ليش بنات اليوم مايعرفن للمرقوق ليش
 

(( ليش بنات اليوم مايعرفن للمرقوق ))

نعم ليش ليش؟؟

انا مدمن مرقوق وخاصة على لحم حاشي وباذنجان اللي هو الديبجان

وانا هالحين صابر على ام فهد ماتزوجت عليها لاني ادري ان الزوجه

الجديده ماتعرف تطبخ المرقوق00 لان بنات هالوقت جيداتن بس

بالفطاير والحلويات وهالمواكيل اللي عجزت احفظ اساميهن وهذي هي اللي

تخلي الوحده منهن تقل بعيرين مربوطاتن جميع ماتدري وين وجهها من قفاها0

يعني مافيه امل اجمع بنت حليوه مع المرقوق بغرفه وحده؟

يعني اما ام فهد والمرقوق او بنت حليوه بدون مرقوق؟؟ يعني يرضيكم هالظلم

هذا بحقي يانور الدنيا؟؟ انا ابي اعرف ليش وش الصعوبه بطبخ المرقوق؟

حرام عليكن فقدت شبابي الزيزفوني وانا انتظر بنت حلوه تجدد شبابي من جديد0

وادري انه مايتجدد بدون مرقوقه00 ياملات الهشله الى متى وانا صابر؟

ماراح اتزوج وحده الا معها شهادة مختومه من عمدة الحاره ومطعم التراث انها تضبط المرقوقه0

يعني خلاص مكتوب علي اعيش عمري مع الموديلات النسائيه القديمه000

وشلون تبوني ابدع بالتاريخ والشعر وانا هذي حالتي تحت الظلم والاضطهاد 00

لذلك كنت سابقا اتغزل وامدح واقول:

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]
يـازين بـان سـهـيـل وش فـيــك مـابـنــت=روحـي سـرت عـقـبـك ورمـشــك نـكـسـهـا
مـنـت وكـمـنـت وزنـت يـابـنـت واعـلـنـت=رمــشـن لـغـومــه بـالـضـمـايـر قــبــســهـا
كـنـت ومـكـنـت ووسـط جـوفـك تـمـكـنــت=وسـكـنــت روحـن قــل شـوفــك عــمـســهـا
اغـنـج غـنـج يـنـهــج بـروحـك اذا لـنــت=اهـنـف عـسـف روح الـعـشـيـر وكـبــســهـا
ادعـج لـعـج هـاج بـحـشـى القلب واعلـنـت=انــه ظــلـــم روح الــغــرام وعــفــــســهـا[/poem]

اما الان فأنا اعلن موقفي الجديد واقول شعري صادحا كالبلبل الجائع على غصون

الزيتون اليابسه والذابله فاقول:

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]
زوجه ولا تعرف تسوي مطازيز=ولا تضبط الـحاشي على قدر مرقوق
دايم تداحـم عند باب الـخـبـابـيز=ورغـفـانـهـا من رفـلـهـا دوم مـحروق
ودك تـطـق جـنـوبـهـا بالـبـروايز=وفنجـالـهـا فـي جلسة البيض مدفوق
وش تنـفـع الكشخه بزين البلاليز=ان جـاء عـشـاهـا دايـم الدوم مزروق
جوده على لبس الثياب المطاريز=وهي ماتـخيط الثوب لاصار مشقوق
دامي لـقـيت من العجوز اللعاويز=صابر وانا جوفي من الـغـيـظ مفـتـوق
وحرمت روحي من عيون البزابيز=حيث انهن بالـطـبخ ماعندهن ذوق[/poem]

ممممممممممممممممممممممم
شهيتني والله بالأكل الشعبي
أنشاءالله اليوم غدانا مرقووووووق
من قالك أن بنات هالوقت مايعرفن يطبخن
بس تراهن يدلعن
وأبشر والله يا بو فهدأنت أمر والله
بالمروقوق بالحاشي والباذنجان والمطازيز والجريش والهريس
وكل أكله شعبية يحبها قلبك
بس من غير ماتتزوج على أم فهد ربي يخليها لك
بس هاااااااااا لاتنسى أدعيلي

غريبه يامناهي انتي اول وحده تقول انها تعرف للمرقوق

اكيد ان الماما اجل دالحتك وانتي صغيره عليه00

تسلمين يالعزوه

ولاتزعل يافواز
راح أعزمك عندي يوم ما وأسويلك ذاك المرقوق اللي تاكل أصابعك معة ومعة
مطازيز والجريش اللي يحبة قلبك لاني خبرة في الاكلات الشعبية
وزيرو في الحلويات والفطائر

