ليت للي مضى لي من حياتي بديل
 

[poem=font=",6,orange,bold,italic" bkcolor="black" bkimage="" border="double,4," type=2 line=0 align=center use=ex num="0,black""]

راحت ايام عمري وانتهت ياعقيل=واكثر احلام ليلي بان تعبيرها
ولاح فجر العوارض عقب ماكان ليل=ونقوة ايام عمري تم تبذيرها
وابتدى الشيب يجري للطبايع غسيل=وراح شر الليالي وابتدى خيرها
وربحي اللي تعدى في حياتي قليل=ونصف هفوات عمري صعب تبريرها
بين غدر الرفاقه والغزال الكحيل=اتناسى الخطايا رغم تكريرها
نوب احط المثلث خانة المستطيل=ونوب احط النوادر مع عصافيرها
لين ضاعت سنيني بين قال وقيل=والمقاييس جارت في معاييرها
ليت للي مضى لي من حياتي بديل=وكل لحظه يجيني بالزمن غيرها
لأجل اسوق الركايب بالظلالٍ الظليل=ثم ابدل دروب الزمل في سيرها
وان مشيت القوايل ماتركت الصميل=خوف بعض الموارد ناشفٍ بيرها
وارتحل عن رفاقات الرخى واستقيل=وافتح ابواب فكري عقب تسكيرها
اكتشفت الحقايق يوم حان الرحيل=والطبايع تأخر فك تشفيرها
أثر بعض الجمايل ماتداوي غليل=ولا تعيد الخواطر عقب تنفيرها
ونية الخير تجعل من نواها هبيل=تجدعك في دروب صعب تصويرها
ولو فهمت الخلايق قبل وقتٍ طويل=كان نصف الخساره تم توفيرها
التجارب عطتني بالشدايد دليل=مثل عين المراصد عقب تطويرها
والدرابيل زادت في مداه ألف ميل=والجروف الصغيره تم تكبيرها
بس الايام راحت ماصفى لي خليل=كنها ريح صيفٍ ضايعٍ طيرها
كنت اشاهد حلالي في منامي هزيل=وقلت الاحلام نجهل سر تفسيرها
دامني بالخلايق مثل فتحي كميل=وان دخلت المجالس حزت تقديرها
اثر زرعي بذرته في بطون المسيل=ماذكرت السحايب في قواطيرها
ويوم لاحت بروقه مثل قدح الفتيل=وفي طبوقه لغوم تم تفجيرها
اعدم السيل زرعي مابقى به حصيل=وشال جدران بيتي رغم تسويرها
ومن نفعته بطيبي قال مالك جميل=وغاب غيبة هنودٍ تم تسفيرها
او بدى بالطلايب والعتب له صهيل=وجت ربوعي تطالب في فواتيرها
قلت يانسل يعرب يابني شرحبيل=ياعقول تناسى رغم تذكيرها
بس ابي من كرمكم عن كرمنا مثيل=قالوا افضال كفك تم تصديرها
الدكاتر تركب بالقلوب وتشيل=وادخلت بالضماير طقم قصديرها
عصرنا اليوم يلغي كل طبع نبيل=وقيمة الناس تحسب في دنانيرها
والمبادي حموله تتعب اللي يشيل=شف حقوق الاوادم صعب تدويرها
راح وقت السواني مع غروس النخيل=وصار شرب الحدايق من نوافيرها
قلت اخبر الحضاره ما تهز الاصيل=ولا قريت الخديعه في تقاريرها
قالوا الكذب موضه والخيانه موديل=وشف دساتير الامه تم تغييرها
ما يفك الحمايم سجعها بالهديل=مع طيورٍ تهاجم في مناقيرها
قلت الارزاق كله من كفوف الجليل=ولا سباق الخلايق في مضاميرها
لو لرزق الخلايق بالاوادم وكيل=ماتت الناس ترجي في طوابيرها
وان رماني زماني بالتوالي قتيل=والليالي كوتنا في مساميرها
راح تبقى دروسٍ نذكره جيل جيل=لأجل تنبيه ناس تم تخديرها
ونمسح افلام شيخ بالظليمه يكيل=وننقض احكام ناسٍ تم تكفيرها
مع شيوخ هروجه كل يوم تميل=وتطرح اهل الجهاله في شناكيرها
لين شفنا الثريا تجتمع مع سهيل=وصار تهويد الامه غير تنصيرها
ونعتذر عن شريف قيل هذا عميل=في تواريخ الامه عقب تزويرها
وليش راع الحقايق صار عابر سبيل=وسربة الكذب تسجع في مزاميرها
ونعترف في سبايب ظلمنا للقتيل=وليش روس الحمايل تم تدميرها
وليش فرخ النوادر عاف عشه ذليل=ونترك البوم يلعي في مواكيرها
وليش نسج القصايد في مدوح البخيل=ونفتخر في رجال بان تقصيرها
ولـيـش نـام الـيـتــامـى والـمدامع هميل=والــدراهــم لـغــيــره تـم تـبــذيـرهـا
وكان فكري يسير بسكة المستحيـل=فالـمـصـيـبـه من الـعــالـم وتـفـكـيرهـا
[/poem]