تشبك يديها من خجلها والخجل طبع الظبا
 

قصيده رائعه بـ حق .. لشاعر مبدع أسمه / ظافر بن هندي السهلي .

[poem=font="simplified arabic,5,#98054c,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
من يوم هبّت في روايحها ذعاذيع الصبا=والضحك كنه من خوان القلب والهم اجنبي
فزّيت ارحّب مرحبا يا قبلة الله مرحبا=واهلآ و سهلآ يا مناتي في حياتي و ارحبي
تشبك يديها من خجلها والخجل طبع الظبا=واقول يا لذة حياتي اقربي حيل اقربي
ودي ادفي كفي ابـكفك يا حالية النبا=مبطي وانا اتعب لـاللقا والله خلف لي اتعبي
لا تحرميني من عقب بعدٍ كما حدّ الشبا=حزّ المفاصل واضعف عزومي وميّل منكبي
ايه انعشيني والعذاب المرّ طاريه ايهبا=اللي بتر قلبي وسمّ الحال من عادي صبي
عايش ولكن كني اللي عاش من جمع الربا=نفسه ضعيفه ويتظاهر بإنه الحر الابي
في عيني الدنيا عديمة لون غبرا واشهبا=والنار تقدح في خفوقي والمعاليق احطبي
تحرقني الاوهام والاحلام وافكار الغبا=من واقعي قمت اتغيبا لو انا ماني غبي
للهم طوّعني زماني لين خلاّنا اصحبا=صحبه تسم الزاد وتعكر صفاوة مشربي:
تلذعني العبره مثل لذعة فيوز الكهربا=واشعب فرس نغمة زمان الصمت واقول اهذبي
واليا تخلوابي حنين الصدر واوجاع الوبا=اسبلت دمعي فوق عارض خدي وفوق شنبي
الحظ بارك وان نخيته قلت له تكفا حبا=لا بارك الله فيه حظ انخاه ويقوم يحبي
بندق حظوظٍ ما تثور الا وهي وسط الخبا=والغيض بيّح لولي وماسي وفضي واذهبي
يا لين شفتك وانولد حبك وفي جوفي ربا=واصبح غرامك يا ملاذ النفس يسباني سبي
وبنيت لك عرشٍ كما عرش (ابن حيقي) في سبأ=من دم شرياني واداري خاطره باللي يبي
وان قلتي اشكثر اعشقك بقولك كثر الدبا=يا عين حرٍ ينقله سلطان يا ارقبة الظبي
يارمش يا منبع كسل نظرات عالي المنصبا=ياخوخ يا تفاح مدري زرع توتي واعنبي
لا يا ليان الخيزران و يا دقيق المنكبا=يا بهجتي يا غايتي يا منوتي يا مطلبي
يا قسوة السلطان لامنّه عن الحاجه ابآ=اوّ يا ليونة ناعم المنطوق لامن قال ابي
يا ويش اصّف بك وصوفك للحروف اكبر عبا=مالي سوا اصلّي واسلم من على وجه النبي
لو كان خالك عاني وعمّك مع ابوي اقربا=ماقفت ايامي كذا وانتي ما صرتي مكسبي
وان كان ما هبّت بريحك لي ذعاذيع الصبا=الهم يصبح من خوان القلب والضحك اجنبي[/poem]
.

عقاب النهار
سلمك ربي على هالذوق والنقل المميز

دمت مبدعا" ياخووي

تسلم يمينك يالغلا على الروعه والله

كل الشكر لك اخوي

نقل رائع

وشعر مشبع

شكرا ً لإنك مبدع

عقاب النهار

سلمت على النقل الرائع والمميز

يا لين شفتك وانولد حبـك وفـي جوفـي ربـا

واصبح غرامك يا ملاذ النفس يسبانـي سبـي

وبنيت لك عرشٍ كما عرش (ابن حيقي) في سبأ

من دم شريانـي واداري خاطـره باللـي يبـي

عقاب النهار
الله يسلمك ع الانتقاء الجميل
دمت في حفظ الرحمن

البركان
يشرفنى مرورك
لاهنت ياغالى

تقديرى

قناص الشمال
تسلم الغالى
وشرفنى مرورك
تقديرى

احس احساس
تسلم ولاهنت

تقديرى

حنين الذكريات
نورتى المتصفح

تقديرى

شباصة اجوديه
تشرف بمرورك
وربي يعافيك
تقديرى

غريب الجرح
تشرفت بمرورك الغالى
واتمنى نالت اعجابك

تقديرى