|
لغز((عواد حالي طواها الشوق))(( استفرست عليه نور))
اعزائي الاخوه والاخوات في المنتدى نقدم لكم هذا اللغز اللي ماعنده ياامي ارحميني ولاعنده حيص بيص علشان ماتفغصونه في الدقيقه الاولى من تنزيله 00 [poem=font=",6,white,bold,normal" bkcolor="black" bkimage="" border="double,7,orange" type=2 line=0 align=center use=ex num="0,black""] عـواد حـالي طـواهـا الشـوق=شهريـن والزين ماجـاني وش حيلتي في جـمـيل الـذوق=الـلـي غــرامــه تـبــلاني شفت العـذارى بوسط السوق=واوجـست بالكـبد نـيـراني بالثوب الاحمر جميل الطــوق=والصــدر تـفــاح لـبـنـانـي والحـال تشـبـه هـواوي روق=واكـثـر ضحـاياه عـتــبـاني ياويـش بـنــتـن مكـانـه فــوق=كانـت على الغـير سلطاني ومن الاقــارب وطــاه الـبـوق=وقـدره غـدى فيه نقـصاني بحـروفـهـا اللي يجـيب العـوق=اقـشـر اذا صاب الانساني وبحـروفـهــا عـيـشة المعلوق=وان غـاب ماعــاد تلـقـاني لـغــزن طــردتـه ثـمـان فـلوق=جــابـه لـكــم ابن غـسلاني بالــزيـن مايـشـبـهـه مخــلوق=وفـي ذبـح سـيـفــي لعـدواني وسـيـفــي نوى واحدن مطفوق=ان ماوقــف لي وراضــاني[/poem] اويطيه ياحسافتك يالنقاوي انت وابوضاري عز الله رحتوا وطي عند هاللغز00 حاكره المسبوع وليد الغسلان المزيون000 |
يعطيك العافيه والله على هاللغوز الحلوه
وصح لسان كل واحد حل صح لسانك ياوليد على هالزين وصح لسانك يالراوي رمعه على الطاير يمكن تكون ( رغد )صدام حسين |
لاتضحك علي بقول رمعه
السوامه وش قلت ابو فهد هههههه |
ابوفهد
انا مريت من هنا عشان اعلن احتجاجي وامتعاضي وشجبي واستنكاري:wsfz::wsfz::wsfz: هالحين عديت الالغاز اللي حليت لك انت بس من غير الباقين وعددها13لغز!!!!!!!!!!!! 13لغز ياشين ولاعمرك مدحتني ببويت اوبويتين؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟>>>>>>>>>>يقولون علامات الاستفهام بلاش هاليومين:):) المهم ماراح احل لغوزك ابدن ابدن >>>>ياحالتهن:) خلهن يطيحن بكبدك ولااحد يحلهن:):) سلامو عليكم |
يعطيك العافيه على اللغز
وننتظر معك الحل |
[align=center]السلام عليكم ورحمة الله وبركاته
الله يعطيك العافيه يابن غسلان على اللغز الحل يمكن يكون الشمس والله اعلم[/align] |
مراحب بالجميع وسعوا وسعوا جاكم الصاعقه البشريه00 النقاوي وشنوحك تقولها كذا تقل ماودك هاه؟؟ ايه انا مزيون بعد حيي00 ومالك لوا يالعزوه00 شف يقول : في اسمها اللي يجيب العوق 00 يعني ضمن حروف اسمها شي اذا صابك ماتقدر تمشي زين يعني مرض معين00 بقعاويه هلا بالعزوه ومن وين طلعتي اسم السوامه الله يقطع بليسك؟؟ توي تأكدت انك بقعاويه فعلا 00 مالك لوا يالعزوه0 حايليه ادخلي معترك المنافسه ياملا الخير 00 غموض حياك الله وماهي الشمس 00 اشوا صارت رمعاتها سماوي00 نور الدنيا يالعزوه والله الليله الا انزلها بهذا قصيده لك وبها اسمك بكل بيت 00 بس الان ابي اروح ابلع لي تيس بهالنفود واجي000 [poem=font=",6,white,bold,normal" bkcolor="black" bkimage="" border="double,8,orange" type=2 line=0 align=center use=ex num="0,black""] وش تسوي وجـرحـك من سـبـايب طـبـيـبـك=ورمح الاريام يسطي في مـثـاني عـظـامك ورمح الاجناب رحـمـه مع مطـاعـن قريـبـك=ورفقة اهـل الـمـراجل رفـعـتـن في مقامك ياغـزالن خـشـيـنـا عـيـن ربـعـك تصـيـبك=ويفـقـد الـقـلـب عـقـبـه ضحكتك مع كلامك لو خفوقي حـظـيـظـن حـطـنـي من