|
دعوه .. اكتب بكل مايملكه قلمك عن فقيدنا الامير طلال الرشيد
من ارض حائل نحيكم جميعا ، مشرفين ،، اعضاء ،، زوار فأهلا وسهلا بكم جميعا ،، لقد آلمانا جميعا ،، فقداننا ،، لشيخ ،، لشاعر ،، لقلب كبير هو الشاعر طلال آل رشيد (الملتاع ) فرحمه الله رحمه واسعه وادخله فسيح جناته اخواني الكرام هنا من منتدى الامير طلال آل رشيد ندعوكم الى كتابه كل ما يملكه احساسك ،، كل ما يملكه قلمك ،، كل ما بخاطرك عن فقيدنا الشاعر طلال . اكتب ما تستطيع ان تكتبه ،، سواء نثر،، خاطره،، قصه عن فقيدنا ،، كل ما يملكه قلمك اصدح به ،، لا تتردد ،، هنا في منتدى بعد حيي،، نستقبل منك كل ما يجود به قلمك لنسطره في منتدىالامير طلال آل رشيد اخواني ارجو منك التفاعل جميعا ولا تنسوا فقيدنا طلال بدعواتكم له |
الله يرحمه ويسكنه جنات النعيم
غريب الجرح طرح رآقي ومميز الله يعطيك العافية لي عوده إن شاء الله جود |
رحمه الله فكره حلوه
مشكور عليهااا مشاركتي المتواضعه [frame="1 98"] طلال مامات دام صدورنا قبره .........بين المحاني يعيش...وفزّ ياترابي بغيت أصيحك وخانت هقوتي نبره .......بغيت أعزّي..وعانق صوتي حرابي يالموت-واستغفر الله-آآآآآه..ياكبره ........لوّك تريثت فادوا دونه أحبـــــابي [/frame] |
شـكــ وبارك الله فيك ـــرا لك ... لك مني أجمل تحية . :xx:
صحيح فقدك سيدي ماكان ابد في خاطري رغم اني اومن بالقدر ماكان من خير وشر وكان الخبر بركان فجر داخلي بركان فجر كل احاسيسي معاه بركان فجر مدمعي وصارت دموع من القهر ماهي دموع صارت سهام صارت بواريد ومدافع ياموت هو انته رفقت بصاحبك في رحلتك ، ابن الجنازه مايخاف الموت وان مات تبقى سيرته تحكى على مر الليالي والسنين |
انـا اشهـد انـه يالطنـايـا فقـيـده........موتة طلال الضيغمي عرب الانسـاب
ولاينفقـد بالوقـت كــود الولـيـده.......والا الـردي ماينفقـد بيـن الاقـراب عـزوا بعضكـم بالليـال الشـديـده........وعزوا الشعر والجود واللي بالاصلاب وعزوا المراجل والخصـال الحميـده........وعزوا الصقر والصيد واقـلام كتّـاب وعزوا الوفا واهل الـدروب السديـده......وعزوا النوايا البيض بقلوب الاحبـاب |
[grade="00008b ff6347 008000 4b0082"]
اسعدك الله على المشاركه يعني ماكفّوك مليون الشهيد.... تاخذين أغلى الحبــــايب يالجزاير مالقيتي غير أطيب " الرشيد".... لو ما أخاف الله لقول الحكم جاير الله اللي كاتب وحنا عبيد .... ذا قضا رب المســـــــــاجد والمناير الزمن لو طال مثله مايجيد .... فَقْد ابو نواف هـــــــي أم الخساير مدرستنا في المراجل والقصيد.... طيب الموقف إلى دارت دوايــر لا بكا ينفع ولاشكـــــــــــوى تفيد...مابيدينا شي لو " الدم فاير " مابيديناغير نصفق " إيد بيد" ... ومن تكلم عنه تخنقنا الــــعباير [/grade] |
رحمه الله
رحمه الله وتعمده بجنان الخلد اشكرك على الفكره الطيبه طلال ذاك العيد هلت عباير وطلت علينا ثالث العيد الاحزان طلال عقبك احمر الدم فاير وكلن ترى في رابع العيد مرضان ثغر ٍ على شمر وكل العشاير ثغر ٍ كبير وباقي ٍ عبر الازمان عسى الزلازل تنتصف بالجزاير وعسى الفقر يسود في ذيك الاوطان :xx: |
سلمت وسلم قلبك على الطرح القيم
