|
نيّة حَمَام
مدخل تعال شوف الحنايا وش يجي فيها من لحظة فراقنا لاوقت نتواجه تحصل به اشياء مدري ويش اسميها خلت رجول الهجوس الغبر دواجه عمق مابين موتين , (الحياة) احزان و احزان و دِما مدري من اتقاسم معاه الموت و لـ مين انتمي حتى اليقين .. يشك في نفسه ويصبح "ربما" ,! على شفاه من الحيا تاخذ وتعطي من دمي الى متى .. والشوف ,, نفتح له شبابيك العمى؟! إلى متى.. والـ(لاء) ,, (وجه انثى),,! بـ وجهي تحتمي؟! أنا بـ وجهك,! (لا) تغنّي لي "حزين من الظما" خلااااص يكفي,, ما بقى بالحزن حزن ,, تبسّمي رجال واحتاج انتقامك ينتزع حقّي,,, كما تنزع ملايكة الغضب من (زخرف الطين) آدمي محتاج (ادس) من التعب قلبي بـ صدرك مثلما.. يحتاج قلبك صدر يتدلل عليه و يرتمي و آآمشّط الثاير بـ اصابيع اشتهاها ,! (لين ما),, يهدا , واصابيعك يمررها الحنين لـ مبسمي نقرا من العتمة , (ملامح هامش) , قراية عمى من دون سطر المبصرين نعيش ,, بـ احساس العُمي,! هذا انا لا (آه) لا (أدما) معاك و كلما قيدك يحاصرني بـ حريّته,,, يزهر معصمي الـــــلـــــه كم تمطر عيونك مفردات من السما أضمّها و ارتاح من هم الحصاد الموسمي اخلق بها سلسال "يختال" بحكايتنا و(ما) يختال في "سلسالك الفرعوني" الا (خاتمي) ,! نعيش بك (نيّة حَمَام) اختار بيت الله حما ونموت فيك ظنون كم عاشت ,, تراود مرسمي لين اليقين يموت في نفسه عليك و "ربما" ؟! ماقول غابت (لا) ورب الحب تسكن في فمي,! مخرج آآآخذ نفس أغمّض عيون واذكرك ــــــ وتطيح في صدري من الحزن غيمة لاأرواحكم النقيه |
والله ما يذبح الا الذي يسرقك و أنت عنه غافل الحب اللي احلى من طعم الشهد وامر من العلقم القاتل اللي ما يحكم عليه بجرمه ..!!!!! اااااااااااااالله عليييييك يا العذب والله لو تسعفني كلماتي لامشي على كل شطر و أكتب عنه صفحات مو سطور لا احد يلومني في بحر ما يعشقه الا من صابه جنون الشعر خبرتو غريقن ما يبي نجاته من أغراقه هذا أنا مابي النجاه لو قالو العرب مجنون < نبضه يا جعلني ما افقد هالنبض والاحساس اللي بكل حرف يا ليت الاقلام تنباع والله لا اشتريها ولو غلا ثمنها عشان ارد على الباذخه لو أنها ما هي جديده على مبدعها لا عدمنا تواجده ونبضه ونبض حرفه صح كلك بكلك ونبض حرفك |
ما غلطت لمن قولت عنك مُختلف
انتقاء لامسني كثييير وربك يسلّم ذوقك وَ احساسك براق الهي يسعدك وَ لا يحرمنا اياك ~ |
مرهف الحس والطلة والحرف
لا املك امام هذا الجمال الا ان اصمت بعمق فالكلمات تلامس الاحساس والمعنى يفتح كتب الحياة ولكن بلون مختلف شكراَ بحجم السماء .. سيدي .. |
نقرا من العتمة , (ملامح هامش) , قراية عمى
من دون سطر المبصرين نعيش ,, بـ احساس العُمي,! نص عميق وفآتن ذائقه تصل لــ سمآء ثآمنه سلمت ذائقتك المخمليه التي تبهرنآ وطبت كمآ شئت يآ نقي ,,, |
اهلا ياغالين منورين
ربي يسعدكم ويرعاكم |
| الساعة الآن 11:29 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010