|
سالفة:التلفزيون ابو مثعاب
مشرفينا الافاضل أخواني .أخواتي .زوارنا حياكم الله جميعاً المواقف وبالذات المضحكه لا تنسى واحياناً اسولف فيها على نفسي واضحك وتبون الصدق ودي تنعاد بس من غير أذيه او تعب لأحد.. نجي للموقف: كنت مرافقه لقريبه لي بعمري بأحد مستشفياتنا الكبيره والغرفه كانت فئة vip وآخر كشخه .. بالليل تجي عندنا كبيرة الممرضات تجلس تسولف وهي من جنسيه عربيه لكن الله يهديها فيها لقافه مدري وش تبي بالغرفه اللي جمبنا حرمه كبيره وما تبي الممرضات ،،ولين بغت شي قمت بخدمتها انا بنفسي عشان تستريح واحياناً اقعد عندها الين تنام .. بزياره من الزيارات جو ضيوف ومعهم باقة ورد جميله وحطينها بجيك قزاز خاص بالورد مع مويه تقريباً 4 كاسات وحطتها وحده من الضيوف فوق التلفزيون.. بعد ما طلعو الضيوف اقول للي انا مرافقه معها الحين كل الورد زين ومفتح إلا ذي ذابله !! وصقعتها مدري ضربتها بيدي ضربه خفيفه وكن الجيك يتحرى احد يلمسه عشان يطيح !! وانكب على التلفزيون يوم قالت الشاشه: تـتـــــشبشب تتشبشب وطفى أو بالاحرى : مـــــــــــــــــات ودوروني ذيك الساعه الحين تجينا ذالملقوفه وأشيله والماء يصب تقل مثعاب والحمد لله اللي ما انفجر،، الكهرب مشبوك ما فصلته.. وش الدبره وش اسوي ؟؟ قلت بس ما فيه إلا تلفزيون العجوز لا تشغله ولا تبيه باصبر عليها تنام وبغير التلفزيون يوم جا وقت التنفيذ وتطمنت انها نيمه رحت ببدل التلفزيونات وعجزت لـــــيــــه؟؟؟ تنبهت العجوز وقامت من كثر ضحكي على نفسي : انا حراميه عاد قلت لها كل السالفه والله يجزاها خير العجيز شالت هي التلفزيون وشبكته قبل حضور الملقوفه واخذات ابو الينابيع وحطته عندها وافتكينا.. نسيت اقول لكم ان التلفزيون اشتغل من بكره عقب ما نشف الماء عنه.. تحياتي منقول |
هذي اقرب للمقلب والحمدلله على السلامة !!
ولكن تبقى العجائز _ متعهن الله بالصحة والعافية _ رمز للنقاء والعفوية . تحياااتي لكِ يالعنود |
اقتباس:
يشرفني مرووورك المميز دائما في عين عنود |
يعطيك العافيه على دا الطرح الله يسعدك ياعسل ، |
ربيَ يسسلمكَ ويعافيكَ على روعة موآضيعكَ * !
وبانتظـآرَ جديدكَ آلمميزَ . . |
اقتباس:
|
اقتباس:
|
قويه السالفه لكن سمعت ان ها السالفه حصلت لك انتي :098:.. امزح مااقول الا الله يسعد سنك اختي ويديمك على الطرح المميز تقديري |
اقتباس:
عاااااااااادي امزح خذ راااااحتك :) كل الشكر مع التقدير |
| الساعة الآن 04:33 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010