منتديات بعد حيي - عيوني سحابه

منتديات بعد حيي (https://www.b3b7.com/vb/index.php)

- منتدى اوراق من ذائقتكم (https://www.b3b7.com/vb/forumdisplay.php?f=89)

- - عيوني سحابه (https://www.b3b7.com/vb/showthread.php?t=129374)

عيوني سحابه

مدخل

مأقساك ياسبَّة عناي وجهادي..
يامْحمِّل القلب العمى لوم وإعتاب..

شبِّيت ناري وإنطفت في سهادي..
الليل نام وطاري الجرح ماغاب..

عمق

وآصوتي اللي عجزت الناس توحيه ..
...غريب يوم اصوات غيري تشابــه ..

البيت بيتك و المواري مـواريـه ..
...لـكـن كـبـرت و لا كـبـر مـعــك بــابــه ..

و الناي لو نقض جروحك بـ أغانيه ..
.جـروح غـيــرك نـقـضـــتـهـا ربــابـــه ..

ما هو يتيم ان كنت انا اللي مغنيه ..
..و لا هـو فـقـير ان كان جرحي زهابه ..

و الغايب اللي يغري الشعر طاريه
.مـا قــل قــدره لــو يطَــول غـيـابــه ..

كم لي و انا احث القصايد تخليه ..
...حتـى تلاشـت رغـبـتـي في الكتابـه ..

و الشعر لو يفقد حروفه و اساميه ..
..مـدري وش اللـي بعـدها ينبغابــه ..

احترت بين اعتب عليه و اراضيه ..
.اخـــاف لا يـجـرح رضــــاه بـ عـتــابــه ..

أحيان أقول آبيـه , و أحيان ماآبيـه..
..الا ابــيـه و لـو يـــــبــي لـي عـذابــه ..

يـ اللي تجونه دامني مااقدر آجيه ..
..وصــوا ذهـابه .. لا يـشح بــ ايـابـه ..

و قولوا له اني من كثر ماني أغليه ..
.اشـرب ســرابـه و ارتوي من سرابه ..

و على كثر ماانسى اذا قلت ناسيه ..
..دار الــزمان و جــاب عشقــه و جـابـه ..

حنيت لـ أيامه و ضحكت لياليه ..
....قـبـلـه و بـعــده كــل وقـتــي رتـابـه ..

ان لمت قلبي عاقبتني محانيه ..
.و ان قـلـت أبرضا عـز نفسي رقابـه ..

البارحه كنت اكسر الروح و انهيه ..
..كان الـورق ارض و عيـــوني سحابـه ..

زرعت مااحبه ولا عاد لي فيه ..
.و جنـيـت احـبــه لو يطـول غـيـابه ..

مخرج

مليت أدوِّر لك عذر ياودادي..
مثل الضرير اللي ورا النور طلَّاب..

بعض الجروح إن جت من أغراب عادي..
الجرح موت الجرح لاجاء من أحباب..

لاأرواحكم النقيه

حنيت لـ أيامه و ضحكت لياليه ..
~
برق البروق
ذائـقه فاتنه وَ مترفه وربك
يسلّم احساسك وَ روحك شاعرنا
إلهي يسعدك وَ يرضيك يّ مُختلف
~

أسطووورة الشعر
بررررق لو يفقد الشعر حروفك و اساميك..
..مـدري وش اللـي بعـده ينبغابــه

شكرا ملايين ياسيدي

طرح مميز
لاهنت

كلمات رائعه وإنتقاء مميز
دمت بنقاااء حرفك
ودي

الله خيال من الاختيار المميز يسلم لنا ذوقك مراقبنا "برق"

كما العهد بك تسكب أبيات نظرة المحتوى
ونقية المعاني عآنقت أفق السماء بِ روعتها
أمطرت شعراً وربك ي نجم
صح اللسان وسلِم مكمن الطهر فيك
طبت نوراً نستمد منه لِ نرى
ودٌ أبيض وكثير تقدير

مرحبا كبيره وتم الله يسعدك ويرعاك
ولاعدمناك

مرحبا كبيره العنود الله
يسعدك ويرعاك ولاعدمناك

مرحبا كبيره نبراااس الله يسعدك ويرعاك
ولاعدمناك

مرحبا كبيرة
الهمس الله يسعدك ويرعاك ولاعدمناك

مرحبا كبيره
مراقبنا الغالي فارس الله يسعدك ويرعاك ولاعدمناك

مرحبا كبيره الرواء
الله يسعدك ويرعاك ولاعدمناك