|
ياترى ياشباب وبنات وش حاطين بجيوبكم وشناطكن يوم العيد
مرحبا ...
قبل كل شي كل عام وانتم بخير غوالي انا صراحه عندي استفسار ياترى انتم مثلي او لا انا لاحظت ان البنات الي بعمري طبعا بدون ذكر العمر :068: يعني الشابات بالعيد اغراضهم الي بالشنطه مو مثلي حسيت اني شاذه الي حاطه مكياج والي عطر وفلوس والي مرايه وفرشاة والي حاطه شوكلت بس من الزين تويكس او جالكسي لكن انا اتوقعو وش حاطه :rolleyes: حاطه حقاق ....... اي حمص يابس هههههههه وحاطه طرطعان ثوم ومكسرات مشكله وطرطعان فحم وحلاو مشكل مشكلته كيلو هههههههه ياربي ياترى انا والا الي بعمري هم الغلط ..؟؟ الحين جا دوركم ياشباب ويابنات الشباب وش حاطين بجيوبكم يوم العيد ..؟؟ ...... اي مخابيكم هههههه والبنات وش حاطين بشناطكم يوم العيد ..؟؟ |
يا هلا ويا غلا ويا مسهلا مستحيله الغاااليه
شخبارك عساتس بالف خير وكل سنه وانتي بخير وعااافيه صرااااحه القنابل بالعيد فللله متعوده كل سنه اشتري بس هالسنه ما امداني اشتري عمامي وخوووالي جو عندنا صراحه شنطتي فيها كريمات وانواع الارواج وعدت الميك اب وهالسنه ما اقرب للحلويات ابدا عشان ما اسمن ابي احاافظ على رشاقتي الله يسعدتس يا الغاااليه |
هلا وغلا بالمتالقه وانتي بصحه وسلامه
اوما هذي شنطة سفر مو عيد هههههههههه ماشالله وشلون تشيلينه من الكريمات بس شنطه انثويه بجد لاعدمتك |
والله انا ماعندي شنطه في العيد
بس دخلت اعايدك طال عمرك كل عام وانتي بخير وصحه وسلامه |
اولا كل عام وانتم بخير
الشباب وش حاطين بجيوبكم يوم العيد ..؟؟ ...... اي مخابيكم هههههه انا حاط ريالات من 100 الي 150 جديده عشان بس نفرح الاطفال الي يعيدونا طبعا العيديه حسب الشخص ........... الصغير من ريالين الي ثلاث ريال والكبير من خمس الي عشره تكفيني ابتسامتهم ومدى رضاهم عني وكمان بخاخ صغير على شكل قلم جاني هديه مع عطر امليه من العلبه وبخ فيه قبل مادخل عشان ادوخهم بالريحه ههههه واحيانا انسى وحط حلاوه شكلاته بجيبي ويكون ثوبي ضحيه او حلقوم ومحفظها كلها فواتير كل الشكر والتقدير لك دمتى بخير |
اول شي مستحيله العسوله حابه اعيد عليك واقول لك كل سنه وانت طيبه يارب وينعاد عليك العيد بين اهلك وحبايبك
بالنسبه وقت شفت موضوعك فتحت ساكي ونكبته امام اعينكم كريم اولاي + جزدان فلوس + عطر + قلم تبيض ظوافر+قلم تحديد شفايف + قلم عيون ازرق+ شكلاته+ اساور نزعتهم بالملاهي وحطيتهم بالساك + سماعه + خلخالين لكن واحد اخذته عشان صديقتي + مرايه + صحنين روج وردي ووردي لامع + مناكير ابيض ومناكير وردي + ملاقط شعر + ضماد جروح وورقه محل ومفكره صغيره وmb6 والبرتابل ديالي لكن جالسه بصور فيه :)وبس ويعطيك الصحه عالموضوع الفرفوووووش الصور بالمدونه ديالي نزلتهم ماقدرتش انزلهم هناا ا |
اقتباس:
وينعاد عليك يارب ادري ماعندك شنطه بس لك مخبا كم بوه من قريشات هههههههه |
اقتباس:
بس تكفى ان الله احيانا واعطانا عمر وشفتك على حد الكباري ولا تسدح بحديقة الزيتون ابيك تجيبلي حلقوم >>>>>>>>>>>> ادمان غريب وجودك شرف عساك تعوده كل سنه |
اقتباس:
انتي وش حاطه جامعه بين محلات الاكسسوارات والمكياج وصيدليه كمان لو اموت ماشلتهم بشنطتي وشلون تشيلينه وتتمشين فيها لا وبعد عامله حساب صديقتك بعد هههههههههههههههههه لكن بروح واشوفهم بالمدونه ينعاد عليك قليبي كل سنه انتي واهلك يارب :h64: |
هههههههههههههههههه
مستحيله والله وقت اخرج من البيت بخاف احتاج شي بحب الاكسسوارت وباخد اي شي لانو اغلب خروجاتي بتاخر برا البيت وفي مشروع اعمل لي سرير متنقل باخده معايااا تشكرات ياقمر |
اقتباس:
وما عليك من اللي بعمرك انتي .. دايم صح |
اقتباس:
شوفي فيه كرسي لما تفردينه يصير سرير ههههههههههههههههه يعطيك الصحه ياقلبو |
اقتباس:
ايوالله بسطه هههههههههههه بس بالعيد وانت دايم صح ومنور :152: |
كل عام وانتي طيبه يارب وينعاد عليك وانتي باتم الصحه والعافيه كيف المريض يارب يكون حاله زين ومتعافي والله شاري من الالعاب طراطيع وقنابل وشغل من قبل العيد بيوم ويوم العيد جيوبي فاضيه بس الجيب الاعلى فيه فلوس وقلم وسلامتك |
اقتباس:
ياربي وين رحت انت عساك من عواده ان شالله وابشرك الوالده الحمدلله بخير ونعمه بس هاه لاتنساني من الي بمخباك هههههههههههه ياهلا مليون خيووو :wsetr::wsetr::wsetr: |
| الساعة الآن 04:28 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010