|
لا تفرحوا كثيراً بزيادة الرواتب ... فالقادم مر وأليم .
[align=center]سرني كثيراً كما سركم وكما سر الجميع الخبر الذي أصدره الديوان الملكي بزيادة مرتبات موظفين الدولة بنسبة 15 % وكذلك راتب شهر ويبدأ تطبيق القرار إنشالله من 1 / 9 / 1426 هـ.
ولكن وعند لكن ضعوا خطوط وخطوط ، ماهي الخطوة التي ستلي هذه الزيادة ؟ من يحمينا من الذئاب المفترسة ( التجار ) ؟؟؟ أين الرقابات ؟؟ أينهم من هذه الزيادات التي يتوقع الجميع أنهم سوف تتم ؟ طبعاً قبل سنوات عندما خفض سعر الجمرك ؟ لم تقل الأسعار إلا سعر الشماغ و اللبن فقط غير ذلك لما يتغير شيء؟؟؟ مع العلم أن أسعار السيارات في أزدياد ملحوظ . (( والله يستر من الجاي )) رقابة الأسعار التجارية من لكم ونحملكم الكثير والكثير وأصحوا من سباتكم العميق وأنتبهوا للأسعار فالذئاب تقترب . تقبلوا تحيات أخوكم ( الفرنسي ) طبعاً رأي شخصي هذا المقال .. وأختلاف الرأي لا يفسد في الود قضية ومن أراد أن يغاير كلامي فل يتفضل . شكراً للجميع[/align] |
الفرنسي
تسلم على كلامك الصحيح الشماغ واللبن ههههههههههههههههههههههه ههههههههههههه ايوالله ذئاب الله يكفينا شرهم وشر غيرهم من الشركات لاننسى الهاتف وال وال وال كهربا والصبر ززين اشكرك اخوي فرنسي نوف |
ههههههههههههه
ههههههههههه الفرنسي يعني بس اللبن والشماغ <<<<< دموعها طلعت من الضحك الف شكر لك وكلامك عين العقل والله يريد فينا خير اختك بنت القصيد |
هلا بنوف وغلا
العفو ياقلبي ومشكوره على مرورك |
[align=center]ههههههههههههههههههههههههههههه
بنت القصيد تقل مانتم مصدقين سالفت الشماغ واللبن !! طبعاً السالفة هذي قبل كم سنة يوم ينزلون الجمرك وهذا الملاحظ يمكن فيه امور نزلت بس ماهي باينه للمستهلك بس هذا اللي بان لي انا على العموم طيحتوا وجهي بضحكم لا وحاطن موضوعي بالمواضيع الجادة لوووووووووووووووووووول[/align] |
هلااا . وغلااا ..
الفرنسي ..!! متشائم بالحيل انت ،، يـ أخي ولله الحمد ، السعودية في تقدم . وهذا اول الخير . عندما اعلنها خادم الحرمين الملك عبدالله . وامر بزيادة الرواتب ، ولكن ..!! سوف نستمر كغيرنا ممن يتبعون ( تفائلوا بالخير تجدوه ) . وإن شاء الله ، نجد الخير بـ مسيرة وعطاء الملك عبدالله ، حفظة الله وجعله ذخر للامه الاسلامية / \ / سلالالالالالالالالالالالالالالالام،،، |
الفرنسي
مشكور اخوي على المشاركه الصراحه غلا الاسعار موجود بس يعني شنسوي مانقول الا حمدلله على نعمه الاسلام تحياتي لشخصك الصريح ااختك بشرى |
[align=center]الشاعر سعود العلي
أتمنى كما غيري يتمنى ولكن دائماً ما يفاجئوننا هؤلاء التجار بهذه البوادر الغير السيئة .. ولا من رادع لهم ... شكلك منهم ياسعود خخخخخخخخخخخخخخخخخ تقبل تحياتي [/align] |
هلا وغلا بشرى
بس فيه شي اسمه رقابة وين راحوا هذولا شفيهم مالهم حس ؟؟؟؟؟ وشكراً على مرورك |
الفرنسي
مشكور اخوي على المشاركه الله يكفينا شر من فيه شر ويخلي لنا ملكنا انشالله بيوفرو كل شي |
هههههههههههه
هههههههه ايوالله انك صادق يافرنسينا يابعد حيي انت ياحلو الصدق كلونااااااااااا لعبوووووو بناااااااااااا والله الحين متى علمي بشماغ البسام الجديد والله ماذكر ههههههههه بس الحين ابشررررررك ملكنا يبي يجعلنا اسعد شعوب بالعالم انشالله انا منذر |
