منتديات بعد حيي

مدخل

أبعتذر
كيف أعتذر ؟
و أنآ أحس إن الخطأ /
مني أنآ و إنتي سوآ !
( إثنينآ خنآ بعض * )
لمآ تسآهلنآ البطآ ،
لمآ بخلنآ بـ العطآ !

عمق

يا طفلة الروح ملّ الصدر من كبته
كوني لي البوح فكّي عني أصفادي !

تعالي أسقيك دمع و كوني النبته
كوني هناي و غناي و فرحة أعيادي !

هليت دمعي و دمع مكابري عبته
طيفك يجاهد عيوني و أخسر جهادي !

من كثر ماني ظمأ شوفك تشربته
صار اليباس بعيوني يشبه الكادي !

الحزن حاول يشرّق بي و غربته
وجهّت به للصباح و وجهك البادي !

رغم إن هذا الوفاء يبعد و قرّبته
مازلت أنا الوافي اللي خنت ميعادي !

قلتي : تجي نطير يمّ الغيم و أسربته
قلت : السما ضحكتك و عيونك أبعادي !

أسف إذا الظن بالتحليييق خيبّته
عذري سجين الوجع و الجرح جلادي !

أبقى بروحك طرب و الشعر غيبّته
حتى لو أصغر شعر بأفواه نقّادي !

بالصدر ينبت شموخن ما وقف نبته
أسقوه ربعي و أنا اللي للعطش حادي !

ما بان فعل الجميل إلا و صوبّته
عشت أكسب الطيبه ما كنت مترادي !

ماكنت أهاب الرحيل إيلين ما هبته
ما كنت أخاف الوصال و كنت متمادي !

أبرحل بعيد ، شيخ القرب أغضبته
و أنسى الغلا و الحنين و ريحة بلادي !

خلآلآص بكره يملوا من مخاطبته
ذاك الغريب العجيب المزعج الهادي !

يقول : عفت البشر و الشعر جنبّته
تكاثروا لين صرت أعوف مقعادي !

و أنا معه قلت هذا حدّي و تبته
و كفّارة الشعر تملا عين حسادي !

ياكم واحد طرى ببالي محاربته
و علّو قدري منعني أصير متعادي !

حسّاد شعري تعالوا قصّوا رقبته
تفاخروا في رحيله و إطربوا عاااااااادي !

عزّوا بي اللي ليالي جيت و أطربته
هيجنت له قصتي من شمس ميلادي !

قولوا له القلب بالتسبيح طيبّته
و إني موجّه ركابي مفرق الوادي !

إستغفر الله عن كل ذنبٍ أذنبته
أنا بجاه الكريم الواحد الهادي !

يبقى الكثير و كثير أموت ما جبته
و أموت ما جبت شيٍ جابه أجدااادي !

مخرج

جبّ لي معآك ( نعآس )
يا فآقد الإحسآس !
و إن مآ قدرت / أرجوك
جب لي معك صدمه
بـ أعيش دون أنفآآآآآس
و أدآعب جرآحي !
و أطرد نعآسي يأس
و أصحى و أنآ صآحي

لأرواحكم العذبه