|
لغز((وانت ارحل بحفظ الله))((حله النقاوي وانقهرت منه))
هلا وغلا بالجميع وهذا اللغز الجديد اللي يبي يحوسكم شوي ولعلنا نبدأ بالموال اللي يشتت افكاركم شوي: [poem=font=",6,white,bold,normal" bkcolor="green" bkimage="" border="double,8,black" type=2 line=0 align=center use=ex num="0,black""] تركت مطارد المقفين وانت ارحل بحفظ الله=مدامك بعتنا بالرخص حنا بالغلا بعناك واذا قصدك عذاب القلب تلقى الظلم عند الله=لاني ماسهرت الليل بغبون القهر لولاك اخبر اللي يبي غاليه مايسمع لخلق الله=علامك طعت شور اللي بهجري يالغلا دهواك تحسب انك بهجرانك تحرم القلب رزق الله=وربي يرزقن غيرك ومع طول المدى ننساك انا مااطارد العايف ودون الهون ذكر الله=ولاتفرح بدمعتنا ولو عشنا على ذكراك فراق الخلق مسنونه ويبقى بس وجه الله=ولكن صعب تلقى لك حبيبن مثلنا يهواك رحل قلبي على نغمة مفارقنا بامان الله=سلام الله على قلبك من اللي طاح في بلواك عشقتك عشق لو تدري بكثره قلت ماشالله=وعقب الجرح صار القلب ياظالم يبي فرقاك جرحت القلب برماحك وسامحتك وحق الله=وحمدت اللي فتح عيني لقانون الهوى واعماك احسبك لانظرت الدمع بعيوني تخاف الله=وترحم خافقن ينزف برمحن جاه من يمناك [/poem] واللغز هذا هو وتروه ماهو صعب حيل لكن فيه طهبله00 الله يفكه من النقاوي00 [poem=font=",6,black,normal,normal" bkcolor="white" bkimage="" border="double,8,darkblue" type=2 line=0 align=center use=ex num="0,black""] وسط روض القلب وفلوقه=ارتفع مبناك وابراجه واختلط ورده وزملوقه=في رفوف القلب وادراجه منزلن ماجاه مخـلـوقه=وغير عينك فيه ماداجه ويش بـنــتـن ماشـي سـوقه=والطـريـق الـعــدل منهـاجه حـروفـهـا سـبـعـه بمنطـوقه=وكـل ساعـه تـدخـل امواجه عند بعض الناس معـشـوقه=وفيه ناسن تـشـكي احراجه[/poem] |
اقتباس:
انت بس لو ماتحط اللغز بهالألوان الكئيبة ياربي ياكرهي للأتحاد والا مهو ردا بي لكن ابي احله ان شاءالله الله يفكه من النقاوي لين اجي:) احس انها معنوية يعني مثل الزكاة_الصدقة؟؟ ابو فهد ليش ماتشجع الأهلي او الهلال ترهم زينين:):) >>>محاولة تشتيت فاشلة:000: |
اقتباس:
انا اتحادي صميم لاني اعشق الاتحاد على جيل العمالقه اللي هم سعيد غراب ومحمد ابوسمره وعبدالله الفصمه وسراج فريج وخالد ساعاتي ومحمود مسمار وهالجيل الذهبي اللي اذا دخلت الملعب يمار تقل داخل بفرن خباز تميز 00 وبعدين الان راح اغير الديكور علشان ماتتعذرين فيه00 ويكون بعلمك اذا حليتيه راح اقصد بك قصيده كل بيت يبدى باسمك00 [poem=font=",6,darkblue,normal,normal" bkcolor="white" bkimage="" border="double,8,black" type=2 line=0 align=center use=ex num="0,black""] الغلا ياعيوني فارقتنا نجوعه=والركايب دعاها للمرابيع داعي لو تهل المحاجر كل باقي دموعه=ويمضي الليل جفنه من بلاويه واعي ماتعالج جريحن هجر خله يلوعه=فوق لوعة عيوني في نهار الوداعي [/poem] |