هلا وغلا بالغلا هلا والله بهالطله [blink](( الفرنسي ))[/blink]
حياك يابعدي والف شكر على موضوعك الفرنسي انشالله رايح يكون الوضع تمام ابشرك والتجار هذي مهنتهم وكل يريد رزقه وكلامك صحيح اين الرقااااااااابه هنا السؤال فعلا ارجو من العلي القدير ان يحفظك اخوي العزيز لك كل الشكر والتقدير والاحترام.. اخوك الساري |
كلامك والله مليون في الميه ياالفرنسي راح يصير راح يكون في ارتفاع في الخدمات بشكل عااااام
لا وفي تجا بيسيقون الوضع قبل تطبيق النظام بيرفعون الاسعار وراح تشوفون . وكمان راح ينظلم فيها مواطنين ....... ماهو كل الشعب موظفين في الدوله عشان يستفيد من الزياده والله يعين جميع المسلمين..... |
الفرنسي
كل الشكر لك على صراحتك وصدقني الشي هذا في كل بلد وليس بالمملكه فقط << زادو رواتبهم وارتفعت الاسعار قبل يستلمون الزياده ب 3 شهور الله يعين الجميع ان شاء الله وما نقول الا الحمدلله على كل حال اختك سهر |
فرنسي تسلم على
كلامك الصحيح يعين الله يارجال انين |
الفرنسي
مشكور اخوي على المشاركه وكلامك صحيح بس انشالله لهم من يردعهم وننتظر من الله الفرج بقياده المللك عبدالله بيكون كل شي على مايرام التمياط |
الفرنسى
مشكور اخى على رائك وربنا يستر من اللى جاى |
الفرنسي
مشكور اخوي على المشاركه |
الله يستر بس
مشكور اخوي الفرنسي وغن شاء الله يكون رايك غير سديد رغم اني اتوقع يبي يصير نفس كلامك الفيصل |
الفرنسي ..!!
مدام فيه ناس تهايط .. وتجعل الفسق اول طبعها .. ولاتذكر الخير اللي عايشه فيه .. راح ترتفع الاسعار لـ التأديب . وحلال عليهم كل سعر يرتفع / \ / مشكلتنا مانفهم بعضنا .. الله يعين ،، سلالالالالالالالالالالالالالالام،، |
[align=center]بنت الطنايا
العفو - آمين - اللهم آمين الله يخلي لنا ( عبدالله العز ) ملكنا الغالي منذر هههههههههه حلوه - انا من 4 سنوات تراني اللبس العقل - ولامانع من لبس الغترة ( أم 15 ريال ) اللهم آمين آل ساري هلابك أكثر - الله يحييك ويبارك فيك - العفو - ياليت والله الف شكر على إهتمامك وتواصلك الدايم يااغلا الغالين طفشان آمين والله يعين وشاكرين على مرورك الجميل سهر هلا وغلا بهل الكويت الطيبين - مرحبتين رنين الصمت الله يعين يارب العالمين وشاكرين على المشاركة التمياط يامرحبابك والله وشاكر لك كل الشكر دموع الحب يعطيك العافيه على المرور بشرى تحياتي وشاكر على المشاركة الفيصل ياهلابك اخوي وغلا ومرحبابك سعود العلي الاخ سعود العلي .... ممكن أفهم أيش قصدك بالكلام هذا >>> اقتباس:
وبعدين مين اللي ماذكر الخير بالعكس في كل مكان وفي كل مجلس الصغير والكبير يدعي للملك عبدالله الله يحفظه وخطوة ماراح ينساها الجميع ولكن ياسيدي الغالي نحن نعتب على التجار الذين لا يرحمون فقط هنا عتبنا ماراح نفهم بعض وعليكم السلام[/align] |
الفرنسي
مشكور اخوي على كلامك الصريح الذي يخص التجار الذئاب وهذا واقع واخوي سعود العلي مافهم عليك يمكن زين تحياتي لك مشعل |
طلال المشعل
ياهلابك اخوي وغلا وشاكر على مرورك |
| الساعة الآن 07:36 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010