لغز(الذيب عقاب النهار)(حلته نور المنتدى)
 

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
وش عــجــوزن بـالـرخــى دايــم رخــيــصـه=وقـيـمـتـه تـكـبر الـيــابـانــت صـعــابـه
ان شـكـت لـه خـفـرتــن غـيــظ الـنـقــيــصـه=حـايـفـن جـاء زرعـهـا مـحـدن درى بـه
فـزعـتــه فـي ذبـحـة الـحــايـف بـخـــيــصــه=مـايـواجـه خـفـرتـن سـيـفـه سـطـى بـه
وان وطـى الحـايـف رجـاجـيـلـن حــريــصــه=وكـل رجـلـن ذاق مـن فـعــلــه عـــذابــه
صـار زرع الـرجـل بـاسـبــابــه خــبــيــصـه=يـسـتحــي يـنـخـى عجـوزن فـي حـرابـه[/poem]

يابو فهد ... وش هاللغز ... صعب وش هالكلمات الصعبه

..بخيصه..خبيصه..؟؟؟؟؟؟؟؟؟؟؟؟؟؟ صعب اللغز قله بالكلام العامي

هلا وغلا حوريه حائل 000

انا جبته بلغتنا الاسبانيه لاننا ببقعاء هذي لغتنا وقاع الملح البرتغاليه واما النفود

شمالنا يتكلمون الباكستانيه000

هذي حاجه مؤنثه تنفع الانثى من مصيبه ولاتنفع الذكر 00 هذي كل السالفه0

الباقي مقبلات000

هلا وغلا اخوي عقاب ورمعه قويه يالغالي

بس ماهي اللي بنافوخي الى الان000

يادي نفوخك واللى بنفوخك

لاتعقدنا طيب

ماتكون
الصلع
المره باروكه والحق هلك
والرجل تعثابه عثى
عقبالك
خخخخخخخخخخخخ

تقديرى واحترامى

هلا عقابان وفكرتك قويه ولاهي بعيده لكن لاحظ ان راعية

الفزعه تحل المشكله واما الصلع ماله حل غير الباروكه هاللي يلبسونه جذعاننا

مثل مزيون حايل وعشوق وينذخون عند هالبنات يحسبون الزين تصليح مايدرون

انه قبله من الله مثل زيني انا واياك000

تصدق ياعقابان انتي تعقدت من حلاي والازعاج اللي يجيني من البنات000

امي تقول احلا حلا بك لاصرت نيم بالظل ومتغدي وشاربن لبين0

تقول كذا والله ماجابن الحريم مثلك000

ان عندي رمعه يمكن الكحل ....؟ هاه صح علي يا خوي ..؟

هلا وغلا والكحل مذكر وحنا قلنا مؤنث يالغلا00


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ياناس حــوريـه غــدت مــنـقـع الـزين=بالمـنـتـدى صارت بمنصب وزيـره
عـاقـــل وتـدخـل وسـط كـل الـمـياديـن=وحـروفـهـا فـيـهـا المعاني خطـيره
بـنـت الـرجـال اللـي ربوعه عـزيـزيـن=ولاتـقــدر خـبــول الهـلايس تديـره
مزيون حــايـل شـاتــتـــه بالـمواعـيـن=وراع الشـعــلا دلا يطـارد بـعـيـره
مـهــرة شـجــاعـن مايهاب المـعـادين=اعــلان هــام انـه عـلـيـنـا الاميـره[/poem]

صح السانك يا بو فهد والله قصيده ارفع بها راسي لا عدمتك ...

عندي رمعه ثانيه ..الفضه ..؟ مدري احس انها غلط بس قلت وش وراي رمعه ونرمعها ههههههههههههههههههه

مالك لوا وللتقريب هي على اسم واحد من الصحابه00


شدي حيلك قربتها لك000

:m1asmilies-com:
:093:

وشلون هى مؤنث وعلى اسم صحابى مذكر:wsfz:

هلا وغلا بالعقاب00

يعني مؤنث الاسم مثل فواز وفوزيه وحوران وحوريه وعقابان وعقبيه او ماتجي

عقبيه يالغلا000

قال الاستاذ عندنا بمحو الاميه لواحد اسمه عويجان قال ياعويجان محطه زائد

محطه وش يصيرن محطات او محطتين قال لا يتماحطن000

أقول أمممممممممممممممممممممممممم؟؟
الحل هو===>>((الخطابة))!!
عاد ماعلي منك صح وألا غلط المهم أني حليته يعني حليته===>>الدعوى غصب!!
هههههههههههههههههه
أقول صح لسانك وتستاهل حورية المدح
.
.
.
.
.
.
نـــورالدنيـــا

نور الدنيا ...تسلمين والله ..