الاتي عالمي اولا وثانيا بطل اسيا
واللغز الوانه اتحاديه عشان كذا بنحله ههههههه مساكين بدون عالميه اللغز هو الربابه \ نشالله |
اسمع طاري الاتحاد هااااااه بكل لغات العالم نحبك
لاحد يغلط اللغز يافواز ياجدي صعب عندي |
الحق علي يابو فهد>>>جماهير الأتحاد بيغتالوني:)
ملاحظة:تروني ماأكره الأتحاد بالعكس:3ab8a0c27b: واشجعه احيانا>>>الذلة بنت حلال:):):) |
هههههههههههههههههه نور يا ويلك من الأتــي لا تخافين وراك سحالي يحمون ظهرك
مالي بالالغاز لكن اتوقعه كوره القدم |
اقتباس:
هلا وغلا بالجماهير الغاليه الاتحاديه ياسلام ياسلام00 [poem=font=",6,orange,bold,normal" bkcolor="black" bkimage="" border="none,4," type=2 line=0 align=center use=ex num="0,black""] اتحادي اتحادي لاتحـسـبـه شي عادي=هو حـلا كل النوادي والهدف هـز الشبك اتحادي اتحادي في فـنون اللعب زادي=واشتهر في كل وادي هز خصمه وارتبك اتحادي اتحادي هــو فخـر كـل البـلادي=تعرفه كل الـبـوادي يهــزمـك فـي ملعـبـك اتحادي اتحادي بالـمـلاعــب هو مرادي=دايمن مثل الجيادي في الملاعب ترهبك[/poem] تشوفون هالابيات قلتها هالحين وانا مرتكي اتقهوى يوم حركتوا مشاعري القديمه0 كان بكم احد يعرف تلفزيونهم يرسلها للبلوي غديه يعطيني بقشة دراهم تخبرون نبي نترزق الله00 اخوي رعودي حياك ومالك لوا يالعزوه00 طامي ماهو صعب ورب الكعبه وفيه وصف بالابيات بلغزي توضحه فضيحه00 نور وحايليه مافيه سحالي وماسحالي عند مشجعين الاتحاد بس لبده عنهم لما يفرجها الله يالعزوه0 وانا اختي بتموت في الاتحاد00 |
اتحادي اتحادي لاتحسبه شـي عـادي
هو حلا كل النوادي والهدف هز الشبك اتحادي اتحادي في فنون اللعـب زادي واشتهر في كل وادي هز خصمه وارتبك اتحادي اتحادي هو فخر كـل البـلادي تعرفه كل البوادي يهزمك فـي ملعبـك اتحادي اتحادي بالملاعب هـو مـرادي دايمن مثل الجيادي في الملاعب ترهبك ونعم فيك وبالاتحاد صخ سانك على اللغز يافواز ماهو ::: البطاقه |
اقتباس:
الهدباوي هلا وغلا اشتقنا لك يالعزوه00 نبي نقلب القسم ملعب كوره وباكر ابي الساري يركب شبكات وابيك تشوف الرصع او ممنوع الرصع؟ مالك لوا يالعزوه ولاتباعد خلك حولنا نبي نفك السحالي كان صار فيه هوش00 [poem=font=",6,orange,bold,normal" bkcolor="black" bkimage="" border="none,4," type=2 line=0 align=center use=ex num="0,black""] انا اليوم من زين الردايف لقيت الـصـد=والاوجاع في وسـط الضماير تـنـوشه نوش ولا اقوى على هجرن يـهـد الضماير هـد=سيوفه عـلى قـلـبي عـيـون الحـلا ورمـوش انا ضعت في ريمـن تـشـدك لزوله شــد=اذا لاح لي سحـرن سـكـن خـده الـمـنـقـوش ولا غيرها حـاز الـطـبـايع وزين الخــد=وردفـن غـدى بـيـنـه وبـيـن الملابس هـوش[/poem] |
انا من يومني دخلت على هاللغز اشوف شين طلمسني
واندورت لي شوين وصارت على عيوني غشاوه وغبشت الله يفكني من عويناتكم هاللي طايراتن بالسماء ولاكن ابي ارمع لي رمعه وانا مندور وعساها تصيب انا اقول انها (الحقيقه)ياليتها تفغصه |
