|
اسئلة خاصة بالفتيات فقط ( واحدة تسال اللى بعدها والاخرى تجيب )
بسم الله الرحمن لرحيم
السلام عليكم ورحمة الله وبركاته حبيت اطرح الموضوع هدا لا اخذ والعطي بس يخص الفتيات ويمنع منعا باتا الدخول لشباب الموضوع خاص فينا اشوف احد يدخل ارجو من الجميع الفتيات المشاركة وما احلى الحرية وما احلى ان تتجمع الفتيات فى موضوع واحد لنتكلم ونسال ونتحاور ولا يقيدنا كلام شاب او رده ومشاركته هيا جميعا يا فتيات كل واحدة تسال سؤال والاخرى تجاوب علية ومن ثم تسال التى تليها ونجعله حوار خاص جدا بنا كما لو كنا فى عالمنا الخاص لا يوجد رجل واحد فية سؤالى للى بعدى كام مرة قلبك حب يلا اشوف مشاركاتكم وحماسكم ولا احد يستحي فينا مجرد فضفضه الفكرة منقولة تحيتى للجميع قتاة الاسلام |
صراحة ولامرة
سؤالي للي بعدي شي سويتية وندمتي عليه شكرا فتاة الاسلام دمتي في حفظ الرحمن:h64: |
اكلت فلفل حار والتهب لساني
ماشعورك وانتي تشاهدين توم وجيري؟ |
اذا شفت توم وجيري ,
اتذكر اخوي سعيدان وهو يلاحق ولد اختي الصغير بأسياب البيت ( وطبعا زي منتي عارفه اللي يجي بوجههم يتكسر ,,,,,<<<<<< كاسه , مزهريه , حتى الشغاله مسيكينه ماتسلم , سؤااااااالي كالتالي : : أجيبي بما هو مطلوب منك بين الاقواس ........... طبعا زي منتي عارفه كل انسان له نقطة ضعف يقوم باستغلالها من نحب ومن نكره ايضا ( ماهي نقطة ضعفك ) |
السلام عليكم
نقطه ضعفي قلبي طيب مع الكل مع الزين والشين ومااعرف صديقي من عدوي السوال اللي بعدي ماهو الشي الذي تحبي انا تمتلكيه؟ |
تسلمي على الفكره ياغاليه فتاة الاسلام
احب امتلك حب الله وحب الناس سؤالي ماهي صفات الرجل لديك التي تحبينها |
فكره رائعه نستفيد من بعضنا باشياء
وصفات الرجل اللي احبها.. يكون حنون..رومنسي..عنيد بعض الشي..عصبي (امووت بالعصبي)..وسيم..يحزن(اتمنى حبيبي يحزن عشان اواسيه<<نفسيه لوول)..جاد برا وعسل داخل.. اممممم فيه كثير صفات بس اخليها للي بعدي.. سؤالي:ماهي صفات اللي تتمنينها بـ نصفك الاخر |
ـ مســــــ ـــــــــ ــــــاء الــــخــــــ ـــــيـــــــر والاحـــــــــــــ ـــــــــــــــســــــــاس والــــطـــــــــيبــــــــه
مســــــــــــــــــــاء مايليق الا بأحلى عضوات في المنتدى ,,,,,,,,,:3ab8a0c27b::3ab8a0c27b: أول شي لازم يكون في الشخص اللي اتمنــــــااااااه يكون :gg: انو يكون كبير شوي مو شايب ( يعني في الاربعينات ) عشان اصير كتكوته عنده واقدر اتدلع عليه :071::t: ووووووبعد يكون شخصيه له كلمه (ماتنزل الارض ) , ومعي يكون حنون ورومانسي :3ab8a0c27b::3ab8a0c27b: والشكل مايهم كثير بس لازم يكون مقبول واهم شي انه يحب السفر لاني مجنونه بالأسفار والترحال لو على كيفي كل يوم بديره وووووووووووووووووووبس ,,, سؤالي اللذي يطرح نفسه للي بعدي هو كالتالي : ماهي اجمل الاوقات لديك ؟ ولماذا ؟ ودي }}} دلــــ ــــــــوووعــــ ـــــــه |
أجمل اوقاتي في ليل وخاصة قبل نوم
