|
لغز((لو بغيت انسى عشيري))(( حله ابالديبان))
نبدى بالموال اللي يعتبر ترييح اعصاب للقاري قبل اللغز00 [poem=font=",6,white,bold,normal" bkcolor="black" bkimage="" border="double,4," type=2 line=0 align=center use=ex num="0,black""] لو بـغـيـت انـسـى عـشـيـري مـانـسـيـت طـيــوفـه=وان قــدرت انـسـى طـيـوفـه مـانـســاهـا قـافــي وش نـبــي بـالـقـــاف دامـــه مانـطــق بـحـروفـه=او وصـف مـجـدولـهـا الـلـي فـوق مـتـنـه ضافـي او وصـف كـتـفــه وعـطـفــه مـع جـمـال ردوفــه=او هــنـى حـضـنـن رحـيــمـن بـالـشـتـاوي دافـي او سواد رمـوـش عينه مـع بـيــاض كـفــوفـه=او عـسـل ريـقــن لـقـيـتــه مـن جـروحـه شـافـي وان فـقـدت الـزيـن تـبـقــى بـالـحـشــى مـلـفـوفـه=اكـتـمـه بالجـوف يـسـفــى بـالـحـروف الـســافـي الـمــثــايـل نـزف قــلـبــن ضـيـــقـــتــه مـعــروفـه=واضحـن بـالـقــاف جـرحـن كـنـت اريــده خـافـي كـنـهـا الـجــوهـــر تــلالا لـلــعــرب مــصــفــوفــه=مــن قــراهــا راح يـصـرخ قــايـلـــن يـاكـــافــي لاهـبــه يــكـوي خـفـوقـي مـن صـغـيـر خـشــوفـه=خـلــت الــراوي يــدوهــج بـالــشــوارع حــافـي[/poem] واللغز سهل جدا واتوقع ماتفوت عليه ليله الا هو محلول ويقول: [poem=font=",6,red,bold,normal" bkcolor="white" bkimage="" border="double,4,darkblue" type=2 line=0 align=center use=ex num="0,black""] الا ياللي تـبـون اللغـز جاكم لغـزنا بالحال=ويبـقـى صامـدن حـله ويكوي باللهـب جـاره ابي رجلـن تعرفونه وتضرب حوله الامثال=رفـيعـن مع جـمـيـع الناس في قدره ومقداره بعمره يرتكب جرمه ويذبح مـن بنات الخال=بدون سلاح يذبحـهـن ويـبـدى درب مشواره[/poem] |
يسلمووووووووو ع الألغاز ههخخككك
ويشرفني اول وحدة ترد عليك حلاتي بعنادي بنت الامارات |
اقتباس:
من وين دخلتي بسم الله؟؟ انا قاعد اعدل باللغز واصلح فيه وفجأه لقيتك قدامي؟؟؟ هلا ومرحبا بالعزيزه والله يفكنا من عنادك ويعطينا حلاتك00 يعني نتقاسم الاسم 000 |
اقتباس:
ههههههههخخخخخخخخخككككككككك اهلين نتقاسم اوكي مب مشكلة |
ا لنقاوي حيلك باللغز ههههههههههههههههههههه
يا حيي صعب الغازك ..طيب وشو صفه ولا رجال مشهور ..؟؟ |
اقتباس:
هلا وغلا حوريتي العزيزه000 وهو واضح جدا ياحوريه ومافيه توضيح لاني عنادي حيل وناشف راس وشري وقاسي وشجاع وهي اهم شي00 |
ابو فـــــــهد
يسعد صباااحك والسامعين اجمعين. لغزك صعب شوى بس ياالله بنى ندلـــى بدلونا ونقول الرمعه. وش رايـــك با الكبريت وعيدانـــه. صب القهوه يا رجــــــــــــال. |
اقتباس:
