|
مسلس بعد حيي المكسيكي
سلام للجميع
بصراحه انا نويت اكتب قصه عن مسلسل بعد حيي البدوي المكسيكي وعلى الراغبين بالاشتراك بالتمثيل ذكر اسماءهم منعا للاحراج او زعل البعض علينا طبعا هو بس 7000 حلقه بانتظار الممثلين وبالذات اللى صدورهم وسيعه سلملم |
والله صدري تقل غمارة دينا ههههههههه
اكتب يابعد حيي وننتظرك |
والله شي
ميخالف وكان صرت من الحلقة 2500وفوق اوفق لي اغدينن اصير البطل ... |
اقتباس:
مو شوي 7000 بس :) لك الغلا |
[align=center]عقاب النهار
والله ان صدري اضيق من خاتمي:) خاصتن ان اعداء السحالي عبيد وعشوق بيدخلون معك مير مثلوا مثلوا وانا اتفرج وان عجبني الوضع اغدي ادخل لو بفاصل اعلاني:)[/align] |
اخوي عقاب
اعتبرني احت لك وامرني بالدور الي اقوم فيه وحطني وابشر بس لاتنسى المقدم عاد اذا صار الدور زين ههههههههه |
عقاب
مالي دخل انا البطله ههههههههههاي تراني حجزت بس اهم شي مااموت اخر المسلسل هع هع ننتظر القصه بشووووووق الله يعطيك العافيه مقدما عبيد الضلع ( سجل عيده معنا خله تدخل عالم الشهره من اوسع ابوابه ههههههههههاي ) |
7000 حلقه بسسس :(
اكيد راح تحتاج لسحالي بعد حيي كلهم ويمكن سحالي المنتديات اللي جنبنا :) على العموم ان اخترتني البطله ترا اخذ على الحلقه الوحده مليون دينار:) الله يسعدك اخوي وبانتظار المسلسل على احر من الجمر سهر |
ابشر بسعدك وانا اختك ،،
وانا ام البطل لا تنسى ،،، حتى سهلنا عليك السيناريو ،،، شاااادن ،، |
اخواني التماسيح
عبيدالضلع الحيران عشوق من هالحين نحدد تبون حنا المطنخ والا العصابه وعلى فكره ترى الضد حقنا بالقصه الشيخ فواز وبندر مع كم تمساح يانى بعفسهم لكم عفس قصتى وبكيفنا اهم شى نحوس مريرهم اخواتى السحالى يامعشر السحالى ترى ماعندى من اللى مع مجموعتنا ومن اللى مع مجموعة فواز وعلى فكره دام عبيد وعشوق معى والحيران النصر لنا باذن الله واول حلقه باذن الله فى مضارب الشيخ فواز قل ابد هالمضارب والسحالى كلهم مشتاقه لك عفوا والسحالى على حد البير يجيبن ما للعرب وتبدا القصه من هناك خل اجى من البر ان شاء الله ليلة الجمعه او السبت وتابعوا قصتنا نور الدنيا فاصل لوسمحتى اعلانى وتكفين خليه عن اللبن خبرك مسلسل بدوى |
أكيد مطنخ
واذا تبي عصابه تراني شري واحل المشاكل هههه الله ينصرك ياعقاب يابعد حيي شي ابي اغول فواز الغسلان واطرحه |
[align=center]عقاب؟!!
وش اللي غيرك وقلبك كذا؟!! نسيت انك صديقي انا وفواز أول؟! ياويلي هذا ماهو عقاب اكيد مسوين له التماسيح غسيل مخ >>>يالعوبا قصري صوتك فضحتينا:) ماعلي ابي صديقنا عقاب يرجع مثل أول:001: تهئ تهئ تهئ تهئ فاصل أعلاني:w35rtwsf: عزيزتي السحلية عليك بلبن العصافير من مزارع بعد حيي افضل لبن يجعل التمساح ينام نومة مايصحي منها ألا وهو قد خسر أعز مايملك>>محفظة نقودة:):)[/align] |
اقتباس:
الله لايعوق يشر تخبر انا وانت وعبيد باذن الله نبى نحوسهم بس صبرك على عاد مؤلف تخبر بحط القصه لنا النصر باذن الله ولا يخظر فواز ويغوله الا نت بس خله نشوف منهم اللى معنا هههههههههههههههه لايقلبون ضدنا كلهم ونغدى هجيج |
اقتباس:
بنور وحياك حلفت لاوالله الاهنا اقول لاتقطعين حلفى بصدر المجلس كم نور عندنا وانتى من ضمن قبيلتنا انا وعبيد وعشوق ونبي فواز نغزيه قريب ان شاء الله الا نخليه الشيخ شبلى يومه يركض مصلوخ بهاك الليلة الضلماء جيتكم يافواز نيهيهههههههههههههههههههههاى :wsfz: اقول شكلى انقردت بس يالله هى راس ماله ظربه[/align] |
..يا حسافه لا يكون فات التسجيل .. عقاب ..انا ابي بعد ..وترى صدري
وسيع بعد عمليه توسيع الاورده والشريين هههههههههه بس شف ..ابي دور حركتات ..بطوله ..وابي ..عنوان المسلسل باسمي ...ههههههههههههههههههههههههه |
عقاب يالله
