|
مساجله بين الراوي / الغسلان والشاعر/ عوادالعلي والشاعر/ مبارك طناء
[frame="1 98"] قال الراوي الشاعر / فواز الغسلان [/frame] عواد هاك القلم وكتب على كيفك = وإنظم حروفك تر الأخلاق خربانه مادمت هذي قبل تقبس عواصيفك = تشلع مزاجي وتقفل كل بيبانه النفس ماتحتمل كثرت عجاريفك = جسمي يعاني مقصاته وعمدانه ترى مبارك قريب من طواريفك = وإن صحت له يامبارك ثارشيطانه وإن ثار للمعركه ثارت صواديفك = تفاق مايخطي المقرود نيشانه أوهات الأشعارمن عالي مشاريفك = لك ريشة يضبط اللوحات فنانه بي القواعد على نحوك وتصريفك = وإرفع ولا تكسر اللي حاز سلطانه ويقنع هل الدوق والنقاد تهديفك = وروعة بلوت الهوى الجاير وكنكانه ونعرض على لجنة الحكام تكليفك = في رابطة مجلس الفيفا وعنوانه وإدا بغت لجنة التصويت تعريفك = قاف السناعيس شاع بكل بلدانه ويضمن فريق الهوى جملة مصاريفك =وتداكر أهل الهوى الظالم ومسكانه وساعة حضورك على النادي وتشريفك =إكشف مهارة ولدشمر بميدانه ولا تتبع اللي يبي صدك وتخوفك =من شأن تترك قوافينا وديوانه واللي حداني على شدة قفاقيفك =عن باقي الناس مع روضه وبستانه فرقا وليفي مثل فرقا مواليفك =وقيفان شعري مثل شعرك وقيفانه وأوصاف حالي تطابق نفس توصيفك = ونيران قلبي مثل قلبك ونيرانه وسموم صيفي يشادي بالغثى صيفك= وطغيان خلي مثل خلك وطغيانه أسرع وخل الهوى يدفع مجاديفك = وسفن البحر ماينام الليل قبطانه وإلا طلبنا من السلطات توقيفك = وصعب آتنازل وأنا الأخلاق خربانه رد عواد العلي ياكبرها منك يافواز ياحيفك = ماهي عوايدك تدخل حرب خسرانه للبرد نزله سببها خف تلحيفك = تأثيرها بان والأخلاق بردانه شبيت نارك بزندك والحطب ليفك = وإصبر على مطرقة شعري وسندانه تسخرمن أعظم لغه من ضعف تثقيفك=(وااانحواااه ممنوع من الصرف غسلانه) لو ينفتح باب توبيخك وتعنيفك = هامو بك فلان وفلانان وفلانه أبذكر اللي ذكرته وإسمه يخيفك = خوف أحترام ومهابة نار بركانه يامبارك اليوم يومك والفخر سيفك = حطه بحبس إنفرادي وسط زنزانه الأمر يرجع لتوجيهك وتصريفك = العلم ماهو مزارق طيب وميانه مضمون قدره يبذنه مغاريفك = من نادرات الدرر وحكاك مرجانه رد الشاعر مبارك طناء التبيناوي إربط حزام الأمان بحكم تكتيفك = الله عويني على الظالم وديانه عواد إبن عم يغضي عن تصانيفك = وإليا صـفا ينجني دره ومرجانه فاصل عسى فصلّت تقرأعلى جيفك= واصل عسى الله يوصلنا لرضوانه وَّصل وفََصل وفـّن إلقى وتظيفك= مع جوهرالمفرده تلميع وصيانه أمجاد الأجداد تضبطها سواليفك = تدخل عليها شعار المجد والدانه أبزع ولايقدر المغتاب تحذيفك = قولت (عشيرك) تهز القلب وأركانه وأسفه سفيه (ن) يمثمث ياوطأ شيفك = وأقول فواز مابه غدر وخيانه وتدخلني الشك ياكثرت محاليفك = وأنا ليا قلت والله جاك برهانه عليك بالصدق لا تكثر تحاسـيفك = والكذب مهنة عيال إبليس وأقرانه مره قصيدك خيال وصعب تطويفك = دايم تطوفك غلا شمر وعشرانه قل قال لو مرمع طيفك الكرى طيفك = حياء ورحب من الفرحه بسجانه قل قال لولا العبث وش طيّح إستيفك= ياروح الإحساس كم للناس فتانه قل قال كم دمعة(ن) طاحت على سيفك=عبرت يتيم(ن) نتلتي منه وجدانه قل قال كم ضاع ولفه في رجاء ريفك = وأصبح معايد هل القريَّه وجيانه قل قال كيف إقترن لطفك وتسريفك=عفراء تفرعن سحر هاروت بأعيانه قل قال قلبه مثل صافي مراهيفك = عذروبه اللي لقاه النذل وأعوانه حظي برئ قيل مابات الخواء ضيفك=وحالك هي الحال ضغط وذنب غفرانه عواد مثلي ترك عزفك وتوليفك= سلس العسل ياتكررمـاله الخا نه مرزف ورجف القوافي في سراجيفك = بالثانيه تشتكي خلك وهجرانه مشفوح شفحه ولاتركد شواحيفك = دورالعمر قبل جدي حد وعيانه زغرد وشوبش وخطرف في غطاريفك = إستثقلت بالسحاب وهل هتانه الجلغفه وإلفقه والنحو تغليفك = والقلب مشغول في دنياه وأشجانه عواد يرفع على ضغطك وتلطيفك = طبيب به طيب قلب وعالي ٍ شأنه يخشى من العين لا تذبح مخاشيفك = أهل الحسد والقلوب السود عميانه واللي حداني على قافك مواقيفك = موقف له أيام طيب وصعب نسيانه إن كان له متسع يقراه بإرشيفك = جمهوري اللي سكن قلبي وشريانه [/frame] |
صحت ألسنتهم شعراؤنا الأفآضل الغسلان والعلي ومبارك طنا مسآجله آكثر من رآئعه ليس بغريب عليهم الابدااع والجزاله.. وافر الشكر والتقدير لطرحها لنآ .. تنقل للقسم المناسب ,,, |
| الساعة الآن 09:13 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010