مالك لوا يالعزوه 00 وبعدين ترى اسمه الشخاط باللغه البقعاويه ماهو الكبريت00 علشان نحافظ على تراثنا 000 [poem=font=",6,white,bold,normal" bkcolor="black" bkimage="" border="double,8,blue" type=2 line=0 align=center use=ex num="0,black""] شـال وسـط الـجـوف والـبارح زواجـه=ويـل قـلـب الـلـي وقـع فـي وســـط بــيــره خـافـقـي صـعـبـن عـلى الـعـالم عـلاجه=لـو نـراجــع لـلـشـــفــاء فــي كــل ديــره ولـو اطــاوع كـل مـاقـال الـخـــواجــه=او طــلـب تـرقـيــد روحـي فــي ســريــره مـايـداوي عـلــتـي جـلــســة مـســاجـه=يـوم شـفــت ان الـحـبـايــب طـار طـيــره ومـايـفـيــدن قـولــهـا راح انـتـــواجــه=دام غـــيـري صــار بــكـفــوفــه يــديــره واشـقـى قـلـبـن طـفـت شـعـلـة سـراجـه=لاطـرى لـه صـاحـبـه فـي حـضـن غـيـره كـن وســط الـعــقـل تـنــتـابـه رواجــه=دام سـيـــف فــراقـهــا فــارق جــفـــيـــره هـي يـروح الـلـيـل فـي عـز ابـتـهـاجـه=لـيـلـهـا تـرقـص عـلـى نــغــمــة سـمــيـره وزرع خـلــه راح مـن عـاتـي عـجـاجـه=عـاصـفـن يـرجـف عـلـى زرعــه هـــديـره مـع جـمـيــع الخـلـق مـايـضـحـك حجـاجه=دام قـلـبـه يـشـتــعــل مـثـل الـسـعـيــره أه يـاعـمـرن وصـل عـنـق الـزجـاجـه=لـيـن صـار الــيــوم مـايــعــرف مــصـيــره[/poem] |
هذا وش اسمه
ايه هو وش اسمه ياحيي ههههههههههههههههههههههههههه <<<<<<<<<<<< عجزت اكتب الحل من االضحك :m5asmilies-com: لي عوده ان شاءالله هع هع هع <<<<<<<<<<< لاحد يسأل ليش اضحك خخخخخخخخخخخخخخخخخخخ :ert4: |
اقتباس:
لكني ادري انا وش اللي يضحكك ياام القلبان ياجوجو00 ترى راح اسميك راس الضب لانه هو اللي يضيع لو جحره على بعد خمس امتار00 هالحين اذا اقبلت على الضب اضرب له بوري او هرن او المنبه او مزمار السياره واذا فاع الضب يمين اعرف ان جحره يسار واذا فاع يسار اعرف ان جحره يمين لانه لازم يجيه القعيطل اول مره الله يسلمه 00 يمكن من الشجاعه لاني اشوف القعيطل نوب يجيني لازادت الشجاعه عندي00 اخبر معركتي الشهيره والحاسمه مع الحنيش هي كانت اول مره اذوق القعيطل اللي اسمع به من اول من جدتي ومدري وشو ولاعرفته الا هكاليوم 00 ياجوجو تصدقين انه مثل الموت اللي يدخلك من تحت وتحس ان رجليك مربوطه بحبل ماتقوى تتحرك وعقبها تفوع لك فوعه والله ان السياره ماتقوى تلحقك 0 واي شي بطريقك تقمزه قمز يعني مافيه معك دركسون تلف هنا والا هنا بس قمز لو قدامك نخله قمزته مع وجود رشح عرق كثير وشعورك ان فيه خلفك طوربيد يدفعك للامام مع رطوبه على رجليك مجهولة المصدر اضافة الى انك عند انتهاء هالحاله تجد نفسك بدون ملابسك الداخليه مدري وين يروحن؟ يمكن حرارة الجو يصير فيه تبخير وتقطير تؤدي الى انصهار ذلك الله لايبلانا وعسى الله يفك غويشنا منها ويفك بنيدر الشرعان والنقاوي من هالحاله علشان اغزيهم دايم 00 جوجو تري هذي بدل القليب حقك خليتك تقرين كل اللي كتبت مثل عملك00 [poem=font=",6,white,normal,normal" bkcolor="black" bkimage="" border="double,4," type=2 line=0 align=center use=ex num="0,black""] وقـمــت افـكـر بـذبـحـه في طـويـل الـعـسـيـب=وان حـصل فـضخ راسه بالـعـصى هـي مناي لـو قـضـعـنـي بـنـابـه شـمـس عـمــري تـغـيـب=وتـفـقــد الـنـاس كـلـه طـيـبـتـي مــع حـلاي اقـطــم الـذيـل هــذا نـهــشــتــه مـاتـخــيــب=ولـو يـنـوشــن بـنـابـه كــان امـوت بـضـحـاي وقـمـت اراقـب عـيـونـه مـثـل عـيـن الحـريـب=وسـدرة الـشوك طولي راح تـشــعـط خــصـاي صعـب اقــابـل بـخـيـلـن طــق بـابـي طـلـيـب=ومـن نـفـخ عـنــد وجـهـي ضـاع مـنـي رجــاي وهـو يـجـيـنـي وانـا اقـمـز مـع طـريـقـن صعـيـب=طـايـرن يـاجـمــاعـه فــي غـبـايـب سـمـاي اوجـس الـنــاس تـحـتـي والـخـوافــق حـطــيــب=عـقــب ماكـنـت قـاعــد سـاجــعـن فـي خـلاي كـيـف عــديــت طـايـر مـاذكــرت الــقــلــيــب=ولـو تـهــلـفـيـت وسـطـه غـيـر يـقـطـع ضناي خـطـوتـيـن وقـــمـزتـه كـالـحـصـان الـعـريـــب=ولو بـغـيــت الـمـبـارز كـان طـحـت بخـطـاي صـار لــي مـن عـيـونـه بـالـشــغـايــا هــذيــب=وهـو خـسـيـسـن واخــبـره يـبـي يـلـعـن ثـواي لـو بـغــيــت اتـعــدى لـلــهــلال الــخــصــيــب=سـرعـــتــي فـي زيــــاده لاذكــرتــــه وراي الـكــتـاده وطـــيـــتـــه بـــس شــوكـه حــبـيـب=والــشــمـاغ بـيـمــيـنـي قـاضــبـه مـن ذكــاي دام راسـه عـريـضـن تــقـل عـلـبـاء خـطــيــب=وش يـفــيــدن قــبـالـه يـاجـــمــاعـه عــصـاي خـطـوتـي خـمـسـة اذرع بالـشـجـر والـكـثـيــب =وكـل صـوتـن يخـرفــش يـقـلــعـن عن مـــداي[/poem] |
صح لسانك ابو فهد
وانتي يام القلبان طق خشمي الطاوله وانا ادور حلك نرجع لغز ابو فهد ماهو انا يعني قصدي (القمر) والليالي السود هن بنات الخال اذبحهن من زين طلتي <<<< وش عند ابو فهد |
شرايك بالعلم ؟؟؟؟
|
اقتباس:
شفت شلون ياشعلول ترى هذا عملها بي انزل تقل بقليب00 علشان كذا سميتها ام القلبان000 وانت من زين طلتك علشان تذبح البنات ياشعلول؟؟ اي بالله صايره طلتي انا؟؟ وبعدين تقدر تطير مثل طيرتي عن الحنيش اللي بالقصيده؟ اتحداك |
اقتباس:
حياك الله ومالك لوا يالعزوه 00 ماهو العلم 000 |
ههههههههههههههههههههههههههههههههههههههههه
وش هذا ياابو فهد مافهمت شين :093: يعني هذا انتقام هههههههههههههههههههههه اويلاه ياشعلول صرت مع ابو فهد ضدي يعني هالحين انا ام القلبان <<<< بغيت اقول قبلان :h64: الحل يااابو فهد هو وضح لنا بالله ترا الفكر مااااش :093: |
طيب ياابو فهد
انت تقول ماهو القمر طيب وشرايك بالشيب |
اجوديه حوله انتي
ههههههههههههههههههههههههههههههاي اقول ابو فهد وشو رايك بالدلو والقليب |
[align=center]السلام عليكم ورحمة الله وبركاته