لاني اعطي نفسي الراحه بدون ازعاج وشوشه احب اشوف من شباكي لما يكون الليل والقمر بدر وقتها اكون في عالم ثاني إذا شفتي طفل صغير يجنن عمره خمس سنوات دمه خفيف سواليفه تاخذ العقل حركاته بريئه بس هالطفل ماله شعر بسبب علاج الكيماوي مصاب بمرض السرطان سؤالي ماشعورك عندما تشاهدين هذا الطفل؟ |
... يسلمووو فتاة الاسلام ع الفكره الحلوه
... جوابي للسؤال الصعب الله يعافينا اولا من مرض السرطان الله يبعده عنا وعنكم طول العمر وجوابي لما اشوفه الطفل هذا اقف لحظه مع نفسي واتذكر كل امر محزن صار لي واعتبره تافه لما اشوف الطفل البرئ واندمج مع سوالفه وابتسم بسمه ليست شفقه بل بسمه طبيعيه وكان مافيه مرض ولا احسسه بكذا اتكلم معه كأي طفل عادي عشان يكمل حياته بحيويته ولا يتذكر مرضه لما يشوف احد يبكي قدامه او يحسسه بمرضه ... سؤالي ... موقف او مشهد لن تنساه ابدن في حياتك |
موقف رايته ولن انساه عندما رايت جدتي تخرج بالروح واناجالسه جنبها ومادري انها تنازع الموت الا لما جو ياخذونها المستشفى قال اخوي انها متوفيه الله يرحمها ويجعل الجنه مثواها
كا نت هاذي اول مره اشوف فيها ميت كان وقتها عمري 17سنه يومها مانمت من الفجعه والخوف شكرن على الفكره سؤالي ماهو الشي الذي تتماني ان يتحقق لكي باقرب وقت ؟ |
فتاة الإسلام
مشكورة على هالفكره الجميله اتمنى يتحقق لي مممممم كثير بس اقربها ترقيتي بالعمل سؤالي للي بعدي ماردة فعلكِ إذا قيل لكِ كلمة لأ دائماً؟ |
أقول (لوا)
ههههههههههههه <<<ماعلي من أحد:m5asmilies-com: ماردت فعلك اذا حسيتي انك بمعزل عن العالم؟؟ |
شاكره لكم مشاركتكم
اما جوابي عن السوال رد ت فعلي احس اني ماني عايشه اكيد وعلي راي المثل الجنه بدون ناس ماتنداس والمقصود فيها جنة الارض سوالي للي بعدي لو بيدك شي تغيريه ايش ممكن يكون سواء في حياتك او في العالم بااجمعه؟ |
امممممممممم اغير شخصيه وحدهـ اخليها طيبه مرهـ عشان ارتاح ويرتاح ونترتاح جميعا
سؤالي.. ماهو شعورك عندما تتزوجين شخصا تتحكم امه بحياتكم..؟؟ |
بصراحه أحاول أكسب ودها عشان أرتاح <<<< أرشيها مثلا
واذا عجزت عنها وطلعت عجوز ( نشبه ) أتحملها عشان سواد عيون زوجي اذا انا أحبه وهو يستاهل لاكن والله لا الرجال يستاهل وامه تطلع علله <<<< هذي والله النشبه أتطلق خلاااااااااص <<<< ماعنها وقت وبعدين وش اللي حادني آخذ واحد كذا بدون شخصيه ..... وعععععع أما سؤالي للي بعدي كالتاااااالي :::::: شريتي ثياب العيد والا باقي لسا ؟ ومنين اشتريتي ( اي سوق ) ؟ سؤال بايخ صح ,, بس تغييير عن الاسئله الجاده شوي ودي {{{{ دلووووووووعه |
جوابي اي خلصت ومن نيو لوك
شكرن على السؤال اما انا سؤالي مما هو اكثر مبلغ امتلكتيه في يدك؟ |
دلوووووعه مو قصدي ماعندهـ شخصيه لا هو شخصيته حلوهـ بس امه يعني تتحكم بـ مثلا تقول لا منتوا ساكنين لحالكم..لاتروحون لهالمكان..او مثلا هو سافر انتي يازوجته اجلسي عندنا بالبيت لاتروحين لاهلك زي كذا يعني الام عله لوول
وجوابي لـ سؤال حلا اممممم مدري والله ما اذكر وسؤالي.. وش شعورك لو انتي جالسه تتناقشين مع استاذتك وفجأهـ تروح وتخليك وانتي لسى تتكلمين ؟؟ |
| الساعة الآن 06:52 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010