منتديات بعد حيي - ياريف روحي

يالله بأمانك عن سواد النيّه**يا كافل أرزاق العباد الحيّه

أعوذ بك يالله من أهل الغيره**و أهل الحسد .. فالساحه الشعبيّه

و من الوجيه الباردات السوداء**و من الجروح القاسيات النيّه

و من الضياع .. و قول ( خالف تعرف )**و اللهث خلف الشهره الشعريّه

و من الغرور اللي يصيب أبن آدم**و من النتائج .. لا غدت عكسيّه

و من الزمن .. و أحواله .. و نكباته**الظاهره منها .. أو المخفيّه

و من أنحلال اخلاق و الا مبداء**و من ( الخلل ) فالبنيه التحتيّه

حفظ الحقوق .. أصعب طموح الشاعر**و أكبر دليل .. حقوقنا الفكريّه

راحت .. و حنا واقفين نطالع**نكتب .. و يأخذ غيرنا الملكيّه

و انا القصيد أحزن عليه .. أحيان ٍ**اليا ذكرت بحوره المنسيّه

من هيبته عندي .. يجيني خيفه**و ان جيت ابكتب ما تطيع يديّه

الا اذا ثار الشعور الصادق**شفت القصيد .. و قلت : يالله حيّه

جيته و نصبته زعيم اللحظه**و حطيت في راس الجبل .. ماريّه

يا مرحبا .. يا أم العيون .. الخجلا**يا نبض صدر المنطقه الشرقيه

تدرين و الا ؟ .. جيتي و الله جابك ** الله يبارك فالغلا .. و الجيّه

لبيه .. يا شوقي و نقطة ضعفي**يالحاله .. المسموعه المرئيّه

عن حب غيرك ما سألت أيامي**و القلب رافض .. و الضلوع معيّه

شوفي محلك .. يا حصيلة عمري**دامك وريثة قلبي الشرعيّه

قومي فديتك .. و أدخلي في قلبي**و أمشي على مهلك .. شوي شويّه

عرش الغلا بأسمك .. و لك .. و الزبده:**" بدري على غيرك يجي كرسيّه "

نامي عليك الله .. و أمانه .. و أسمه**تحتك حرير .. و فوق راسك فيّه

تخيلي لو للمحبه .. ديره**عن كل عدوان الهوى .. محميّه

رحنا ثلاثتنا .. و سكنا فيها**أنتي و انا .. و أحلامنا الورديّه

يا ريف روحي .. يا حدايق بابل**يالغيم .. يالمجموعه الشمسيّه

حبك .. بعد ما مر داخل صدري**صارت ضلوعي بالذهب مطليّه

و القلب .. دايم نبضته مسموعه**و اليوم قلبي .. نبضته مقريّه

عيدك بقلبي .. يا مظاهر عيدي**خوذي مشاعر خافقي .. عيديّه

اليا مشيتي .. قلت لك في سري**الله يعينك يالكره الارضيّه

و اليا تكلمتي تصير أنفاسك**مع حلو صوتك .. كنها خلفيّه

حلوه .. رقيقه .. ناعمه .. غياره**ترفه .. كريمه .. طاهره .. عفويّه

كلك على بعضك كذا .. تركيبه**ربي خلقها .. و أصبحت شخصيّه

أجيك و أمشي .. و أن مشيت أرجع لك**مدمن .. و حبك خلطته سريّه

و ان جيت و ابواب الغلا مقفوله**وقفت عند عيونها السحريّه

مع كل باب أشعر بأنك خلفه**أحاول أجعل وقفتي جديّه

يا دولة العشق الفريد الأصلي**جيتك و انا مابي سوى .. الجنسيّه

فأن عذربوا فيني ضعاف الحيله**قولي لهم ليت الاوادم زيّه

شاعرو يكتب في جروحه و اصبح**له في حياتي مطلق الحريّه

فجأة طلع و أصبح بصدقه .. فجأة**سوبر ستار الساحه الشعبيه !!