران حافـي وشمر=أمسي بها سبع الخلا مسرور واربعي اللي كل ما قلت أظـنـهم=لاكــــــن يـهـــدم بالـبـلاد اقـصــور أهل مرحبا وان جت ليالي الشدايد=وأهل الكرم وان جت ليال اعسور ياحـيـسـفـا ياريف هـجـنــن حـفـايا=يــوم الـردي عــن فـاطـره مـثـبـور أيضا وابن هزاع وعمـيـش قبلهم=وحـزام شـوق الجـادل الغـنـدور وجدي عليهم وجد من بات ساهر=يجر العواء من عظمه المكسور والوجد الاخر وجد راعي هجمه=خذاها الذويبي من طرف مجرور واستغفر الله قبل تكتب عليه=في كل عمري ما ذكرت الزور تمت وصلى الله على صفوة الملا=اعداد ما يزهى الفلا بزهور [/poem] [align=center] والنعم والله بالرجال اللي هذا فعلهم وهذي مواقفهم وبالشاعر اللي وصف المعركه هالوصف الرائع الجميل وادخلوا على الله يارجال لاتحوسون مثل هالنوادر التراثيه سواء لكم او عليكم00[/align] |
صح لسانه عزالله الصدق بين ابيات القصيده واضح
ياعساك تسلم ابن غسلان ماقصرت وفين وكفيت ياسنايدي |
مشكور فواز يعطيك عافيه
على القصه والقصده الحلوه |
الله لايهينك
وافي يابعد راسي ماحلاها من قصه وقصيده وما احلا الصدق ايامهم |
وفقك الله بن غسلان
راوينا المحبوب ماقصرت بيض الله وجهك |
بيض الله وجهك
ابو غسلان ماقصرت والله |
ياعساك تسلم
ابن غسلان ماقصرت يابعد روحي والله |
ايه ابو فهد تكفى نبيك ماتحرمنا من قصصك الحلوة يعني لو كل اسبوع قصة بس تكفى نبيها تكون طويلة لو تسويها ملف صوتي
شكرا لك |
الله يسلمك
ابو فهد مافيك قصور وطال عمرك وعمر مغليك |
[align=center]راوي الجبل : ابو فهد
اييييييييييه اي والله اعلووووم تبيض الوجه ذاااك وله زمانه نادر ماتحصل الى مايبخص حق غيره ابو فهد الله يبيض وجهك ولاهنت يالعزوووه على السالفه والقصيده يامال بااارد الجنه لك مني كل التقدير والاحترااام [/align] |
تسلم يابن غسلان
وانا مع مزيون حايل ياليت سرد القصص يكون صوتي . تحياتي لك.. |
اقتباس:
الاخ العزيز السنافي000 هلا وغلا مليون ولايكفون ومشكور جزيل الشكر على تعبيرك الغالي والمحبوب الله لايهينك يالعزوه تحياتي العطره بريح الورد |
اقتباس:
العزيزه الغاليه اميرة الورد000 سعدت بمرورك وتشرفت بتعليقك الغالي والنبيل0 لكم مني كل الود والتقدير والتحيه العطره الصادقه0 الراوي |
اقتباس:
الاخ العزيز شيخ المقناص000 ان كان هناك ابداع فهو من تشجيعكم لي الذي اصبح هو دافعي الاول لكل ماكتبت لكم من حروف فلكم الشكر والتقدير الخالصين00 تحياتي العطره الراوي00 |
اقتباس:
الاخ العزيز شوق الوله000 سعدت بمرورك وتشرفت بتعليقك الغالي والنبيل0 لكم مني كل الود والتقدير والتحيه العطره الصادقه0 الراوي |
ماقول الا بيض الله وجهك يابو فهد ونعم فيك ماعليك زود
يالونيس قصه وقصيدة في منتهى الجمال والروعة والبهاء عزيزي سلمت ودام ابداعك على الدوام |
الاخوه والاخوات000 مهما كانت روعة القصيده فتعليقكم دائما اروع واجمل لدرجة انه يضفي على القصيده جمالا اضافيا ورونقا جديدا تقبلوا تحياتي العطره لشخصكم الغالي00 الراوي00 |
ياعساك تسلم
ابن غسلان كل الشكر لك هلى مشاركتك الله يحرسك |
[align=center]بيض الله وجهك
على القصه والقصيده لاهنت أخوي آآمنتك الله[/align] |
الاخوه والاخوات اعضاء منتدانا الكريم000 لقد اطلعت على تعليقاتكم الكريمه وتشرفت بمروركم النبيل يالعزوه00 اشكركم جزيل الشكر على مشاعركم الكريمه والغاليه00 تحياتي العطره لكم000 الراوي |
| الساعة الآن 07:16 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010