نصـيـبك=وعـاش باقـي حـيـاتـه يهـتـنـي في غرامك لـو تحـرك نصـيـبـي يـمــكـن انـه يجـيـبـك=يامـرامــي ولـيــتــي بالـمـحــبـه مـرامـك كنت احـسـبـك تعـالـج بالـمواصل عطـيـبك=يـسـهـر الليل وانـتـه مـهـتـنـي في مـنـامك لـيـتـنـي جـار بـيـتـك او رضوني خـطـيبك=لا بـغـى الـقـلـب شـوفـك ماتـرده عـمـامك وكان خـلـيـت غـيـري بالـتـوالي حـبـيـبـك=ويـشـرب نهور حـبـك والـدسـم فـي سـنامك نرتحل عن طوارف فـيـضـتـك مع شـعـيبك=قابـلـيـنـن جـروحـك رافـضـيـنـن نـظــامك والضحـيــه خـفـوقـن رام حـبـك وطـيـبـك=عـقب نورك عـيـونه تـخـتـبـط فـي ظـلامك[/poem] |
[align=center]
اقتباس:
وش تقصد يعني شلال الماء؟؟ [/align] |
[poem=font=",6,,normal,normal" bkcolor="orange" bkimage="" border="solid,4," type=0 line=0 align=center use=ex num="0,black""]
نقول العمامه ولغزك ذوق= مثل العسل يا بن غسلاني بحروفها العمى مفروق = وامه غلا وسط شرياني وأن كان مالي لوا بي شوق = لحله ونا منك طرباني[/poem] |
ياهلا وغلا بالجميع00 غموض مراحب ومالك لوا ماتصير الشمس 00 على الاقل اسم الشمس مافيه بحروفه اسم مرض او وجع او جرح وهكذا 00 الحماد مراحب وحياك الله يالعزوه ومالك لوا ماهي العمامه وهي رمعه قويه جدا ماشالله عليك00 وتقول انك شفقان تحله وانا اقول عسى وتبقى معانا 00 نور الدنيا وعدتك بقصيدتك اذا حليتي درزن من لغوزي وفعلا حليتيهن لكن تدرين انك مبروكه لاني وانا اكتبها انحرفت مع المنتصف وتحولت الى وطنيه بحايل وذلك بعد ان ذكرت ابياتك الخاصه وتفضلي: [poem=font=",6,white,bold,normal" bkcolor="black" bkimage="" border="double,8,blue" type=2 line=0 align=center use=ex num="0,black""] نور دنـيـانـا هـي الـنـور في دوره=ان جهلتوا مصدر النور واسراره المـرابـع زارهـا الـنور مـن نـوره=نـوب نـور ونـوب ورده ونـواره مـن يفـاخـر لمـعـة الـنـور وبدوره=نور نـوره حـط الاريـام فـي ناره ثارت الغيره على الحور من جوره=كم عـنودن من سبـب نورنا غاره يـوم سـارت فـي بلـوزه وتـنــوره=نور مـثـل النـور بالبـدر واقـماره فاح ريح الطيب من نور وعـطوره=نور برقـن لاح بالغـيـم وامـطـاره نور كل البـيـض مـقـهور بحضوره=نـور دنـيـا وردة الـدار والحـاره انـورت فـيـنـا ولا هـي بـمـغـروره=مثل نور النـور بالحـور ماصاره الجـدايـل فـوق الامـتـان مـنـثـوره=زايـدن بالـنـاس قـدره ومـقــداره يامـنـايـر نـور حـايـل وغـنــدوره=قالها اللي يطرب الناس باشـعاره شاعـرن فـي كل الاقـطـار جـمـهـوره=وراويـة تاريـخ الاجـداد واخـباره ديـرتـه فـي الامـصـار مـشــهوره=في جبل شمر هل الطيب وافـناره حـايل الـعـزه هـل الطـيب ونهوره=طيب حاتم بالجـبل شاعت اذكاره ياجـبـالـن فـيـهـا الامجـاد مـبذوره=ياديـارن بالصـخـى فـاقـت دياره ياصواريـم الـمـراقــيـب وطـيـوره=يامـسـيـلـن ضـم عـبده وسنجاره ياحـروفـن فـوق الامجـاد مسطوره=ياسيوفن هـابـهـا الناس واشراره ياسـبـاعـن مـنـها الاقـوام مـذعوره=ياقـلاع الطـيـب والطيب معـباره يانجـوم الـكـون والـنـاس وسـروره=يامـوازيـن الـمـفـاخـر ومعـياره ياسلايل نجـد والـمـجــد بـظـهــوره=ياسحـابـن يـروي الـكبد مدراره ياكـفـوفـن بالعـرب تـنـثــر خـيـوره=ياكـبارن تـبــذر الطيب بصغاره يافـيـاض الـمـجـد والطـيب وبحوره=ياذرى المـضيوم لاذاق مصهاره ياعـقـولـن يـمـشي الطيب في شوره=ياقـلـوبـن حـطـت الطيب قيثاره ياغـصـون الـمـجـد والورد وزهوره=ياغـلا ضـيـفـه وشوقه لمسياره روح روحـي فـي زوايـاك مـسحـوره=وبين ظـلـعـانك حياتي ومنشاره[/poem] |