ياويلك يانور والله الا ادوج شوارع حايل على ريحها لين اصيدك

واطبق بوسط القدر وهو حار 000

هلا مناهي00

انا مدري ليش اذا ذبحني الجوع تطري علي المرقوقه ومعها

شطة قودي ام خمس ريالات هذيك اللي تقل بيبسي عايله ثم سال ريقي على صدري

ياويلي وش اسوي مافيه حجبه عن المرقوق؟؟

هلا هايدي ومراحب 00

تصدقين انك ذكرتيني للجمبري والهامور ياترى يصلح مع المرقوق؟

لازم نجربه ونشوف000 وبعدين جده دايم حر وهو مايصلح الا بالبرد00

على فكره ماشفتي بنت الهيلا وين غايبه كم يوم000

لانكم كلكم بجده وجده غير طبعا 0000

هلا شباصة اجوديه00

هذي مواصفات رائعه لي لاني مااذوق الفطائر والحلويات00

والله غريبه انتي اول وحده تكون كذا مزاجها شعبي00

انا قصدي كله علشان المحافظه على التراث الشعبي00

واهنيك يابوفهد ماشاء الله عليك


من قدك البنات يتزاحمون عليك ويبون يسوون لك مرقوق


وحنا حتى نواشف ماحصلنا هههههههههههههه

ياجدي فواز الله يسامحك
مين قالك مانعرف نسوي لك مرقوق
لعيونك ياجدي اسوي لك كل الاكلات الشعبيه
بس اعطي سداح فرصه

هلا وغلا احس احساس هاه بدينا الغيره من الحين ؟

ياويلك اذا قربت لمرقوقتي لاتلوم الا نفسك 00

تحياتي يالغلا

معطين سداح فرصه بس عسى الله يقويه ويفك منه دجاج اهله00

لمار راح ننتظر المرقوقه الموعوده بس على الله تضبط00

يقولون برمضان دخل واحد على زوجته يبي الفطور المغرب وما لقى شي

وزعل قال ليش ماطبختي؟ قالت والله طبخت معكرونه وشوربه قال وينهن؟

قالت احترقت المعكرونه وطفيتها بالشوربه 000 شوفي النصيب

هلا هايدي 000 وشو جنغل لاند هذا؟ هو مخبز او بقاله؟؟

وشلون تروح تتمشى في مخبز؟ لا وتشم هواء00 اي هواء

دخان وريح خبز 000 غريبه مزاجكم يابنات اليوم00

ماعلينا هلا وغلا بالعزوه

لا تخافين جمالي عنده مضادات دفاعيه لاعراض الشيخوخه00

لاني لبناني وكان اسمي ميشيل غسلوني لكن غيروه البدو00

هلا وغلا انوار حياك

شف انا قلت لامي الموضوع قالتلي رديله بهل الرد((((((((((((((((((الللي كل سوات ام فهد وما ثمرت فيك اقولك اللي لقيته القرعه تشوفهـ ام قرون كلهن مثل بعضهن وما على ام فهد زود احمد ربك عليها ولا اتزعله))))))))))))))))ا

يابنت الشمال ياعزوتي انا بس ابي احيل ام فهد للتقاعد

المبكر براتب كامل على ترتاح واعطيها شهادة شكر وتقدير مختومه

من سكروب بن صاموله البلطي 00ماقصدي طلاقها الله يهديك

تحياتي لك

ههههههههه لا فيه احد محرضك علينا
بس وش عليه هين
ايه ابوفهد نسويلك مرقوق بس بشرط نبيك تنزل لنا اكله شعبيه بقسم الطبخ وبالصور:m19asmilies-com:
مانبي نقل نزلها باسلوبك لوتكون انت متصور معاها احسن:cool:

افــــــــــــا والله يابو فهــــــــد

افــــــــــــــــــــــا....ليش تحكم على بنات اليوم كـــــــــــذا.اصابعك ماهي سوا...صحيح فيه بنات مايعرفون حتى للكبسه مو عاد المرقوق لكن فيه بنات سنعات ويعرفون النون ومايعلمون...وهي على التربيه بالبيت اذا عودوها الأهل على السنع تسنعت واذا دلعوها او تركوها.. راحت فيها..طبعا" بالمستقبل..ومو متكسف الا الزوج..اما انـا عن نفسي كارفتنا امي كرف كل يوم وحده تطبخ..

فواز الغسلان
لا حرام تحكم على كل البنات انهم مايعرفون
بالعكس فيه بنات مايعرفون الا الطبخات الشعبيه
بس ان شاء الله ماتلاقي عشان خاطر ام فهد



عاشقة الشعر

ههههههههههههههههههههههههه
المرقوق مره وحده>>كنت اخترت صينية حلا ارحم