صح لسانك على القصيده وصح لسانك على اللغز واحترامى للانديه السعوديه جميعا ورمعة هلالى ماتكون الجاهيه هى اللى دوم للخير وتحرج اللى يجونه ولى عوده باذن الله ********** تقديرى ****** عقاب نهار الشمرى |
ابو فهد
اللغز إذا مافغصه فغاص هاللي مندور الله يستر عليه ودي اسأل هل هو من حاجات البدو؟؟؟؟ عقاب النهار لغزك هاللي (معلق) من قبل رمضان ليه ماتحلونه:wsfz: >>>وانتي وش عليك منه ؟؟((صدق اني ملقوفه)):):) |
اقتباس:
الحقيقه ماعندنا نحوت غير بنيدر الشرعان بس ولاتخاف من غيره00 وفك الله لغزي من عيونك الحلوه00 |
اقتباس:
هلا وغلا اخوي ابوضاري وحياك يالعزوه00 ومالك لوا حاول مره اخرى يالعزوه00 |
اقتباس:
هلا وغلا نور الدنيا وحياك يالعزوه00 ومالك لوا ماله دخل بالبداوه يانور وحاولي اخرى00 [poem=font=",6,orange,bold,normal" bkcolor="black" bkimage="" border="none,4," type=2 line=0 align=center use=ex num="0,black""] انا من عام وعـيوني عـن الـمـرقاد مـطـروفه=وشـكوى الـعـيـن بدمـوعن تـذوق الـويل مـن كاسه اذا نامت عيون الناس حاس الغـبن سـرجـوفه=يجيها طـيـف محـبـوبـن حـرمـهـا الـنـوم ونـعـاسه الا يالـيت لو خـلـي يـروف ويـمـنـع طـيـوفه=مدامه مـانـعـن عـيـنـي تـشــوف الـريـم ولـبـاسـه لو انه ساكنن بالهـنـد والا مـن ورى الـكـوفه=مـشـيـنا لـه ولـو تقـرع طـبـول الحرب واجـراسه مدامه راغبن شوفي وقـلـبي مـيـت في شـوفـه=ولاتـشـكـي لـهــيــب الـخــوف والا زود حـراسـه انا بلـواي مـن قـلـبـن جـفـولـن زايـدن خـوفه=عجزت اشلـع عروق الخوف والهـوجـاس من راسه[/poem] |
تسلم عيونك
ابلشتنا بلغزك ورانا دوام مع الغبشه طيب وش رايك بــ ( الجريده ) |
اقتباس:
فكه الله منك يالنقاوي00 عرفت لك هالحين خذيت قروه عن حلك والله انها بالعارضه بغت تصير بالثمانيات يالشيطاني00 [poem=font=",6,orange,bold,normal" bkcolor="black" bkimage="" border="none,4," type=2 line=0 align=center use=ex num="0,black""] يـاراكـب الـلـي واردن بـقـمـاشـه=جـيـبـن لـمـجروح الـخـفـوق عـلاجـي ماشـيـل كـبـوته ولا احـدن نـاشـه=يـشـبه لـصوت الخـفـرة الـمـغـنـاجي عـيـبـه كـثـيرن بالـوكـاله كـاشـه=وانـه بـراس الـطـعـس كـالـمـيـراجي في مصنـعه منصوب مـثـل الـباشه=وبـالطـيـب محـسـوبـن مـثـل هــداجي ماحـاسـه الكربـون وسـط قـراشـه=ودونـه قـفـول الـبــاب والــمـزلاجـي زيكه سـرير الـيـا رقــد خـفـاشـه=ومسجـون وسـط الـبـيــت كـنـه لاجي نـوره كـمـا الـبـراق ضوح فـلاشه=ومـضـمـون بالـتـصـمـيـم والانـتـاجي مـابـاعـه الـلي ذايـقـن مـطـراشـه=لـو عـاش فـي وقـت الـعـنى محـتـاجي راعـيـه لـو يـدخـل سـريـر انعاشه=مـابـاع لـه شـيـخـن طـلــيـق حجاجي[/poem] |
ياليت توضيح بروحه شوي ابو فهد
|
قروتك هذي مايطول مفعولها
وانشاءالله ابي ابطله وش رايك بــ (الرياضه) |
