|
قصيدة القدهي في الأبطال الأفذاذ الذين أنقذو المرأه من الغرق
قصيدة في لابطال
البطل سيف النماصي الشمري البطل رشيد زامل الهمزاني الشمري لله درهم من رجال الذين انقذو المرأه بعد توفيق الله من الغرق في حائل قبل يومين صـعـب الـمـواقـف تنـثـنـي للطـايـلـه ولايـاصـلـه غـيــر الـرجــال النـايـلـه * لأستصعبت في وجه عاجز عن الفعل يطلـع مـن الـلـي نفـسـه بـعـز كايـلـه * يطـلـع مــن الـلـي نخـوتـه لانخـيـتـه يـشـوش راســه والشجـاعـه شايـلـه * رجلن يبيع النفس من شان له نفـس ربّــاه أبــوه الـلـي مـعـرِِ ّب سـلايـلـه * وأبـذكــر بـروقــن عـلــى دار حـايــل أفعـالـهـم مـزنــن وشـفـنــا هـمـايـلـه * طبّـو بحضـن المـوت ماقالـو اشلـون يـوم انقـذو نفـس ٍ علـى الله فضايلـه * وفـقـهـم الله للـسـبـب يـــوم جــوهــا طيـور السعـد ياسِعـد منهـي تخايـلـه * لله در الـــلـــي رقـــــــو لـلـمـعــالــي راحـولـهـا مــــادورو فــــي بـدايـلــه * سـيـف النـمـاصـي فـخـرنـا لاذكـرتــه ترفـع لــه البيـضـاء بـروعـة فعايـلـه * مــن لابـتــن تـدعــى بفـكـاكـة الـبــل عـيــال الـحـصـان اليـاتـوقـد فتـايـلـه * وأذكـر رشيـد الزامـل ابـن الهمـازيـن مـزنـة فعـولـه نقتـخـر فــي مسايـلـه * مــن لابــة الأسـلــم ولاقـلــت أسـلــم تـشـوش فــي درب الحمّـيـه حمايـلـه * وختامهـا صلـو علـى صفـوة الخـلـق شفـيـعـنـا لاجــــاء نــهــار الـهـايـلـه . أخوكم ممدوح بن زايد بن سعد القدهي . م ن |
والله وصح لسانه
ولسانك على النقل ونعم والله فيهم ولهم البيضا على فعلتهم اللى تبيض الوجه سلمت ولاهنت تقديرى |
قناص الشمال
صح لسانه و الله يعطيهم العافية |
حياك الله اخوي عقاب النهار
والله يستاهلون الي يقصد بهم وماقصر اخوي ابو زايد في مدحه لهم كل الشكر لك على المرور اخوي |
حياك الله ابو مالك
لاهنت يالغلا على المرور الذوق وصح بدنك نيابه عن الشاعر |
يستاهلون المدح والقصيد بيض الله وجيهم
قناص الشمال الله يسعدك ع النقل الرائع دمت في حفظ الرحمن |
الله يعافيك اختي شباصه
لاهنتي على المرور |
صح للسانك البطل سيف النماصي الشمري
|
حياك الله اخوي وصح بدنك نيابه عن اخوي الشاعر الكبير
لاهنت يالغلا على مرورك |
يستاهلون رجال انقذو الارواح وخاطرو بانفسهم
اشكرك على القصيده صح لسان شاعرها |
والله يستاهلون مشكور اخي
وصح لسان الشاعر الطيب |
حياك الله اخوي نايف الحربي
لاهنت يالغلا على مرورك الكريم كل الشكر لك اخوي |
انتظار حياك الله على المرور ويستاهلون والله
كل الشكر لكم على المرور الذوق |
يستاهلـــــــون الأجاويد
.. صح لسـ ـان ممدوح وتسلــــــــم يمناك يالقناص على روعة النقل .. |
الله يسلمك اختي
لاهنتي على مرورك العذب كل الشكر لك |
صح لسان الشاعر وتسلم اخوي قناص
|
حياك الله اختي انفال
صح بدنك اختي كل الشكر لك على المرور الميمون |
والله كفوا يستاهلون المدح
اللي سووه ماهو شوي تسلم ياقناص |
يستاهلون المدح لابتي الطنايا
قناص الشمال يعطيك العافيه على نقل القصيدة الرائعه وصح لسان شاعرها تحياتناااااااااالاخويه |
حياك الله اخوي احس احساس
نعم يستاهلون والله كل المدح والله لاهنت يابعدي على المرور |
حياك الله اختي الشمريه المجهوله
لاهنتي اختي انتي والابتك الطنا والله انهم يبيضون الوجه والله دمتي ودام عزك والله |
صح لسان الشاعر ممدوح القدهي
وتسلم اخوي قناص الشمال على النقل المميز وابطال حائل البطل الفدائي سيف النماصي الشمري والبطل الفدائي رشيد الهمزاني الشمري واتوقع فيه واحد شريهي معم ماأعرف اسمه عرفناه فيما بعد وسمعنا عنه يستاهلون واكثر كل اللي جاهم اثبتو لنا فعلآ امام مرأى الجميع فهم ضربو اروع الأمثله في الفدائيه والشهامه هذي شمر ياجاء الصحيح يرفعون الراس |
| الساعة الآن 02:25 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010