|
ماهو صعب من يحـله((حله راع الهدباء))
[align=center]
لغيز ببسيط يالله من يحله الاول وتحيتى للجميع ومن مر بهذا المتصفح [poem=font="Simplified Arabic,5,red,bold,italic" bkcolor="transparent" bkimage="" border="double,4,black" type=2 line=0 align=center use=ex num="0,black"] من يلاحظ ماسمعته ومعروف=مايبى توضيح وهاتوا لى جواب لو تجى الرجال في عينك تشوف=شي مايبغى الادله والصواب فى ملامحه الغضب فوق الوصوف=حلوة ٍ للبنت وللرجل اكتئاب[/poem] التوضيح باختصار البنت لو قالوها لها تنبسط وتستانس والامر عادى والرجال لو قالوها له الله يستر بس ما يحوسك حوس وتحيتى للجميع [/align] |
صح لسانك
عقاب افهم انها كلمه تنقال ؟؟ |
صح بدنك توضيح مبكر كلمه تنقال وشاكر مرورك |
لاتكون كلمة تستري ياحرمه
متنقال للرجل تستر ياولد مثلا تسلم على اللغز عقاب النهار |
جاري التفكير وشكله بسيط ولكن المخ محجر
|
هماليل من قال يسلم والرمعه مالك لوا الكلمه وحده هنا وهناك والناتج تزعل رجل وتفرح بنت بنتظارك من جديد تحيتى |
ولد شيوخ بنتضارك وفعلا حله بسيط تحيتى واحترامى |
يامالا العز ياعقاب
مافيه زود بيت على اللغز يمكن ندغده شوي |
صح لسانك ياعقاب
واانا اتقوع انها يابنت |
اقتباس:
والله رمعه حلوه فعلا يالعزوه00 شف هالعقاب وينهو الان تلقاه شايل له ظبي وبرووس هالظلعان ياكله |
ابو فهد كانه مثل ماقلت وحنا نبي معه
يالغالي ملينا من المنتديات ومن الالغاز نبي رحله على موترك لازم تمشينا على بقعاء بس اهم شي القاع مانجيه ولا نشوفه |
عذرا على الاطاله
بعدم الرد توضيح هى كلمه ومصطلح علمى تقال ولكن هى معناها على الرجل عكسى وعلى البنت شى حلو وكل وحده تتمناه وكلمت بنت مالكم لوا وبالنسبه للضلعان مشينا يالتريبانى انت والكل بس فواز اخبره والله لياكل كل عزبتنا خلنا لحالنا اصرف تحيتى للجميع |
السلام ياشيخ عقاب
وأنا ماتاخذونن معكم هههههه أقول اللغز ممكن أنه يكون كلمة((حلوة))؟!! بس وشلون مصطلح علمي؟؟!! . . . . . . . نـــورالدنيـــا |
نور الدنيا
والله انك مامن بعايد عن فواز احس انك قشرا وتضربين بس امر الله اسمنا اللى عزمنا وحياك ههههههههههههه امزح حياكم الجميع وكلمة حلوه معروفه انه للبنت فقط هذى تقوله للرجل لها معنى غير المعنى اللى للبنت ومصطلح يعنى ماهى بس عاميه الكل يقولها فى كل الدول العربيه حسب علمى وهاتى رمع ثانيه انتظر الحل والا بحله انا تحيتى |
عقابان ليش تحله انت؟؟ خله يغث الربع اكثر000 وبعدين وين تعزم نور الدنيا هذي راعية البكاء 00 هي على مادخلت المنتدى اول كلمه قالتها تقول ياي لاتضربون والله اصيح00 يعني والمه للبكاء وشلون لو يطردها الشبث او الزراق بالبر تبي تخلس ذهنها؟؟ شف حوريه حايل او قايدة الخيل اللي الوحده معها رطيبه ورابطه الشماغ على راسها تقول من صمول الربع هن اللي ماينخرعن000 |
ياربييييييييييييييييييييه من فواز!!
