سلامة خاطرك ياشيخ
 

[poem=font="simplified arabic,6,black,bold,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]
سلامة خاطرك ياشيخ مالي عندكم مطموع=وعن عرضك عروض الطيب والشيمات تردعني
وفضلاً تنتظر لحظه وتسمع زبدة الموضوع=ودرب يوسع اهل الطيب والطولات يوسعني
لفيتك من جبل شمر ملاذ الضايق المفجوع=ونصف اللي بها سالت دموعه يوم وادعني
وساعه بالسفوح اللي غلاها بالحشى مطبوع =مع اللي شاع نوماسه بوقت الرمي والطعني
هي اغلا من ثمان شيوخ ذقنا في ذراه الجوع =ومن قرب الرزيل اللي دعاني ثم قاطعني
انا غادرت ماطعتك بميدان الرذيله بوع =واذا برقعت بعض الناس ماتقدر تبرقعني
مدامي نسل من حازت على التقدير والمجموع=ومن يرفض يقدم لي دليله لاجل يقنعني
واخبر الدسم ساق النصح بأمثاله لابو زعزوع=وفيه اللي عن السلطان والحكام يمنعني
وانا مااريد مقعادي بديوان العرب مقموع=وعند النوم والنسيان ورع الشيخ يصفعني
لحاك الله يامال تركني بالعرب جربوع=وسوط الغبن في نار الردى والهون يلسعني
ولو نرضى الهوان اللي تريده نغتني بإسبوع=وتلقى اللي تبع دربك بوسط السوق يتبعني
ولا لي عذر دام اني فرقت الكوع والكرسوع=ولا هو من حليب اللي جفى البوقات وارضعني
خطاك انك تظن اني بميدان الردى مجدوع=او ان اللي خدع غيري بنفس الدرب يخدعني
صحيح ان الطمع يجمع لبيبانك ثمان جموع =من اللي لاسمع ذكر المراجل قال وش تعني
ولاجل القرش يمشي لك على كل الطرايق طوع =ولو سقته لسوق البيع صاح وقال لك بعني
وله طبعه وتفكيره ولكرام النفوس طبوع=ولا لي بالردى درب براع الهون يجمعني
مع ان كفوفنا تفضي ونسهر والعباد هجوع=وعن نفع العرب كله ولي العرش ينفعني
هو الفزعه لقلب اللي يصيح ولا وراه فزوع=او اللي لافضى جيبي تصدد ثم نازعني
ومع ذلك نهاب الغدر والبوقات كم ونوع =ولو كان الثمن مال بوسط الناس يرفعني
حلاة العمر لا عشته وراسي بالعرب مرفوع =وعند الهرج كل الناس تنصت لاجل تسمعني
لأن العمر مايسوى المهونه والوقوف خضوع=وكيس الخبز عن مال الردى والهون يشبعني
ولا فكرت بقصور تضيع بحوشها المزروع=وزول البنز في صالة وكيله مايزعزعني
هني اللي قضى دنياه لاخادع ولا مخدوع=ولا ذاق اللهيب اللي كوى يمناي واوجعني
ومن يرجي فزوع اليوم عاد بخيبته مصفوع=مع اللي لا سمع شكواك صاح وقال لك دعني
فلا خلا طريق النفس لا نافع ولا منفوع =ولا هو قام بوعود المراجل ثم سنعني
لك الله ماتركت اللي وقع بين العرب مقطوع=اخاف اللي جدع حاله بنفس الدرب يجدعني
لما راحت سنين العمر لا منزل ولامشروع=وقرب الموت واهواله لهذا الدرب شجعني
[/poem]