كدة سنين العمر راحت خساره
 

[poem=font="simplified arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]

العمر يامشعل تدهور خضاره=والوجه لاح بعارضه لايح الشيب
وريح الزمان الشين جانا غباره=وغطى طواليع الفياض المعاشيب
وبعض الطبوع العوج زاد انتشاره=وحطت حيانا تحت سيف القصاصيب
وجتنا سواليف العفون بغزاره=اللي تبث هروجها بالحواسيب
وزمل الندى الطيب تشكي هجاره=والعايفه ترمى بسوق الجلاليب
وكدة سنين العمر راحت خساره=نعطي حقوق ولا تجينا مطاليب
والشهم عند النذل ماله وقاره=والله يعينه من هروج الزواريب
اما يهون برغبته واختياره=او يلتحق باهل الطرب واللواعيب
او ينعثر بالدرس قبل اختباره=ولا يرتجي مثل الضويحي معازيب
اللي لهم بأدنى سكاكا مناره=مثل الحرار بعاليات المراقيب
بكـفــوفـهــم حــازوا مـقام الصداره=ونالوا فخرهم دون شك ولا ريب
واللي ظهر صيته وشاع انتصاره=يصبر على غمزة حمير المشاعيب
دام الندى والطيب تم احتكاره=لاهل الفلوس الرايجه والمناصيب
وزبدة حديث الراويه واختصاره=للي دروبه مايلات وحراديب
يـالـيـــت لـخـــبـــول الاوادم وزاره=ترسل لـتـوضيـح الحـقايـق مـناديب
لاجـل الذي غـادر مدارج مطـاره=من قبل لايـجـري صيانه وتـوضـيب
يـمـلـخ يـظـن الـطـيـب مـزة زقـاره=والـمـرجـلـه تـاتـي بـفـتـل الاشانـيب
والنمـل جـنـحــانـه سـبـايـب دمـاره=والعـين له طـب ومنـاظر وتشطيب
والـنـار تـبـدى والسبـايـب شـراره=وان ماطفـت ترمي بـزود اللواهيب
والـغـرب شـادوا بـالـثــريـا حـضاره=وحـطـوا بلـهـجـات المـخاليق تعريب
وخلوا دقـيـق السلـك ينقل حراره=وصار الهواء يـنـقـل علوم ومكاتـيب
وحـطـوا مواتـرنـا بـحـوض وغـمـاره=والـمـاء يـدوج بلا فـضاوه وتسريب
وبالليل يـمـشـي بالـبـضـايـع قـطـاره=وسـط السهال الـنـايـدات المجاديب
وصاروخهم يـقـصـف بـثـقل ومهاره=وهو بالسماء يـمـشـي بلـيــا مقاضيب
وحـطــوا قـمــر يـمشي ويتبع مداره=ولايشتعل جـسـمـه بنار المشاهيب
وشادوا صناعتهم على راس قاره=وصاغوا على الذره مجاهر وتخـصيب
تـفـرض عـلـى كـل الخـلايـق قـراره=ويلقون وسط الناس قيـمه وتوجيب
وحــنـــا سـوالـفـــنــا حــلــوم وعـيــاره=وكل بـأبـن عـمـه يصـوغ الشواذيب
صـغـــيــرنــا يـتـــبــــع عـواجــة كــبـــاره=وهذاك شيخ وذاك ولد الحـطاطيب
نفخر بفعل اللي غزى بيت جاره=والشغل في كسب المعيشه غدى عيب
وماكنت اظن السرق يصبح شطاره=والشغل يـمـسي من كبار العذاريب
ويـتـيـمـنــا يـشـكــي غـبــون ومـراره=والجـوع فــي جـوفـه رمـاح وكلاليب
يـقـضـب علـى بـاب الجـمـاعه خفاره=ولا له سوى رب البشر عـالم الغيب
وهـذا شـكـى عـمــه يـعــدل جـداره=وهـذا ضـرب خـاله بشـين المضاريب
وهذا رمـى الـغـافـل بكـذب ودعاره=يكذب ولايلـقـى من الناس تكـذيب
وهـذا ولــد رجـــل حـــلالــه حــمــاره=وهــذا ولــد رجــل يـحـوز المـنـاجيب
وحـنــا نـعـيـش الـعـمـر داخل مغاره=وافـخـارنـا بـفـعـول جـسـاس وكلـيب
نـفـخــر بــنــاس مـا تـبـعـــنــا مـسـاره=وصـرنـا نـخــالـفـهــم بـكــل الـمـشاريب
ودام الـعـقـــول الـيـوم هـذا شـعــاره=تـنـبــح وقـطـعان الـغـنم شـاله الذيب
نبقى عـلـى هون الدهر وانحداره=دام الردى يرقى على هامة الطيب
والـطـيـب لـلـــي فـــاتــح بــاب داره=ويـمـشـي بـدرب الـمرجله والمواجيب
في مـجـلـس يـجـمــع روايــح بـهـاره=عـنــد الــدلال الـمـتـعـبــات الـمحاديب
ولا حـط زيـجــات الـعــذارى تجـاره=يـبـي الـمـرابـح فـي مـهـور الرعـابـيب
ولاقــاد لاطــراف الاجــاويــد غــاره=يـذبـح ويـصـلـخ في ظلام السراديب
ويـضـحـك بـمن يكسب بجهد وجداره=تـحت الغروس اليانـعات المراطيب
الـصـبــح يـركــض لـيـن يـقــفــي نـهاره=ويقـضي سواد الليل وسط المحاريب
هـذا الـــذي لامـــات مـوتــــه خـســاره=مثل الـنـجــوم الـغـايـبــات الـمغاريب
رجـل حــذف بـأول حـيـــاتــه جـمــاره=واقـفـى وخـلاها وهـو طـاهر الجيب
[/poem]

لله دك يابوفهــــــد وصح لسانك بحجم الكووون
رااائعة بكل ماتحمله الكلمة من معنى
تقبل حضوري لاعـــــــــدمنا وجووودك.