|
زمان الغصن
مدخل انتم مين ؟! / أنا من باقي الأحباب حنين و طيـــن.../ . . أنا اللي ما كتب صوته وبعد مرت كثير سنين قروه النـاس في موته و جيتوا أغنية مقفين و أنا باقي حنين و طين و أبسألكم / أنا من باقي الأحباب إنتم مين؟! . . . / أنا عندي حنين .../ عمق يرّف الصبح عصفور الحنين و يرتعش بي غي و أنا في خاطري حاجة و صبح آخـر على لساني . عرفت اكتب على الما حلم بأقلام القلق و الضي و لا واحـد من أحبـابي عرف يحلم و يـقـراني . أمرّ غصونهم جردا يبــاس و لا عليهـا شي و أنا نفس الطيور اللي على أغصاني على أغصاني . صباحٍ كل ما مريت زحمة مـدرسة في الحي حنيـنٍ مـا عرفت لـ مين ؟! مرّ و مـا تعداني . أنـا ذاك الزمـان اللي بقى بين الحنايـا حي نسيت أنسى و أخـاف إني متى ما أتذكر أنساني . بقى للشمس في طيني شقوق و للسنـابل فيّ سمـار القمح في ظـاهر يديني يشبه أحـزاني . و أحس إني متى ما اكتب عن جروحي تتوه إيدّي و أضيع و كن ما غيري إذا ما ضعت يلقـاني . أقلّب صمتي البـاقي على صوتي يفز المي و يجي في صفحته وجـهٍ من النسيـان يقراني مخرج وجهك المنفي على أوراقك تعـب صمتك المبحـوح لا عز الكـلام . ليتني مـا قلت لك طـاح الحطب لاجل يبقى عذر لا احتجت الملام . الكتـابة حـلـم و الواقع صعب ودي أكتب شي في صدري و أنام . من زمـان الغصن يملاني العتب لين ما باقي غصون و لا حمـام . يا عروق الريـح حنجرتي قصب نـاي الأيام و مواويل الظـلام . ودي أكتب بعض حزني ما انكتب إن لقيت الحزن ضيّعت الكلام . . لاأرواحكم النقيه |
نص مبهر يلامس الإحساس
لاغرابه لمن تعودنا منه الرقي والتميز تبهرنا دوما يانقي لاعدمناك،، |
تسلم الايادي
ويعطيكم الف عافيه علي طيب الانتقاء راقي بكل حالاتك |
هلابك براق وأشكرك ع النقل
لاعـــــــــدمنا وجووودك. |
منورين الله يسعدكم
جميعا مودتي |
| الساعة الآن 12:03 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010