تلقى نصيبك وانا حقي وماجاني
 

[poem=font=",6,orange,bold,italic" bkcolor="black" bkimage="" border="double,7,darkred" type=2 line=0 align=center use=ex num="0,black""]
ارجوك لا تطري الهجران ياخلي=وشلون تقوى على هجري ونسياني
لاصرت ماني عن الغالين متخلي=وش حد قلبك على ظلمي وهجراني
ولا تستمع للعواذل يابعد من لي=لا تامن الناس بالقالات تبلاني
والناس ماتنقل الاخبار بالملي=لابد مايلحقه زود ونقصاني
وما بالمحبه عقود مالها حلي=مادام قلبك معي يادعج الاعياني
وان رحت مع غيرنا ياعزوتي قل لي=نجعل على سيرتك قفل وبيباني
ليش احرجك ياحسين الطبع والدلي=وتلقى نصيبك وانا حقي وماجاني
والله فلا جيت في دنياك متسلي=او مالنا بالجبل قوم وخلاني
لاشك حبك غدى بالجوف محتلي=وانته وزارة دفاع وقايد اركاني
عطني غرامك وخذني بالهوى كلي=من دون جيش ولا حرب وعدواني
والقلب رغم الجفى والصد ما ملي=يرجي هلال ثلاث اعوام ماباني
وابي الوفى ياخفيف الروح والظلي=والا توكل وتبقى الظالم الجاني
يمكن يطيح الحشى عقبك ويعتلي=ويرجع على الحال الاول قبل تلقاني
لاغاب عطر الجديل الناعم الهلي=تلقى وانا القى بدالك واحد ثاني
والله فلا ارجيك يالمجمول تفطن لي=وبيني وبينك جواب الشيخ راكاني
والله فلا ارضى مقام الهون والذلي=وماني على ذلتي ضايق وندماني
[/poem]