لحضرة فيصل ابوثنين
 

[poem=font=",6,orange,bold,normal" bkcolor="black" bkimage="" border="double,8,sandybrown" type=2 line=0 align=center use=ex num="0,black""]

يقول الراوي اللي صاغ بكرام العرب بيتين=شيوخ ماخذت طيبه بديوان العرب ترقيع
الا وين الذي جيبه جديد ويقطع الحدين=موديل العام ما نادى عليه اللي يبون البيع
من اليابان لديار علمها النخل والسيفين=عزومه تطرب اللي طاح ليله في طمان الريع
يشيله في وعور القاع ووقوت القسى قيرين=عطى المصنع قبال الناس تاج الفكر والتصنيع
عليه اللي مع السفرات ماقالت عنوده وين=ولا قرر يمر البيت للتحضير والتوقيع
هبيل يزعج العالم ولو يمشي مع السيدين=يداري موتره بالدرب خوف الدوس والتفديع
يحرك من جبل شمر لو ان الجيب بالتمرين=مدامه ماخذى العازات بأسواق العرب تجميع
ابي يوصل تحياتي لحضرة فيصل ابوثنين=سليل شيوخنا اللي ذاع صيته في جموع سبيع
شيوخ تفصل القالات لاصار العرب صفين=وتفزع مع ضعاف الحال قبل الصوت والتفزيع
لكم بين العرب تقدير مع حشمه وصيت زين=ولولا الفعل ماجتكم بكثر الزجر والترفيع
وانا ماقلتها هقوه ولا رجوى ولاتخمين=لأن الحاكم المدبول مايقوى على التربيع
ولكن العرب شافت فعول الطيب شوف العين=وشوف العين يكفي حافظ الفقره عن التسميع
كريم الطبع مايحتاج لا صبغه ولا تلوين=وطبع الهون مايمحى رداه الدرس والتطبيع
شيوخ الطيب له منا دروب النصر والتمكين=بهم ريف الضعيف اللي يخاف الفقر والتجويع
تواريخ العرب ينعق على راسه غراب البين=وجزيله يشتكي بالقوم نار الكذب والتضييع
من اللي مالها بأذواد تاريخ العرب عنزين=ودون امثالكم نبلش بكثر الرمي والتبديع
اقدم لك تحيات الذي ماراد منها شين=يرى تقدير راع الطيب مثل الفرض والتشريع
[/poem]