اقتباس:
يادهام لو سويت تبريح يخمشه هاللي تقل عيون داب النقاوي والله مايمديك تكتب حرف الا هو راصعه وانا ودي اغثه شوي يالغالي00 |
اقتباس:
مالك لوا يالغالي ماهي الرياضه حاول تفر روحك شوي عن الرياضه احسن لك وش هلابيات اللي ينعشن هديه لك00 [poem=font=",6,orange,normal,normal" bkcolor="black" bkimage="" border="double,8,darkblue" type=2 line=0 align=center use=ex num="0,black""] سرى بارقـن نوره بـدار الـغـلا يوضي=شعاعه حرم عيني حلا النوم لاناضي اذا لاح مـثل خـدود الاريام بـالـروضـي=وينقض بقايا جرح وقتن من الماضي غدى الجرح بقلوب المحـبـيـن مفروضي=نزيفه حرم عيني لـذيذات الاغماضي انا مـثـلـهـم مـانـي بالاريام محـضوضي=عقب عندلن يرمي بزينات الالحاضي يجوض الحشى بغـبـون هجر الغلا جـوضي=والاجفان ماعـافـت مـنـامـه على الفاضي بها الصخف في بطنه مع العرض بالحوضي=والاكتاف مثل الحوض جبرات وعراضي[/poem] |
الحبيب
وش رايك بــ الصحافه هى اللى تدخل بكل شى احتراماتى |
اقتباس:
|
اقتباس:
هلا وغلا اخوي ابو ضاري وحياك يالعزوه00 ومالك لوا وانت ماانت بعيد يالعزوه00 |
اقتباس:
نور الدنيا هلا وغلا وابشري ماحلوه باقي امل00 تحياتي العطره00 |
اممممممممم؟؟
شرايك بالسياسة؟؟؟ >>>>صاحية نوم والغمص بعيوني مدري ارجع انام او اغسل وجهي واقابل اللغز:):) >>>>ياحالته انتي ووجهك ههههه |
ههههههههه
متابع انااااااااااااااااااااااااااا |
الله لم اتوصل لرمعه تسجع
ولي عوده صح لسانك ابو فهد |
اقتباس:
هذي نور تقول السياسه وصاحية نوم والنومه بهالبرد احلى والله يانور0 ومتابع بهدوء يترقب ويفكر وناوي صيدته00 وعواد يقول ماتوصل لرمعه مشجعه ومايزال يديره لو انه مايزال ضايق الصدر شوي00 وانا اقول: [poem=font=",6,orange,bold,normal" bkcolor="black" bkimage="" border="double,8,darkblue" type=2 line=0 align=center use=ex num="0,black""] يقولون من يفلس بدرب المراجل شاب=صعـيـبـن يحوزه عقب مابان فيه الشيـب وانا في شبابي ماربحت امهات خضاب=اجل كيف نكسـبـها وانا مثل وجـه الذيب يذوق الهوى من لاحسب للغرام حساب=ولايدركه قـلـبـن مـشى له دروب الطـيب نصحت الحشى يقفل بوجه البنات الباب=لعله بتالي الـعـمـر يـسـلـم من التعـذيب وقلب العنى لاجل المحبه رفض ماتاب=ولو صاح من جور العذارى وشـق الجـيب وقع في غلا ردفن طوى ثوبها الجذاب=ثقيلن على جـسـمـه مـع الـشـيـل والتقليب[/poem] |
ابوفهد الرمعة الاولى والأخيرة
وش رايك (( نشرة الأخبار)).... |
اقتباس:
خطيره جدا يابنت الهيلا وقريبه من الاجابه الصحيحه للغز الوجهه ممتازه واللغز قرب ينفضخ00 [poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""] تل الخـفـوق بـضـحـكـته وردوفه=تـل الـهـبـوب الـشـيـن لـلـفـسطـاطي تـل الحـبـال لـدلـوهـا الـمـذروفه=الــذود ضـامــي والـرجـال نـشـاطـي روحـي لـشـوف عـيـونها ملهـوفه=وشـوقـه قـدح فـي خـافـقي شـخـاطـي ويلفح بمعلوق الحشـى عـاصوفـه=عـاصوف صيـفـن لـلـضـمـايـر واطي لاجـيـت بفـراشـي لقـيـت طـيوفه=تـشـفـط عـروق الـقـلـب بالـشـفـاطي ياويل قـلـبـي مـن عـذاب ضيـوفه=ضـيـفـن يـسـبـب ضيقـتي واحـبـاطي وتطري على راع الغرام شـفـوفه=واركب على جـيـبـي واشـيـل قـشاطي روحي غـدت لـعـيـونها مـعـسوفه=عـسـف الـضـعـيـف بـدولـة الانباطي جـيـبـن الـيـانـشـتـه تـثـور بلوفه=بالضغـط مايـشـكـي مـن الـضـغـاطي واقطـع دروبن ترهـبـك فـي خوفه=والـلـه يـالـولا الـزيـن مـاتـنـهـاطـي نوبـن ورى تـيـمـاء وشـيـن حيوفه=ونوبـن يـصـيـر الدرب حول الغاطي ذيـبـن شـكـى جور الزمن وجنوفه=جـيــعـان يقـطـع بالـظـلام اشـواطـي يقـطـع عـزاز ديـارهـا وجـروفـه=يرقـى الـطـويـل ويـكره المـهـبـاطـي ويلقى الـعـرب من دونها مصفوفه=مـثـل الـجـيـوش وصـفـة الـضـبـاطي بالبـيـت ماتـطـفـي لـهـايـب جوفه=ونـور الحـشـى يـقـطـاه عـنـا قـاطـي[/poem] |
ابو فهد عسى ماشر اشوفك متضايق؟؟
اقول كان القصد القصيدة اللي تبي تقولها فيني تراني مسامحتك >>>متأكده انها بتحله:000: شرايك بقناة ((العربية))؟؟؟؟ >>>شوف ترا كل شي مسموح الا الرمي>>اهلي يبوني ياخي:000: |
والله هاللغز دبل كبدي ومابينن له وجهه
ولاكن ابي ارمع والشكوى على الله قناة(( الجزيره)) |
اقتباس:
نور والله انك خبله اويلي بس وضحتيها للنقاوي وهو اللي حلها00 يوم تقولين قناة العربيه ليش مافطنتي للي تغطس وسط الامواج ؟ ماهي الجزيره يانور اللي ترتفع الكوره الارضيه وتغطس وسط البحر؟ ليش ماانتبهتي لها يوم وصلتي للعربيه مافريتي روحك شوي00 صح يالنقاوي لكن يالبطول نور هي رفعت البطانيه عنه وانكشف لك00 اويطي ياشيب عيني هذا وانا اتحدى النقاوي وقام وحله |
ابوفهد والله اول مافكرت بالجزيرة
بس انت تقول((والطريق العدل منهاجـه)) وهذي صفة ماتنطبق على الجزيرة ربي ياخذها ماعلي منك تجيب القصيدة والا والله ماتشوف وجهي بالمنتدى>>>حلفت!!:wsfz: الحقووووا>>> نور الدنيا واصلة معها وتهدد!! |
اقول والله انها براسي من اول الرمعات
بس الي وهقني سبع حروف ولو حطيت قناه صارت أكثر المهم اني قشعته واذا به قصيد لنور حتى انا وش قاطعني ابي تقصدبي حيث اني حليت اللغز وابي اكبر مركاي على العموم يعطيك العافيه وصح لسانك على كل قصيدك الرائع والجميل تقبل فائق ودي وامتناني |
..يا حليلكم ..والله ..والله من زمان ..عن الالغاز ...
قال العربيه ...تقول الصدق ..ماردىء من هذي الا هذي ... الاخبار كله ..ماتدري من صدقه من كذبه .. الله يعين .. |
لله درك
بيض الله وجهك على اللغز وصح الله لساااااااااانك تحياتي,,,,,,لك 2 |
اقتباس:
هههههه نور هذا خامس لغز اللي تقعدين وراه دف لين تكشفينه لهم ويحلونه قبلك مثل عملهم اول بجوجو بس صرتي بدالها00 النقاوي طلبناك تسمح بالقصيده لنور شفها تهدد وانا مااصبر عنها والله ياخيواتي00 |
| الساعة الآن 07:43 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010