أنا هالحين قلت أبي أروح معك؟؟ ابي أروح مع الشيخ عقاب أحسن منك ليه تحسد؟! ياشيخ عقاب ماعليك منه تراني حليله والله أن خوتي أحسن من بعض الناس هههههههههههه . . . . . . نـــورالدنيــــا |
ولايهمك شيخنا فواز نور الدنيا ماعليك منه انتى اول المعزومين شكله حاقد على وانا تقل اغليه ياهى مصيبه |
اقتباس:
اشوا اني طحت بك وانتي تسوين بي يانور الدنيا00 وجع يوجع شيطانك00 والله ماهي عاده اويق هالوقت لكن قلت ابي اسلم على عقابان وانا اسمعك تسوين بي0 انخمعت بك انخماع0 زين الوعد عند باب المنتدى اذا مادبغتك صحيح؟؟ علشان تجوعرين صح00 |
ماهو سهل يابو نهار
هههههههههههههه حاول تبروح شوي |
اقتباس:
اللغز كله يرخص لك والله مادرى كيف التوضيح اكثر اسالونى واجاوب هى كلمه عاديه زى ماتقول للبنت اغلبهم حصلت هالشى اما الرجال لا تقال لهم الا عن طريق زعل القصد ان كنت غاضب تقوله له او مزح ثقيل وتحيه لك واحترام |
لاهنت يابعدي عقااااااااب
النهار الغالي لي رمعه مادري مياعه او الميوعه ؟ |
السارى
الغالى مالك لوا وتوضيح كلمه معروفه ودارجه عندنا بالنسبه للنساء والبنات فى اماكن محدده وليس بكل مكان ام الرجل لا تقال عند غضبك عليه تحيتى واحترامي |
اقتباس:
هلحين تقول يطردني الشبث ومدري وشو وتبيني اسكت؟!! المهم ياشيخ عقاب ماعلينا منه بس والله انها ذبحتني الشفاااااااااية على هاللغز طيب ممكن تقول اول حرف من الكلمة؟!!>>>مسوية ذكية خخخخخخخ |
لايهمك
نور الدنيا نعطيك توضيح وان بغيتى الحل بعد اول حرف ألف من اربع حروف تقديرى واحترامي |
أحبك أحبك أحبك!!
الحل كلمة((أحبك)) صح ياشيخ عقاب؟!!! |
ههههههههههههههههه
نور الدنيا ودى اقول صح بس لو رجال تقوله احبك من قده ينبسط ويستانس مالك لوا لكن من شانك ومن شان هالرمعه احبك ان ماحل قبل نهاية هالشهر الكريم انا بحله تقديرى لك واحترامى خيك عقاب |
شكرا عقاب بس.........
انا فكرت انه رجال اللي يقول الكلمة في الحالتين يعني لو رجال يقول لرجال احبك اكيد بيزعل شكرا لك وبانتظار الحل........... |
افا
انتظر رمعات مو قلت بحله خلاص ماتفكرين نور ترى اهون وماحله الا على وعدى عسي الله يلحقنا على خير تحيتى وتقديري |
اخطبك ؟؟؟ ايش قلت
|
عايش بدونك
هلابك الغالى مالك لوا واخطبك تجى هنا وهناك بس ماهى مسبه هذى لو قلته لرجال تسبه بالعربي ولو قلته لبنت عادى ماهى مسبه الا شى حلو لها تحيتى لك واحترامى |
[align=center]اخاف مثل اللي يقول
والله مانت رجل:) الرجل يزعل والبنت تب تستانس هههههه رمعة عسّالي[/align] |
راع الذلول
نورت وربى المتصفح بتواجد اسمك مالك لوا يالغالى اربع حروف بس واول حرف الف حلوه رفع ضغطى هالغز ههههههههههههه تقديرى لك واحترامي |
خلاص ياشيخ عقاب خلص رمضان
كل عام وانتم بخير عاد علمنا بالحل خلنا نعيد مع الناس ههههههه |
كل عام وانتى بالف الف خير
انا حاطه لك بس بقهرك نور الدنيا احرق الغازك وهو ماله حل لغزى هههههههههههههههههههههه ابشرى بس شوى الليله والا بكرا يمكن تضرب معك وتحلينه وانقهر انا بس يكفى انى فوازوووووه شيبت برموش عيونه ماعاد يجى لها اللغز هههههههههه تقديرى لك واحترمى |
عقاب
الي يقولون استاذ او ابله لو قلنا للرجل ابله اكيد بيزعل ؟؟ اذا ماهو الحل ان مستسلم يالبناخي |
اقتباس:
يسلم والله لسانك وجبته والله صح لسانك وفعلا المقصود كلمة أبله للرجل خبل ولمرأه استاذه او معلمه وتحيه للجميع واعذرونى عن القصور |
والله من الخباثه ياعقابوه والا وين جتك هالفكره والهدباوي حله علشان كذا ماتفوته الشطانه00 مشكورين يالعزوه وتحياتي العطره000 |
تسلم يالغالى
فواز واهم شى انه اعجبكم اللغز والله وصح لسان من حله ولاهنتم جميعا تقديرى |
| الساعة الآن 05:00 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010