نبي المسلسل ومالي دخل انا حجزت البطوله حتى لو هي شريره ههههههههههههههه اهم شي مع صديقاتي الصدوقات بقايا وبنت الهيلا و حوريه ^_^ |
يعطيك العافية
|
[align=center]مسلسل مكسيكي ياحبي لها هذا يبي لك 5او6شهور متقمص شخصياتهم ماينتهي المسلسل الاوانت في مستشفى المجانبن الله يعين
يالله انا معاكم عقاب بس عاد لاوصيك ابي دوررومانسي حلو مو شرير تراوني اعجبكم في التمثيل هذا وجهي لاخليكم تبكون [/align] |
البلوى هذا ماينطحه احد الا كود تريله وتذبحه بشوزن مع العلابي يالله يالله يطيح ماشاء الله0 لكن اشوا ان خوياه ذرقان والله من سرع الهجه عندهم وقت الشده00 ابي انا وفريقي بندر وجودي ونور وحوريه وبنت الهيلا وبقايا واللي معنا نبي نحوس خوياه بطرفة عين علشان نجتمع عليه والشوزن مع جودي هي اللي ماتخطي00 ياويلك ياعقابان من عشوق ابي تبنيط بخشمه بالارض00 |
كلهن مطنخ وعصابه
والله لايهينك ياعقاب مواترنا منابيهن جي تكس ولا كابرس خل المواتر جيوب ربوع او شيصان .. ولو انهن بيحسن الفلم لكن ازين للدعس والتجشم ... اجوديه ... عيديه اقلعيه الله يقلع مداه لو جت هنا حاست فلمنا مقرودتن مخيمن الشر بقرونه |
وااااااي وربي ونااااسة مكسيكي البران
انا ابي دوري البنت المدللة المطنوخة وادير اموال العائلة وتكون شغلتي تهريب اسلحة لفريقي وربي لايقة الطنخة على فريق ابو فهد وختم الطنخة عندي وقريبا بنزله |
هلا عقاب
لاتنساني الغالي بس علموني وجهوني واتركوني ههههههههههههه يسعد لي قلبك يالغلا |
:49ar:
الحلقه الاولى طبعا حنا قبيلتنا كبيره وتخرع الذيابه هوام المهم شادن خالتى ونور عجوز القبيله وصاحبة الشور بالحرب ودوّرة الشر:mad: المهم وحنا طالعين للمقناص انا وعشوق وعبيد عاد عشوق يرمي ومشهود له بالرمي الضبى مار من اول طلق وهو جايب خبره وحنا نجيك على خيلنا ثلاث جيوب ربع والله وندخل بهاك التلعه نبي نريح ونطبخ صيدنا مادرينا الا واقبلن بنات قبيلة الشيخ فواز عاد حنا معانا عشوق مزاوين ومعانا عبيد وش تقول اطرق الله لايضره قولوا ماشاء الله:aa: المهم انا خبركم تاكي عند المعاميل واشوى بعض الشوايا الحق يقال هاك الايام توه نازل جوال الكاتيل وقم ياعشوق يبى يرقم بنات القبيله اثارينا وقعنا فى بنت الشيخ فواز وهى الله لايوريكم:m1asmilies-com: تصرخ هاك الصرخه الى من قوه جميع الطيور طارت بنت الشيخ فواز اعلمكم منهى بس بعدين الوكاد صوته سبحان الله باذن ابوه وابوه صدق مادانيه لكن هامه ويحب الخير الله حق بس ماعمرى سمعته يعزم حاقد عليه انا:c: المهم ويركب فرسه جيب شاص توه جديد جايه هديه بينى وبينكم سرق بس نجامل احيان:m17asmilies-com: الوكاد دقايق والا هم حولنا وعشوق يجيك بين السما والارض ركض وعبيد يسابق الريح انا شبيعان لحظته قمت ابى انحاش وانا اطيح بالوجار وتشتب رجلي واجيك امشى عشر الاف المهم ركبنا خيلنا وهم ورانا وانا التفت والى وجه فواز:008: الروغ:wow: المهم قلنا مابه حنا ياذابح يامذبوح وحنا نحول من خيلنا وندخل بهاك الضلع وهم يحولون ويثور الرمي بيننا الى اللقاء بالحلقه القادمه |
ههههههههههههههههههههههههههههههههههههه عقاب والله رووعه بالله ابي دور حركتات لا تنسى :000:ههههههههههههههه عقاب خله موضوع جديد ..يعني مستقل وش رايك احسن ... |
اقتباس:
سرني مرورك وابشرى باللى يحطه مثل ماقلتى موضوع لحاله فرحت بالشر على ههههههههههههههههههه تقديرى لك واحترامى |
خوووووووووش فكره
يله قدااااااااام بس ياليت تزيد من حلقاتها ترااااااااها شوووووووي؟؟؟ هههههههههه |
مناهى
يسلموا على مرورك واتمنى تعجبك الفكره وعلى فكره ليته توصل سبع حلقات مو سبع الالاف بس ضريبة الشهره وراح ننهيها من حلقتين ماحنا حول فواز تقديرى لك واحترامي |
|
| الساعة الآن 06:38 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010