رحمه الله وغفر له مشاركتي منقوله العزا عبد العزيز العضد الايمن 000000000000 ضيغميٍ ماتعرّض للنقايد والعزا عقبه بشبلينٍ كواسر 000000000 حدّرو من صلب عواق الضدايد من طلال الصيرمي عذب السجايا 00000000000 العقيد الجزل حلال العقايد الفريد اللي ولو طاوعت قافي 000000000 كان قلنا به عظيمات القصايد يالهي والرجى بك نلتجي له 0000000000 ارحم اللي راح ماعاده بعايد |
يالموت-واستغفر الله-آآآآآه..ياكبره
........لوّك تريثت فادوا دونه أحبـــــابي عذراً..يانواف..لاتنشد وش الدبره؟! .......يممت وجهي دعاء..وأسهرت محرابي كسر "الطنايا" تمادى ياصعب جبره .............وكلّ(ن) يتمتم:أكيد غيابه غيابي من عقب يمناه كلٍ يحتقر شبره.. .........من أكبر القوم لين توصّل أترابي الكون عقبه تقمّص دور هالأبره .......وحاولت أشيل القصيد وخانن نصابي طلال..لو مات يبقى قلبنا قبره ........أقول: (مـ آآآآآآت) ..وتلعثم غيمة أسرابي.. |
طلال ذاك العيد هلت عباير
وطلت علينا ثالث العيد الاحزان طلال عقبك احمر الدم فاير وكلن ترى في رابع العيد مرضان ثغر ٍ على شمر وكل العشاير ثغر ٍ كبير وباقي ٍ عبر الازمان عسى الزلازل تنتصف بالجزاير وعسى الفقر يسود في ذيك الاوطان |
العقيد الضيغمي ولد الجنايز
0000000000 العديم الصيرمي زين العوايد الكريم الجزل وان مدّت يمينه 00000000000 مايمدّ الا سميناتٍ شدايد انبذر جرحه وسلّ الحال موته 000000 والبسن ثوب الحزن وارهى اللهايد حسبه الله من ذبح شيخ الطنايا 000000000 يالله انك تجعل احزانه عدايد لعن ابو حيّه ومن له من دنيّه 0000000000 ايتم لشمّر صدوقين الردايد الكرم يبكيه واسلوم النشاما 000000000 والجبل والقاع واشيوخ وبدايد وقصر ابوه وجده بحايل ينوحه 000000 والسمر واخشوم اجا جته النكايد كلها تنعي طلال الحر الاشقر 00000000 وتطلب الغفران من راع المدايد |
لااملك سوى ان ادعي له في هذه الايام المبارك
اللهم عافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس واجمعنا معه في جنات النعيم...اللهم آمـيـن رحــمــك الله يــا طــلال الــرشــيـــد طلال فقده الجمييييع وليس شمر فقط |
[align=center] الله يرحمه ويحسن اليه طلال الغالي اكبر من اختصره بكم سطر بدأت معرفتي به عبر مجلة فواصل وكانت بداياتي بالكتابة وشجعني من خلال نشر خواطري المتواضعة حتى احسست انه اقرب لي من اهلي لااستطيع ان اسطر حكاية ميلاد حلمي الكبير والذي اغتيل بين ليله وضحاها ليلة مظلمة ويوم قاسي لايستطيع الإنسان ان يعرف هل هو ليل ام نهار..:( باختصار لن ياتي طلال اخر مهما حدث نحن من مات وهو لازال حي يرزق في قلوبنا..!! http://www.b3b7.com/vb/imgcache/20300.imgcache.png [/align] |
[size="6"]
اللهم عافه واعف عنه واكرم نزله ووسع مدخله [/size]واغسله بالماء والثلج والبرد ونقه من الذنوب والخطايا .. كما ينقى الثوب الابيض من الدنس واجمعنا معه في جنات النعيم .. ... اللهم آمـيـن ... رحــمــك الله يــا طــلال الــرشــيـــد |
الله يعافييكم
وتشرفت بمروركم رحمك الله يا طلال و أسكنك فسيح جنانه |