الله يعطيك العافيه يا بن غسلان على اللغز رمعه على الطاير :h64: ماهو الشهر القمري؟؟؟[/align] |
اجوديه بعد قايدك وجهك تبين توضيح؟ ماتبين تخلين هالنزول لين تستدير روسنا وليتنا عاد نلقى شي بالاخير00 راع الشعلا الشيب هاه؟ وجع يعني تلمح اني شايب؟ وانا ولد يسموني معشوق الغنادير0 قماريا مالك لوا 00 الا انتي تعرفين المثل اللي يقول ( والا انت قماريا ) وش قصته؟ غموض مالك لوا 00 وتوقيعك خلانا ننخرع من البنات هاللي نصفها نمر 00 يعني قصدك ودك نخاف منكن؟؟ ماراح نخاف ابد ندري انكن ذروقات لو تحطين حنيش يطرد واحد00 |
وضح وضح وضح ابو فهد ياقلبي قربنا شوي
لو تقول اول حرف حليته ههههههه صح لسانك والله |
هههههههههههههههههههههههههههههههههههههههههههه
منيذر منهي قماريا هههههههههههههههههههههههههههه :000: او فهد هو شي ملموس :061: |
منيذر يالله حيه 0 انا قالوا لي انك مسجون ومحكوم عليك خمس طعش سنه مع الاشغال الشاقه وصدقتهم وقلت الله يخلف راح مراقبنا وطي 00 حتى نشدتهم عنك قلت وشو مسوي المسكين لاني اخبرك ذروق ماتجسر على الثقايل وقالوا الشيوخ اللي حكموه ابخص 00 وجابوا طاري ندعه وقلت عز الله انه به خف يد المسبوع0 انت متى تتوب يامنيذر وتترك هالندعات قبل تخطي وتدخل لك بيت به ثلاثين افغاني يمار ماتدري انت حشاش والا حطاب000 اخبرهم بهم نغاله 00 وانتي ياجوجو ايه محسوس وملموس ومرفوع فوق الروس عسانا نشوفك عروس قبل ياكلك السوس 000 [poem=font=",6,black,bold,normal" bkcolor="burlywood" bkimage="" border="double,4," type=2 line=0 align=center use=ex num="0,black""] ابـي راي مـن يـهـدي لـقــلـبـي صلـيـب الراي=لـعــلـه يـفــيــد الخـافــق الـعـاشـق الـلـي طـاح ولا اريـد من يـشمـت ويـضحـك على شـكـواي=لان الحـــشــى بــيــن الــعـــواذيـل مـايــرتــاح الاصحـاب مـن جـيــتــه تـصـدد يـبـي فـرقـاي=زمـانـن غــدى مـحــدن يـراعــي لـرجــلـن صاح مـن الـعـام والـمــوتـر بـالاسـفـار رايـح جـاي=حـيـاتـه يـدوج خــطـوط تــيــمــاء تـقــل مـسـاح رمـتـنـي عـنــودن رمـشـهـا هـو سـبـب بـلواي=ولاكـنـت احـســب ان الـهــوى لـلـحــشـى ذبـاح اذا نـام خـلــق الـلـه بـلــيــلـه بــدى مـسـراي=وانـا كـنـت اعـيـب الـلـي يـدوهــج بـدون اربـاح لقـيـت الـمـسـاري فـي ظـلام الــدجـى سلـواي=اهــل الــدمــوع الـلـي تـهـامــل تـقــل مـسـبـاح[/poem] |
السلام عليكم
ايه عيني عليك بارده أنت وحلاك وزينك وش رايك بالشعر يوم يقصه المقص |
اقتباس:
النقاوي حياك الله ومالك لوا يالذيب 00 وش قصدك تقول انت وحلاك وزينك؟ اعداك ابن شرعان على البطاله؟؟ |
الله يسامحك الا البطاله ماهي بي وقصدي جمالك الي ذابحن هالجذعات
لاكن ماقلتلي بنات الخال وشن هن بنات واحدن اسود والا وشو صراحه مالقيتله وجهتن اتجه عليها |
