متى على الله تبتدي رخصة الطير
 

متى على الله تبتدي رخصة الطير
............................وعقب الرباط يصف ريش القرانيس
والمزن بالمنشأ نشوفه مزابير
...............................والبرق تالي الليل مثل المقابيس
ابي إليا قالوا مشينا على خير
.................................والراي شدوه العيال المدابيس
وتواعدوا عقب العتيم المناعير
.............................مسرى تحت داج الظلام الغطاليس
ربع لهم عندي معزه وتقدير
...................................مدلهين اللي بقلبه هواجيس
وافين باللزمات ماهم مثابير
..................................شيالة الكايد إليا دنق الهيس
يبون من خشم المسمى محادير
............................نشمل إليا لوقا ونجنب الى التيس
لاوقفوا بارض(ن)بها اثرة وتأثير
............................وفكوا براقعهن حرار(ن)فواعيس
والطير تل وشافهن بالعثامير
................................الخرب كوبر والطبايل مفانيس
واعلق به اللي مزر الريش تمزير
.................................اللي مخاليبه سواة الدبابيس
واللي تروح طيار ما عينت خير
.............................شيهان نكسها على القاع تنكيس
نادر بحر ياخذ عليها مشاوير
.............................ماهو بوكري(ن)يهاب الدماميس
وإليا تلافوا بالمعشى مناعير
...........................في خايع(ن)جرمه سواة الكناديس
وشبوا وقادوا للسوالف معابير
...............................النجر يلعي والمباهر متاريس
خفاف النفوس رجال ماهم مثابير
............................ولافيهم اللي فيه كبر(ن)ولا فيس
وجوهم يبون الكيف ربع(ن)مسايير
............................قالوا علوم الربع قالوا عواسيس
نذكر لكم جول(ن)رثعنابه عصير
.............................حازن من الخبه يبن الطعاميس
في ماقع(ن)عقب المطر مابعد ذير
..............................تومي بنواره هبوب النسانيس
والصبح مدوا للحراوي مداوير
............................وطاحوا بجرتهن جداد ومداريس
وحثوا بهن بالخور مثل الطوابير
..........................وتزارقن قوع الشجر والمتاريس
وتنهض اللي كن عينه سنا الكير
............................كد ذوقوه من الثنادي تلاميس
والخرب قام يحوز دون المعاشير
............................وزته وطار الريش مثل القراطيس
ومدوا عليهن مبهمات المواصير
...........................شغل الفرنج مقولمات النواديس
وصادوا و وفقهم ولي المقادير
........................واهل الوكارى ربطوهن مفاليس
هذي حلاة الصيد وقت المخاضير
.....................وبعض الصقاره يالنشاما مطاريس



الشاعر /// بدر الحويفي الحربي

نقله جميله
يعطيك العافيه ولاهنت

نذكر لكم جول(ن)رثعنابه عصير
.............................حازن من الخبه يبن الطعاميس
في ماقع(ن)عقب المطر مابعد ذير
..............................تومي بنواره هبوب النسانيس
والصبح مدوا للحراوي مداوير
............................وطاحوا بجرتهن جداد ومداريس
وحثوا بهن بالخور مثل الطوابير
..........................وتزارقن قوع الشجر والمتاريس

صدق لسانه شاعرها
والشكر لك حمد على هالذائقه

صح ذوقك وكلك
لاعدمنا هالتواجد والحضور
ممزجاً في كل انواع العطور
قد وجدت العذب في تلك السطور

شكراً لك ,,,

همس
الله يعافيك
كل شكراَ على مرورك

حلا
الله يعافيك
مشكوره
تحياتي لك

اعتمد فرقاك
الله يعافيك
كل شكراً
على مرورك

عنود
الله يعافيك
مشكوره على تواجدك

نجلاء
الله يعافيك
مشكوره

ذائقه تسمو جمالاً
ابدعت في الإنتقاء
سلمت يا نقي