|
سالفة:سياره بمواصفات بعير
السلام عليكم ورحمة الله وبركاته حياكم الله اخواني وأخواتي السالفه عن شخص بار جداً بوالده الكبير فكان طوع أمره ولا يخالف له شور .. الوالد يعيش بصحراء أحد الدول العربيه وكان كبير جداً بالعمر ولا يحب ركوب السيارات وهو متعود بتنقلاته ركوب الجمل،، ومايبعد كثير عن المكان اللي هو ساكن فيه وأن ابعد راح للقريه اللي قريبه منهم.. السيارات كانت قليله وماكان فيه إلا كم وحده يشوفونها مابين فتره وفتره ولا كانت محبوبه عندهم.. بيوم مرض الشايب وما خلو ولا شي اسمه طب شعبي إلا وطرقوه لكن ما فيه فايده ومن تعب لأتعب.. قرر الولد ياخذ ابوه للمستشفى للعلاج و رفض مثل عادة كبار السن ومع اصرار الولد وافق بس بشرط انه ما يركب سياره.. قال الولد وشلون يابوي كيف انقلك للمدينه ؟؟ قال اروح على بعيري انا ما أحب السياره الولد احتار وش يسوي وهو عارف ان ابوه شديد ومايغير كلمه قاله قال الولد وان جبت لك سياره طوع امرك قال الشايب: أنوخها مثل البعير؟؟ قال الولد :ايه تقدر تنوخها مثل البعير وافق الابو وجاب الولد سياره مستاجرها مخصوص للوالد ودافع لراعيها كثير عشان اللي يبيه الوالد يصير.. يوم جا بيركب قال لأ أنا ما أركب لين تنوخها !!! كيف يبه هذي سياره قال: هذا شرطي وانا قلت من أول .. قال الولد مالك إلا اللي يرضيك،،وقم ونسم كفرات السياره الاربعه لين قعدت على بطنها وقال لأبوه خلاص يبه نوخت السياره.. ركب همن نفخ هو وراعي السياره الكفرات والشايب بسط السياره يتفرج ويضحك ،،همن مشو ويوم وصلو للمستشفى و يحاول فيه يحول من السياره من غير تنويخ،، ونفس الشي قال ما أحول إلا تنوخها،،والولد ياحيلة الله قام ونوخ السياره،، والناس تفرج عليهم وش يسوون ذولا،، ويوم حول الشايب قال لولده انا كنت بشوف انت مثلي قوي باس ولا لا وانا مابي مستشافاكم،، ووقف وأشر لسيارة واحد ثاني واتفق هو وياه يوصله لمكانه وركب وراح وخلا ولده مع راعي السياره الأوله يكملون نفخ الكفرات.. مع تحيات عنــــود منقول |
ههههههههههههههههههههه اما انو راح عنو وتركو قويه صراحه ، يعطيك العافيه ياقمر على دا الطرح استمتعت كثير بقرائتها ربي يسعدك ولايحرمنا منك ومن روعتك ، |
اقتباس:
كل الشكر لمرورك غلاتي |
العنووود
هذا نوع من الادب الساخر وهو جميل ومعبر وهاااادف جدا وكان المطلب والغاااية تعليم الابن الصبر ، وقد استخدمه كثير من كبار ادباء العربية امثال الجاحظ في " البيان والتبيين " والرافعي وغيرهم ، وهذه القصة نموذج معبر لهذا النوع من الادب ! تحياااتي العطره |
اقتباس:
زيارتكم تفرحني وردودكم تبهجني وحروفكم تعنى لي شهادات تقدير تحتويها مشاعري لكم مني عظيم الشكر ووافر الأمتنان |
قصه رائعه
تسلمي يالعنود لاهنتي |
اقتباس:
كل الشكر حبي |
| الساعة الآن 08:40 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010