اقتباس:
هلا والله بالنقاوي وحياك يالعزوه00 والبنات ماهن بنات خال ولا بنات عم وانما ( ثلاث اناث ) وهو ذكر من الذكور والقتل مجازي يعني ماهو ذبح حقيقي وانما يقضي عليهن او على كرامتهن وهكذا وهو امر معروف بالالغاز 00 اليوم يالنقاوي طلبوا عيالي فلوس يبون يشترون حاجات للمدارس وانا مستعجل عندي سفر وركبت [poem=font=",6,white,bold,normal" bkcolor="black" bkimage="" border="double,4," type=2 line=0 align=center use=ex num="0,black""]السياره وقمت افكر بصرافات الراجحي اخبرهن مثل العنز اللي ماتولد الا بالبرد وهن مايخربن الا اذا صار وقتك ضيق 000 وانا اجي للاولى يمار اشارتها الحمراء من بعيد مولعه ملعونة الجدف وقلت ابي الثانيه ويوم قربت شفت الاشاره خضراء يعني زينه وقلت الحمدلله 00 ونزلت وحطيت بطاقتي وهي تلهمها داخل وهي ساكته بنت الملعون وتكتب لي راجع الفرع 0 والبنك قافل الساعه ست المغرب 00 وهي تاصل عندي الى الاتش وافصخ النعله واقعد اضربها ضرب الذين كفروا لين خليت الشاشة حقتها تقل صوابر مجدور ويالله يدخلون علي الشباب ويمسكونن عنها والا كان خليتها خمسين قطعه هالخسيسه ماهي اول مره تسويها بي 00 قلت انا عقبها من القهر: تسعين نعـلـه كلها في خـدودك=وهذا جزاك وقيمتك دوم عندي وان مامسكتي ياللعينه حدودك=مايمنعن دونك ثلاثـيــن جـنـدي نـثــرت بالـنـعــله بـقــايا نهودك=لما غدى وجهك تقل وجه هندي[/poem] |
لو يحصل توضيح
صعب اللغز ياغالي |
افا ليه ما كلمتني يابو فهد اطلع فيدتك:m19asmilies-com:
من الي زرطتها احلولات لو انا داري بها مقدم كان جبت المفتاح وطلعتتها نرجع يم لغزك بما اني فغاص الغازك يابو فهد يالمزوين اعتقد اني فغصته هالمره لكن ماهو ماهو التاج يجي بعد ثلاث نوجوم يعني بالرتبه العسكريه اذا مو هو انا استسلم |
اقتباس:
اوووووه ياملا الدقاق والهشله والوجع والكحه اللي كلهن يصيرن بك كان مابحايل اثقل من دمك ياابالشعبان والديبان كان انك صرت دبلة كبد على لغوزي0 لا ويبي يطلع فيدتي بعد؟ فكني من شرك ولا ابي لك فزعات ياشعلول00 ((((( صــــــــح التاج يجدع النجوم الثلاث بالعسكريه)))) ادري ان راع الشعلا الليله يبي يقعد يضحك على دبلة كبدي000 تسلم ياشعلول يالعزوه00 |
[align=center]والله ان عارفه ان مالنا به وان لغز للرجال
وش معرفنا بالرتب العسكريه؟؟؟؟؟ بن غسلان ارجوك مرتن ثانيه يكون عنناويكون سهل بارك الله فيه[/align] |
هههههههههههههههههههه
ايه انا تركتكم وقت الشتاء وشف الربع يحلون لكن هالحين لا لا ما فيه الا شعلول <<< ميل عقاله ويتنحنح احم احم |
اقتباس:
حلولات لو تقضبك يدي اني الا اتغصك بعقالك ياشعلول الوعد قدام |
| الساعة الآن 06:10 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010