الحــزن
 

https://c1.staticflickr.com/3/2806/9...2cfef32a_m.jpg

الحِزن في صوتك أزعـج ساكنـي

لين صار الكون من حولي حزيـن

غصب عنَّي حِزن صوتك هاجنـي

لين خلَّى عاصـي المعنـى يليـن

وأمتثل حرف القصيـد وعادنـي

وأنسكب حِزنك على شِعري حنين

شلت أنا حِزنك وحِزنك شالنـي

تكتم الصرخه وينسـاب الأنيـن

شِفت حِزنك كيف حِزنك شافني

كيف داهم خلوتي فـي لحظتيـن

طير أنا مِثلـك زمانـي ضامنـي

جرَّحتني مثلك سيـوف السَّنيـن

صابك الَّلي مِـن زمـانٍ صابنـي

في معاليق الحشـا جرحـه دفيـن

كلَّمـا ودَّعـت هـمٍ زارنــي

مِن عذاب الوجد بيَّـاح الكنيـن

الفرح عقـب الصَّداقـه عافنـي

وخافت البسمه على وجهي تبيـن

طيري يالَّلي صوت حِزنك هاضني

الله الَّلـي ينتصـر للصَّابـريـن

شعر / دايم السيف

تقبلوا ودي

ذائيقه راقيه
تسلم الايادي
يسعد قلبك
ويعطيك الف عافي