منتديات بعد حيي - خربوها وصارحونا

السلام عليكم
*تنويه
(كتبت الموضوع هنا لكي تظهر الصور)

كلنا نعرف إن أي مسألة ممكن تكون عرض وطلب

بصراحة أنا مابي أتكلم بتجريح لأني دائما ً أقول
( إلا جرح المشاعر )

لكن المشكلة إذا اللي راح أتكلم عنه ما عنده مشاعر

وخاصة إذا كان من أصحاب (كبر الوسادة)

اللي أعرفه إن بعض الحيوانات (الله يكرمكم) عندها سبات يا صيفي يا شتوي

لكن إذا فيه بشر يعيشوين بسبات طوال السنة بالله وش نسوي ؟؟؟

اعنبوا بليسهم الفقع اللي تمر سنين بعض الناس ما يشوفونه بالنهاية يشوفونه لمن يبحث عنه

لكن المشكلة إذا تبحث عن شخص ومهم ولا يطلع يصرح ولا يسوي أي شي

أنا أتكلم بصراحة عن وزير فاضي

هذا الوزير اللي هو وزير التجارة بصراحة وقسم اتكلم جد أحس إنه جالس بس على كرسي دوار

يدور فيه ولا يدري هو يدور في أي اتجاه الظاهر حتى لو معه بوصله ما يكون لها اتجاه محدد

مثل اللي يقول البوصلة تبي بوصلة

بسرد لكم بعض الأشياء قبل موضوعي الطامة

لما جاءت زيادة 15% وش صار ؟؟
ارتفعت الأسعار
(الوزير ساكت)
كان اللبن بـ 3 ريال
اجتمعوا مدراء الألبان ورفعوه ريال صارت القيمة هي (4) ريال
وعصب وانتفض أخيرا الوزير واجتمع بمدراء الألبان
والنتيجة اللبن والحليب (4) ريال طيب وليه من الأساس يجتمع معهم ؟
طيب وش فايدة الاجتماع ؟
هل تم إسكاته بمبلغ وقدره (××××) ؟

ماشي بنعديها
وعدينا يشوق عدينا وعلى بر الهوى رسينا

جاء غلاء المعيشة
وارتفعت الأسعار
عديناها وقلنا الشكوى لله الغلاء بكل أنحاء العالم
بس وين المهزلة ؟؟
جاءت الحكومة السعودية بقيادة أبو متعب الله يحفظه
وأعلن الدعم لبعض المواد مثل الرز <======= أهم شي عن السعوديين
واستبشروا السعوديين إنهم ماراح ينقطعون من الرز
وكان الرز الكيس الكبير مثلا المهيدب بـ (145) ريال
طبعا لما جاءت سالفة غلاء المعيشة ارتفع تقريبا بحدود (50) ريال
يعني طلع كيس الرز بـ حدود الـ 200 ريال
بس المصيبة لما جاء دعم الحكومة ارتفع إلى فوق الـ 350 ريال
ول
وش ذا الحين هذا مع الدعم :100:
والوزير مازال يتمدد على سرير الراحة
يقولون يستخدم وسادات (سليب هاي)

والظاهر ما فيه حركة من الحركات الا سواها

http://www7.0zz0.com/2011/08/20/17/848744413.jpg

يحق له ابو سليب هاي طول السنة سبات وعلى سليب هاي

وارتفعت المشروبات الغازية وصارت بدلا من 1 ريال إلى 1.5

ومازال نائم هائم دعاية قوية لـ أبو هاي (سليب هاي)
والله منت هين يا سليب هاي اثري لك عمايل

الخضار ترتفع وتنزل وهو لا حس ولا خبر

مواد البناء
قال إذا مانزل الحديد بيجيب حديد صيني !!!
الحين هذا حل ؟؟
يا ابو هاي ناخذ حديد غالي وكويس ولا ناخذ حديد بكرة يطيح فوق روسنا
يا ناس وربي بعض الحلول نقص مثل راعيها
يقولون لما سمع بعض القوم يقولون (مرحبا ألف )
قال تكفي وحدة
الحمد لله والشكر لا وربي مايبي لها استخف

يا قماعة هو فيه حد المكتب ده اللي مكتوب عليه غرفة الوزير ؟

يا حليلي قلبت مصري

وتستمر عملية التلاعب بالأسعار

http://img204.imageshack.us/img204/6245/image016fg1.jpg

وجاءت سالفة راتبين وطارت الأسعار

https://encrypted-tbn1.google.com/im...VnICGnIAi-RzhQ

والحبيب دخل في الحلم الـ مليون

وأعتقد الكل سمع تصريح الوزير يوم يقول
لا تاكلون رز كولوا بداله جريش ومادري وش

قسم مهستر ذا الوزير

نجي لسالفة السيارات
طيب الدولار طايح ليش أسعار السيارات الأمريكية مثلا مثل ماهي !!!!

وأحنا مخفات نصدق لما نشوف دعاية عن السيارات الأمريكية يقول

لمدة 10 أيام أو الآن بـ ×××××

يعني مسوين خصم لعيونا ؟

يخسون

طيب ابشركم قربت أوصل للموضوع الأساسي

تذكرون المقالة اللي كتبتها عن الملابس ؟؟

اللي ما يدري أو ناسي أو يتناسى هذا الرابط
(افسخوا سراويلكم)

http://www.b3b7.com/vb/showthread.php?t=103053

طبعا ً المفروض إن أبو سليب هاي على الأقل يحط قوانين للملابس رقابة على المحلات

إذا مو قادر يحط عينه بعين التجار وهذا اللي حاصل فهذي مشكلة

شوفوا آخر صرعات الموضة وش مكتوب على الفانيلة

http://a4.sphotos.ak.fbcdn.net/hphot...57123812_n.jpg

طبعا الترجمة هي
أخت للبيع وممكن تبدلها بـ نعال (الله يكرمكم) !!!

وبالعامية ( **************** )

من الغباء اللي يصرح ويقول هذا من شأن هيئة الأمر بالمعروف والنهي عن المنكر!!!
ليه الهيئة مسؤولة عن التجارة ؟؟ وإلا يعني تراقب الملابس وتترك محاربة الفساد؟
بالله هذا وزير ؟؟

إذا الوزير لا يسمع ولا يرى ولا يتكلم وش نبي فيه ؟؟؟

يالله صباح خير فتحت صباحي على هالوزير

تراه مادرى نايم للحين ولا حس ولا خبر

إلا صدق وش أخبار هيئة الفساد ؟؟

أحد سمع إن فيه وزير وإلا أحد العمالقة طاحوا عليه ؟
وإلا بس الضعيفين يهصهصونهم ؟
الظاهر اسمها الحقيقي هو
(هصهصة الضعوف)

اقول بروح اتصفح احسن من الثرثرة لأني عارف ماراح نطلع بنتيجة
تشاو <======= الولد طلع إيطالي