طـلال راح وقـام الإحـسان يـرثـيه
 

قلة أولئك الذين يحييهم ذكرهم أعواما عديدة .. وأزمنة مديدة
وإن توارت أجسادهم تحت التراب وفاضت أرواحهم الى الولي الوهاب ..
ومن هؤلاء الفقيد الأمير طلال الرشيد " رحمه الله " .
وهو من أولئك القلة الذين يبنون في وقت كثر فيه الهدم .
ويحسنون في حين زاد فيه الشح ...
ويعلمون في زمن طغى فيه الكسل ...


فـقـيـدة فـي ثــالــث الـعـيـد نــاعــــيـه
كـدر عـلـيـنـا صـفـوهـا مـع هـنـاهــا

عـيـد تـنـكّـد بـعـد الأفـراح تـــالــــيــه
وراعـي الـمـروة فـقـدتـه مـن بــلاهـا

أنـا أشـهـد ان الـطـيـب لامات تـبـكـيه
كـل الـخلايـق وأرضهـا مـع سـمـاهـا

طـلال راح وقـام الإحـسـان يـــرثـيـه
الـوجـه فـالـح .. والـمـلامـح خـذاهـا

حـر .. نــداوي .. صـعـيـبـه مـراقـيــه
يـمـوت غـيـره مـاوصـل مـسـتـواهــا

عـز الله ان فـقـده مـصـيـبـه ولا فـيه
مـثـلـه يـحـوش مـن الـمـراجـل مـداها

مــات وتـرك لــه أم كـانـت تـراعـيــه
يـالله عـــنــدك لاتــضــيـع رجــاهـــــا

محـسـن عـسـى الله لايخـيـب مساعيه
يـومـن غـيـره وقـفـتـه مــاســواهــــا

مـات وتـرك عـقـبـه أعـمـال تــنـجــيــه
وشـهـادة إنـه فـي اسـتـقـامـه مـشـاها

تـبـكـيـه أرامل مـع يـتـيـم يــواســيـــه
وتـبـكـيـه خـلـق حـزن فـقـده طـــواهــا

ويـبـكـيـه مـضـيــوم كـثـيـره مـسـاريـه
يـصـبـح ويـمـسـي حـاجـتـه مـاقـضاهـا

وإذا نـصـاه يـزول هــم مـخــاويـــــــه
ويـصـبح بـنـعـمـة مـاحـلم فـي لـقـاهــا

ويـبـكـيـه مـن هـو روعـه صوت عاويه
ودونـه عـجـوز شـوفـهـا فـي عـصـاهـا

ويـبـكـيـه مـرضـان وسـقـمـه يــوعـيــه
هــدّ الـمـرض حـيـلـه وكـبـده فـــراهـــا

عـشـر الـسـنـيـن وهي غنوج تراضيه
حـتى قـتـل بـالـبغـي فأقـصـى ثـراهـــا

و"ابداع" بـنـتـه بـالـدلع تـايـهه فـيـه
أحـرق حـشـاهـا مقـتل أبون غـذاهـا

وفارس " بواسل" ودهـا لـو تـفـاديه
تـرجّـل الـفـارس وضـاقـت عـــلاهــا

شـل الله جـمـوع ظـهـر شـرهـا فـيـه
يـالله تـعـاقـبـاهـا وتـكـسـر عـصــاهـا

نــواف صـبـرك ذا جـمـيـله مـعــانـيـه
مـامـات مـنـهـو بـطـيـب ذكـره تـبـاهـى

يالله يالله بـجـنـة الـخـلــد تـــجــزيــــــه
وتـمـنه فـزع يـومـن يـشـيـب ارضعاها

وفـي قـلـب أمـه بـرد الإيـمـان تـحييــه
وتـربـط عـلـى قـلـوب أهـلـه وتـحـماها

مـرحـوم يـاشـيـخ إلاهـك تـنـــاجــيـــــه
كـنـك قـبــل مــوتـك عــرفـت بـخـفـاهــا

يالله لاتـجـعـل مـن نـصـيـبـه دعـــاويـه
ولاتـحـرمـه شـوفـك وجــنــة شــراهــا




القصيدة لـ : سلمى شباب المطيري

نشرت في جريدة الجزيرة يوم السبت
12\10\1424هـ

رحمه الله
عساك للقوه والعافيه
على نقلك
صح لسانها سلمى على قصيدتها

صح لسان سلمى المطيري وصح لسانك على النقل الرائع

وقصيده بغايه الروعه

[align=center]يامال الجنه

صح لسانك مليون أخوي

وصح لسان الشاعره سلمى

قصيده رائعه

آآمنتك الله [/align]

فـقـيـدة فـي ثــالــث الـعـيـد نــاعــــيـه
كـدر عـلـيـنـا صـفـوهـا مـع هـنـاهــا
اسكنه الله فسيح جناته
صدقت والله
حفظها الله

وحفظك اخي ولد السبهان

تسلم على نقلك
وصح لسانها سلمى على هالمرثيه
ربي يرحمه ويسكنه جنات النعيم

رحمه الله و اسكنه في جنات النعيم

قصيده رووعه صح لسان ناقلها و كاتبها

[align=center]الله يرحم ابو انواااف بواااسع رحمته

وفي جنااات الخلد ان شاء الله


ولد السبهان

لاهنت على النقل بيض الله وجهك


وصح الله لساااان شاعرها



تقديري [/align]

صح لسان سلمى المطيري
وصح لسانك على النقل الرائع ..... لاهنت ياسيدي

رحمه الله
عساك والعافيه
على نقلك
صح لسانها

رحمه الله
واسكنه الجنان
صح لسانها سلمى على قصيدتها
وكل الشكر لك ولد السبهان
يابعد حيي ماقصرت

ربي يرحمه ويسكنه جنات النعيم

كل العرفان لنقلك ولد السبهان

اخيتار موفق
رحمه الله طلال برحمته
صح لسان سلمى المطيري وصح لسانك

رحمك الله ياطلال وغفر لك وأسكنك فسيح جناته

ولد السبهان

شكرا لك

اشكركم على المرور
وتقبل الله دعاواتكم
الطيبه

دمتم بود