يالغسلان يمكن ...الحراثه ...؟ هاه ..قل صح ...

الخطابه يانور الدنيا حتى الرجال يكلمونهن ويخطبن لهم0

الا منذر المسكين ماخلا خطابه ماجاه مالقى وحده توافق عليه من سمنه وكبر

كرشه تقل متحضن له كيس شعير0 ايه ياملا الهشله لك انت وكرشك

الحراثه؟؟؟ ياويلك مني ياحوريه انتي ونور الدنيا احس انكن

تجيبن رمعات بس عوابه علي هاه؟؟؟؟

مادريتن راع الشعلا غايب ومبسوط هاليومين يقول لقى عريس للشعلا ناقته0

يقول قعود لقاه بالنفود مزيون وعليه هكالتسريحه اللي تاخذ العقل وبراطم وعيون

يقول على ماشافته الشعلا وهي تبرك من زينه جاه القعيطل00 يقول الشكوى لله

وافقت على الزواج بنصف رمضان بشبك بعارين راع الهدبا الحفل000

هههههههههههههههههههههههههههههههههههههههههههههههه
ههههههههههههههههههههههههههههههههههههههههههههه

يا ويلك من الله والله مو عوابه بس هذي معرفتنا انت والغازك الصعبه

طيب راع ان فيه ورود يا نعات متفتحاات ما يعرفن بعض هالالغاز

ومبروك مقدما الشعلا ..اكيد ان هالقعود يشلخ من الزين ما بركه الا

الشي الكايد هههههههههههههههه اهم شي راعيها يبعد شوي عن

هالقسم ههههههههههههههههههههههههه

ههههههههههههه
يقولون الشعير مرتفعة اسعاره هاليومين===>>(راعية غنم)
هههههههه
صادقة حورية وش نعمل بك أنت والغازك الصعبة
آخر حل(البلالة)====>>والله إني مدري وشي ولاوش تستعمل به
ههههههه
.
.
.
.
نـــورالدنيــــا

[align=center]مصدقين انتوو انه اسم من الصحاابه ؟؟؟
هو قصده اسم اصحابه يعني اخوياه بالشبه .. مو اصحاب الرسول عليه الصلاه والسلام ...
بس تعرفون يبي يتفلسف ... حركااات ذا اللببناني ....

بقووول اي شيء لاني مافهمت شيء من اللغز


حله يمكن الرضمه وفي روايه اخرى (( الحصاه)) :طبعا سويت بحث وشمعنى رضمه ...

هي تلك القطعه اليابسه من بقايا الصخر وتوجد في اماكن الجبال وفي بعض السهول والوديان .. ولها عدة استخدامات منها في الطهاره اذا توهقت وماحولك ماء واصطياد السحالي في البراري وايضا تستخدم في الدفاع عن النفس [/align]

صـــــــــــــــــــــــــــــــــــــــــــــــــ ـــــــــــــــــــــــح

البلاله على اسم بلال000

والحايف الشيب والزرع الشعر والحرمه تصبغ بها والرجل عيب0

ياسلام يانور الدنيا حطمتي القسم وراع الشعلا تحطيما00

نجمة هالشهر نور الدنيا00 بعدي هالفنخره

هلا وغلا يفوق الوصف00

ونور الدنيا نكخته قبلكم يالغلا000 تسلم يالعزوه00

بالمبارك بالمبارك زواج الشعلا
هههههههههههههههه
أهم شيء أني حليت اللغز قبل يجي المطيور
ههههه
بس تراك أنت اللي وضحته
المهم عاد هالحين لازم تنزل (خبوب العدام) للمنتدى
أبي أجوعر على راحتي
هههههههههههههههههه
.
.
.
.
نــــورالدنيــــا

وليه خبوب العدام بالذات يانوروه000

لأنها أعجبتني يافوازوه
ههههههههههههه
.
.
.
.
نــــورالدنيــــا

مممممممم ممكن تكون دعايه حلوه للقصيده والله000


بببببببببب بس عناد ماراح انزلها علشان يتشوقون اكثر لها000


ووووووو ويمكن انزلها بعد شوي000