تبغى السبب لا قلت ماني بناسيك ؟!!
 

جريـت طــاروقـك وحبـيـت اجـاريـك
وجاريتنـي وغيّـرت طــرق القصـيـده

وابشـرك مـن يــوم خلـــيـت مغلـيـك
بـدعـت لعيـونـك قصـيـده جـــديــده

موضوعهـا ؟... مانـي بذاكـر خوافيـك
يـوم اوضحـت لـي فالظـروف الشديـده

وتعبيرها ؟ .... لا تطـرد اللـي مجافيـك
وعانـد .. ليـا شـفـــت الاوادم عنـــيـده

يعني قبـل لا اجيـك ((بالخيـر امسّيـك))
اشعـل غـرورك وافعـل اللـي تـــريـده

ولا تحسبـنـي يــوم تقـفـي ابدعـــيـك
لا والله ان هقـوتـك مـنــــي بـعـيـــده

تـدري وش اللـي ردّنـي مـا انـاديـك
نفـس" تقـول (الــذل نــار" وقـيـده)

ابـدفـن المعـنـى وابغـــبـن معـــاديـك
ولا تلتفـت يمنـاك .... والـدرب سـيـده

واحذر .. تحـدّد ويـن وجهـة مساريـك
دامـك وحيـد" مـا عـرف مـن عضيـده

هـاك الـكـلام الـصـدق والله يعافـــيـك
كـلام" اصـدق مـن كــلام الجــــريـده

ومن شان . تصرفلي . ليا احتجتلك .شيك
((بنـك الوفـا )) لازم تــزوّد رصـيـده

الاّ علـى طـاري الـوفـا لازم اوفـــيـك
يـوم الوفـا ذا الوقـت خصـلـه فـــريـده

صح ما نسيتـك .. غيـر مانـي بناصيـك
هـذي الصـراحـه والعـلـوم الوكـيـــده

تبغى السبـب؟ لا قلـت مانـي بناسيــــك !
لانّــك مـــدرسـنـي دروس" مـفـيـــده

ودرس الغدر .. خلاني .. اقفي ولا اجيـك
واقول لـك مشكـور ((فرصـه سعيـده ))

صح لسان قايلها
وسلمت ايد ناقلها
يعطيك الف عافيه خيي
سيف

آنتقاء رائع

يسعد لي قلبك سيف على الذووق

وصح كلك ولسان الشاعر

الله يعطيك العافيه

تحياااتي لك.

سيف شمر

انتقااااااااااء رااائع

سلم ذوووقك ونبض احساااسك

يسعد لى قلبك
ماتجود الا بالمميز
صح كلك ولاهنت
ولاهان شاعرها
تقديرى

كلمات رائعه
سلمت يداك على رووعة الأختيار

الله يعافيك
اسعدني مرورك ~

الاروع مرورك الشيخ
الذي اسعدني كل الشكر لك ~

الاروع مرورك
شاكر لك ~

تحيه لك الشيخ بحجم تواجدك العطر
شاكر لك ع المرور المشرف ~

الاروع مرورك الذي اسعدني
شاكر لك ~

أنتقاء جميل ومميز

يعطيك العافيه

الاجمل مرورك
شاكر لك ~

الاروع مرورك
شاكر لك ~

الله يعافيك
اسعدني مرورك شاكر لك ~