[poem=font=",6,white,bold,normal" bkcolor="black" bkimage="" border="double,8,blue" type=2 line=0 align=center use=ex num="0,black""]
نور دنـيـانـا هـي الـنـور في دوره=ان جهلتوا مصدر النور واسراره المـرابـع زارهـا الـنور مـن نـوره=نـوب نـور ونـوب ورده ونـواره مـن يفـاخـر لمـعـة الـنـور وبدوره=نور نـوره حـط الاريـام فـي ناره ثارت الغيره على الحور من جوره=كم عـنودن من سبـب نورنا غاره يـوم سـارت فـي بلـوزه وتـنــوره=نور مـثـل النـور بالبـدر واقـماره فاح ريح الطيب من نور وعـطوره=نور برقـن لاح بالغـيـم وامـطـاره نور كل البـيـض مـقـهور بحضوره=نـور دنـيـا وردة الـدار والحـاره انـورت فـيـنـا ولا هـي بـمـغـروره=مثل نور النـور بالحـور ماصاره الجـدايـل فـوق الامـتـان مـنـثـوره=زايـدن بالـنـاس قـدره ومـقــداره يامـنـايـر نـور حـايـل وغـنــدوره=قالها اللي يطرب الناس باشـعاره شاعـرن فـي الاقـطـار جـمـهـوره=وراويـة تاريـخ الاجـداد واخـباره ديـرتـه فـي الامـصـار مـشــهوره=في جبل شمر هل الطيب وافـناره حـايل الـعـزه هـل الطـيب ونهوره=طيب حاتم بالجـبل شاعت اذكاره ياجـبـالـن فـيـهـا الامجـاد مـبذوره=ياديـارن بالصـخـى فـاقـت دياره ياصواريـم الـمـراقــيـب وطـيـوره=يامـسـيـلـن ضـم عـبده وسنجاره ياحـروفـن فـوق الامجـاد مسطوره=ياسيوفن هـابـهـا الناس واشراره ياسـبـاعـن مـنـها الاقـوام مـذعوره=ياقـلاع الطـيـب والطيب معـباره يانجـوم الـكـون والـنـاس وسـروره=يامـوازيـن الـمـفـاخـر ومعـياره ياسلايل نجـد والـمـجــد بـظـهــوره=ياسحـابـن يـروي الـكبد مدراره ياكـفـوفـن بالعـرب تـنـثــر خـيـوره=ياكـبارن تـبــذر الطيب بصغاره يافـيـاض الـمـجـد والطـيب وبحوره=ياذرى المـضيوم لاذاق مصهاره ياعـقـولـن يـمـشي الطيب في شوره=ياقـلـوبـن حـطـت الطيب قيثاره ياغـصـون الـمـجـد والورد وزهوره=ياغـلا ضـيـفـه وشوقه لمسياره روح روحـي فـي زوايـاك مـسحـوره=وبين ظـلـعـانك حياتي ومنشاره[/poem] وووووووووووووووه يابو فهد اثلج الله صدرك يارجل>>>تخسبقت وماتدري وش تقول:) اقول بس ياعساني ماأبكيك:3ab8a0c27b: ايييييه هذا الشعر اللي يطرب القلب>>>ماعمر احد قصدفيها والله حق اخر من قال فيني شعر هي امي رحمة الله عليها عندما دخلت العناية وكنت على وشك الموت>>>عمر الشقي بقي:) قالت فيني [poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] يانور عيني ياحلي الرموشي=يعود ربي لاريش العين واعي واقلبي اللي غادين به هشوشي=واظن عقلي رايحن للضياعي اطلبك ياالله يامدير الرشوشي=تعود بمخاواه عقب الوداعي[/poem] وهي اطول من ذلك ولكني لااحفظها كاملة رحمة الله عليها >>>>لي عودة مع الحل >>>>تحمست:):):) |
يسعد اوقاتكم بكل خير
وش حااالك يا ابو فهد >>على قولت سلطان العميمى حل الغز اذ ا ما خاب ضـــنى فهى المروحـــه. نور الدنياء الله يغفر لوالدتــك ويدخلها فسيح جناتـــه.. تحيتى للجميع |
اقتباس:
هههههه هلا نور وهذي عن خمسين قصيده يالعزوه00 تستاهلين وتستاهل حايل 000 |
اقتباس:
هلا وغلا والله بالسبيعي وحياك00 مالك لوا يالغالي وتراني قلت ان لها سلطه قويه سابقا وانا صادق00 قال ابن حثلان في ملحمة سبيع: [poem=font=",6,orange,bold,normal" bkcolor="black" bkimage="" border="double,4,darkblue" type=2 line=0 align=center use=ex num="0,black""] لاعدوا فعول القبايل والافخار=لنا من الناموس مثني ومربوع فعولن عسيراتن على كل مختار=وسلوم للعلياء بشيمات وطبوع قومن لجوا بفهيد عفناهم جهار=شيمة عرب ورجال والكذب مرفوع غدوا على قبره تقل وصف خطار=وقلنا ترى اللي من ورى القبر ممنوع[/poem] |
ونعم بحالك يا ابو فهد
ونعم بكل قبايــل الجزيره العربيه واشــكرك على الاطــراء الجميل لهذه القبيله العريقه .لاهنت يا ابو فهد ..وللمعلوميه انا لست من قبيله اسبيع الغلباء .واذا كان لفت انتباهــك التوقيع فهذى أعجاب منى لشاعرين وبذات الشاعر القدير ناصر الفراعنه.. كل الود والتقدير لك يا بن غسلان |
اقتباس:
حياك الله اخوي وماعليك زود 00 اشوف هالبرد له تاثير على الناس كامشين مالهم حس ولا رس هالايام00 يظهر لازم ننتظر نقوز العقارب وجية الدفى 00 |
الله يعينهم
العقارب باقـــى عليها وتدخـــل حول العشر ايام.. نرجـــع للغز ياخوى فواز ياويش بنتن مكانـه فـوق كانت على الغير سلطانـي ومن الاقارب وطاه البـوق وقدره غدى فيـه نقصانـي بحروفها اللي يجيب العوق اقشر اذا صـاب الانسانـي وبحروفها عيشة المعلـوق وان غاب ماعـاد تلقانـي فى اعتقادى انه البرقــع ولــى عوده بأذن لله للغز |
اقتباس:
[poem=font=",6,white,bold,normal" bkcolor="black" bkimage="" border="double,7,orange" type=2 line=0 align=center use=ex num="0,black""] البراقع خطرهن مثل سم العقارب=ويل حالي طريحن من بنات البراقع والعـقـارب تراهـا دايمن بالاقارب=ان بغـيـته بحاجه صار عندك يطاقع لاتغرك هروجه عند فتل الشوارب=يتركك كان شافك تحت نار الصواقع[/poem] مالك لوا يالعزوه وحاول تراك ماانت ضابط الوجهه زين 00 (((( تراها اسم ديره))))) |
[عزالله انى يا بن غسلان محتار===الغز صعب وصعب لا رحم حيـــه
حتى الدكاتر با الاشــاعه ومنظار===عجزو يقولون الدواء كم كــيه ورحنا على ديرت وافين الاشبار===ام الجماجم وتاركين الحــويــه |
اقتباس:
هلا الغالي واللغز يقول انها كان لها سلطان سابق ومجد يعني كانت عاصمه مثلا في يوم من الايام00 |
[align=center]
ابوفهد شرايك ب((دمشق))؟؟؟ :m5asmilies-com: [/align] |
ابو فهد
وش رايك ب اشبيليه يالغالى وكانت بلاد المسلمين ولى عوده ياهو متحدى على تعقيدنا هههههههههههههههههههههههههه تقديرى |
الله الله صح السانكم .. تستاهل نور الدنيا من يقصد به ..الله يرحم امتس ويسكنه فسيح جناته..يكفي جابت نور الدنيا .. ابو فهد هو القعيطل هههههههههههههههههههههههههههههههههه |
اقتباس:
هههههههههههههههههههههههههههههههه صـــــــــــــــــــــــــــــــح دمـــــــــــــــــــشــــــــــــــــــــــــــــ ــــــق عاصمة الدوله الامويه تسعين عام قبل ان ينقلها العباسيون الى بغداد من عام 40الى126 اسمها فيه ( دم ) وفيه ( مشق ) والمشق تعرفونه او نسيتوه الله واكبر ماورى ماشطب رجليي ابوضاري نور الدنيا استفرست علينا ماشالله يوم غابت جوجو اثريها هي البلى000 |
صح لسانك
ولسان نور ماهى سهله لا بغت تحل تقديرى لكم جميع |
[align=center]
هههههههههههههه والله ماهو مني من قصيدة ابوفهد فجرت الطاقات المكبوته:) ماتسمع اللي يقول((مدري منهو اذا مدحته شاش...:):):))) صح لسانك يابوفهد كل الشكر والتقدير [/align] |
| الساعة الآن 07:16 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010