انا طلال ابن الرشيد جيت انثر حروف القصيد.. واجاوب السمراء النشيد وشلونكم ياعزوتي حائل عسى حائل بخير دار الكرم قدره كبير في حبها انا الأسير بنت الجبل هي سلوتي عامين والثالث بدا من غبت عن ارض الهدى وش صارعقبي وش بدا على بلادي واسرتي عموش ويش احوالها النوم مايهنالها دمعه يبلل شالها لاطالعت في صورتي ياعزوتي عمري قضا نواف في دربي مضا صغير وبقلبه لضى الشور ينفع مهجتي عاداتكم ياهل السطر الحر لامنه شهر ماتتركونه للخطر نواف عزه عزتي ودعت في عشي حرار صغاربالشيمه كبار يبون من عقبي قرار بين الطنايا فزعتي وانا طلال الضيغمي امير لكن ادمي افزع لمن جا يحتمي فيني وتظهر نخوتي وختامها ياهل الكرم من مر طيبه والحرم يدعي لطلال المحترم من فضلكم احبتي |
اشهد ان الكون بعدك مايسر ** دام زولك عن محاجرنا بعيــــــد
حن لك عهد الفيافي والقمر ** والصقور اللي مخاويها فقيـــــد والسحاب اللي تحت ظله تمر ** والغضى والنار والبرد الشديد سيدي لو دمع ساري انهمر ** ماترجعك الدموع ولو تزيـــــد |
ياشعر قلي مـن يعزيـك بغيـاب
اللي غيابه عـن ثمانيـن غايـب راع البياض اللي على الطيب وثاب اللي بمداتـه يغيـض السحايـب طلالنا في طيبتـه حـاز اللقـاب الشيخ ابو نواف يسـوى كتايـب لاوالله ألا راح حـلال الانـشـاب الضيغمي حلال عسـر النشايـب موته مصيبه للقرايـب والاجنـاب مصيبةٍ مامثلهـا بالمصايـب تنعاه نجـد وتنثـر الدمـع سكـاب وتجاوبه حايل صيـاح ونحايـب وتنعاه شمر شيبهـا هـي وشيـاب وصاحن عليه امشطات الذوايـب ويرثيه شعّـارٍ ويرثيـه ِكتَّـاب ونرثيه حتى نجـاوره بالنصايـب ويالله طلبتك حاجتي وانت وهـاب تغفر ذنوبـه ياجزيـل الوهايـب في جنتك مع من ركع لاجلك وتاب " وتقبلـه عنـدك يامديـر الهبايـب وياشعر ماهي حسبة غياب غِيـاب طلال غايب عـن ثمانيـن غايـب للشاعر / علي العاصي |
يانصيـر ٍ للعبـاد بـلا ثمـن
صادك الموت الغبن وانته تصيد والغبن انّا نموت مـن الغبـن لعنبو وقت ٍ ذبحنا مـن جديـد في زمان من التخلف والفتـن رحمة الله ياطلال ابن الرشيـد كلنا لـك ياولـد حاتـم كفـن |
الله يرحمه ويسكنه فسيح جناته ويلهمنا الصبر على فراقه
|
من عقب يمناه كلٍ يحتقر شبره..
.........من أكبر القوم لين توصّل أترابي الكون عقبه تقمّص دور هالأبره .......وحاولت أشيل القصيد وخانن نصابي |
سهم المنيه ما يفيد الحذر فيه = واللِّي كتب باللّوح حتماً مجيّه
اللِّي كتب للعبد ماهو بيخطيه = سهوم المناياعن نظرنا خقيّه الموت حق وكل مخلوق ياتيه = سنة ولي الكون عنده سويّه الشيخ أبو نواف ودّع غواليه = شيخٍ ترجل وأدركته المنيّه منيته لأرض الجزاير توديه = سبحان من يخفي أسباب المنيّه أحزن قلوب ودمع الأعيان تبكيه = بثالث شهر شوال قابل وليّه مرحوم يا شيخٍ كثيره حسانيه = رجلٍ لفعل الخير نفسه زكيّه حبه لفعل الطيب قاله مباريه = كريم بالإنفاق كفه صخيّه محبوب بين الناس وأيضا عوانيه = سجيته يا ويها من سجيّه كم مرةٍ فعله عن الناس يخفيه = وكم واحدٍ سره ولاله دريّه يارب عوّض فيه من كان يرجيه = وصبّر على عظم المصيبه ذويّه يا عل من فاجاه تمحا بواقيه = ولا قرب قريبٍ له يصير الضحيّه عبر الصحافه والأذاعات نرثيه = نرثيه ونعزّي عموم السميّه للشاعر : ( المستغيـــث ) ( الرياض ) رثــــاء بالفقــــــيد الأمير / طلال العبدالعزيز الرشيد رحمه الله وأسكنه جنات النعيم أنه سميع مجيب |
| الساعة الآن 06:35 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010