حان وقت السفر
 

عيني بوقت السفرهلـت مدامعهـا
والنفس مما بهـا زادت مواجعهـا
أبكي لوإن البكـا ماهوطبيعـه لـي
لكن بعض العرب صعب موادعهـا
من يوم قالواالسفرماغمضت عينـي
ذكرى حبيبي على بالـي أراجعهـا
طبعي الكرامه ولامخلوق طاوعتـه
هي الوحيده من العربان اطاوعهـا
هي الذي داخل أفكـاري أسامرهـا
لوقاطعتنـي انـا مايـوم أقاطعهـا
هي نورعيني عسى الله مايكدرهـا
في نون عيني تضوّي لي مشامعهـا
هي الأميره يسـرك زيـن طلتهـا
هي الورود الذي طابـت مطالعهـا
وهي نسيـم الفجرلاهـب ينعشنـي
غزالـة البـر ممطـوره مرابعهـا
وهي رذاذ المطربالصيف ينعشنـي
طبعت صـوره لهابالقلـب طابعهـا
تكون شمس الضحى في يومه البارد
تدفّـي الـروح بالاعيـان اطالعهـا
وهي سواة النـدى فـي زهربلّلهـا
مع نسمة البر في أبهـى مزارعهـا
رغم الحلا والغلا ماهي بمغـروره
يسلب عقول البشرقمّـة تواضعهـا
خاب الذي بالطمع حـاول يقرّبهـا
لوحاول أهل الهوى خابت مطامعها
لويدفعوا لي كنـوزالأرض والدنيـا
في ليـن وإلاقسـا مانـي ببايعهـا
وهي بخافي الحشا والروح مسكنها
يازينهـا لاتحنّـت روس أصابعهـا
أعلنت حبي لها من عقب صابتنـي
لولا الملامـه بخطواتـي أتابعهـا
ولوتغيّب عـن الأنظارلـو لحظـه
نارالهوى والجوى تضرب مدافعهـا
مسكت دربك ولاني راجـع عنهـا
أنت الذي من جميع الناس رافعهـا


خالص تحياتي ابو حنان

يازينهـا لاتحنّـت روس أصابعهـا
أعلنت حبي لها من عقب صابتنـي

صح لسانك ابو حنان

تسلم ابو حنان صح لسانك
يعطيك عافيه

براءه

هي نورعيني عسى الله مايكدرهـا
في نون عيني تضوّي لي مشامعهـا

تسلم يمينك أبو حنان
على روعة ماكتبت ..

تقبل مروري ..
بقايا حلم ..

وهي نسيـم الفجرلاهـب ينعشنـي
غزالـة البـر ممطـوره مرابعهـا
وهي رذاذ المطربالصيف ينعشنـي
طبعت صـوره لهابالقلـب طابعهـا
تكون شمس الضحى في يومه البارد
تدفّـي الـروح بالاعيـان اطالعهـا
وهي سواة النـدى فـي زهربلّلهـا

ابو حنان
صح لسانك خاطرة رائعة
الله يعطيك العافية