منتديات بعد حيي - رح للهـنـا و الفـرح , يـا بعـد جداني// و أسعـد حبايبـك و إقهر من يسبونك

يا عاشق البحّـر , في ضيقتك . تلقاني
وتلقى , عيونـي من إيدينـي , يلمونك

لا تشتكـي للبـحـر و البـحّـر , علماني
يخـون قاعه ! أجل و شلون مـ يخونك

اليا غشاك .. الزمن تعال .. لـ حضاني
وإنسى دموعـك وخل إدموعي يبكونك

هات الحـزن والسهـر واتركني أعاني
إجفـونـك إجفونـي وريّـح لي إجفونك

جيب الكدر كله وضيفه على أشجاني
بطير من هـمـك وبحمل لـك إشجونك

قم وإمسح الدمع لا تبكي على عشاني
خل الحزن لي ! وخل الضحك لعيونك

رح للهـنـا و الفـرح , يـا بعـد جداني
و أسعـد حبايبـك و إقهر من يسبونك

لا تّـخـاف , مـا دام قـلـبـك فـوق أمتاني
ل انكسّرت إغصونك أبجبر لك إغصونك

ولا يحكي السانك اليـا جالك الساني
خل الحكي مني وبقتـل بـك أطعونك

بجيب كل الشـعـر والسانـي احصاني
حتى يطيح القمر من ضحكة آسنونك

الليـل ليـلـك و أنـت الاول ,. الثاني
لا تشغل الفكر , وضلوعي ينادونك

يالله بـلاش الحـزن لو شفت احزاني
والله لـ تمطـر دمـوع .. وما يكفونك

أنا ليا طحت حتى ( الجرح ) ينساني
والا أنـت لا طحـت تلقى من يشيلونك